| ᠴᠠᠭᠠᠨ ᠢᠳᠡᠬᠡᠨ ᠲᠤᠳᠤᠷᠠ᠂ ᠦᠨᠢᠶᠡᠨ ᠰᠦᠨ ᠪᠤᠯᠪᠠᠰᠤ ᠰᠢᠮᠡ ᠲᠡᠭᠦᠰ᠂ ᠠᠮᠳᠠ ᠲᠡᠭᠦᠯᠳᠡᠷ ᠪᠤᠯᠠᠢ᠃ | ᠦᠨᠢᠶᠡᠨ ᠤ ᠰᠦᠨ ᠪᠤᠯᠪᠠᠰᠤ ᠭᠠᠷᠤᠯᠳᠠ ᠪᠠᠷ ᠬᠠᠮᠤᠭ ᠤᠨ ᠠᠷᠪᠢᠨ᠂ ᠬᠡᠷᠡᠭᠴᠡᠭᠡ ᠪᠠᠷ ᠬᠠᠮᠤᠭ ᠤᠨ ᠶᠡᠭᠡ ᠪᠦᠬᠡᠳ | ᠴᠠᠭᠠᠨ ᠢᠳᠡᠬᠡᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠶᠢᠨ ᠭᠤᠤᠯ ᠲᠦᠭᠦᠬᠡᠢ ᠡᠳ᠋ ᠪᠤᠯᠬᠤ ᠦᠶᠡ᠂ ᠮᠠᠨ ᠤ ᠤᠷᠤᠨ ᠤ ᠡᠯᠡ ᠠᠶᠢᠮᠠᠭ | ᠬᠤᠰᠢᠭᠤᠨ ᠤ ᠮᠠᠯᠴᠢᠳ ᠴᠦᠮ ᠦᠨᠢᠶᠡᠨ ᠤ ᠰᠦᠨ ᠢ ᠡᠷᠬᠢᠮᠯᠡᠨ ᠰᠠᠭᠠᠵᠦ᠂ ᠲᠡᠭᠦᠨ ᠢᠶᠠᠷ ᠬᠤᠷᠤᠳ᠂ ᠰᠢᠷᠠ | ᠲᠤᠰᠤ᠂ ᠠᠭᠠᠷᠤᠤᠯ᠂ ᠡᠬᠡᠵᠡᠬᠡᠢ᠂ ᠴᠠᠭᠠᠨ ᠲᠤᠰᠤ᠂ ᠵᠤᠬᠡᠬᠡᠢ᠂ ᠦᠷᠦᠮᠡ᠂ ᠪᠢᠰᠢᠯᠠᠭ᠂ ᠴᠦᠴᠦᠬᠡᠢ᠂ ᠰᠦᠨ | ᠲᠠᠯᠬᠠ ᠵᠡᠷᠬᠡ ᠶᠢ ᠪᠤᠯᠪᠠᠰᠤᠷᠠᠭᠤᠯᠤᠨ ᠠᠪᠳᠠᠭ ᠪᠦᠬᠡᠳ ᠠᠶᠢᠷᠠᠭ ᠪᠤᠭᠰᠢᠭᠠᠨ ᠴᠠᠭᠠ ᠪᠤᠴᠠᠯᠭᠠᠵᠦ᠂ ᠰᠠᠭᠠᠯᠢ ᠶᠢᠨ | ᠠᠷᠢᠬᠢ ᠰᠠᠷᠬᠤᠳ ᠤᠨ ᠲᠡᠬᠡᠵᠢ ᠶᠢ ᠨᠠᠷᠠᠳᠡᠭ ᠪᠦᠯᠦᠬᠡ᠃ ᠡᠷᠳᠡᠨ ᠠᠴᠠ ᠡᠳᠦᠬᠡ ᠭᠦᠷᠳᠡᠯᠡ ᠮᠠᠨᠠᠶᠢᠬᠢᠨ ᠦᠨᠢᠶᠡᠨ | ᠰᠦᠨ ᠢ ᠠᠮᠳᠠᠳᠠᠢ ᠪᠦᠬᠡᠳ ᠰᠡᠷᠢᠭᠦᠨ ᠴᠢᠨᠠᠷᠳᠠᠢ ᠬᠡᠮᠡᠨ ᠦᠨᠡᠯᠡᠭᠰᠡᠬᠡᠷ ᠢᠷᠡᠭᠰᠡᠨ ᠪᠦᠯᠦᠬᠡ᠂ ᠡᠶᠢᠨ ᠭᠦ ᠰᠠᠶ᠋ᠢᠬᠠᠨ | ᠰᠠᠭᠠᠭᠰᠠᠨ ᠬᠠᠯᠠᠭᠤᠨ ᠰᠦᠨ ᠪᠤᠶᠦ ᠡᠰᠡᠭᠦᠯᠡ ᠵᠦᠬᠡᠯᠡᠨ ᠭᠠᠯ ᠲᠡᠬᠡᠷᠡ ᠭᠦᠬᠡᠷᠦᠭᠦᠯᠦᠭᠰᠡᠨ ᠰᠦᠨ ᠢ ᠤᠤᠭᠤᠪᠠᠰᠦ | ᠰᠢᠩᠬᠡᠬᠡᠯᠳᠠ ᠶᠢ ᠰᠠᠶᠢᠵᠢᠷᠠᠭᠤᠯᠤᠨ᠂ ᠬᠡᠢ ᠬᠤ᠋ ᠶᠢ ᠲᠠᠷᠤᠵᠦ᠂ ᠴᠢᠰᠦᠨ ᠳᠤᠷ ᠲᠤᠰᠠᠯᠠᠨ᠂ ᠲᠠᠮᠢᠷ ᠰᠦᠯᠳᠠ ᠶᠢ | ᠨᠡᠮᠡᠭᠳᠡᠭᠦᠯᠭᠦ ᠪᠦᠬᠡᠳ ᠰᠠᠪᠠ ᠴᠤᠯᠤ ᠶᠢᠨ ᠬᠠᠯᠠᠭᠤᠨ ᠠᠴᠠ ᠲᠠᠶᠢᠯᠬᠤ ᠴᠢᠳᠠᠯᠳᠠᠢ ᠬᠡᠮᠡᠨ ᠡᠷᠬᠢᠮᠨᠡᠳᠡᠭ ᠪᠦᠯᠦᠬᠡ᠃ | ᠡᠨᠡ ᠲᠤᠬᠠᠢ ᠶᠤᠸᠠᠨ ᠤᠯᠤᠰ ᠤᠨ ︽ᠢᠳᠡᠬᠡᠨ ᠤᠮᠳᠠᠭᠠᠨ ᠤ ᠵᠢᠩᠬᠢᠨᠢ ᠲᠤᠪᠴᠢ︾ ᠳᠤᠷ ︽ᠦᠨᠢᠶᠡᠨ ᠰᠦᠨ ᠢ | ᠰᠢᠷᠭᠤᠯᠵᠠᠭᠠᠨᠠ ︵ᠪᠢᠪᠢᠯᠢᠩ︶ ᠶᠢᠨ ᠬᠠᠮᠳᠦ ᠴᠢᠨᠠᠵᠦ ᠤᠤᠭᠤᠪᠠᠰᠦ ᠶᠤᠯᠬᠤᠳᠠᠰᠦ ᠡᠪᠡᠳᠴᠢᠨ ᠳᠤᠷ | ᠨᠡᠷᠪᠡᠭᠳᠡᠭᠰᠡᠳ ᠢ ᠲᠦᠷᠬᠡᠨ ᠡᠳᠡᠬᠡᠷᠡᠭᠦᠯᠵᠦ ᠴᠢᠳᠠᠮᠤᠢ︾ ᠬᠡᠮᠡᠨ ᠲᠡᠮᠳᠡᠭᠯᠡᠭᠰᠡᠨ ᠴᠦ ᠪᠤᠢ᠃ ᠵᠠᠷᠢᠮ ᠡᠷᠳᠡᠮᠳᠡᠳ | ᠦᠨᠢᠶᠡᠨ ᠰᠦᠨ ᠢ ᠸᠢᠲ᠋ᠠᠮᠢᠨ B2 ᠬᠢᠬᠡᠳ ᠸᠢᠲ᠋ᠠᠮᠢᠨ A ᠶᠢᠨ ᠡᠬᠢ ᠰᠤᠷᠪᠤᠯᠵᠢ ᠬᠡᠮᠡᠨ ᠦᠨᠡᠯᠡᠵᠤᠭᠦᠢ᠃ ᠡᠶᠢᠨ ᠭᠦ᠋ | ᠦᠨᠢᠶᠡᠨ ᠰᠦ ᠶᠢ ᠨᠢᠯᠬᠠ ᠬᠡᠤᠬᠡᠳ ᠤᠨ ᠤᠶᠤᠨ ᠲᠠᠷᠢᠬᠢᠨ ᠤ ᠪᠤᠶᠢᠵᠢᠯᠳᠠ ᠳᠤᠷ ᠴᠢᠬᠤᠯᠠ ᠦᠢᠯᠡᠳᠦᠯ ᠦᠵᠡᠭᠦᠯᠭᠦ | ᠮᠦᠷᠳᠡᠬᠡᠨ ᠬᠡᠤᠬᠡᠳ ᠤᠨ ᠶᠠᠰᠤ ᠵᠦᠬᠡᠯᠡᠷᠡᠭᠦ ᠡᠪᠡᠳᠴᠢᠨ ᠢ ᠴᠦ ᠰᠡᠷᠬᠡᠶᠢᠯᠡᠵᠦ ᠴᠢᠳᠠᠨᠠ ᠬᠡᠮᠡᠵᠤᠭᠦᠢ᠃ ᠡᠨᠡ ᠢᠨᠦ | ᠦᠨᠢᠶᠡᠨ ᠰᠦᠨ ᠳᠤᠷ ᠰᠢᠮᠡ ᠲᠡᠵᠢᠬᠡᠯᠳᠦ ᠪᠤᠳᠠᠰ ᠤᠨ ᠡᠯᠪᠡᠭ ᠠᠭᠤᠯᠤᠭᠳᠠᠵᠦ ᠪᠠᠶᠢᠬᠤ ᠶᠢᠨ ᠬᠡᠷᠡᠴᠢ ᠪᠤᠯᠠᠢ᠃ | ᠮᠠᠨ ᠤ ᠮᠤᠩᠭᠤᠯᠴᠤᠳ ᠤᠨ ᠰᠠᠭᠠᠯᠢ ᠶᠢᠨ ᠦᠨᠢᠶᠡ ᠪᠤᠯᠪᠠᠰᠤ ᠪᠠᠰᠠ ᠨᠢᠬᠡᠨ ᠭᠦᠬᠡᠷᠦᠭᠦᠢ ᠠᠮᠢᠳᠠᠨ ᠠᠵᠤᠭᠤ᠃ | ᠲᠡᠭᠦᠨᠡ ᠭᠦᠮᠦᠨ ᠤ ᠮᠠᠳᠠᠯ ᠭᠦᠨᠳᠦ ᠬᠠᠶᠢᠷᠠᠩ ᠪᠠᠶᠢᠬᠤᠢ ᠶᠢᠨ ᠲᠤᠯᠠ ᠡᠵᠡᠨ ᠢᠶᠠᠨ ᠲᠠᠭᠤᠨ ᠢᠶᠠᠷ ᠲᠠᠨᠢᠵᠦ᠂ ᠦᠨᠦᠷ | ᠢᠶᠠᠷ ᠮᠡᠳᠡᠮᠤᠢ᠃ ᠡᠵᠡᠨ ᠳᠤᠷ ᠡᠬᠡᠨᠡᠭ᠂ ᠬᠤᠳᠠᠨ ᠳᠤᠷ ᠬᠤᠷᠭᠤ ᠠᠨᠤ ᠰᠠᠭᠠᠯᠢ ᠶᠢᠨ ᠦᠨᠢᠶᠡᠨ ᠤ ᠵᠠᠩ ᠪᠤᠯᠬᠤᠢ ᠪᠠ | ᠲᠡᠷᠡ ᠪᠠᠷ ᠰᠠᠭᠠᠮᠰᠢᠷᠠᠬᠤ ᠦᠶᠡ ᠳᠤᠷ ᠬᠤᠳᠠᠨᠠ ᠪᠤᠴᠠᠬᠤ ᠶᠢ ᠵᠦᠩᠬᠡᠷ ᠱᠠᠭᠠᠷᠳᠠᠵᠦ᠂ ᠲᠤᠯᠤᠭᠠᠢ ᠬᠠᠶᠠᠯᠤᠨ | ᠱᠤᠳᠤᠷᠤᠨ ᠱᠤᠳᠤᠷᠤᠨ ᠶᠠᠪᠤᠵᠦ᠂ ᠬᠠᠶᠠ ᠮᠦᠬᠡᠷᠡᠨ᠂ ᠬᠠᠶᠠ ᠭᠦᠭᠦᠳᠤᠨᠠᠨ ᠶᠠᠪᠤᠭᠰᠠᠭᠠᠷ ᠬᠤᠳᠠᠨ ᠳᠠᠭᠠᠨ ᠢᠷᠡᠵᠦ | ᠰᠠᠭᠠᠯᠠᠩ ᠳᠤᠷ ᠵᠤᠭᠰᠤᠨ᠂ ᠲᠤᠭᠤᠯ ᠦᠬᠡᠳᠠ ᠨᠢᠬᠡᠨᠳᠠ ᠮᠦᠬᠡᠷᠡᠨ᠂ ᠬᠡᠷ ᠦᠬᠡᠳᠠ ᠨᠢᠬᠡᠨᠳᠠ ᠬᠠᠷᠠᠵᠦ᠂ ᠡᠶᠢᠨ ᠭᠦ | ᠭᠦᠯᠢᠴᠡᠨ ᠠᠬᠤ ᠪᠤᠯᠠᠢ᠃ ᠦᠨᠢᠶᠡ ᠶᠢ ᠰᠠᠭᠠᠬᠤᠢ ᠳᠠᠭᠠᠨ ᠤᠷᠢᠳᠡᠪᠡᠷ ᠲᠤᠭᠤᠯ ᠢ ᠠᠨᠤ ᠦᠨᠦᠷᠳᠦᠭᠦᠯᠦᠨ | ᠭᠦᠭᠦᠭᠦᠯᠵᠦ ᠢᠪᠡᠯᠬᠡᠭᠰᠡᠨ ᠤ ᠲᠠᠷᠠᠭᠠ ᠰᠠᠭᠠᠳᠠᠭ ᠪᠤᠯᠠᠢ᠃ ᠮᠤᠩᠭᠤᠯ ᠪᠦᠰᠡᠭᠦ᠋ᠢᠴᠤᠳ ᠦᠨᠢᠶᠡ ᠰᠠᠭᠠᠬᠤᠢ ᠳᠠᠭᠠᠨ | ᠶᠡᠬᠡᠳᠠ ᠪᠤᠯᠭᠤᠮᠵᠢᠳᠠᠢ ᠤᠷᠤᠯᠳᠤᠳᠠᠭ ᠪᠦᠬᠡᠳ ᠰᠠᠶ᠋ᠢᠬᠠᠨ ᠲᠤᠭᠤᠯᠯᠠᠭᠰᠠᠨ ᠤᠷᠤᠭᠠ ᠭᠤᠤᠠᠵᠢ ᠶᠢ ᠰᠠᠭᠠᠬᠤᠢ ᠳᠠᠭᠠᠨ | ᠭᠤᠶᠠᠳᠠᠵᠦ ᠴᠤᠬᠢᠵᠦ ᠰᠤᠷᠭᠠᠳᠠᠭ ᠦᠬᠡᠢ᠃ ᠬᠠᠷᠢᠨ ᠨᠠᠮᠬᠠᠨ ᠲᠦᠯᠬᠡᠨ ᠢᠶᠠᠷ ᠲᠤᠭᠤᠯ ᠢ ᠠᠨᠤ ᠭᠦᠭᠦᠭᠦᠯᠵᠦ᠂ | ᠭᠦᠵᠦᠭᠦᠦ ᠰᠡᠬᠡᠷ ᠲᠠᠰᠢᠶᠠ ᠴᠢᠪᠢ ᠶᠢ ᠠᠨᠤ ᠮᠠᠭᠠᠵᠢᠵᠵᠦ᠂ ᠲᠠᠭᠠᠯᠠᠮᠵᠢᠳᠠᠶᠢᠬᠠᠨ ᠬᠡᠪᠢᠭᠦ ᠶᠢ ᠠᠰᠢᠭᠯᠠᠨ ᠲᠡᠯᠡᠩ ᠢ | ᠢᠨᠦ ᠪᠤᠴᠠᠯᠦᠩ ᠤᠰᠤ ᠪᠠᠷ ᠤᠬᠢᠶᠠᠨ ᠴᠡᠪᠡᠷᠯᠡᠵᠦ᠂ ᠨᠠᠷᠠᠨ ᠳᠤᠷ ᠡᠬᠡᠬᠡᠨ ᠬᠠᠳᠠᠭᠠᠭᠰᠠᠨ ᠰᠠᠭᠤᠯᠠᠭᠠ ᠶᠤᠭᠠᠨ | ᠠᠪᠴᠦ ᠵᠦᠪᠳᠡᠢ ᠲᠠᠯᠠ ᠳᠤᠨᠢ ᠴᠤᠮᠴᠦ᠋ᠢᠨ ᠰᠠᠭᠤᠵᠦ ᠰᠠᠭᠠᠳᠠᠭ ᠪᠦᠯᠦᠬᠡ᠃ ᠦᠨᠢᠶᠡ᠂ ᠢᠯᠠᠠᠭᠠ ᠪᠠᠳᠠᠭᠠᠨᠠ ᠳᠤᠷ | ᠬᠠᠵᠠᠭᠳᠠᠭᠠᠳ ᠲᠡᠪᠡᠬᠡᠨᠡᠭᠦ ᠳᠡᠭᠡᠨ ᠤᠯᠠᠮ ᠢᠶᠠᠷ ᠠᠭᠤᠷᠯᠠᠨ ᠴᠡᠩᠬᠡᠶᠢᠵᠦ ᠰᠦᠨ ᠦᠯᠦ ᠭᠠᠷᠬᠤ ᠠᠴᠠ ᠰᠡᠷᠬᠡᠶᠢᠯᠡᠵᠦ᠂ | ᠵᠤᠳᠤᠵᠦ ᠴᠤᠬᠢᠬᠤ ᠶᠢ ᠴᠡᠬᠡᠷᠯᠡᠳᠡᠭ ᠠᠵᠤᠭᠤ᠃ ᠮᠠᠯᠴᠢᠨ ᠤᠷᠤᠨᠠ ᠮᠠᠯ ᠰᠦᠷᠦᠭ ᠵᠤᠵᠠᠭᠠᠨ ᠲᠤᠯᠠ ᠲᠦᠯᠯᠡᠭᠦ | ᠬᠤᠭᠤᠴᠠᠭᠠᠨᠠ ᠵᠠᠷᠢᠮ ᠠᠨᠤ ᠬᠡᠬᠡᠷᠡ ᠭᠠᠳᠠᠨᠠ ᠲᠤᠭᠤᠯᠯᠠᠵᠦ᠂ ᠲᠤᠭᠤᠯ ᠢᠶᠠᠨ ᠭᠤᠯᠤᠬᠤ ᠦᠵᠡᠭᠳᠡᠯ ᠴᠦ ᠭᠠᠷᠳᠠᠭ | ᠪᠤᠯᠠᠢ᠃ ᠡᠨᠡ ᠦᠶᠡ ᠳᠤᠷ ᠮᠠᠯᠴᠢᠨ ᠪᠦᠰᠡᠭᠦ᠋ᠢᠴᠤᠳ ︽ᠭᠦᠭ︕ ᠭᠦᠭ︕︾ ᠬᠡᠮᠡᠨ ᠤᠷᠳᠤᠬᠠᠨ ᠠᠶᠠᠰ ᠲᠠᠢ | ᠤᠶᠠᠷᠠᠭᠤᠨ ᠲᠠᠭᠤᠨ ᠢ ᠲᠠᠭᠤᠯᠠᠵᠦ᠂ ᠡᠬᠡ ᠶᠢᠨ ᠬᠡᠪᠡᠯᠢ ᠶᠢᠨ ᠰᠠᠯᠢᠰᠦ ᠳᠤᠷ ᠲᠠᠪᠤᠰᠦ ᠬᠠᠴᠠᠷᠯᠠᠵᠦ ᠲᠤᠭᠤᠯ ᠤᠨ | ᠪᠦᠭᠰᠡᠨ ᠲᠡᠬᠡᠷᠡ ᠲᠦᠷᠬᠢᠨ ᠰᠢᠨᠡᠬᠡᠨ ᠲᠦᠷᠦᠭᠰᠡᠨ ᠬᠡᠮᠡᠭᠦ ᠰᠡᠷᠡᠭᠳᠡᠯ ᠢ ᠡᠬᠡ ᠳᠤᠨᠢ ᠦᠭᠴᠦ ᠲᠤᠭᠤᠯ ᠢ ᠠᠨᠤ | ᠠᠪᠬᠠᠭᠤᠯᠳᠠᠭ ᠠᠵᠠᠢ᠃ ᠮᠠᠨ ᠤ ᠤᠷᠤᠨ ᠤ ᠤᠯᠠᠩᠬᠢ ᠭᠠᠵᠠᠷ ᠦᠨᠢᠶᠡ ᠶᠢ ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠳᠤᠷ ᠴᠦᠮ | ᠰᠠᠭᠠᠳᠠᠭ ᠪᠦᠯᠦᠬᠡ᠃ ᠬᠠᠪᠤᠷ ᠡᠪᠤᠯ ᠤᠨ ᠤᠯᠠᠷᠢᠯ ᠳᠤᠷ ᠭᠤᠤᠯᠳᠠᠭᠤ ᠴᠠᠢ ᠨᠠᠶᠢᠯᠡᠭᠦᠯᠭᠦ᠂ ᠠᠶᠢᠷᠠᠭ ᠲᠡᠵᠢᠬᠡᠭᠦ᠂ | ᠬᠡᠤᠬᠡᠳ ᠨᠠᠰᠤᠳᠠᠨ ᠳᠤᠷ ᠲᠡᠵᠢᠬᠡᠯ ᠦᠭᠭᠦ ᠶᠢᠨ ᠲᠦᠯᠦᠬᠡ ᠦᠷᠯᠦᠬᠡ ᠦᠳᠡᠰᠢ ᠨᠢᠬᠡ ᠪᠠᠭᠠᠬᠠᠨ ᠰᠠᠭᠠᠳᠠᠭ ᠪᠤᠯᠠᠢ᠃ | ᠬᠡᠪᠡᠴᠦ ᠡᠨᠡ ᠢᠨᠦ ᠰᠠᠭᠠᠯᠢ ᠶᠢᠨ ᠬᠤᠭᠤᠴᠠᠭᠠ ᠪᠢᠰᠢ᠂ ᠮᠠᠨ ᠤ ᠤᠷᠤᠨ ᠤ ᠰᠠᠭᠠᠯᠢ ᠶᠢᠨ ᠬᠤᠭᠤᠴᠠᠭᠠ ᠪᠤᠯᠪᠠᠰᠤ | ᠵᠡᠭᠦᠨ ᠪᠠᠷᠠᠭᠤᠨ ᠤᠷᠤᠨ᠂ ᠲᠤᠮᠳᠠᠳᠦ ᠤᠷᠤᠨ ᠬᠢᠬᠡᠳ ᠠᠯᠳᠠᠨ ᠬᠢᠩᠭᠠᠨ ᠤ ᠠᠷᠦ ᠦᠪᠦᠷ ᠴᠦᠮ ᠠᠳᠠᠯᠢ ᠦᠬᠡᠢ | ᠪᠤᠯᠠᠢ᠃ ᠡᠨᠡ ᠢᠨᠦ ᠠᠭᠤᠷ ᠠᠮᠢᠰᠬᠤᠯ᠂ ᠤᠰᠤ ᠪᠡᠯᠴᠢᠬᠡᠷ ᠠᠴᠠ ᠪᠤᠯᠤᠭᠰᠠᠨ ᠠᠵᠤᠭᠤ᠃ ᠭᠤᠤᠯᠳᠠᠭᠤ ᠵᠤᠨ ᠤ | ᠲᠤᠮᠳᠠ ᠰᠠᠷᠠ ᠶᠢᠨ ᠡᠬᠢᠨ ᠠᠴᠠ ᠡᠬᠢᠯᠡᠬᠡᠳ ᠨᠠᠮᠤᠷ ᠤᠨ ᠲᠤᠮᠳᠠ ᠰᠠᠷᠠ ᠶᠢᠨ ᠡᠴᠤᠰ ᠪᠤᠯᠬᠤ ᠬᠤᠭᠤᠴᠠᠭᠠᠨᠠ | ᠦᠨᠢᠶᠡ ᠰᠠᠭᠠᠵᠦ ᠰᠠᠭᠠᠯᠢ ᠠᠪᠳᠠᠭ ᠪᠠ ᠡᠭᠦᠨ ᠢ ᠰᠠᠭᠠᠯᠢ ᠶᠢᠨ ᠬᠤᠭᠤᠴᠠᠭᠠ ᠬᠡᠮᠡᠮᠤᠢ᠃ ᠰᠠᠭᠠᠯᠢ ᠶᠢᠨ | ᠬᠤᠭᠤᠴᠠᠭᠠᠨᠠ᠂ ᠰᠠᠭᠠᠯᠢᠴᠢᠨ ᠪᠦᠰᠡᠭᠦ᠋ᠢᠴᠤᠳ ︽ᠡᠬᠡ ᠶᠢ ᠢᠨᠦ ᠡᠴᠡᠬᠡᠭᠦ ᠦᠬᠡᠢ᠂ ᠲᠤᠭᠤᠯ ᠢ ᠠᠨᠤ ᠲᠤᠷᠭᠠᠬᠤ | ᠦᠬᠡᠢ︾ ᠵᠠᠷᠴᠢᠮ ᠢ ᠪᠠᠷᠢᠮᠳᠠᠯᠠᠳᠠᠭ ᠪᠦᠯᠦᠬᠡ᠃ ᠡᠭᠦᠨᠡ᠂ ᠲᠠᠷᠭᠤ ᠰᠠᠶᠢᠳᠠᠢ ᠦᠨᠢᠶᠡ 12 — 15 ᠰᠠᠷᠠ | ᠰᠠᠭᠠᠯᠭᠠᠳᠠᠭ ᠶᠠᠪᠤᠳᠠᠯ ᠴᠦ ᠪᠤᠢ᠃ ᠰᠠᠭᠠᠯᠢ ᠶᠢᠨ ᠬᠤᠭᠤᠴᠠᠭᠠᠨᠠ ᠦᠨᠢᠶᠡ ᠶᠢ ᠦᠷᠯᠦᠬᠡ ᠡᠷᠳᠠ ᠶᠢᠨ ᠭᠤᠷᠪᠠ | ᠲᠦᠷᠪᠡᠨ ᠴᠠᠭ ᠠᠴᠠ ᠡᠬᠢᠯᠡᠨ ᠰᠠᠭᠠᠵᠦ ᠲᠠᠪᠤᠨ ᠴᠠᠭ ᠪᠤᠯᠳᠠᠯᠠ ᠰᠠᠭᠠᠵᠦ ᠪᠠᠷᠠᠭᠠᠳᠠᠭ ᠪᠦᠯᠦᠬᠡ᠃ ᠦᠳᠡᠰᠢ | ᠪᠤᠯᠪᠠᠰᠦ ᠨᠠᠷᠠᠨ ᠰᠢᠩᠬᠡᠭᠦ ᠲᠠᠢ ᠵᠡᠷᠬᠡ ᠰᠠᠭᠠᠬᠤ ᠮᠠᠳᠦ ᠪᠠᠷ ᠡᠳᠦᠷ ᠤᠨ ᠬᠤᠶᠠᠷ ᠴᠠᠭ ᠢᠶᠠᠷ ᠰᠠᠭᠠᠳᠠᠭ ᠠᠮᠤᠢ᠃ | ᠮᠠᠨ ᠤ ᠤᠷᠤᠨ ᠤ ᠪᠡᠶᠡ ᠪᠢᠯᠳᠠᠷ ᠰᠠᠶᠢᠳᠠᠢ ᠲᠠᠷᠭᠤᠨ ᠦᠨᠢᠶᠡᠨ ᠠᠴᠠ ᠡᠳᠦᠷ ᠲᠤᠷ 20 — 25 ᠵᠢᠩ ᠰᠦᠨ | ᠭᠠᠷᠳᠠᠭ ᠪᠤᠯᠠᠢ᠃ ᠡᠭᠦᠨᠡ᠂ ᠪᠠᠷᠭᠤ ᠶᠢᠨ ᠭᠤᠷᠪᠠᠨ ᠭᠤᠤᠯ ᠤᠨ ᠰᠢᠨᠡ ᠡᠭᠦᠯᠳᠡᠷ ᠤᠨ ᠦᠨᠢᠶᠡ᠂ ᠰᠢᠷᠠ ᠮᠦᠷᠡᠨ ᠤ | ᠤᠯᠠᠭᠠᠨ ᠦᠬᠡᠷ ᠤᠨ ᠰᠦᠨ ᠤ ᠭᠠᠷᠤᠯᠳᠠ ᠠᠨᠤ ᠶᠡᠭᠡ ᠪᠦᠬᠡᠳ ᠰᠢᠮᠡ ᠲᠡᠵᠢᠬᠡᠯ ᠢᠶᠠᠷ ᠴᠦ ᠰᠠᠶᠢᠨ ᠠᠵᠠᠢ᠃ |