| ᠭᠦᠷᠢᠶᠡ ᠨᠤᠳᠤᠭ ᠲᠤ ᠬᠡᠤᠬᠡᠳ ᠤᠨ ᠰᠠᠷᠠ ᠲᠦᠭᠦᠷᠭᠦ ᠪᠠᠶᠠᠷ ᠠᠴᠠ ᠭᠠᠳᠠᠨᠠ ᠤᠢ ᠲᠤᠯᠤᠭᠰᠠᠨ ︵ᠬᠡᠤᠬᠡᠳ | ᠨᠢᠬᠡ ᠪᠦᠭᠦᠯᠢ ᠨᠠᠰᠤᠯᠠᠭᠰᠠᠨ︶ ᠪᠠᠶᠠᠷ ᠴᠦ ᠬᠢᠳᠡᠭ᠃ ᠡᠭᠦᠨ ᠳᠤ ᠤᠷᠤᠯᠴᠠᠬᠤ ᠭᠦᠮᠦᠰ ᠤᠯᠠᠨ ᠪᠢᠰᠢ᠂ ᠬᠡᠷ | ᠵᠠᠭᠤᠷᠠ ᠪᠠᠨ ᠪᠤᠶᠦ ᠬᠤᠶᠠᠷ ᠲᠠᠯᠠ ᠶᠢᠨ ᠴᠢᠰᠦᠨ ᠲᠦᠷᠦᠯ ᠤᠳ ᠤᠷᠤᠯᠴᠠᠳᠠᠭ᠃ ᠤᠢ ᠶᠢᠨ ᠨᠠᠶᠢᠷ ᠲᠡᠬᠡᠷᠡ ᠭᠦᠦ | ᠪᠤᠯᠪᠠᠯ ᠡᠮᠦᠨᠡ ᠨᠢ ᠰᠦᠬᠡ᠂ ᠬᠠᠳᠤᠭᠤᠷ᠂ ᠪᠢᠷ᠂ ᠴᠠᠭᠠᠰᠦ᠂ ᠵᠤᠭᠤᠰ ᠵᠡᠷᠬᠡ ᠶᠢ ᠲᠠᠯᠪᠢᠵᠦ ᠰᠤᠩᠭᠤᠭᠤᠯᠳᠠᠭ᠃ | ᠨᠢᠯᠬᠠ ᠭᠦᠦ ᠭᠠᠷ ᠰᠤᠩᠭᠠᠨ᠂ ᠰᠦᠬᠡ ᠬᠠᠳᠤᠭᠤᠷ ᠢ ᠰᠤᠩᠭᠤᠪᠠᠯ ᠠᠵᠢᠯᠴᠢ ᠭᠦᠳᠡᠯᠮᠦᠷᠢᠴᠢ ᠶᠢ ᠢᠯᠡᠳᠬᠡᠨ᠂ ᠪᠢᠷ | ᠴᠠᠭᠠᠰᠦ ᠶᠢ ᠴᠢᠩᠭᠠᠭᠠᠪᠠᠯ ᠪᠢᠴᠢᠭ ᠰᠤᠶᠤᠯ ᠲᠠᠢ ᠡᠷᠳᠡᠮᠳᠡᠨ ᠪᠤᠯᠬᠤ᠂ ᠵᠤᠭᠤᠰ ᠢ ᠪᠠᠷᠢᠪᠠᠯ ᠬᠤᠵᠢᠮ ᠶᠡᠭᠡ | ᠮᠦᠩᠭᠦ ᠲᠠᠢ ᠭᠦᠮᠦᠨ ᠪᠤᠯᠤᠨᠠ ᠬᠡᠵᠦ ᠪᠡᠯᠬᠡᠰᠢᠶᠠᠳᠡᠭ᠃ ᠬᠡᠤᠬᠡᠨ ᠤ ᠡᠮᠦᠨᠡ ᠬᠤᠸᠠᠷ ᠴᠡᠴᠡᠭ᠂ ᠵᠠᠰᠠᠯ ᠵᠢᠮᠰᠡᠭ᠂ | ᠪᠢᠷ ᠴᠠᠭᠠᠰᠦ᠂ ᠬᠤᠷᠤᠭᠤᠪᠴᠢ ᠵᠡᠷᠬᠡ ᠶᠢ ᠲᠠᠯᠪᠢᠳᠠᠭ᠃ ᠵᠠᠰᠠᠯ ᠴᠢᠮᠡᠭ ᠤᠨ ᠵᠦᠢᠯ ᠢ ᠰᠤᠩᠭᠤᠪᠠᠯ ᠴᠡᠪᠡᠷ ᠴᠡᠮᠴᠡᠬᠡᠷ᠂ | ᠤᠷᠠᠨ ᠦᠬᠢᠨ ᠪᠤᠯᠤᠨᠠ ᠬᠡᠵᠦ᠂ ᠵᠡᠭᠦᠦ ᠤᠳᠠᠰᠦ ᠬᠤᠷᠤᠭᠤᠪᠴᠢ ᠰᠤᠩᠭᠤᠪᠠᠯ ᠦᠢᠯᠡ ᠤᠳᠠᠰᠤᠨ ᠳᠠᠭᠠᠨ ᠰᠠᠶᠢᠨ | ᠤᠶᠤᠳᠠᠯᠴᠢᠨ ᠪᠤᠯᠬᠤ ᠵᠡᠷᠬᠡ ᠪᠠᠷ ᠪᠡᠯᠬᠡᠰᠢᠶᠡᠬᠡᠳ ᠨᠠᠶᠢᠷ ᠢᠶᠠᠨ ᠦᠨᠳᠦᠷᠯᠡᠭᠦᠯᠳᠡᠭ᠃ ᠬᠡᠤᠬᠡᠳ ᠦᠰᠦᠬᠡᠳ ᠬᠡᠯᠨ ᠳᠤ | ᠤᠷᠤᠬᠤ ᠦᠶᠡᠰ ︽ᠠᠪᠤ︾ ᠬᠡᠳᠡᠭ ᠦᠬᠡ ᠶᠢ ᠤᠷᠢᠳ ᠢᠶᠠᠷ ᠬᠡᠯᠡᠪᠡᠯ ᠠᠮᠠ ᠪᠠᠬᠢ ᠲᠠᠢ᠂ ᠬᠠᠳᠠᠭᠤ ᠴᠢᠩᠭᠠ | ᠭᠦᠮᠦᠨ ᠪᠤᠯᠬᠤ᠂ ︽ᠡᠵᠢ︾ ᠬᠡᠵᠦ ᠠᠮᠠ ᠨᠡᠬᠡᠬᠡᠪᠡᠯ ᠡᠶᠡᠯᠰᠡᠭ ᠵᠦᠬᠡᠯᠡᠨ᠂ ᠤᠶᠠᠬᠠᠨ ᠡᠶᠡᠪᠡᠷᠭᠦᠦ ᠭᠦᠮᠦᠨ | ᠪᠤᠯᠬᠤ ᠶᠢ ᠢᠯᠡᠳᠬᠡᠳᠡᠭ ᠬᠡᠳᠡᠭ ᠪᠢᠯᠡ᠃ ᠨᠢᠯᠬᠠ ᠬᠡᠤᠬᠡᠳ ᠢ ᠤᠬᠢᠶᠠᠭᠰᠠᠨ ᠤᠰᠤ ᠶᠢ ᠨᠢ ᠭᠠᠵᠠᠷ ᠨᠠᠭᠠᠯᠳᠤᠭᠤᠯᠤᠨ | ᠨᠠᠮ ᠲᠦᠯᠬᠢᠨ ᠴᠢᠳᠬᠤᠳᠠᠭ᠃ ᠡᠨᠡ ᠨᠢ ᠬᠡᠤᠬᠡᠳ ᠲᠤᠮᠤ ᠪᠤᠯᠪᠠᠯ ᠨᠠᠮ ᠲᠦᠯᠬᠡᠨ᠂ ᠤᠶᠠᠬᠠᠨ ᠵᠦᠬᠡᠯᠡᠨ ᠵᠠᠩ | ᠠᠷᠠᠨᠰᠢ ᠲᠠᠢ ᠪᠤᠯᠬᠤ ᠶᠢᠨ ᠪᠡᠯᠬᠡᠳᠡᠯ᠃ ᠬᠡᠷᠪᠡ ᠰᠢᠭᠤᠳ ᠰᠠᠴᠤᠨ ᠤᠷᠬᠢᠪᠠᠯ ᠵᠠᠩ ᠠᠭᠠᠰᠢ ᠲᠦᠷᠬᠡᠨ᠂ ᠠᠭᠤᠷ | ᠤᠮᠤᠭ ᠲᠠᠢ ᠬᠡᠳᠡᠷ ᠲᠤᠭᠰᠢᠨ ᠪᠤᠯᠬᠤ ᠪᠤᠯᠤᠮᠵᠢ ᠲᠠᠢ ᠬᠡᠳᠡᠭ ᠪᠢᠯᠡ᠃ ᠬᠡᠤᠬᠡᠳ ᠤᠨ ᠦᠰᠦ ᠶᠢ ᠠᠪᠬᠤ ᠳᠠᠭᠠᠨ | ᠰᠠᠷᠠ ᠪᠦᠷᠢ ᠶᠢᠨ ᠨᠤᠬᠠᠢ ᠡᠳᠦᠷ ᠠᠪᠤᠪᠠᠯ ᠬᠠᠮᠤᠭ ᠤᠨ ᠰᠠᠶᠢᠨ ᠪᠠᠶᠢᠳᠠᠭ᠃ ᠨᠤᠬᠠᠢ ᠡᠳᠦᠷ ᠦᠰᠦ ᠠᠪᠤᠪᠠᠯ ᠨᠤᠶᠠᠨ | ᠰᠠᠭᠤᠨᠠ ᠬᠡᠳᠡᠭ᠃ ᠪᠠᠭᠠ ᠬᠡᠤᠬᠡᠳ ᠤᠨ ᠴᠢᠮᠠᠯᠠᠬᠠᠢ ᠶᠢᠨ ᠦᠰᠦ ᠶᠢ ᠤᠷᠳᠦ ᠦᠯᠡᠳᠡᠬᠡᠭᠦ ᠶᠤᠰᠤᠨ ᠴᠦ ᠪᠤᠢ᠃ | ᠡᠨᠡ ᠭᠦ ᠦᠯᠡᠳᠡᠭᠰᠡᠨ ᠤᠷᠳᠦ ᠬᠡᠵᠢᠬᠡ ᠶᠢ ᠨᠢ ᠠᠪᠬᠤ ᠳᠤ ᠨᠠᠭᠠᠴᠦ ᠶᠢᠨ ᠲᠠᠯᠠ ᠠᠴᠠ ᠨᠢ ᠲᠤᠮᠤ ᠪᠡᠯᠡᠭ — | ᠦᠬᠡᠷ᠂ ᠬᠤᠨᠢ᠂ ᠢᠮᠠᠭᠠ ᠭᠦᠷᠬᠡᠵᠦ ᠢᠷᠡᠳᠡᠭ᠃ |