| ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠮᠣᠩᠭᠤᠯᠴᠣᠳ ᠤᠨ ᠬᠤᠪᠴᠠᠰᠣ ᠵᠠᠰᠠᠯ ᠤᠨ ᠬᠡᠯᠪᠡᠷᠢ | ᠮᠠᠶ᠋ᠢᠭ ᠨᠢ ᠴᠢᠩ ᠣᠯᠣᠰ ᠤᠨ ᠦᠶᠡ ᠳᠤ ᠬᠦᠷᠴᠦ ᠢᠷᠡᠭᠡᠳ ᠮᠠᠨᠵᠣ ᠦᠨᠳᠦᠰᠦᠳᠡᠨ ᠤ ᠬᠤᠪᠴᠠᠰᠣ ᠵᠠᠰᠠᠯ ᠢ ᠶᠡᠭᠡ | ᠯᠠ ᠲᠠᠭᠤᠷᠢᠶᠠᠪᠠ᠃ ᠲᠣᠬᠠᠢ ᠶᠢᠨ ᠦᠶᠡ ᠠᠴᠠ ᠮᠣᠩᠭᠤᠯ ᠬᠦᠮᠦᠨ ᠤ ᠬᠤᠪᠴᠠᠰᠣ ᠲᠡᠪᠡᠯ ᠢ ᠲᠦᠷᠦ ᠶᠢᠨ | ᠬᠤᠪᠴᠠᠰᠣ ᠪᠠ ᠶᠡᠷᠦ ᠶᠢᠨ ᠬᠤᠪᠴᠠᠰᠣ ᠭᠡᠵᠤ ᠢᠯᠭᠠᠳᠠᠭ᠃ ᠸᠠᠩ ᠭᠦᠩ ᠠᠴᠠ ᠲᠣᠷᠣᠭᠰᠢᠬᠢ ᠬᠡᠷᠡᠬᠡᠮᠳᠡᠨ᠂ | ᠲᠦᠰᠢᠮᠡᠳ ᠴᠦᠮ ᠴᠢᠩ ᠣᠯᠣᠰ ᠠᠴᠠ ᠲᠣᠭᠳᠠᠭᠠᠭᠰᠨᠨ ᠵᠡᠷᠭᠡ ᠲᠡᠰ ᠤᠨ ᠢᠯᠭᠠᠭᠠ ᠪᠠᠷ ᠬᠠᠳᠬᠤᠮᠠᠯ ᠲᠠᠢ | ᠬᠤᠪᠴᠠᠰᠣ ᠡᠮᠦᠰᠳᠡᠭ᠃ ᠦᠷᠭᠡᠨ ᠣᠯᠠᠨ ᠮᠣᠩᠭᠤᠯᠴᠣᠳ ᠴᠢᠩ ᠣᠯᠣᠰ ᠲᠤ ᠴᠡᠷᠢᠭ ᠤᠨ ᠠᠯᠪᠠ ᠬᠠᠰᠢᠬᠤ | ᠡᠭᠦᠷᠭᠡ ᠲᠠᠢ ᠪᠦᠭᠡᠳ ᠴᠡᠷᠢᠭ ᠤᠨ ᠬᠤᠪᠴᠠᠰᠣ ᠪᠠᠨ ᠴᠦ ᠦᠪᠡᠷᠳᠡᠭᠡᠨ ᠪᠡᠯᠡᠳᠭᠡᠳᠡᠭ᠃ ᠲᠡᠳᠡᠨ ᠤ ᠡᠩ ᠤᠨ | ᠬᠤᠪᠴᠠᠰᠣ ᠨᠢ ᠮᠥᠨ ᠮᠣᠩᠭᠤᠯ ᠬᠤᠪᠴᠠᠰᠣ ᠪᠠᠶᠢᠪᠠ᠃ ᠡᠩ ᠤᠨ ᠮᠣᠩᠭᠤᠯᠴᠣᠳ ᠮᠥᠨ ᠮᠣᠩᠭᠤᠯ ᠲᠡᠪᠡᠯ ᠲᠡᠷᠯᠢᠭ | ᠢᠶᠠᠨ ᠡᠮᠦᠰᠳᠡᠭ ᠪᠣᠯᠪᠠᠴᠣ ᠲᠣᠳᠣᠷ ᠬᠤᠪᠴᠠᠰᠣ ᠶᠢᠨ ᠶᠠᠩᠵᠣ ᠬᠡᠯᠪᠡᠷᠢ ᠨᠢ ᠮᠠᠨᠵᠣ ᠦᠨᠳᠦᠰᠦᠳᠡᠨ ᠪᠠ ᠬᠢᠳᠠᠳ | ᠦᠨᠳᠦᠰᠦᠳᠡᠨ ᠤ ᠮᠠᠶ᠋ᠢᠭ ᠤᠨ ᠪᠣᠯᠵᠣ ᠬᠤᠪᠢᠷᠠᠪᠠ᠃ ᠡᠷᠡᠭᠳᠡᠶᠢᠴᠣᠳ ᠤᠨ ᠮᠣᠩᠭᠤᠯ ᠲᠡᠪᠡᠯ ᠨᠢ ᠠᠭᠤᠵᠢᠮ | ᠮᠦᠷᠳᠡᠭᠡᠨ ᠣᠨᠣᠭᠤ ᠦᠭᠡᠢ᠂ ᠬᠠᠨᠴᠣᠢ ᠣᠷᠳᠣ᠂ ᠵᠠᠬᠠ ᠨᠢ ᠦᠨᠳᠦᠷ᠂ ᠪᠦᠰᠡ ᠪᠦᠰᠡᠯᠡᠪᠡᠯ ᠰᠠᠯᠬᠢᠨ ᠪᠠ | ᠬᠦᠢᠳᠡᠨ ᠢ ᠬᠠᠯᠠᠭᠯᠠᠵᠣ ᠡᠪᠦᠯ ᠤᠨ ᠴᠠᠭ ᠲᠤ ᠮᠠᠯ ᠬᠠᠷᠢᠭᠤᠯᠬᠤ᠂ ᠮᠣᠷᠢ ᠣᠨᠣᠬᠤ ᠳᠤ ᠡᠪᠦᠳᠦᠭ ᠲᠠᠷᠣᠵᠣ | ᠲᠣᠯᠠᠭᠠᠯᠠᠳᠠᠭ᠃ ᠵᠣᠨ ᠤ ᠴᠠᠭ ᠲᠤ ᠪᠠᠳᠠᠭᠠᠨᠠ ᠪᠠ ᠬᠠᠯᠠᠭᠤᠨ ᠨᠠᠷᠠ ᠶᠢ ᠬᠠᠯᠠᠭᠯᠠᠵᠣ᠂ ᠴᠢᠨᠠᠭᠰᠢᠯᠠᠨ | ᠡᠳᠦᠷ ᠲᠤ ᠪᠠᠨ ᠡᠮᠦᠰᠴᠦ ᠰᠦᠨᠢ ᠳᠤ ᠪᠠᠨ ᠨᠦᠮᠦᠷᠴᠦ ᠪᠣᠯᠳᠠᠭ᠃ ᠮᠣᠩᠭᠤᠯ ᠬᠤᠪᠴᠠᠰᠣ ᠶᠢ ᠬᠢᠬᠦ ᠳᠤ᠂ ᠭᠡᠷ ᠤᠨ | ᠴᠢᠨᠡᠭᠡᠯᠢᠭ ᠬᠡᠮᠵᠢᠶᠡ ᠪᠣᠶᠣ ᠣᠯᠠᠷᠢᠯ ᠢ ᠢᠯᠭᠠᠵᠣ᠂ ᠲᠣᠷᠭᠠ ᠲᠣᠷᠳᠣᠩ᠂ ᠴᠢᠰᠴᠣ ᠮᠠᠶᠢᠨᠴᠣ ᠪᠣᠯᠣᠨ ᠪᠦᠰ ᠤᠨ | ᠪᠠᠷᠠᠭᠠ ᠪᠠᠷ ᠬᠢᠳᠡᠭ᠃ ᠡᠪᠦᠯ ᠳᠤ ᠪᠠᠨ ᠲᠣᠳᠣᠷᠠ ᠬᠠᠨᠳᠠᠭᠠᠰᠣ᠂ ᠬᠤᠨᠢᠨ ᠠᠷᠠᠰᠣᠨ ᠲᠡᠪᠡᠯ᠂ ᠣᠣᠵᠢ ᠡᠮᠦᠰᠦᠨᠡ᠃ | ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠮᠣᠩᠭᠤᠯᠴᠣᠳ ᠮᠠᠯᠠᠭᠠᠢ ᠶᠢ ᠲᠣᠩ ᠬᠦᠨᠳᠦᠳᠭᠡᠳᠡᠭ᠃ | ᠶᠠᠮᠠᠷᠴᠦ ᠶᠣᠰᠣᠯᠠᠯ ᠨᠠᠶᠢᠷ ᠨᠠᠭᠠᠳᠣᠮ ᠳᠤ ᠴᠦᠮ ᠮᠠᠯᠠᠭᠠᠢ ᠵᠡᠭᠦᠳᠡᠭ᠃ ︵ᠪᠦᠸᠧ ᠸᠠᠩ ᠬᠤᠰᠢᠭᠤᠨ ᠤ | ᠮᠣᠩᠭᠤᠯᠴᠣᠳ ᠮᠠᠯᠠᠭᠠᠢ ᠵᠡᠭᠦᠭᠦ ᠶᠢ ᠴᠦᠮ ᠮᠠᠯᠠᠭᠠᠢ ᠡᠮᠦᠰᠬᠦ ᠭᠡᠳᠡᠭ︶ ᠡᠶᠢᠮᠦ ᠦᠶᠡᠰ ᠶᠡᠷᠦ ᠠᠴᠠ ᠮᠠᠯᠠᠭᠠᠢ ᠦᠭᠡᠢ | ᠨᠢᠴᠦᠭᠦᠨ ᠲᠣᠯᠣᠭᠠᠢ ᠪᠠᠷ ᠶᠠᠪᠣᠬᠤ ᠦᠭᠡᠢ᠃ ᠮᠠᠯᠠᠭᠠᠢ ᠶᠢ ᠬᠠᠪᠣᠷ ᠨᠠᠮᠣᠷ ᠬᠠᠷᠠ ᠬᠤᠷᠠᠭᠠᠨ ᠠᠷᠠᠰᠣ᠂ ᠬᠢᠯᠢᠩ | ᠬᠠᠷᠠ ᠦᠭᠡᠳᠡᠩ ᠬᠠᠳᠠᠭᠰᠠᠨ ᠲᠦᠭᠦᠷᠢᠭᠡᠨ ᠮᠠᠯᠠᠭᠠᠢ᠂ ᠶᠣᠰᠣᠯᠠᠯ ᠤᠨ ᠮᠠᠯᠠᠭᠠᠢ᠂ ᠵᠣᠨ ᠳᠤ ᠪᠠᠨ ᠶᠠᠩᠵᠣ ᠪᠦᠷᠢ | ᠶᠢᠨ ᠰᠡᠭᠦᠪᠴᠢᠳᠣ ᠰᠠᠷᠠᠪᠴᠢᠳᠠᠢ ᠪᠦᠰ ᠮᠠᠯᠠᠭᠠᠢ ᠪᠣᠶᠣ ᠰᠡᠷᠢᠭᠦᠨ ᠡᠪᠡᠰᠦᠨ ᠮᠠᠯᠠᠭᠠᠢ᠂ ᠡᠪᠦᠯ ᠳᠤ ᠪᠠᠨ ᠲᠦᠷᠪᠡᠨ | ᠴᠢᠬᠢᠳᠡᠢ ᠦᠨᠡᠭᠡᠨ ᠮᠠᠯᠠᠭᠠᠢ᠂ ᠭᠤᠵᠣᠭᠤᠷ ᠲᠣᠬᠤ ᠲᠠᠢ ᠡᠯᠪᠡᠩᠬᠦ ᠶᠢᠨ ᠦᠰᠦᠳᠡᠢ ᠮᠠᠯᠠᠭᠠᠢ᠂ ᠢᠰᠡᠭᠡᠢ ᠲᠣᠭᠤᠷᠴᠤᠭ | ᠵᠡᠷᠭᠡ ᠪᠠᠷ ᠰᠣᠯᠢᠵᠣ ᠬᠢᠵᠣ ᠡᠮᠦᠰᠳᠡᠭ᠃ ᠡᠮᠦᠰᠦᠭᠰᠡᠨ ᠮᠠᠯᠠᠭᠠᠢ ᠪᠠᠨ ᠬᠠ ᠶᠠ ᠦᠭᠡᠢ ᠬᠠᠶᠠᠬᠤ ᠦᠭᠡᠢ ᠲᠡᠭᠡᠷᠡ | ᠪᠠᠨ ︿︿ᠬᠤᠶᠠᠷ ᠬᠦᠮᠦᠨ ᠶᠠᠪᠣᠪᠠᠯ ᠨᠢᠭᠡ ᠨᠢ ᠠᠬᠠ᠂ ᠨᠢᠭᠡ ᠬᠦᠮᠦᠨ ᠶᠠᠪᠣᠪᠠᠯ ᠮᠠᠯᠠᠭᠠᠢ ᠨᠢ ᠠᠬᠠ﹀﹀ ᠭᠡᠵᠤ | ᠬᠦᠨᠳᠦᠯᠡᠨ᠂ ᠲᠠᠶᠢᠯᠵᠣ ᠠᠪᠣᠮᠠᠭᠴᠠ ᠪᠠᠨ ᠬᠠᠨᠠ ᠳᠤ ᠡᠯᠭᠦᠨ᠂ ᠰᠣᠯᠢᠭᠰᠠᠨ ᠢᠶᠠᠨ ᠲᠡᠭᠡᠷᠡ ᠬᠤᠷᠢᠶᠠᠳᠠᠭ᠃ | ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠮᠣᠩᠭᠤᠯᠴᠣᠳ ᠤᠨ ᠲᠡᠪᠡᠯ ᠳᠤ ᠰᠡᠩᠰᠡ ᠲᠡᠪᠡᠯ᠂ ᠬᠤᠷᠠᠭᠠᠨ | ᠲᠡᠪᠡᠯ᠂ ᠬᠤᠳᠠᠨ ᠲᠡᠪᠡᠯ᠂ ᠢᠯᠬᠢᠨ ᠲᠡᠪᠡᠯ᠂ ᠬᠦᠪᠦᠩᠳᠡᠢ ᠲᠡᠪᠡᠯ ᠵᠡᠷᠭᠡ ᠪᠠᠶᠢᠳᠠᠭ᠃ ᠲᠡᠷᠯᠢᠭ ᠲᠤ ᠬᠤᠶᠠᠷ ᠵᠦᠢᠯ | ᠪᠠᠶᠢᠳᠠᠭ᠃ ᠲᠠᠷᠣᠢ ᠲᠠᠩ ᠪᠦᠰ᠂ ᠲᠣᠷᠭᠠ ᠪᠠᠷ ᠬᠢᠭᠰᠡᠨ᠂ ᠨᠦᠭᠦᠭᠡ ᠨᠢ ᠬᠦᠪᠦᠩ ᠲᠠᠢ ᠭᠢᠭᠰᠡᠨ ᠭᠡᠵᠤ ᠢᠯᠭᠠᠨᠠ᠃ | ᠪᠦᠸᠧ ᠸᠠᠩ ᠬᠤᠰᠢᠭᠤᠨ ᠤ ᠮᠣᠩᠭᠤᠯᠴᠣᠳ ᠶᠡᠷᠦ ᠠᠴᠠ ᠲᠡᠷᠯᠢᠭ ᠭᠡᠵᠤ ᠬᠡᠯᠡᠳᠡᠭ ᠦᠭᠡᠢ᠂ ᠲᠠᠩ ᠴᠠᠮᠴᠠ ᠭᠡᠵᠤ᠂ | ᠬᠦᠪᠦᠩᠳᠡᠢ ᠶᠢ ᠨᠢ ᠣᠭᠴᠣᠷ ᠭᠡᠳᠡᠭ᠃ ᠡᠷᠡᠭᠳᠡᠶᠢᠴᠣᠳ ᠵᠣᠨ ᠤ ᠬᠠᠯᠠᠭᠤᠨ ᠳᠤ ᠬᠦᠭᠡ᠂ ᠴᠠᠭᠠᠨ ᠲᠠᠩ ᠴᠠᠮᠴᠠ | ᠡᠮᠦᠰᠳᠡᠭ᠃ ᠬᠠᠶᠠ ᠡᠪᠦᠯ ᠤᠨ ᠣᠯᠠᠷᠢᠯ ᠳᠤ ᠠᠷᠠᠰᠣᠨ ᠲᠡᠪᠡᠯ ᠤᠨ ᠢᠶᠠᠨ ᠲᠣᠳᠣᠷ ᠴᠠᠮᠴᠠ ᠪᠠᠨ ᠡᠮᠦᠰᠳᠡᠭ᠃ | ᠪᠦᠰᠡ ᠪᠦᠰᠡᠯᠡᠬᠦ ᠨᠢ ᠮᠣᠩᠭᠤᠯᠴᠣᠳ ᠤᠨ ᠲᠡᠪᠡᠯ ᠬᠤᠪᠴᠠᠰᠣ ᠪᠠᠨ ᠪᠡᠶᠡ ᠳᠤ ᠪᠠᠨ ᠲᠣᠬᠢᠷᠠᠭᠤᠯᠬᠤ᠂ ᠣᠳᠣᠷ | ᠨᠡᠭᠦᠳᠡᠯ ᠢᠶᠠᠷ ᠶᠠᠪᠣᠬᠤ᠂ ᠠᠳᠣᠭᠤ ᠮᠠᠯ ᠢᠶᠠᠨ ᠬᠠᠷᠢᠭᠤᠯᠬᠤ᠂ ᠠᠶᠠᠨ ᠵᠢᠩ ᠳᠤ ᠶᠠᠪᠣᠬᠤ᠂ ᠬᠠᠯᠠᠭᠤᠨ ᠬᠦᠢᠳᠡᠨ ᠢ | ᠲᠡᠩᠨᠡᠭᠦᠯᠵᠣ ᠵᠢᠪᠠᠷ ᠰᠠᠯᠬᠢ ᠠᠪᠬᠤ ᠶᠢ ᠰᠡᠷᠭᠡᠶᠢᠯᠡᠬᠦ ᠵᠡᠷᠭᠡ ᠳᠤ ᠲᠣᠳᠠᠭᠳᠠᠵᠣ ᠪᠣᠯᠣᠰᠢ ᠦᠭᠡᠢ ᠴᠢᠬᠤᠯᠠ ᠦᠢᠯᠡᠳᠦᠯ | ᠢ ᠦᠵᠡᠭᠦᠯᠦᠭᠰᠡᠭᠡᠷ ᠢᠷᠡᠭᠰᠡᠨ ᠶᠤᠮ᠃ ᠲᠠᠩ ᠭᠠᠭᠴᠠ ᠵᠠᠰᠠᠯ ᠴᠢᠮᠡᠭᠯᠡᠯ ᠤᠨ ᠡᠳ᠋ ᠪᠢᠰᠢ ᠶᠤᠮ᠃ ᠪᠦᠰᠡ ᠪᠣᠯ | ᠲᠠᠶᠠᠭᠠᠷ ᠮᠣᠩᠭᠤᠯᠴᠣᠳ ᠤᠨ ᠡᠮᠦᠰᠭᠡᠯ ᠬᠤᠪᠴᠠᠰᠣᠨ ᠳᠤ ᠲᠦᠭᠡᠮᠡᠯ ᠬᠡᠷᠡᠭᠯᠡᠳᠡᠳᠡᠭ ᠴᠢᠬᠤᠯᠠ ᠡᠳ᠋ᠯᠡᠯ ᠪᠣᠯᠣᠨᠠ᠃ | ᠪᠦᠸᠧ ᠸᠠᠩ ᠬᠤᠰᠢᠭᠤᠨ ᠤ ᠮᠣᠩᠭᠤᠯᠴᠣᠳ ᠪᠦᠰᠡ ᠶᠢ ᠶᠡᠷᠦ ᠨᠢ ᠣᠯᠠᠭᠠᠨ᠂ ᠨᠣᠭᠤᠭᠠᠨ᠂ ᠰᠢᠷᠠ᠂ ᠪᠣᠷᠣ ᠵᠡᠷᠭᠡ | ᠦᠩᠭᠡ ᠶᠢᠨ ᠲᠣᠷᠭᠠ ᠲᠣᠷᠳᠣᠩ ᠪᠣᠶᠣ ᠪᠦᠰ ᠢᠶᠠᠷ ᠬᠢᠳᠡᠭ᠃ ᠨᠢᠭᠡ ᠠᠴᠠ ᠬᠤᠶᠠᠷ ᠲᠣᠬᠤᠢ ᠦᠷᠭᠡᠨ ᠢᠶᠠᠷ᠂ | ᠶᠢᠰᠦᠨ ᠲᠣᠬᠤᠢ ᠣᠷᠳᠣ ᠬᠡᠮᠵᠢᠶᠡᠯᠡᠵᠣ ᠬᠢᠨᠡ᠃ ᠡᠷᠡᠭᠳᠡᠶᠢᠴᠣᠳ ᠡᠪᠦᠯ᠂ ᠬᠠᠪᠣᠷ᠂ ᠨᠠᠮᠣᠷ ᠤᠨ ᠣᠯᠠᠷᠢᠯ ᠳᠤ | ᠲᠡᠪᠡᠯ ᠢᠶᠠᠨ ᠪᠠᠭᠠ ᠠᠭᠰᠠᠭᠠᠨ ᠬᠦᠭᠡᠷᠭᠡᠵᠣ ᠪᠦᠰᠡᠯᠡᠳᠡᠭ᠃ ᠢᠳᠡᠷ ᠵᠠᠯᠠᠭᠤᠴᠣᠳ ᠵᠢᠯ ᠴᠠᠭᠠᠨ ᠰᠠᠷᠠ᠂ ᠬᠤᠷᠢᠮ | ᠨᠠᠶᠢᠷ ᠲᠡᠭᠡᠷᠡ ᠪᠦᠰᠡ ᠪᠠᠨ ᠠᠭᠠᠷᠴᠤᠭ ᠨᠢᠷᠣᠭᠤᠨ ᠳᠤ ᠪᠠᠨ ᠬᠤᠶᠠᠷ ᠴᠠᠴᠤᠭ ᠭᠠᠷᠭᠠᠵᠣ ᠪᠦᠰᠡᠯᠡᠨᠡ᠃ ᠪᠦᠰᠡ ᠶᠢ | ᠣᠷᠳᠣ ᠲᠡᠪᠡᠯ ᠤᠨ ᠢᠶᠠᠨ ᠲᠡᠭᠡᠭᠦᠷ ᠦᠷᠭᠡᠨ ᠢᠶᠠᠷ ᠪᠦᠰᠡᠯᠡᠵᠣ ᠡᠷᠡ ᠬᠦᠮᠦᠨ ᠤ ᠴᠤᠭ ᠰᠦᠯᠳᠡ ᠬᠡᠢ ᠮᠣᠷᠢ ᠪᠠᠨ | ᠮᠠᠨᠳᠣᠭᠤᠯᠵᠣ ᠪᠠᠶᠢᠳᠠᠭ᠃ ᠪᠦᠸᠧ ᠸᠠᠩ ᠬᠤᠰᠢᠭᠤᠨ ᠤ ᠬᠠᠨᠵᠢᠶᠠᠷᠢ ᠬᠦᠷᠮᠡ ᠶᠢ ᠪᠠᠷᠤᠭ ᠪᠦᠷ ᠣᠣᠵᠢ ᠭᠡᠵᠤ | ᠬᠡᠯᠡᠳᠡᠭ᠃ ᠲᠣᠬᠠᠢ ᠦᠶᠡ ᠳᠤ ᠣᠣᠵᠢ ᠨᠢ ᠡᠷᠡᠭᠳᠡᠶᠢᠴᠣᠳ ᠤᠨ ᠯᠠᠷᠵᠢᠶᠠ ᠰᠣᠷᠳᠣᠭᠤ ᠪᠣᠶᠣ ᠵᠠᠰᠠᠯ ᠤᠨ ᠡᠳ᠋ | ᠪᠠᠶᠢᠪᠠ᠃ ᠵᠢᠯ ᠴᠠᠭᠠᠨ ᠰᠠᠷᠠ᠂ ᠬᠤᠷᠢᠮ ᠨᠠᠶᠢᠷ ᠲᠡᠭᠡᠷᠡ ᠲᠡᠪᠡᠯ ᠲᠡᠷᠯᠢᠭ ᠤᠨ ᠢᠶᠠᠨ ᠭᠠᠳᠠᠭᠤᠷ ᠬᠦᠷᠮᠠ ᠪᠣᠶᠣ | ᠬᠠᠨᠵᠢᠶᠠᠷᠢ ᠰᠣᠭᠰᠣᠷᠠᠨ ᠡᠮᠦᠰᠳᠡᠭ᠂ ᠣᠨᠴᠠᠭᠠᠶᠢᠯᠠᠨ ᠰᠢᠨᠡ ᠬᠦᠷᠭᠡᠨ ᠮᠣᠷᠳᠠᠬᠤ ᠦᠶᠡ ᠳᠤ ᠲᠣᠷᠭᠠᠨ ᠭᠠᠳᠠᠷ ᠲᠠᠢ | ᠬᠤᠷᠠᠭᠠᠨ ᠵᠣᠪᠴᠠᠭᠠ ᠡᠮᠦᠰᠴᠦ᠂ ᠣᠯᠠᠭᠠᠨ ᠲᠣᠷᠳᠣᠩ ᠪᠦᠰᠡ ᠶᠢ ᠠᠷᠣ ᠳᠤ ᠪᠠᠨ ᠨᠢᠵᠡᠭᠡᠳ ᠭᠤᠭᠴᠤᠭᠠ ᠭᠠᠷᠭᠠᠨ | ᠶᠠᠩᠵᠣᠯᠠᠨ ᠪᠦᠰᠡᠯᠡᠵᠣ᠂ ᠲᠡᠭᠦᠨ ᠤ ᠭᠠᠳᠠᠭᠤᠷ ᠦᠩᠭᠡ ᠶᠢᠨ ᠬᠤᠸᠠᠷᠳᠠᠢ ᠬᠦᠷᠮᠡ ᠰᠣᠭᠰᠣᠷᠠᠨᠠ᠃ | ᠮᠣᠩᠭᠤᠯᠴᠣᠳ ᠤᠨ ᠡᠮᠦᠰᠳᠡᠭ ᠪᠠᠶᠢᠭᠰᠨᠨ ᠦᠮᠦᠳᠦ ᠶᠢᠨ ᠬᠢᠨᠢ ᠵᠠᠬᠠ ᠨᠢ ᠦᠨᠳᠦᠷ᠂ ᠡᠯᠡᠨ ᠨᠢ ᠦᠷᠭᠡᠨ᠂ | ᠰᠢᠷᠬᠤᠨᠠᠭ ᠨᠢ ᠨᠠᠷᠢᠨ ᠪᠦᠭᠡᠳ ᠠᠷᠣ ᠦᠪᠦᠷ ᠤᠨ ᠢᠯᠭᠠᠭᠠ ᠦᠭᠡᠢ᠃ ᠠᠳᠠᠯᠢ ᠪᠣᠰᠣ ᠣᠯᠠᠷᠢᠯ ᠳᠤ ᠠᠳᠠᠯᠢ ᠪᠣᠰᠣ | ᠪᠠᠷ ᠰᠣᠩᠭᠤᠵᠣ᠂ ᠲᠠᠩ᠂ ᠲᠠᠪᠬᠤᠷ᠂ ᠬᠦᠪᠦᠩᠳᠡᠢ ᠬᠢᠳᠡᠭ ᠪᠣᠶᠣ ᠦᠰᠦᠳᠡᠢ ᠠᠷᠠᠰᠣᠨ ᠦᠮᠦᠳᠦ᠂ ᠴᠣᠯᠭᠤᠢ | ᠠᠷᠠᠰᠣᠨ ᠦᠮᠦᠳᠦ ᠬᠡᠬᠦᠴᠢᠯᠡᠨ ᠬᠢᠵᠣ ᠡᠮᠦᠰᠳᠡᠭ᠃ | |