| ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠱᠣᠣ ᠪᠠᠯᠭᠠᠰᠤ ᠶᠢᠨ ᠴᠠᠶᠢᠳᠠᠮ ᠭᠠᠴᠠᠭᠠ ᠪᠠᠷ ᠨᠤᠲᠤᠭ ᠲᠠᠢ ᠠᠷᠠᠳ ᠤᠨ | ᠤᠷᠠᠯᠢᠭᠴᠢᠨ ᠮᠠᠭᠰᠤᠷᠵᠠᠪ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠪᠢᠴᠢᠭ ᠰᠣᠶᠣᠯ ᠰᠤᠷᠬᠤ ᠳᠤᠷᠠᠲᠠᠢ ᠪᠥᠭᠡᠳ ᠳᠠᠭᠤᠤ | ᠤᠷᠠᠯᠢᠭ ᠲᠣ ᠣᠨᠴᠠ ᠠᠪᠢᠶᠠᠰᠯᠢᠭ ᠬᠡᠦᠬᠡᠳ ᠪᠠᠶᠢᠵᠠᠢ᠃ | ᠲᠡᠷᠡ ᠠᠷᠪᠠᠭᠠᠳ ᠨᠠᠰᠣᠨ ᠠᠴᠠ ᠪᠠᠨ ᠡᠬᠢᠯᠡᠨ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠪᠠᠶᠠᠨᠬᠤᠸᠠ ᠪᠠᠯᠭᠠᠰᠤ ᠶᠢᠨ | ᠤᠷᠠᠨ ᠰᠠᠶᠢᠬᠠᠨ ᠤ ᠲᠥᠯᠥᠭᠡᠯᠡᠭᠴᠢ ᠶᠢᠨ ᠪᠦᠯᠭᠦᠮ ᠲᠠᠢ ᠬᠠᠮᠲᠤ ᠬᠤᠰᠢᠭᠤᠨ ᠤ ᠬᠠᠷᠢᠭᠤ ᠮᠡᠳᠡᠭᠦᠯᠦᠯᠲᠡ ᠶᠢᠨ | ᠳᠣᠬᠯᠠᠯᠳᠠ ᠳᠤ ᠣᠷᠣᠯᠴᠠᠵᠣ᠂ ᠳᠠᠭᠤᠯᠠᠵᠤ ᠪᠥᠵᠢᠭᠯᠡᠬᠦ ᠳᠡᠭᠡᠨ ᠤᠷᠠ ᠠᠪᠢᠶᠠᠰᠯᠢᠭ ᠪᠣᠯᠬᠤᠷ ᠦᠵᠡᠭᠴᠢ ᠣᠯᠠᠨ ᠤ | ᠪᠠᠭ᠋ᠠᠷᠬᠠᠯ ᠢ ᠲᠠᠲᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ | ᠮᠠᠭᠰᠤᠷᠵᠠᠪ ᠠᠮᠢᠳᠤᠷᠠᠯ ᠤᠨ ᠡᠷᠬᠡ ᠪᠠᠷ ᠠᠬᠠ ᠪᠡᠷᠭᠡᠨ ᠢᠶᠠᠨ ᠳᠠᠭᠠᠵᠣ᠂ ᠤᠤᠯ ᠤᠨ ᠴᠠᠶᠢᠳᠠᠮ ᠰᠤᠮᠤ ᠶᠢᠨ | ᠴᠠᠶᠢᠳᠠᠮ ᠭᠠᠴᠠᠭᠠᠨ ᠳᠤ ᠠᠶᠢᠯ ᠡᠷᠦᠭᠡ ᠪᠣᠰᠬᠠᠵᠤ᠂ ᠬᠤᠶᠠᠷ ᠥᠬᠢᠨ᠂ ᠨᠢᠭᠡ ᠬᠥᠪᠡᠭᠦᠨ ᠢᠶᠠᠨ ᠰᠣᠶᠣᠯ ᠰᠤᠷᠭᠠᠨ | ᠬᠥᠮᠦᠵᠢᠯ ᠬᠦᠷᠲᠡᠭᠡᠨ᠂ ᠬᠡᠦᠬᠡᠳ ᠨᠢ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠬᠡᠭᠡᠳ ᠣᠳᠣ ᠪᠦᠷ ᠤᠯᠤᠰ ᠤᠨ ᠠᠯᠪᠠ | ᠬᠠᠭᠠᠵᠤ ᠥᠩᠭᠡ ᠥᠭᠡᠳᠡ ᠲᠠᠢ ᠠᠵᠢᠯᠯᠠᠵᠤ ᠠᠮᠢᠳᠤᠷᠠᠵᠤ ᠶᠠᠪᠤᠨᠠ᠃ | ᠳᠡᠷᠡ ᠵᠠᠯᠠᠭᠤ ᠨᠠᠰᠣᠨ ᠠᠴᠠ ᠪᠠᠨ ᠵᠢᠷᠠᠨ ᠨᠠᠰᠤ ᠭᠦᠷᠳᠡᠯᠡ ᠠᠶᠢᠯ ᠬᠤᠳᠡ ᠳᠠᠭᠠᠨ ᠰᠢᠪᠠᠷᠴᠢᠨ᠂ ᠪᠠᠷᠢᠯᠭᠠᠴᠢᠨ᠂ | ᠮᠠᠯᠴᠢᠨ ᠵᠡᠷᠭᠡ ᠣᠯᠠᠨ ᠲᠦᠷᠦᠯ ᠤᠨ ᠠᠵᠢᠯ ᠬᠢᠵᠦ᠂ ᠠᠮᠢᠳᠤᠷᠠᠯ ᠤᠨ ᠵᠠᠷᠤᠳᠠᠯ ᠢᠶᠠᠨ ᠰᠶᠢᠳᠪᠦᠷᠢᠯᠡᠨ᠂ ᠠᠶᠢᠯ | ᠡᠷᠦᠭᠡ ᠪᠠᠨ ᠥᠭᠡᠳᠡ ᠲᠠᠲᠠᠵᠤ᠂ ᠲᠡᠰᠪᠦᠷᠢ ᠬᠠᠲᠠᠭᠤᠵᠢᠯᠲᠠᠢ ᠠᠵᠢᠯᠯᠠᠵᠤ ᠠᠮᠢᠳᠤᠷᠠᠵᠤ ᠢᠷᠡᠵᠡᠢ᠃ ᠲᠠᠷᠠ ᠬᠡᠳᠦ᠋ᠪᠡᠷ | ᠬᠠᠷᠠ ᠪᠣᠷᠣ ᠠᠵᠢᠯ ᠬᠢᠵᠦ ᠶᠠᠪᠤᠭᠰᠠᠨ ᠴᠦ ᠦᠨᠳᠦᠰᠦᠲᠡᠨ ᠤ ᠳᠠᠭᠤᠤ ᠤᠷᠠᠯᠢᠭ ᠢᠶᠠᠨ ᠬᠦᠨᠳᠦᠳᠬᠡᠨ ᠳᠡᠭᠡᠳᠤᠯᠡᠵᠦ᠂ | ᠳᠠᠭᠤᠤ ᠶᠢᠨ ᠰᠢᠯᠦᠭ ᠪᠢᠴᠢᠬᠦ᠂ ᠳᠠᠭᠤᠤ ᠶᠢᠨ ᠠᠶᠠ ᠵᠣᠬᠢᠶᠠᠬᠤ ᠵᠢᠴᠢ ᠤᠰᠠᠳᠴᠤ ᠮᠠᠷᠲᠠᠭᠳᠠᠵᠤ ᠪᠠᠶᠢᠭᠠ | ᠠᠷᠠᠳ ᠤᠨ ᠳᠠᠭᠤᠤ ᠶᠢ ᠡᠮᠬᠢᠳᠬᠡᠨ ᠴᠤᠭᠯᠠᠭᠤᠯᠬᠤ ᠠᠵᠢᠯ ᠢ ᠳᠠᠰᠣᠷᠠᠯᠳᠠ ᠦᠭᠡᠢ ᠪᠠᠷᠢᠮᠲᠠᠯᠠᠨ ᠬᠢᠵᠦ ᠢᠷᠡᠭᠰᠡᠨ | ᠪᠠᠶᠢᠯᠠ᠃ | ᠲᠠᠷᠠ ︽ᠴᠠᠶᠢᠳᠠᠮ ᠨᠤᠲᠤᠭ ᠮᠢᠨᠢ︾᠂ ︽ᠤᠨᠠᠭᠠ ᠶᠢᠨ ᠮᠠᠩᠬᠠ︾᠂ ︽ᠨᠤᠲᠤᠭ ᠤᠨ ᠭᠤᠷᠪᠠᠨ ᠰᠢᠲᠦᠭᠡᠨ︾᠂ | ︽ᠠᠯᠲᠠᠢ ᠣᠪᠣᠭᠠ︾᠂ ︽ᠪᠠᠶᠠᠨᠬᠤᠸᠠ ᠨᠤᠲᠤᠭ ᠮᠢᠨᠢ︾ ᠵᠡᠷᠭᠡ ᠠᠷᠪᠠᠭᠠᠳ ᠳᠠᠭᠤᠤ ᠶᠢᠨ ᠪᠦᠲᠦᠭᠡᠯ ᠲᠠᠢ | ᠮᠥᠷᠲᠡᠭᠡᠨ ᠳᠡᠭᠡᠷᠡ ᠵᠠᠭᠤᠨ ᠤ ᠵᠢᠷᠠ᠂ ᠳᠠᠯᠠᠭᠠᠳ ᠣᠨ ᠳᠤ ᠮᠠᠷᠲᠠᠭᠳᠠᠵᠤ ᠣᠷᠬᠢᠭᠳᠠᠭᠰᠠᠨ ᠬᠠᠭᠤᠴᠢᠨ | ᠵᠣᠬᠢᠶᠠᠯ ᠤᠨ ᠳᠠᠭᠤᠤ ᠢᠢ ᠬᠤᠷᠢᠶᠠᠨ ᠴᠤᠭᠯᠠᠭᠤᠯᠵᠤ᠂ 800 ᠭᠠᠷᠤᠢ ᠳᠠᠭᠤᠤ ᠲᠠᠢ ︽ᠡᠷᠭᠢᠵᠦ ᠰᠠᠨᠠᠭᠳᠠᠬᠤ | ᠠᠶᠠᠯᠭᠤ︾ ᠭᠠᠷ ᠪᠢᠴᠢᠮᠡᠯ ᠳᠠᠭᠤᠤ ᠶᠢᠨ ᠲᠡᠭᠦᠪᠦᠷᠢ ᠶᠢ ᠡᠮᠬᠢᠳᠬᠡᠨ ᠨᠠᠶᠢᠷᠠᠭᠤᠯᠵᠤ ᠳᠡᠪᠲᠡᠷᠯᠡᠭᠰᠡᠨ ᠪᠠᠶᠢᠨᠠ᠃ | ᠳᠡᠷᠡ ᠮᠠᠨᠢ 2014 — 2020 ᠣᠨ ᠪᠤᠯᠳᠠᠯᠠ᠂ ᠬᠤᠰᠢᠭᠤ ᠪᠠ ᠬᠤᠳᠠ ᠶᠢᠨ ᠷᠠᠳᠢᠣ᠋ ᠲᠤᠯᠸᠢᠰ ᠬᠤᠷᠢᠶᠠ | ᠠᠴᠠ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠠᠷᠠᠳ ᠤᠨ ᠳᠠᠭᠤᠤ ᠶᠢᠨ ᠤᠷᠤᠯᠳᠤᠭᠠᠨ ᠮᠥᠷᠦ᠋ᠴᠡᠭᠡᠨ ᠢᠶᠠᠷ ᠤᠷᠠ ᠠᠪᠢᠶᠠᠰ ᠢᠶᠠᠨ | ᠪᠠᠳᠠᠷᠠᠭᠤᠯᠤᠨ ᠤᠯᠠᠨ ᠰᠠᠶᠢᠬᠠᠨ ᠱᠠᠩᠨᠠᠯ ᠬᠥᠬᠢᠭᠦᠯᠦᠯ ᠢ ᠵᠠᠯᠭᠠᠭᠠ ᠪᠠᠷ ᠲᠤᠰᠴᠦ ᠶᠠᠪᠤᠵᠠᠢ᠃ | 2016 ᠣᠨ ᠳᠤ᠂ ᠮᠠᠭᠰᠤᠷᠵᠠᠪ ᠬᠤᠰᠢᠭᠤᠨ ᠲᠡᠰ ᠤᠨ ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠤᠨ | ᠲᠥᠯᠥᠭᠡᠯᠡᠬᠦ ᠴᠢᠨᠠᠷᠲᠠᠢ ︽ᠠᠷᠠᠳ ᠤᠨ ᠳᠠᠭᠤᠤ︾ ᠢᠢᠨ ᠥᠪ ᠤᠯᠠᠮᠵᠢᠯᠠᠭᠴᠢ ᠪᠠᠷ ᠰᠣᠩᠭᠤᠭᠳᠠᠪᠠ᠃ | ᠲᠡᠷᠡ ᠪᠠᠷ ᠠᠷᠠᠳ ᠤᠨ ᠳᠠᠭᠤᠤ ᠪᠠᠨ ᠬᠤᠶᠢᠴᠢ ᠦᠶᠡ ᠳᠡᠭᠡᠨ ᠥᠪᠯᠡᠨ ᠤᠯᠠᠮᠵᠢᠯᠠᠵᠤ᠂ ᠥᠪ | ᠤᠯᠠᠮᠵᠢᠯᠠᠭᠴᠢ ᠶᠢᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠭᠦᠢᠴᠡᠳᠬᠡᠨ᠂ ᠦᠳᠡᠯᠦᠭᠡ ᠨᠠᠰᠤ ᠪᠠᠨ ᠪᠠᠶᠠᠷ ᠭᠦᠷ ᠲᠠᠢ | ᠥᠩᠭᠡᠷᠡᠭᠦᠯᠵᠦ ᠶᠠᠪᠤᠨᠠ᠃ | |