| ᠤᠷᠢᠳᠦ ᠴᠠᠭ ᠲᠤ᠂ ᠭᠦᠷᠢᠶᠡ ᠬᠤᠰᠢᠭᠤᠨ ᠤ ᠶᠠᠩᠰᠢᠪ ᠤᠨ ᠠᠶᠢᠯ ᠳᠤ ᠠᠳᠤᠭᠤ ᠮᠠᠯ ᠤᠯᠠᠨ ᠲᠠᠢ ᠨᠢᠬᠡᠨ ᠪᠠᠶᠠᠨ | ᠪᠠᠶᠢᠵᠠᠢ᠃ ᠨᠢᠬᠡᠨ ᠡᠳᠦᠷ ᠲᠡᠷᠡ ᠪᠠᠶᠠᠨ ᠤ ᠳᠤ ᠨᠢᠬᠡᠨ ᠦᠯᠦ ᠲᠠᠨᠢᠬᠤ ᠭᠦᠮᠦᠨ ᠢᠷᠡᠵᠦ ᠭᠦᠴᠦ ᠶᠠᠪᠤᠬᠤ ᠪᠠᠷ | ᠭᠤᠶᠤᠭᠰᠠᠨ ᠳᠤ ᠪᠠᠶᠠᠨ ᠵᠦᠪᠰᠢᠶᠡᠷᠡᠵᠦ ᠠᠳᠤᠭᠤ ᠮᠠᠯ ᠢᠶᠠᠨ ᠬᠠᠷᠢᠭᠤᠯᠤᠭᠤᠯᠪᠠ ᠬᠡᠨᠡ᠃ ᠡᠳᠦᠷ ᠰᠠᠷᠠ | ᠦᠩᠬᠡᠷᠡᠭᠰᠡᠬᠡᠷ ᠭᠤᠷᠪᠠᠨ ᠵᠢᠯ ᠤᠨ ᠨᠢᠭᠤᠷ ᠢ ᠦᠵᠡᠵᠦ᠂ ᠭᠦᠴᠦᠨ ᠤ ᠭᠦᠮᠦᠨ ᠶᠠᠪᠤᠬᠤ ᠪᠠᠷ ᠪᠤᠯᠤᠭᠰᠠᠨ ᠳᠤ | ᠪᠠᠶᠠᠨ ᠠᠴᠠ ᠭᠦᠴᠦ ᠬᠠᠷᠠᠮᠵᠢ ᠶᠢ ᠨᠢ ᠪᠤᠳᠤᠵᠦ ᠦᠭᠭᠦ ᠪᠠᠷ ᠪᠤᠯᠪᠠ᠃ ᠲᠡᠷᠡ ᠭᠦᠴᠦᠨ ᠤ ᠭᠦᠮᠦᠨ᠄ ︽ᠪᠢ | ᠦᠬᠡᠷᠡ ᠶᠠᠭᠤ ᠴᠦ ᠠᠪᠬᠤ ᠦᠬᠡᠢ᠂ ᠲᠠᠨ ᠤ ᠭᠦᠮᠦᠷᠬᠡᠨ ᠠᠴᠠ ᠨᠢᠬᠡ ᠱᠧᠩ ᠰᠢᠷᠠ ᠪᠤᠷᠴᠠᠭ ᠠᠪᠤᠪᠠᠯ ᠪᠤᠯᠴᠢᠬᠠᠨᠠ | ︾ ᠬᠡᠪᠡ᠃ ᠪᠠᠶᠠᠨ ᠰᠤᠨᠤᠰᠤᠭᠠᠳ ᠶᠡᠭᠡ ᠯᠡ ᠪᠠᠶᠠᠷᠯᠠᠵᠦ ︽ᠨᠢᠬᠡ ᠱᠧᠩ ᠪᠠᠶᠢᠳᠤᠭᠠᠢ ᠠᠷᠪᠠᠨ ᠱᠧᠩ ᠠᠪᠤᠭᠰᠠᠨ | ᠴᠦ ᠪᠤᠯᠤᠨᠠ︾ ᠬᠡᠵᠡᠢ᠃ ᠲᠡᠷᠡ ᠭᠦᠮᠦᠨ ᠨᠢᠬᠡ ᠱᠧᠩ ᠰᠢᠷᠠ ᠪᠤᠷᠴᠠᠭ ᠢ ᠨᠢ ᠠᠪᠴᠦ ᠶᠠᠪᠤᠪᠠ᠃ ᠪᠠᠶᠠᠨ | ᠬᠡᠳᠦ᠋ᠢᠪᠡᠷ ᠲᠤᠳᠤᠷᠠ ᠪᠠᠨ ᠶᠡᠭᠡ ᠯᠡ ᠪᠠᠶᠠᠷᠯᠠᠪᠠᠴᠦ ᠡᠨᠡ ᠭᠦᠮᠦᠨ ᠨᠢᠬᠡ ᠯᠡ ᠱᠧᠩ ᠰᠢᠷᠠ ᠪᠤᠷᠴᠠᠭ ᠢᠶᠠᠷ ᠴᠤᠬᠤᠮ | ᠶᠠᠭᠤ ᠬᠢᠭᠦ ᠶᠤᠮ ᠳ᠋ᠠ ᠬᠡᠵᠦ ᠭᠠᠶᠢᠬᠠᠰᠢ ᠠᠯᠳᠠᠨ ᠲᠡᠷᠡ ᠭᠦᠮᠦᠨ ᠤ ᠬᠤᠶᠢᠨᠠ ᠠᠴᠠ ᠬᠡᠳᠡᠵᠦ ᠶᠠᠪᠤᠪᠠ᠃ ᠦᠨᠦᠬᠢ | ᠭᠦᠴᠦᠨ ᠤ ᠭᠦᠮᠦᠨ ᠪᠠᠶᠠᠨ ᠤ ᠬᠡᠷ ᠠᠴᠠ ᠭᠠᠷᠴᠦ ᠶᠠᠪᠤᠭᠠᠳ ᠲᠤᠰ ᠠᠶᠢᠯ ᠠᠴᠠ ᠤᠶᠢᠷᠠᠯᠴᠠᠭᠠ ᠨᠢᠬᠡᠨ | ᠠᠭᠤᠯᠠᠨ ᠳᠤ ᠭᠦᠷᠦᠭᠰᠡᠨ ᠪᠠᠶᠢᠯᠠ᠃ ᠠᠭᠤᠯᠠᠨ ᠳᠤ ᠭᠠᠷᠤᠭᠰᠠᠨ ᠤ ᠰᠠᠭᠦᠯᠡᠷ ᠲᠡᠷᠡ ᠨᠢᠬᠡ ᠶᠡᠭᠡ ᠬᠠᠳᠠᠨ ᠤ | ᠲᠡᠷᠬᠡᠳᠠ ᠭᠦᠷᠴᠦ ᠦᠨᠦᠬᠢ ᠨᠢᠬᠡ ᠱᠧᠩ ᠰᠢᠷᠠ ᠪᠤᠷᠴᠠᠭ ᠢᠶᠠᠨ ᠬᠠᠳᠠᠨ ᠲᠡᠬᠡᠷᠡ ᠰᠠᠴᠤᠭᠰᠠᠨ ᠤ ᠲᠠᠷᠠᠭᠠ ᠠᠭᠱᠠᠨ | ᠵᠠᠭᠤᠷᠠ ᠬᠠᠳᠠ ᠨᠡᠬᠡᠬᠡᠭᠳᠡᠵᠦ ᠨᠢᠬᠡᠨ ᠡᠷᠳᠡᠨᠢ ᠶᠢᠨ ᠭᠠᠭ᠋ᠠᠢ ᠭᠠᠷᠴᠦ ᠢᠷᠡᠭᠦ ᠬᠠᠷᠠᠭᠳᠠᠪᠠ᠃ ᠲᠦᠩᠬᠡᠵᠦ ᠭᠠᠭ᠋ᠠᠢ ᠶᠢᠨ | ᠬᠠᠭᠠᠰ ᠪᠡᠶᠡ ᠨᠢ ᠭᠠᠷᠴᠦ ᠢᠷᠡᠳᠠᠯᠠ ᠬᠡᠳᠡᠵᠦ ᠪᠠᠶᠢᠭᠠ ᠪᠠᠶᠠᠨ ᠰᠤᠴᠢᠭᠰᠠᠨ ᠭᠦᠴᠦᠨ ᠳᠡᠭᠡᠨ ︽ᠲᠡᠷᠡ ᠭᠠᠷᠴᠦ | ᠢᠷᠡᠭᠦ ᠶᠠᠭᠤᠮᠠ ᠶᠠᠭᠤ ᠪᠤᠢ︖︾ ᠬᠡᠵᠦ ᠪᠠᠷᠬᠢᠷᠠᠨ ᠠᠰᠠᠭᠤᠭᠰᠠᠨ ᠬᠡᠨᠡ᠃ ᠪᠠᠶᠠᠨ ᠤ ᠪᠠᠷᠬᠢᠷᠠᠭᠰᠠᠨ ᠲᠠᠭᠤᠨ ᠳᠤ | ᠲᠡᠷᠡ ᠡᠷᠳᠡᠨᠢ ᠶᠢᠨ ᠭᠠᠭ᠋ᠠᠢ ᠡᠷᠬᠢᠬᠡᠳ ᠲᠤᠳᠤᠭᠰᠢ ᠪᠠᠨ ᠰᠢᠷᠭᠤᠨ ᠤᠷᠤᠵᠠᠢ᠃ ᠲᠤᠰ ᠨᠤᠳᠤᠭ ᠤᠨ ᠭᠦᠮᠦᠰ ᠲᠡᠷᠡ | ᠴᠠᠭ ᠠᠴᠠ ᠡᠬᠢᠯᠡᠬᠡᠳ ᠦᠨᠦ ᠡᠷᠳᠡᠨᠢ ᠶᠢᠨ ᠭᠠᠭ᠋ᠠᠢ ᠨᠢᠭᠤᠭᠳᠠᠭᠰᠠᠨ ᠠᠭᠤᠯᠠ ᠶᠢ ᠭᠠᠭ᠋ᠠᠢ ᠠᠭᠤᠯᠠ ᠬᠡᠮᠡᠨ ᠨᠡᠷᠡᠯᠡᠨ | ᠲᠠᠭᠤᠳᠠᠬᠤ ᠪᠤᠯᠪᠠ ᠬᠡᠨᠡ᠃ |