ᠪᠢ 1953 ᠣᠨ ᠠᠴᠠ 1955 ᠣᠨ ᠳᠤ ᠠᠶᠢᠯ ᠠᠴᠠ ᠪᠠᠨ ᠬᠤᠷᠢᠨ ᠭᠠᠵᠠᠷ ᠵᠠᠶᠢᠳᠠᠢ ᠶᠡᠬᠡᠶᠤᠯᠤ ᠳᠠᠬᠢ ᠪᠦᠷᠢᠨ | ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠤᠴᠢᠵᠤ ᠰᠤᠷᠤᠯᠴᠠᠬᠰᠠᠨ ᠪᠢᠯᠡ᠃ ᠪᠠᠶᠢᠷᠢ ᠳᠤ ᠰᠠᠭᠤᠭᠰᠠᠨ ᠲᠤᠯᠠ ᠢᠳᠡᠭᠦ ᠪᠤᠳᠠᠭᠠ ᠪᠠᠨ | ᠭᠡᠷ ᠠᠴᠠ ᠪᠠᠨ ᠠᠪᠠᠴᠢᠨᠠ᠂ ᠬᠠᠭᠠᠰ ᠵᠢᠯ ᠤᠨ ᠨᠣᠭᠤᠭᠠ ᠶᠢᠨ ᠵᠣᠭᠤᠰ ᠬᠤᠶᠠᠷ ᠲᠦᠭᠦᠷᠢᠭ ᠬᠠᠭᠠᠰ ᠬᠤᠷᠢᠶᠠᠬᠤ ᠪᠠ | ᠨᠢᠭᠡ ᠵᠢᠯ ᠤᠨ ᠲᠦᠯᠡᠭᠡ ᠵᠠᠭᠤ ᠬᠤᠷᠢᠨ ᠪᠤᠭᠤᠵᠢ ᠠᠪᠳᠠᠭ᠃ ᠬᠤᠶᠠᠷ ᠲᠦᠭᠦᠷᠢᠭ ᠬᠠᠭᠠᠰ ᠤᠨ ᠨᠣᠭᠤᠭᠠ ᠶᠢᠨ | ᠰᠦᠢᠳᠭᠡᠯ ᠢᠶᠠᠨ ᠲᠦᠩᠭᠡᠭᠡᠳ ᠠᠷᠭᠠᠴᠠᠴᠢᠬᠠᠳᠠᠭ ᠪᠤᠯᠪᠠᠴᠤ ᠪᠤᠳᠠᠭᠠ᠂ ᠲᠦᠯᠡᠭᠡᠨ ᠳᠤ ᠶᠡᠭᠡ ᠬᠦᠴᠢᠷᠳᠡᠲᠡᠭ᠃ | ᠲᠡᠷᠡ ᠬᠤᠶᠠᠷ ᠵᠢᠯ ᠡᠵᠢ ᠡᠪᠡᠳᠴᠢᠯᠡᠭᠡᠳ ᠭᠡᠷ ᠤᠨ ᠢᠳᠡᠬᠦ ᠪᠤᠳᠠᠭᠠ ᠪᠠᠨ ᠴᠤ ᠲᠦᠩᠭᠡᠨ ᠲᠠᠩᠭᠠᠨ ᠪᠠᠭᠠ ᠪᠠᠭᠠ ᠪᠠᠷ | ᠴᠠᠶᠢᠯᠭᠠᠵᠤ ᠪᠠᠶᠢᠭᠰᠠᠨ ᠪᠦᠭᠡᠳ ᠮᠠᠨ ᠤ ᠬᠢᠨ ᠲᠡᠷᠭᠡ ᠦᠭᠡᠢ ᠲᠤᠯᠠ ᠲᠦᠯᠡᠭᠡ ᠬᠦᠷᠭᠡᠵᠦ ᠴᠢᠳᠠᠬᠤ ᠦᠭᠡᠢ | ᠭᠠᠴᠢᠬᠲᠠᠯᠠ᠃ ᠨᠢᠭᠡ ᠭᠠᠷᠠᠭ ᠤᠨ ᠡᠳᠦᠷ ᠨᠠᠮᠠᠢᠢ ᠬᠠᠷᠢᠵᠤ ᠢᠷᠡᠭᠦᠯᠡᠷ ᠪᠠᠷᠠᠭᠤᠨ ᠠᠶᠢᠯ ᠳᠤ ᠪᠠᠶᠢᠳᠠᠭ ᠭᠤᠷᠪᠠᠳᠤᠭᠠᠷ | ᠠᠪᠠᠭᠠ ᠡᠭᠡᠴᠢ᠄ ︽ᠴᠢ ᠡᠨᠡ ᠰᠦᠨᠢ ᠳᠡᠭᠡᠨ ᠬᠠᠷᠠ ᠪᠤᠳᠠᠭᠠ ᠪᠠᠨ ᠠᠪᠤᠭᠠᠳ ᠢᠷᠡ᠂ ᠪᠢ ᠰᠦᠨᠢ ᠳᠡᠭᠡᠨ | ᠴᠠᠶᠢᠯᠭᠠᠵᠤ ᠪᠠᠷᠠᠪᠠᠯ ᠮᠠᠷᠭᠠᠰᠢ ᠦᠷᠯᠦᠭᠡ ᠰᠤᠷᠭᠠᠭᠤᠯᠢ ᠳᠠᠭᠠᠨ ᠠᠪᠤᠭᠠᠳ ᠶᠠᠪᠤ︾ ᠭᠡᠯᠠ᠃ | ᠬᠤᠭᠤᠯᠠ ᠪᠤᠳᠠᠭᠠ ᠢᠳᠡᠵᠦ ᠪᠠᠷᠠᠳᠠᠯᠠ ᠬᠠᠷᠠᠩᠭᠤᠢ ᠪᠣᠯᠤᠭᠰᠠᠨ ᠪᠦᠭᠡᠳ ᠠᠪᠤ ᠲᠠᠷᠢᠶᠠᠨ ᠠᠴᠠ ᠪᠠᠨ ᠬᠠᠷᠢᠵᠤ | ᠢᠷᠡᠳᠡᠯᠡ ᠲᠤᠩ ᠣᠷᠤᠢ ᠪᠣᠯᠵᠠᠢ᠃ ᠠᠪᠦ ᠨᠢᠭᠡ ᠬᠡᠦᠳᠡᠢ ᠬᠠᠷᠠ ᠪᠤᠳᠠᠭᠠ ᠰᠠᠪᠠᠯᠠᠵᠤ ᠡᠯᠵᠢᠭᠡᠨ ᠳᠤ ᠠᠴᠢᠵᠤ | ᠥᠭᠪᠡ᠃ ᠪᠢ ᠡᠯᠵᠢᠭᠡ ᠪᠠᠨ ᠡᠮᠦᠨᠡ ᠪᠠᠨ ᠬᠦᠭᠡᠭᠡᠵᠦ ᠶᠠᠪᠤᠬᠤ ᠳᠤ ᠡᠯᠵᠢᠭᠡ ᠮᠢᠨᠦ ᠰᠠᠨᠠᠭᠠ ᠪᠠᠷ ᠶᠠᠪᠤᠬᠤ ᠦᠭᠡᠢ᠂ | ᠬᠦᠳᠦᠯᠵᠦ ᠶᠠᠪᠤᠬᠤ ᠳᠤ ᠮᠦᠨ ᠬᠡᠦᠳᠡᠢ ᠲᠠᠢ ᠪᠤᠳᠠᠭᠠ ᠪᠠᠨ ᠤᠨᠠᠭᠠᠬᠤ ᠠᠴᠠ ᠪᠠᠨ ᠠᠶᠤᠨᠠ᠂ ᠬᠡᠷᠪᠡ ᠬᠡᠦᠳᠡᠢ ᠲᠠᠢ | ᠪᠤᠳᠠᠭᠠ ᠪᠠᠨ ᠤᠨᠠᠭᠠᠪᠠᠯ ᠪᠢ ᠲᠠᠬᠢᠨ ᠠᠴᠢᠶᠠᠯᠠᠵᠤ ᠲᠡᠶᠢᠯᠬᠦ ᠦᠭᠡᠢ ᠪᠤᠯᠬᠤᠷ ᠴᠣᠯᠪᠤᠭᠤᠷ ᠠᠴᠠ ᠨᠢ ᠪᠠᠷᠢᠵᠤ | ᠬᠠᠵᠠᠭᠤ ᠪᠠᠷ ᠨᠢ ᠶᠠᠪᠤᠬᠤ ᠶᠢᠨ ᠲᠠᠭᠠᠤ᠂ ᠨᠦᠬᠦᠭᠡ ᠭᠠᠷ ᠢᠶᠠᠷ ᠢᠶᠠᠨ ᠬᠡᠦᠳᠡᠢ ᠪᠠᠨ ᠲᠦᠰᠢᠬᠦ ᠬᠡᠷᠡᠭᠳᠡᠢ᠃ | ᠵᠣᠨ ᠤ ᠰᠦᠨᠢ ᠡᠭᠦᠯᠡ ᠦᠭᠡᠢ ᠪᠣᠯᠪᠠᠴᠤ ᠰᠠᠷᠠ ᠦᠭᠡᠢ ᠲᠤᠯᠠ ᠫᠠᠳ ᠬᠠᠷᠠᠩᠭᠤᠢ᠂ ᠲᠠᠯᠠ ᠶᠢᠨ ᠳᠤᠮᠳᠠᠭᠤᠷ ᠡᠪᠡᠰᠦ | ᠥᠯᠦᠩ ᠶᠡᠭᠡ ᠪᠦᠭᠡᠳ ᠣᠣᠯ ᠠᠴᠠ ᠪᠠᠨ ᠲᠡᠷᠡ ᠬᠡᠰᠡᠭ ᠭᠠᠵᠠᠷ ᠡᠷᠢᠶᠡᠨ ᠲᠠᠢ ᠭᠡᠬᠦ ᠬᠡᠯᠡᠯᠴᠡᠭᠡ ᠪᠠᠶᠢᠳᠠᠭ᠂ | ᠪᠣᠳᠤᠪᠠᠯ ᠡᠷᠢᠶᠡᠨ ᠲᠠᠢ ᠭᠡᠳᠡᠭ ᠨᠢ ᠴᠢᠳᠭᠦᠷ ᠲᠠᠢ ᠭᠡᠰᠡᠨ ᠦᠭᠡ ᠪᠠᠶᠢᠬᠤ ᠡ᠂ ᠭᠡᠪᠡᠴᠦ ᠪᠢ ᠴᠢᠳᠭᠦᠷ ᠲᠠᠢ | ᠭᠡᠳᠡᠭ ᠢ ᠨᠢ ᠢᠳᠡᠭᠡᠬᠦ ᠦᠭᠡᠢ᠂ ᠬᠠᠷᠢᠨ ᠠᠶᠤᠳᠠᠭ ᠨᠢ ᠴᠢᠨ᠋ᠸᠠ ᠪᠢᠯᠡ᠃ ᠰᠦᠨᠢ ᠶᠢᠨ ᠬᠠᠷᠠᠩᠭᠤᠢ ᠳᠤ ᠡᠯᠵᠢᠭᠡ ᠯᠡ | ᠬᠦᠮᠦᠨ ᠢ ᠠᠶᠤᠯᠭᠠᠳᠠᠭ ᠶᠤᠮ ᠪᠠᠶᠢᠨᠠ᠃ ᠠᠶᠢᠯ ᠠᠴᠠ ᠪᠠᠭᠠ ᠵᠠᠶᠢᠳᠠᠭᠤ ᠪᠣᠯᠬᠤ ᠳᠤ ᠪᠠᠶᠢᠨ ᠲᠠᠬᠢᠨ ᠴᠢᠬᠢ ᠪᠠᠨ | ᠭᠤᠷᠤᠯᠵᠠᠭᠤᠯᠤᠨ ᠰᠢᠯᠤᠭᠤᠬᠠᠨ ᠶᠠᠪᠤᠬᠤ ᠦᠭᠡᠢ ᠪᠣᠶᠤ ᠵᠠᠷᠢᠮ ᠳᠠᠭᠠᠨ ᠵᠣᠭᠰᠤᠴᠢᠬᠠᠭᠠᠳ ᠴᠢᠬᠢ ᠪᠠᠨ ᠬᠤᠶᠢᠰᠢ | ᠰᠣᠯᠪᠢᠴᠠᠭᠤᠯᠤᠨ ᠭᠤᠷᠤᠯᠵᠠᠭᠤᠯᠬᠤ ᠪᠣᠶᠤ ᠬᠠᠮᠠᠷ ᠢᠶᠠᠨ ᠲᠣᠷᠬᠢᠭᠤᠯᠤᠨᠠ᠃ ᠬᠡᠷᠪᠡ ᠲᠡᠷᠡ ᠦᠶᠡ ᠳᠤ ᠡᠯᠵᠢᠭᠡ | ᠦᠷᠭᠦᠵᠦ ᠲᠤᠳᠠᠭᠠᠬᠤ ᠶᠤᠮ ᠦᠦ᠂ ᠡᠰᠡᠭᠦᠯᠡ ᠨᠠᠳᠬᠤᠭᠠᠳ ᠬᠡᠦᠳᠡᠢ ᠲᠠᠢ ᠪᠤᠳᠠᠭᠠ ᠶᠢ ᠤᠨᠠᠭᠠᠭᠰᠠᠨ ᠪᠣᠯ ᠪᠢ | ᠠᠷᠭᠠ ᠦᠭᠡᠢ ᠪᠣᠯᠬᠤ ᠶᠤᠮ᠃ | ᠪᠠᠷᠠᠭᠤᠨ ᠠᠶᠢᠯ ᠣᠶᠢᠷᠠᠳᠤᠵᠤ ᠪᠠᠶᠢᠬᠤ ᠳᠤ ᠡᠯᠵᠢᠭᠡ ᠭᠡᠨᠡᠳᠲᠡ ᠵᠣᠭᠰᠤᠭᠠᠳ ᠴᠢᠬᠢ ᠪᠠᠨ ᠠᠰ ᠡᠮᠦᠨᠡᠰᠢ | ᠬᠠᠨᠳᠤᠭᠤᠯᠤᠨ ᠪᠠᠶᠢᠨ ᠪᠠᠶᠢᠨ ᠬᠠᠮᠠᠷ ᠲᠣᠷᠬᠢᠭᠤᠯᠤᠨᠠ᠂ ᠪᠢ ᠠᠶᠤᠬᠤ ᠳᠠᠭᠠᠨ ᠴᠣᠯᠪᠤᠭᠤᠷ ᠢ ᠨᠢ ᠣᠶᠢᠷᠠᠬᠠᠨ ᠪᠠᠷᠢᠵᠤ | ᠴᠢᠩᠭᠠ ᠠᠳᠬᠤᠨ ᠡᠮᠦᠨᠡᠰᠢ ᠬᠠᠷᠠᠬᠤ ᠳᠤ ᠶᠠᠭᠤ ᠴᠤ ᠬᠠᠷᠠᠭᠳᠠᠬᠤ ᠦᠭᠡᠢ᠂ ᠭᠡᠳᠡᠯᠡ ᠯᠠᠪᠯᠠᠨ ᠴᠢᠩᠨᠠᠪᠠᠯ ᠶᠠᠮᠠᠷ ᠨᠢᠭᠡ | ᠴᠢᠮᠡᠭᠡ ᠭᠠᠷᠬᠤ ᠰᠢᠭ ᠪᠣᠯᠬᠤ ᠳᠤ ᠨᠡᠩ ᠶᠡᠭᠡ ᠠᠶᠢᠳᠠᠰ ᠬᠦᠷᠴᠦ ᠪᠦᠬᠦ ᠪᠡᠶᠡ ᠴᠡᠴᠡᠷᠬᠢᠯᠡᠨᠡ᠃ ᠪᠢ ᠲᠤᠩ ᠶᠡᠭᠡ | ᠪᠠᠴᠢᠮᠳᠠᠨ ᠪᠠᠶᠢᠬᠤ ᠳᠤ ᠡᠯᠵᠢᠭᠡ ᠬᠠᠷᠢᠨ ᠲᠠᠶᠢᠪᠤᠭᠤ ᠪᠣᠯᠤᠭᠰᠠᠨ ᠮᠠᠶ᠋ᠢᠭᠳᠠᠢ ᠪᠣᠯᠪᠠ᠂ ᠪᠢ ᠭᠡᠨᠡᠳᠲᠡ ᠨᠢᠭᠡᠨ | ᠤᠬᠠᠭᠠᠨ ᠣᠷᠤᠵᠤ᠂ ᠣᠴᠦ᠋ᠢᠨ ᠰᠠᠭᠤᠭᠠᠳ ᠬᠠᠷᠠᠩᠭᠤᠢ ᠳᠣᠲᠤᠷᠠ ᠠᠵᠢᠭᠯᠠᠬᠤ ᠳᠤ ᠡᠮᠦᠨᠡ ᠠᠴᠠ ᠬᠡᠳᠦᠨ | ᠪᠠᠷᠠᠭᠠᠨ ᠰᠡᠬᠦᠲᠡᠷ ᠪᠦᠷᠳᠦᠯᠵᠡᠨ ᠬᠠᠷᠠᠭᠳᠠᠬᠤ ᠪᠦᠭᠡᠳ ᠤᠯᠠᠮ ᠢᠶᠠᠷ ᠣᠶᠢᠷᠠᠳᠤᠯᠠ᠂ ᠤᠳᠠᠯ ᠦᠭᠡᠢ ᠬᠦᠮᠦᠰ ᠤᠨ | ᠶᠠᠷᠢᠯᠴᠠᠬᠤ ᠲᠠᠭᠤᠨ ᠭᠠᠷᠴᠤ ᠭᠤᠷᠪᠠᠨ ᠬᠦᠮᠦᠨ ᠥᠭᠡᠳᠡ ᠠᠴᠠ ᠬᠦᠷᠴᠦ ᠢᠷᠡᠪᠡ᠃ ᠲᠡᠳᠡ ᠨᠠᠮᠠᠢᠢ ᠦᠵᠡᠭᠡᠳ | ᠣᠴᠢᠷ ᠶᠠᠪᠤᠳᠠᠯ ᠢ ᠠᠰᠠᠭᠤᠵᠤ ᠮᠠᠰᠢ ᠶᠡᠭᠡ ᠪᠢᠰᠢᠷᠡᠭᠰᠡᠨ ᠪᠠᠶᠢᠳᠠᠯ ᠲᠠᠢ᠂ ᠡᠨᠡ ᠬᠦᠦ ᠦᠨᠡᠬᠡᠷ ᠭᠡᠴᠡᠬᠦᠦ ᠪᠠᠶᠢᠨᠠ | ᠭᠡᠵᠡᠭᠡᠨᠡ᠃ ᠪᠢ ᠪᠤᠳᠠᠭᠠ ᠪᠠᠨ ᠬᠦᠷᠭᠡᠵᠦ ᠬᠦᠷᠦᠭᠰᠡᠨ ᠳᠤ ᠠᠪᠠᠭᠠ ᠡᠭᠡᠴᠢ ᠪᠤᠳᠠᠭᠠ ᠴᠠᠶᠢᠯᠭᠠᠬᠤ ᠪᠡᠯᠡᠳᠭᠡᠯ ᠢᠶᠠᠨ | ᠬᠢᠵᠦ ᠪᠠᠷᠠᠭᠠᠳ ᠨᠠᠮᠠᠢᠢ ᠤᠨᠲᠠ ᠭᠡᠪᠡ᠃ ᠨᠠᠲᠠ ᠳᠤ ᠲᠠᠪᠤᠨ ᠠᠪᠠᠭᠠ ᠡᠭᠡᠴᠢ ᠲᠠᠢ ᠪᠣᠯᠪᠠᠴᠤ ᠬᠠᠮᠤᠭ ᠠᠴᠠ | ᠣᠶᠢᠷᠠᠳᠤᠳᠠᠭ ᠨᠢ ᠭᠤᠷᠪᠠᠳᠤᠭᠠᠷ ᠠᠪᠠᠭᠠ ᠡᠭᠡᠴᠢ ᠪᠢᠯᠡ᠂ ᠢᠯᠠᠩᠭᠤᠶᠠ ᠨᠠᠮᠠᠢᠢ ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ | ᠣᠴᠢᠭᠰᠠᠨ ᠠᠴᠠ ᠬᠤᠶᠢᠰᠢ᠂ ᠤᠳᠠᠭᠠ ᠪᠦᠷᠢ ᠰᠤᠷᠭᠠᠭᠤᠯᠢ ᠳᠤ ᠶᠠᠪᠤᠬᠤ ᠪᠠ ᠬᠠᠷᠢᠵᠤ ᠢᠷᠡᠬᠦ ᠳᠡᠭᠡᠨ ᠪᠦᠷ ᠠᠪᠠᠭᠠ | ᠡᠭᠡᠴᠢ ᠶᠢᠨ ᠳᠤ ᠪᠠᠭᠤᠳᠠᠭ᠂ ᠪᠢ ᠠᠪᠠᠭᠠ ᠡᠭᠡᠴᠢ ᠪᠠᠨ ᠶᠡᠷᠦ ᠡᠵᠢ ᠲᠠᠢ ᠪᠠᠨ ᠠᠳᠠᠯᠢ ᠦᠵᠡᠵᠦ᠂ ᠠᠪᠠᠭᠠ ᠡᠭᠡᠴᠢ | ᠴᠤ ᠨᠠᠮᠠᠢᠢ ᠬᠦᠦ ᠲᠠᠢ ᠪᠠᠨ ᠠᠳᠠᠯᠢ ᠡᠩᠬᠦᠷᠡᠶᠢᠯᠡᠨ ᠰᠠᠨᠠᠳᠠᠭ ᠶᠤᠮ᠃ ᠬᠦᠬᠡᠬᠤᠲᠠ ᠳᠤ ᠢᠷᠡᠬᠦ ᠠᠴᠠ ᠪᠠᠨ ᠡᠮᠦᠨᠡ᠂ | ᠪᠢ ᠠᠪᠠᠭᠠ ᠡᠭᠡᠴᠢ ᠳᠡᠭᠡᠨ ᠰᠠᠯᠬᠤ ᠶᠣᠰᠤ ᠬᠢᠬᠦ ᠪᠠᠷ ᠣᠴᠢᠬᠤ ᠳᠤ᠂ ᠬᠦᠦ ᠮᠢᠨᠢ ᠰᠤᠷᠭᠠᠭᠤᠯᠢ ᠳᠠᠭᠠᠨ ᠣᠴᠢᠪᠠᠯ | ᠡᠵᠢ ᠠᠪᠤ ᠳᠠᠭᠠᠨ ᠦᠷᠬᠦᠯᠵᠢ ᠵᠠᠬᠢᠳᠠᠯ ᠢᠷᠡᠭᠦᠯᠵᠦ ᠪᠠᠢ᠂ ᠰᠤᠷᠭᠠᠭᠤᠯᠢ ᠳᠠᠭᠠᠨ ᠬᠤᠨᠤᠵᠤ ᠬᠡᠪᠳᠡᠬᠦ ᠠᠴᠠ ᠢᠳᠡᠵᠦ | ᠤᠤᠭᠤᠵᠤ ᠪᠠᠶᠢᠭᠠ ᠪᠠᠶᠢᠳᠠᠯ ᠳᠠᠭᠠᠨ ᠬᠦᠷᠳᠡᠯᠡ ᠬᠡᠯᠡᠵᠦ ᠥᠭ᠂ ᠡᠵᠢ ᠠᠪᠤ ᠴᠢᠨᠢ ᠮᠡᠳᠡᠪᠡᠯ ᠪᠠᠶᠠᠷᠯᠠᠬᠤ ᠶᠤᠮ ᠰᠢᠦ | ᠭᠡᠵᠦ ᠰᠤᠷᠭᠠᠵᠤ ᠪᠠᠶᠢᠭᠰᠠᠨ ᠪᠢᠯᠡ᠃ ᠪᠢ ᠬᠡᠳᠦ᠋ᠪᠡᠷ ᠠᠪᠠᠭᠠ ᠡᠭᠡᠴᠢ ᠶᠢᠨ ᠬᠡᠯᠡᠭᠰᠡᠨ ᠶᠣᠰᠤᠭᠠᠷ ᠬᠢᠭᠰᠡᠨ ᠪᠣᠯᠪᠠᠴᠤ | ᠨᠠᠷᠢᠨ ᠣᠴᠢᠷ ᠢ ᠬᠦᠨ ᠮᠡᠳᠡᠭᠰᠡᠨ ᠦᠭᠡᠢ᠃ ᠬᠠᠷᠢᠨ ᠭᠤᠴᠢᠨ ᠵᠢᠯ ᠤᠨ ᠲᠠᠷᠠᠭᠠ ᠮᠢᠨᠦ ᠬᠦᠦ᠂ ᠬᠡᠦᠬᠡᠨ ᠭᠠᠳᠠᠨᠠ | ᠭᠠᠵᠠᠷ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠯᠴᠠᠵᠤ ᠪᠠᠶᠢᠬᠤ ᠳᠤᠨᠢ ᠡᠳᠦᠷᠵᠢᠨ ᠵᠠᠬᠢᠳᠠᠯ ᠴᠢᠮᠡᠭᠡ ᠶᠢ ᠨᠢ ᠬᠦᠰᠡᠵᠦ | ᠪᠠᠶᠢᠭᠰᠠᠨ ᠪᠠ ᠵᠠᠬᠢᠳᠠᠯ ᠢ ᠨᠢ ᠦᠵᠡᠪᠡᠯ ᠪᠠᠶᠠᠷᠯᠠᠬᠤ ᠳᠠᠭᠠᠨ ᠠᠪᠠᠭᠠ ᠡᠭᠡᠴᠢ ᠶᠢᠨ ᠮᠢᠨᠢ ᠲᠤᠬᠠᠢ ᠶᠢᠨ ᠦᠶᠡ ᠳᠤ | ᠬᠡᠯᠡᠵᠦ ᠰᠤᠷᠭᠠᠵᠤ ᠪᠠᠶᠢᠭᠰᠠᠨ ᠦᠭᠡᠨ ᠤ ᠬᠦᠨ ᠤᠳᠭᠠ ᠶᠢ ᠣᠶᠢᠯᠠᠭᠠᠭᠰᠠᠨ ᠪᠢᠯᠡ᠃ | ᠲᠡᠷᠡ ᠰᠦᠨᠢ ᠪᠢ ᠬᠤᠶᠠᠷ ᠪᠦᠯᠦ ᠲᠡᠭᠦᠦ ᠲᠠᠢ ᠪᠠᠨ ᠤᠨᠳᠠᠵᠦ᠂ ᠨᠦᠢᠷ ᠬᠤᠯᠵᠢᠭᠰᠠᠨ ᠪᠣᠯᠪᠠᠴᠤ ᠶᠠᠳᠠᠭᠰᠠᠨ ᠤ | ᠡᠷᠭᠡᠨ ᠳᠤ ᠬᠡᠳᠦᠢ ᠳᠤ ᠪᠤᠳᠠᠭᠠ ᠴᠠᠶᠢᠯᠭᠠᠵᠤ ᠪᠠᠷᠠᠭᠰᠠᠨ ᠢ ᠮᠡᠳᠡᠭᠰᠡᠨ ᠦᠭᠡᠢ᠂ ᠨᠢᠭᠡ ᠮᠡᠳᠡᠬᠦ ᠳᠤ ᠠᠪᠠᠭᠠ ᠡᠭᠡᠴᠢ | ᠨᠠᠮᠠᠢᠢ ᠳᠠᠭᠤᠳᠠᠨ ᠰᠡᠷᠡᠭᠡᠵᠦ ᠪᠤᠳᠠᠭᠠ ᠢᠳᠡ ᠭᠡᠪᠡ᠃ ᠪᠣᠰᠤᠭᠠᠳ ᠦᠵᠡᠭᠰᠡᠨ ᠴᠢᠨᠢ ᠠᠪᠠᠭᠠ ᠡᠭᠡᠴᠢ ᠮᠠᠨᠢ | ᠴᠠᠶᠢᠯᠭᠠᠭᠰᠠᠨ ᠪᠤᠳᠠᠭᠠ ᠪᠠᠨ ᠬᠡᠦᠳᠡᠢ ᠳᠤ ᠰᠠᠪᠠᠯᠠᠭᠠᠳ ᠪᠡᠯᠡᠨ ᠪᠣᠯᠭᠠᠭᠰᠠᠨ ᠪᠠᠶᠢᠵᠠᠢ᠃ ᠪᠢ ᠲᠡᠷᠡ ᠦᠷᠯᠦᠭᠡ ᠳᠡᠭᠡᠨ | ᠴᠠᠭᠠᠨ ᠪᠤᠳᠠᠭᠠ ᠪᠠᠨ ᠡᠯᠵᠢᠭᠡᠨ ᠳᠡᠭᠡᠨ ᠠᠴᠢᠭᠠᠳ ᠰᠤᠷᠭᠠᠭᠤᠯᠢ ᠪᠠᠨ ᠴᠢᠭᠯᠡᠪᠡ᠂ ᠦᠳᠡ ᠶᠢᠨ ᠬᠤᠶᠢᠨᠠ ᠨᠢ ᠪᠣᠷᠤ | ᠮᠦᠷ ᠢᠶᠠᠷ ᠢᠶᠠᠨ ᠡᠷᠬᠢᠵᠦ ᠭᠡᠷ ᠵᠦᠭ ᠲᠡᠭᠡᠨ ᠬᠡᠯᠳᠦᠷᠢᠵᠡᠢ᠃ ᠮᠠᠷᠭᠠᠰᠢ ᠦᠷᠯᠦᠭᠡ ᠨᠢ ᠭᠡᠭᠡ ᠣᠷᠤᠬᠤ ᠠᠴᠠ ᠡᠮᠦᠨᠡ | ᠪᠣᠰᠤᠭᠠᠳ ᠰᠤᠷᠭᠠᠭᠤᠯᠢ ᠵᠦᠭ ᠲᠡᠭᠡᠨ ᠭᠦᠶᠦᠭᠰᠡᠭᠡᠷ ᠲᠦᠷᠦᠭᠦᠦ ᠬᠢᠴᠢᠶᠡᠯ ᠣᠷᠤᠬᠤ ᠠᠴᠠ ᠡᠮᠦᠨᠡ ᠲᠦᠩᠭᠡᠵᠦ | ᠬᠦᠷᠪᠡ᠃ ᠠᠶᠤᠵᠤ ᠰᠣᠴᠢᠭᠰᠠᠨ ᠠᠴᠠ ᠶᠤᠮ ᠦᠦ᠂ ᠡᠰᠡᠭᠦᠯᠡ ᠬᠤᠶᠠᠷ ᠭᠤᠷᠪᠠᠨ ᠡᠳᠦᠷ ᠤᠨ ᠰᠢᠷᠦᠭᠦᠨ | ᠶᠠᠪᠤᠭᠰᠠᠨ ᠠᠴᠠ ᠶᠤᠮ ᠦᠦ᠂ ᠪᠡᠶᠡ ᠨᠡᠯᠢᠶᠡᠳ ᠶᠡᠳᠠᠷᠠᠭᠰᠠᠨ ᠪᠠᠶᠢᠳᠠᠯ ᠲᠠᠢ ᠪᠣᠯᠵᠤ ᠴᠢᠷᠠᠢ ᠬᠤᠵᠶᠢᠭᠰᠠᠨ ᠳᠤ | ᠨᠦᠬᠦᠳ ᠮᠢᠨᠢ ᠨᠠᠮᠠᠢᠢ ᠡᠪᠡᠳᠴᠢᠯᠡᠭᠰᠡᠨ ᠪᠠᠶᠢᠨᠠ ᠭᠡᠵᠦ ᠬᠠᠭᠠᠰ ᠡᠳᠦᠷ ᠤᠨ ᠴᠢᠯᠦᠭᠡ ᠭᠤᠶᠤᠵᠤ ᠠᠮᠠᠷᠠᠴᠢᠬᠠ | ᠭᠡᠵᠡᠭᠡᠵᠦ ᠪᠠᠶᠢᠭᠰᠠᠨ ᠪᠢᠯᠡ᠃ | ᠲᠦᠯᠡᠰᠢ ᠶᠢᠨ ᠠᠰᠠᠭᠤᠳᠠᠯ ᠬᠠᠮᠤᠭ ᠠᠴᠠ ᠬᠡᠴᠡᠭᠦᠦ ᠪᠠᠶᠢᠯᠠ᠃ ᠪᠠᠷᠤᠭ ᠲᠦᠷᠪᠡᠳᠦᠭᠡᠷ ᠣᠨ ᠤ ᠲᠦᠯᠡᠰᠢᠨ ᠳᠡᠭᠡᠨ | ᠵᠣᠭᠤᠰ ᠪᠣᠳᠤᠵᠤ ᠦᠭᠭᠦᠭᠰᠡᠨ ᠪᠠᠶᠢᠬᠤ ᠡ᠃ ᠲᠠᠪᠤᠳᠤᠭᠠᠷ ᠣᠨ ᠤ ᠨᠢᠭᠡ ᠵᠢᠯ ᠤᠨ ᠲᠦᠯᠡᠭᠡ ᠪᠠᠨ ᠪᠢ ᠦᠪᠡᠷ ᠢᠶᠠᠨ | ᠰᠢᠢᠳᠪᠦᠷᠢᠯᠡᠪᠡ᠃ ᠰᠤᠷᠭᠠᠭᠤᠯᠢ ᠶᠢᠨ ᠠᠷᠤ ᠶᠢᠨ ᠮᠠᠩᠬᠠ ᠪᠠᠷ ᠡᠷᠮᠠ ᠦᠨᠳᠦᠷ ᠤᠷᠭᠤᠭᠰᠠᠨ ᠪᠠᠶᠢᠪᠠ᠃ ᠵᠤᠨ ᠤ | ᠠᠮᠠᠷᠠᠯᠲᠠ ᠳᠤ ᠪᠢ ᠬᠤᠶᠠᠷ ᠡᠳᠦᠷ ᠲᠤ ᠵᠠᠭᠤ ᠵᠢᠷᠠᠭᠠᠳ ᠪᠣᠭᠤᠵᠢ ᠬᠠᠳᠤᠪᠠ᠂ ᠬᠠᠳᠤᠭᠰᠠᠨ ᠡᠷᠮᠠ ᠪᠠᠨ | ᠪᠣᠭᠤᠵᠢᠯᠠᠨ ᠲᠡᠯᠭᠡᠵᠦ ᠲᠠᠯᠪᠢᠭᠠᠳ᠂ ᠰᠤᠷᠭᠠᠭᠤᠯᠢ ᠡᠬᠢᠯᠡᠪᠡᠯ ᠬᠠᠮᠲᠤ ᠰᠤᠷᠤᠭᠴᠢᠳ ᠢᠶᠠᠨ ᠭᠤᠶᠤᠵᠤ | ᠰᠤᠷᠭᠠᠭᠤᠯᠢ ᠳᠤ ᠵᠦᠭᠡᠭᠡᠵᠦ ᠣᠷᠤᠭᠤᠯᠤᠨ᠂ ᠪᠦᠭᠦᠳᠡ ᠶᠢ ᠨᠢ ᠵᠠᠭᠤ ᠬᠤᠷᠢᠨ ᠪᠣᠭᠤᠵᠢ ᠪᠠᠷ ᠪᠣᠳᠤᠵᠤ ᠥᠭᠬᠦ ᠪᠠᠷ | ᠪᠡᠯᠡᠳᠭᠡᠪᠡ᠃ ᠲᠡᠷᠡ ᠵᠢᠯ ᠳᠤᠨᠢ ᠰᠤᠷᠭᠠᠭᠤᠯᠢ ᠡᠬᠢᠯᠡᠩᠭᠦᠳᠡ ᠲᠦᠯᠡᠰᠢ ᠳᠤᠲᠠᠭᠳᠠᠵᠤ ᠪᠠᠶᠢᠭᠰᠠᠨ ᠪᠦᠭᠡᠳ | ᠠᠮᠢᠳᠤᠷᠠᠯ ᠬᠠᠮᠢᠶᠠᠷᠤᠭᠴᠢ ᠪᠣᠷᠵᠤᠤ ᠪᠠᠭᠰᠢ ᠮᠢᠨᠦ ᠲᠦᠯᠡᠭᠡ ᠬᠠᠳᠤᠭᠰᠠᠨ ᠢ ᠮᠡᠳᠡᠭᠰᠡᠨ ᠪᠠᠶᠢᠵᠠᠢ᠂ ᠤᠴᠢᠷ ᠨᠢ ᠨᠠᠮᠠᠢᠢ | ᠡᠷᠮᠠ ᠬᠠᠳᠤᠵᠤ ᠪᠠᠶᠢᠬᠤ ᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠲᠣᠭᠤᠭᠠᠴᠢ ᠠᠪᠤ ᠬᠠᠷᠠᠭᠰᠠᠨ ᠶᠤᠮ᠃ ᠪᠤ ᠪᠠᠭᠰᠢ ᠨᠠᠮᠠᠢᠢ | ᠳᠠᠭᠤᠳᠠᠨ ᠪᠠᠶᠢᠳᠠᠯ ᠢ ᠠᠰᠠᠭᠤᠯᠠ᠃ ᠪᠢ ᠡᠷᠮᠠ ᠬᠠᠳᠤᠭᠰᠠᠨ ᠢᠶᠠᠨ ᠦᠨᠡᠨ ᠢᠶᠠᠷ ᠢᠶᠠᠨ ᠬᠡᠯᠡᠭᠡᠳ ᠪᠦᠭᠦᠳᠡ ᠶᠢ ᠵᠠᠭᠤ | ᠬᠤᠷᠢᠨ ᠪᠣᠭᠤᠵᠢ ᠪᠠᠷ ᠪᠣᠳᠤᠭᠠᠳ ᠥᠭᠬᠦ ᠳᠤ ᠪᠣᠯᠤᠨᠠ ᠦᠦ︖ ᠭᠡᠬᠦ ᠳᠤ ᠪᠤ ᠪᠠᠭᠰᠢ ᠢᠨᠢᠶᠡᠭᠡᠳ ︽ᠪᠣᠯᠬᠤ ᠦᠭᠡᠢ | ᠂ ᠴᠢᠨᠦ ᠵᠠᠭᠤ ᠵᠢᠷᠠᠨ ᠪᠣᠭᠤᠵᠢ ᠶᠢ ᠪᠢ ᠶᠠᠭᠤᠨ ᠳᠤ ᠵᠠᠭᠤ ᠬᠤᠷᠢᠨ ᠪᠣᠭᠤᠵᠢ ᠳᠤ ᠪᠣᠳᠤᠵᠤ ᠪᠣᠯᠬᠤ ᠪᠣᠢ᠂ ᠢᠯᠡᠭᠦᠦ | ᠭᠠᠷᠤᠭᠰᠠᠨ ᠬᠡᠰᠡᠭ ᠢ ᠨᠢ ᠦᠨᠡ ᠬᠠᠩᠰᠢ ᠪᠠᠷ ᠨᠢ ᠪᠣᠳᠤᠵᠤ ᠨᠣᠭᠤᠭᠠ ᠶᠢᠨ ᠵᠣᠭᠤᠰᠤᠨ ᠳᠤ ᠴᠢᠨᠢ ᠰᠠᠭᠤᠯᠭᠠᠵᠤ | ᠦᠭᠬᠦᠶᠡ︾ ᠭᠡᠵᠡᠢ᠃ ᠦᠨᠡᠨ ᠳᠡᠭᠡᠨ ᠪᠣᠯ ᠪᠢ ᠡᠷᠮᠠ ᠬᠠᠳᠤᠭᠠᠳ ᠡᠬᠦᠨ ᠢ ᠲᠦᠯᠡᠰᠢᠨ ᠳᠤ ᠪᠣᠳᠤᠵᠤ ᠠᠪᠬᠤ | ᠡᠰᠡᠬᠦ ᠶᠢ ᠮᠡᠳᠡᠬᠦ ᠦᠭᠡᠢ ᠲᠣᠳᠤᠷᠠ ᠮᠢᠨᠢ ᠲᠦᠭ ᠲᠠᠭ ᠲᠠᠢ ᠪᠠᠶᠢᠭᠰᠠᠨ ᠮᠦᠷᠳᠡᠭᠡᠨ ᠢᠯᠠᠩᠭᠤᠶᠠ ᠪᠤᠣ ᠪᠠᠭᠰᠢ ᠶᠢᠨ | ᠦᠭᠡ ᠡᠬᠢᠯᠡᠩᠭᠦᠳᠡ ︽ᠪᠣᠯᠬᠤ ᠦᠭᠡᠢ︾ ᠭᠡᠰᠡᠨ ᠢ ᠰᠣᠨᠤᠰᠤᠭᠠᠳ ᠳᠣᠲᠤᠷᠠ ᠮᠢᠨᠢ ᠠᠭᠵᠠᠰᠭᠢᠵᠤ ᠠᠪᠤᠪᠠ᠂ | ᠭᠡᠳᠡᠯᠡ ᠪᠤ ᠪᠠᠭᠰᠢ ᠮᠢᠨᠢ ᠪᠦᠷ ᠲᠤᠭᠠ ᠶᠣᠰᠤᠭᠠᠷ ᠨᠢ ᠪᠣᠳᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠮᠢᠨᠦ ᠢᠩᠬᠢᠵᠦ ᠬᠢᠭᠰᠡᠨ ᠢ | ᠦᠪᠡᠷ ᠤᠨ ᠬᠦᠴᠢᠷ ᠢᠶᠠᠨ ᠦᠪᠡᠷ ᠢᠶᠠᠨ ᠰᠢᠢᠳᠪᠦᠷᠢᠯᠡᠭᠰᠡᠨ ᠵᠦᠪ ᠠᠵᠢᠯᠯᠠᠭᠠ ᠮᠦᠨ ᠭᠡᠵᠦ ᠰᠠᠶᠢᠰᠢᠶᠠᠭᠰᠠᠨ ᠨᠢ | ᠨᠠᠲᠠ ᠳᠤ ᠶᠡᠭᠡ ᠵᠣᠷᠢᠭᠵᠢᠭᠤᠯᠤᠯ ᠪᠣᠯᠵᠠᠢ᠃ ᠡᠬᠦᠨ ᠠᠴᠠ ᠪᠣᠯᠵᠤ ᠦᠷᠬᠦᠯᠵᠢᠯᠡᠨ ᠰᠤᠷᠤᠯᠴᠠᠬᠤ ᠳᠤ ᠨᠡᠩ | ᠢᠲᠡᠭᠡᠯ ᠲᠠᠢ᠂ ᠨᠡᠩ ᠵᠣᠷᠢᠭ ᠲᠡᠭᠦᠯᠳᠡᠷ ᠪᠣᠯᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠲᠤᠯᠭᠠᠷᠠᠪᠠᠯ | ᠠᠷᠭᠠ ᠰᠦᠪᠡᠭᠴᠢᠯᠡᠨ ᠪᠡᠶᠡ ᠪᠠᠨ ᠳᠠᠭᠠᠭᠠᠵᠤ ᠰᠤᠷᠤᠯᠴᠠᠬᠤ᠂ ᠪᠡᠶᠡ ᠪᠠᠨ ᠳᠠᠭᠠᠭᠠᠵᠤ ᠳᠠᠪᠠᠵᠤ ᠲᠤᠭᠤᠯᠬᠤ ᠵᠣᠷᠢᠭ ᠢ | ᠬᠦᠪᠴᠢᠯᠡᠭᠰᠡᠨ ᠶᠤᠮ᠃ | |