| ᠭᠦᠷᠢᠶᠡ ᠬᠤᠰᠢᠭᠤ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠳᠠᠨ ᠢᠶᠠᠷ ᠭᠤᠤᠯᠯᠠᠭᠰᠠᠨ ᠬᠤᠰᠢᠭᠤ ᠪᠤᠯᠬᠤᠷ ᠮᠤᠩᠭᠤᠯᠴᠤᠳ | ᠪᠦᠷ ᠦᠪᠡᠷ ᠤᠨ ᠵᠠᠩ ᠲᠠᠳᠬᠠᠯ ᠢᠶᠠᠷ ᠢᠶᠠᠨ ᠭᠠᠯ ᠲᠠᠬᠢᠳᠠᠭ ᠶᠤᠮ᠃ ᠲᠡᠬᠡᠭᠦ ᠳᠡᠭᠡᠨ ᠭᠦᠷᠢᠶᠡ ᠮᠤᠩᠭᠤᠯᠴᠤᠳ ᠤᠨ | ᠤᠯᠠᠮᠵᠢᠯᠠᠯᠳᠦ ᠭᠠᠯ ᠲᠠᠬᠢᠯᠭᠠ ᠨᠢ ᠦᠨᠢ ᠤᠳᠠᠭᠠᠨ ᠲᠡᠤᠬᠡ ᠶᠢᠨ ᠰᠠᠭᠤᠷᠢ ᠲᠠᠢ ᠪᠦᠬᠡᠳ ᠰᠤᠶᠤᠯ ᠤᠨ ᠭᠦᠨ | ᠠᠭᠤᠯᠤᠭᠳᠠᠬᠤᠨ ᠲᠠᠢ ᠪᠠᠶᠢᠭᠠ ᠶᠤᠮ᠃ ᠭᠠᠯ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠬᠠᠮᠤᠭ ᠠᠴᠠ ᠠᠷᠢᠭᠤᠨ ᠲᠠᠷᠬᠠᠨ | ᠰᠢᠳᠦᠬᠡᠨ᠂ ᠰᠦᠭ ᠰᠦᠯᠳᠠ ᠭᠦᠴᠦᠨ ᠴᠢᠳᠠᠯ᠂ ᠦᠨᠢ ᠮᠦᠩᠬᠡ ᠶᠢᠨ ᠠᠮᠢᠨ ᠰᠦᠨᠡᠰᠦ᠂ ᠭᠠᠯ ᠭᠤᠯᠤᠮᠳᠠ ᠪᠤᠯᠳᠠᠭ | ᠠᠴᠠ ᠭᠠᠯ ᠢ ᠬᠠᠮᠤᠭ ᠤᠨ ᠲᠡᠬᠡᠳᠦ ᠰᠢᠳᠦᠬᠡᠨ ᠪᠤᠯᠭᠠᠵᠦ᠂ ᠠᠷᠢᠭᠤᠨ ᠲᠠᠷᠬᠠᠨ᠂ ᠬᠠᠯᠳᠠᠵᠦ ᠪᠤᠯᠤᠰᠢ ᠦᠬᠡᠢ | ᠪᠦᠬᠡᠳ ᠬᠡᠵᠢᠶᠡ ᠡᠭᠦᠷᠢᠳᠠ ᠲᠡᠬᠡᠳᠦᠯᠡᠨ ᠰᠢᠳᠦᠵᠦ᠂ ᠵᠢᠯ ᠪᠦᠷᠢ ᠶᠢᠨ ᠠᠷᠪᠠᠨ ᠬᠤᠶᠠᠷ ᠰᠠᠷᠠ ᠶᠢᠨ ᠬᠤᠷᠢᠨ | ᠭᠤᠷᠪᠠᠨ ︵ᠵᠠᠷᠢᠮ ᠨᠢ ᠬᠤᠷᠢᠨ ᠲᠦᠷᠪᠡᠨ︶ ᠳᠤ ᠭᠠᠯ ᠤᠨ ᠪᠤᠷᠬᠠᠨ ᠢᠶᠠᠨ ᠲᠠᠬᠢᠳᠠᠭ ᠵᠠᠩᠰᠢᠯ ᠲᠠᠢ ᠶᠤᠮ᠃ ᠭᠠᠯ | ᠤᠨ ᠪᠤᠷᠬᠠᠨ ᠢᠶᠠᠨ ᠲᠡᠬᠢᠵᠦ᠂ ᠰᠠᠶᠢᠨ ᠰᠠᠶᠢᠬᠠᠨ ᠢᠶᠠᠨ ᠲᠠᠭᠠᠳᠬᠠᠨ᠂ ᠠᠮᠤᠷ ᠠᠮᠤᠭᠤᠯᠠᠩ ᠢᠶᠠᠨ ᠰᠦᠰᠦᠭᠯᠡᠨ | ᠰᠢᠳᠦᠵᠦ᠂ ᠦᠨᠢ ᠮᠦᠩᠬᠡ ᠭᠠᠯ ᠭᠤᠯᠤᠮᠳᠠ ᠶᠢᠨ ᠢᠶᠠᠨ ᠭᠦᠭᠵᠢᠨ ᠮᠠᠨᠳᠤᠬᠤ᠂ ᠦᠷᠡ ᠠᠴᠢᠷ ᠨᠢ ᠡᠷᠡᠭᠦᠯ ᠰᠠᠶᠢᠬᠠᠨ | ᠂ ᠦᠨᠳᠦᠰᠦ ᠤᠭᠰᠠᠭᠠ ᠨᠢ ᠬᠡᠵᠢᠶᠠᠳᠠ ᠲᠠᠰᠤᠷᠠᠰᠢ ᠦᠬᠡᠢ ᠵᠠᠯᠭᠠᠮᠵᠢᠯᠠᠵᠦ ᠶᠠᠪᠤᠬᠤ ᠶᠢ ᠭᠦᠰᠡᠨ ᠲᠠᠭᠠᠳᠬᠠᠳᠠᠭ | ᠪᠢᠯᠡ᠃ ᠭᠦᠷᠢᠶᠡ ᠮᠤᠩᠭᠤᠯᠴᠤᠳ ᠭᠠᠯ ᠭᠤᠯᠤᠮᠳᠠ ᠶᠢᠨ ᠲᠡᠬᠡᠭᠦᠷ ᠠᠯᠬᠤᠵᠦ ᠭᠠᠷᠬᠤ᠂ ᠭᠠᠯ ᠳᠤ ᠭᠦᠯ ᠢᠶᠠᠨ | ᠡᠬᠡᠬᠡᠭᠦ᠂ ᠭᠠᠯ ᠲᠡᠬᠡᠷᠡ ᠠᠯᠴᠠᠶᠢᠬᠤ᠂ ᠵᠤᠤᠬᠠᠨ ᠭᠠᠯ ᠢ ᠭᠦᠯ ᠢᠶᠠᠷ ᠢᠰᠭᠦᠯᠭᠦ᠂ ᠭᠠᠵᠠᠷ ᠤᠨᠠᠭᠰᠠᠨ ᠭᠠᠯ ᠢ | ᠭᠦᠯ ᠢᠶᠠᠷ ᠬᠢᠰᠬᠢᠵᠦ ᠤᠨᠳᠠᠷᠠᠭᠠᠬᠤ ᠵᠡᠷᠬᠡ ᠶᠢ ᠴᠡᠬᠡᠷᠯᠡᠵᠦ᠂ ᠭᠠᠯ ᠳᠤ ᠬᠢᠳᠤᠭᠠ ᠰᠢᠪᠦᠭᠡ ᠲᠦᠷᠦᠭᠦ᠂ ᠭᠠᠯ ᠳᠤ | ᠰᠤᠩᠬᠢᠨᠡ ᠰᠠᠷᠢᠮᠰᠠᠭ ᠤᠨ ᠬᠠᠯᠢᠰᠦ ᠶᠢ ᠬᠢᠭᠦ᠂ ᠭᠠᠭ᠋ᠠᠢ ᠰᠢᠪᠠᠭᠤ ᠶᠢᠨ ᠪᠠᠭᠠᠰᠦ ᠪᠠ ᠦᠳᠦ ᠬᠢᠭᠦ ᠶᠢ ᠴᠡᠬᠡᠷᠯᠡᠵᠦ᠂ | ᠬᠡᠷᠪᠡ ᠡᠳᠡᠬᠡᠷ ᠢ ᠴᠡᠬᠡᠷᠯᠡᠭᠦ ᠦᠬᠡᠢ ᠪᠤᠯ ᠭᠠᠯ ᠤᠨ ᠪᠤᠷᠬᠠᠨ ᠠᠭᠤᠷᠯᠠᠵᠦ᠂ ᠭᠠᠢ ᠭᠠᠮᠰᠢᠭ ᠪᠤᠯᠬᠤ ᠬᠡᠭᠦ ᠬᠡᠯᠡᠯᠬᠡ ᠲᠠᠢ | ᠪᠠᠶᠢᠳᠠᠭ᠃ ᠨᠡᠩ ᠢᠯᠡᠭᠦᠦ ᠵᠤᠤᠬᠠ ᠶᠢᠨ ᠲᠡᠬᠡᠷᠡ ᠰᠠᠭᠤᠬᠤ᠂ ᠵᠤᠤᠬᠠ ᠶᠢᠨ ᠲᠡᠬᠡᠷᠡ ᠪᠤᠵᠠᠷ ᠶᠠᠭᠤᠮᠠ ᠲᠠᠯᠪᠢᠬᠤ᠂ | ᠵᠤᠤᠬᠠ ᠶᠢᠨ ᠠᠮᠠᠰᠠᠷ ᠢ ᠰᠡᠳᠡᠷᠬᠡᠢ ᠡᠮᠳᠡᠷᠬᠡᠢ ᠪᠠᠶᠢᠯᠭᠠᠬᠤ ᠵᠡᠷᠬᠡ ᠶᠢ ᠴᠡᠬᠡᠷᠯᠡᠵᠦ᠂ ᠭᠠᠯ ᠭᠤᠯᠤᠮᠳᠠ ᠲᠤᠷᠦ᠋ᠢᠳᠡᠵᠦ | ᠤᠳᠤᠮ ᠤᠭᠰᠠᠭᠠ ᠮᠠᠭᠤᠳᠠᠨᠠ ᠬᠡᠳᠡᠭ᠃ ᠬᠡᠷᠪᠡ ᠭᠠᠯ ᠲᠡᠬᠡᠭᠦᠷ ᠤᠯᠠᠭᠠᠨ ᠪᠦᠰ ᠡᠷᠬᠢᠭᠦᠯᠪᠡᠯ ᠭᠠᠯ ᠪᠠ ᠤᠯᠠᠭᠠᠨ | ᠪᠦᠰ ᠬᠤᠶᠠᠷ ᠦᠩᠬᠡ ᠬᠠᠷᠰᠢᠯᠳᠤᠵᠦ᠂ ᠬᠡᠷ ᠵᠠᠭᠤᠷᠠ ᠪᠠᠨ ᠶᠠᠷᠬᠢᠶᠠᠨ ᠲᠠᠢ ᠪᠤᠯᠤᠨᠠ ᠬᠡᠭᠦ᠂ ᠬᠡᠤᠬᠡᠳ ᠭᠠᠯ ᠢᠶᠠᠷ | ᠨᠠᠭᠠᠳᠪᠠᠯ ᠮᠠᠯ ᠠᠳᠤᠭᠤᠰᠦ ᠬᠤᠯᠠᠳᠠᠨᠠ ᠬᠡᠭᠦ᠂ ᠭᠠᠯ ᠳᠤ ᠰᠦ᠂ ᠤᠰᠦ ᠵᠡᠷᠬᠡ ᠰᠢᠩᠬᠡᠨ ᠶᠠᠭᠤᠮᠠ ᠴᠢᠳᠬᠤᠪᠠᠯ | ᠭᠠᠯ ᠭᠤᠯᠤᠮᠳᠠ ᠬᠠᠷᠠᠯᠠᠨᠠ ᠬᠡᠭᠦ ᠴᠡᠬᠡᠷ ᠶᠤᠰᠤᠨ ᠪᠠᠶᠢᠳᠠᠭ᠃ | |