| ᠡᠷᠲᠡ ᠣᠷᠢᠲᠤ ᠳᠤ᠂ ᠴᠢᠩᠭᠢᠰ ᠬᠠᠭᠠᠨ ᠵᠠᠮᠤᠬᠠ ᠲᠠᠢ ᠵᠢᠭᠤᠷᠠᠯᠳᠤᠨ ᠪᠠᠶᠢᠯᠳᠣᠵᠤ ᠬᠤᠶᠢᠨᠠ ᠠᠴᠠ ᠨᠢ | ᠨᠡᠬᠡᠮᠵᠢᠯᠡᠨ ᠳᠠᠭᠤᠭᠰᠠᠭᠠᠷ ᠰᠡᠭᠦ᠋ᠢᠨ ᠰᠦᠨᠳᠡᠷᠯᠡᠭᠰᠡᠨ ᠨᠢᠭᠡᠨ ᠶᠡᠭᠡ ᠠᠭᠤᠯᠠ ᠤ ᠠᠷᠤ ᠬᠤᠷᠮᠣᠢ ᠳᠤ ᠲᠤᠯᠵᠣ | ᠬᠦᠷᠴᠡᠢ᠃ ᠲᠡᠷᠡ ᠲᠣᠬᠠᠢ ᠳᠤ᠂ ᠵᠣᠨ ᠤ ᠣᠯᠠᠷᠢᠯ ᠪᠠᠶᠢᠭᠰᠠᠨ ᠲᠤᠯᠠ ᠴᠡᠷᠢᠭ ᠮᠣᠷᠢ ᠨᠢ ᠶᠠᠳᠠᠷᠠᠵᠤ ᠵᠦᠳᠡᠷᠡᠬᠦ ᠪᠠᠷ | ᠦᠯᠦ ᠪᠠᠷᠠᠨ ᠤᠰᠤ ᠤᠮᠳᠠ ᠲᠠᠰᠣᠷᠠᠭᠠᠳ ᠣᠷᠣᠭᠰᠢᠯᠠᠬᠤ ᠳᠤ ᠪᠡᠷᠬᠡᠲᠡᠢ ᠪᠣᠯᠪᠠ᠃ ᠴᠢᠩᠭᠢᠰ ᠬᠠᠭᠠᠨ ᠡᠨᠡ | ᠪᠠᠶᠢᠳᠠᠯ ᠢ ᠠᠵᠢᠭᠠᠳ ᠠᠯᠪᠠᠨ ᠴᠡᠷᠢᠭ ᠲᠤ ᠠᠮᠠᠷᠠᠵᠤ ᠪᠠᠭᠤᠳᠠᠯᠯᠠᠬᠤ ᠶᠢ ᠵᠠᠷᠯᠠᠵᠤ᠂ ᠰᠢᠳᠡᠷ ᠵᠠᠩᠵᠤᠨ ᠢᠶᠠᠨ | ᠵᠠᠷᠯᠢᠭᠳᠠᠨ ᠤᠰᠤ ᠡᠷᠢᠭᠦᠯᠦᠭᠰᠡᠨ ᠪᠣᠯᠪᠠᠴᠤ ᠣᠯᠣᠭᠰᠠᠨ ᠦᠭᠡᠢ ᠪᠣᠴᠠᠵᠠᠢ᠃ | ᠦᠵᠡᠲᠡᠯᠡ ᠦᠳᠡᠰᠢ ᠶᠢᠨ ᠪᠠᠷᠠᠭᠠᠨ ᠬᠥᠰᠢᠭᠡ ᠲᠠᠲᠠᠭᠰᠠᠨ ᠪᠣᠯᠪᠠᠴᠤ ᠣᠮᠳᠠᠭᠠᠰᠴᠤ ᠠᠩᠭᠠᠭᠰᠠᠨ ᠤᠯᠤᠰ | ᠠᠮᠢᠲᠠᠳ ᠦᠢᠮᠡᠯᠳᠦᠭᠡᠳ ᠭᠠᠰᠠᠯᠦᠯ ᠵᠣᠪᠠᠯ ᠤᠨ ᠳᠠᠭᠤᠨ ᠭᠠᠵᠠᠷ ᠲᠡᠭᠷᠢ ᠲᠠᠢ ᠦᠷᠭᠦᠯᠵᠢᠯᠡᠵᠦ ᠪᠠᠶᠢᠯᠠ᠃ ᠴᠢᠩᠭᠢᠰ | ᠬᠠᠭᠠᠨ ᠴᠡᠷᠢᠭ ᠳᠠᠶᠢᠨ ᠤ ᠣᠴᠢᠷ ᠲᠤ ᠶᠡᠬᠡᠳᠡ ᠰᠡᠳᠭᠢᠯ ᠵᠣᠪᠠᠵᠤ᠂ ᠴᠠᠴᠠᠷ ᠤᠨ ᠡᠭᠦᠳᠡᠨ ᠳᠤ ᠵᠣᠭᠰᠣᠭᠠᠳ | ᠴᠢᠨᠡᠲᠦ ᠦᠨᠳᠦᠷ ᠠᠭᠤᠯᠠ ᠶᠢ ᠠᠵᠢᠪᠠᠯ᠄ ᠴᠠᠰᠤᠲᠤ ᠣᠷᠭᠢᠯ ᠤᠨ ᠴᠠᠷᠠᠰᠣᠲᠤ ᠬᠦᠲᠥᠯ ᠤᠨ ᠳᠣᠣᠷᠠ ᠴᠠᠬᠢᠯᠭᠠᠨ | ᠬᠢᠯᠪᠠᠭ᠋ᠤ ᠮᠡᠲᠦ ᠴᠠᠶᠢᠯᠵᠠᠬᠤ ᠨᠢᠭᠡᠨ ᠤᠰᠤ ᠬᠠᠷᠠᠭᠠᠨ ᠳᠤ ᠨᠢ ᠣᠷᠣᠪᠠ᠃ ᠲᠡᠷᠡ ᠳᠣᠣᠷᠠ ᠪᠠᠨ ᠶᠡᠭᠡ ᠪᠠᠷ | ᠪᠠᠶᠠᠰᠴᠤ᠂ ᠲᠡᠮᠳᠡᠭ ᠪᠠᠶᠢᠴᠠ ᠶᠢ ᠮᠦᠷᠳᠡᠨ ᠲᠦᠷᠭᠡᠯᠡᠵᠦ ᠬᠦᠷᠬᠦ ᠳᠤ᠂ ᠬᠠᠳᠠᠨ ᠤ ᠬᠤᠩᠬᠢᠢᠯ ᠳᠤ ᠮᠡᠯᠳᠡᠭᠡᠨᠡᠭᠰᠡᠨ | ᠬᠦᠭᠡᠷᠦᠭᠦᠢ ᠪᠢᠴᠢᠬᠠᠨ ᠪᠤᠯᠠᠭ ᠢᠯᠡᠷᠡᠵᠦ᠂ ᠬᠤᠪᠤᠭᠤ ᠪᠠᠷ ᠬᠡᠳᠦ ᠠᠪᠣᠪᠠᠯ ᠬᠤᠲᠦ᠋ᠢᠵᠤ ᠰᠢᠷᠬᠢᠮᠠᠷ ᠤᠰᠤ ᠪᠠᠶᠢᠯᠠ᠃ | ᠠᠢ ᠳ᠋ᠠ᠂ ᠣᠨᠳᠣᠷᠣᠮᠠᠯ ᠪᠤᠯᠠᠭ ᠬᠡᠰᠡᠨ ᠴᠤ ᠤᠰᠤ ᠪᠠᠷ ᠶᠡᠷᠦ ᠨᠢ ᠠᠨᠠᠶᠢᠬᠠᠨ ᠲᠤᠯᠠ ᠤᠯᠤᠰ ᠤᠨ ᠶᠡᠭᠡ ᠴᠡᠷᠢᠭ ᠲᠤ | ᠤᠮᠳᠠ ᠪᠣᠯᠵᠤ ᠬᠡᠷᠬᠢᠨ ᠳᠡᠶᠢᠯᠬᠦ ᠪᠣᠢ︖ ᠭᠡᠵᠦ ᠡᠵᠡᠨ ᠴᠢᠩᠭᠢᠰ ᠡᠪᠴᠢᠭᠦᠦ ᠪᠠᠨ ᠳᠠᠯᠠᠳᠤᠨ ᠡᠩᠰᠡᠷᠡᠵᠦ | ᠵᠣᠪᠠᠭ᠋ᠤ ᠳᠤ᠂ ᠡᠲᠡᠭᠡᠳ ᠴᠠᠩᠭᠠᠭᠰᠠᠨ ᠴᠡᠷᠢᠭ ᠮᠣᠷᠢᠳ ᠬᠠᠷᠢᠨ ᠡᠷᠡᠦ ᠰᠣᠩᠭᠠᠯᠴᠠᠨ ᠣᠷᠣᠯᠠ᠂᠂᠂᠂᠂ ᠭᠠᠯᠪᠠ ᠳᠤ | ᠭᠠᠭᠴᠠ ᠳᠣᠬᠢᠶᠠᠯᠳᠣᠭᠰᠠᠨ ᠭᠠᠶᠢᠬᠠᠮᠰᠢᠭᠲᠤ ᠣᠨᠴᠠᠷᠠᠯ ᠪᠢᠯᠡ᠃ ᠲᠠᠪᠢᠨ ᠲᠦᠮᠡᠨ ᠴᠡᠷᠢᠭ ᠮᠣᠷᠢᠳ ᠳᠠᠪᠠ ᠪᠠᠨ | ᠬᠠᠨᠲᠠᠯᠠ ᠣᠣᠭᠤᠭᠰᠠᠨ ᠪᠣᠯᠪᠠᠴᠤ ᠳᠡᠪᠡᠯᠡᠵᠦ ᠪᠠᠰᠣᠭᠰᠠᠨ ᠲᠡᠷᠡ ᠪᠢᠴᠢᠬᠠᠨ ᠪᠤᠯᠠᠭ ᠵᠢᠭᠠᠬᠠᠨ ᠴᠤ ᠳᠤᠨᠳᠠᠷᠠᠭᠰᠠᠨ | ᠦᠭᠡᠢ᠃ ᠡᠶᠢᠮᠦ ᠬᠠᠴᠢᠨ ᠦᠵᠡᠭᠳᠡᠯ ᠳᠤ ᠡᠵᠡᠨ ᠴᠢᠩᠭᠢᠰ ᠡᠷᠬᠡ ᠦᠭᠡᠢ ᠰᠡᠵᠢᠭ ᠭᠠᠶᠢᠬᠠᠰᠢ ᠲᠥᠷᠦᠵᠦ᠂ | ᠪᠢᠳᠡᠭᠦᠯᠡᠨ ᠠᠪᠴᠤ ᠣᠣᠭᠤᠵᠤ ᠦᠵᠡᠪᠡᠯ ᠪᠡᠯ ᠪᠤᠷᠠᠮ ᠰᠢᠭ᠋ ᠠᠮᠲᠠᠲᠠᠢ ᠪᠠᠶᠢᠯᠠ᠃ ᠲᠡᠭᠡᠭᠡᠳ ᠡᠨᠡ ᠪᠠᠭᠠ | ᠤᠰᠤᠨ ᠳᠤ ᠡᠲᠡᠭᠡᠳ ᠰᠢᠳᠢ ᠲᠠᠢ ᠶᠢ ᠴᠢᠩᠭᠢᠰ ᠬᠠᠭᠠᠨ ᠮᠡᠳᠡᠭᠡᠳ ᠡᠷᠭᠢᠬᠦ ᠮᠠᠷᠭᠠᠰᠢ ᠶᠢᠨ ᠪᠠᠶᠢᠯᠳᠣᠭᠠᠨ ᠳᠤ | ᠡᠷᠬᠡᠪᠰᠢ ᠳᠡᠶᠢᠯᠬᠦ ᠶᠢ ᠪᠡᠯᠭᠡᠳᠡᠵᠦ᠂ ᠬᠤᠩᠭᠤᠷ ᠪᠢᠴᠢᠬᠠᠨ ᠪᠤᠯᠠᠭ ᠢ ︽ᠬᠤᠭᠤᠯᠠᠨ ᠭᠤᠣᠯ︾ ᠭᠡᠵᠦ ᠨᠡᠷᠡᠯᠡᠭᠰᠡᠨ ᠳᠤ | ᠬᠤᠷᠣᠮᠬᠠᠨ ᠵᠠᠭᠤᠷᠠ ᠣᠷᠭᠢᠯᠤᠨ ᠪᠣᠷᠭᠢᠯᠵᠦ ᠬᠤᠲᠣᠭᠤᠷ ᠢ ᠳᠠᠪᠠᠵᠤ ᠬᠠᠯᠬᠢᠯᠠᠭᠰᠠᠨ ᠭᠡᠨᠡ᠃ ᠲᠡᠷᠡ ᠦᠶᠡ ᠠᠴᠠ | ᠡᠬᠢᠯᠡᠵᠦ᠂ ᠲᠡᠮᠦᠵᠢᠨ ᠤ ᠬᠠᠶᠢᠷᠠᠯᠠᠭᠰᠠᠨ ᠨᠡᠷᠡ ᠨᠢ ᠲᠡᠭᠷᠢ ᠶᠢᠨ ᠳᠣᠣᠷᠠ ᠳᠠᠭᠤᠷᠢᠰᠴᠠᠢ᠃ ᠬᠤᠵᠢᠮ ᠨᠢ ᠬᠤᠭᠤᠯᠠᠨ | ᠭᠡᠳᠡᠭ ᠨᠢ ᠦᠭᠡᠷᠡᠳᠦᠭᠡᠳ ᠬᠤᠯᠠᠨ ᠭᠡᠵᠦ ᠳᠠᠮᠵᠢᠭᠲᠠᠵᠤ᠂ ᠬᠤᠯᠠᠨ ᠨᠢ ᠳᠠᠬᠢᠵᠤ ᠣᠯᠠᠷᠢᠭᠰᠠᠭᠠᠷ ᠬᠤᠣᠯᠢᠨ ᠪᠤᠯᠵᠤ | ᠬᠤᠪᠢᠷᠠᠭᠰᠠᠨ ᠪᠦᠭᠡᠳ ᠬᠤᠯᠠ ᠣᠶᠢᠷᠠ ᠶᠢᠨ ᠮᠣᠩᠭᠤᠯᠴᠣᠳ ᠲᠤ ᠬᠤᠪᠢᠯᠭᠠᠨ ᠤᠰᠤ ᠪᠠᠷ ᠰᠢᠲᠦᠭᠳᠡᠬᠦ ᠪᠣᠯᠵᠠᠢ | ᠭᠡᠨᠡ᠃ |