| ᠲᠦᠢᠯ ᠤᠨ ᠭᠤᠶᠦ ᠬᠡᠤᠬᠡᠨ ᠲᠠᠢ ᠨᠢᠬᠡᠨ ᠶᠠᠳᠠᠭᠤ ᠡᠷᠡ ᠡᠮᠠ ᠬᠤᠶᠠᠷ ᠪᠠᠶᠢᠵᠠᠢ ᠬᠡᠨᠡ᠃ ᠠᠳᠡᠬᠢ ᠬᠠᠷᠬᠢᠰ | ᠪᠠᠶᠠᠨ ᠮᠡᠳᠡᠬᠡᠳ ᠲᠡᠭᠦᠨ ᠤ ᠦᠩᠬᠡ ᠵᠢᠰᠦ ᠴᠦ ᠦᠬᠡᠢ᠂ ᠵᠠᠯᠬᠠᠭᠤ ᠵᠠᠶᠢᠳᠠᠩ ᠭᠦᠦ ᠳᠡᠭᠡᠨ ᠪᠠᠭᠤᠯᠭᠠᠵᠦ ᠠᠪᠬᠤ | ᠪᠠᠷ ᠲᠡᠬᠡᠷᠡᠩᠭᠦ᠋ᠢᠯᠡᠭᠰᠡᠨ ᠬᠡᠨᠡ᠃ ᠬᠡᠤᠬᠡᠨ᠂ ᠠᠪᠤ ᠡᠵᠢ ᠲᠠᠢ ᠪᠠᠨ ᠶᠠᠮᠠᠷ ᠴᠦ ᠠᠷᠭᠠ ᠦᠬᠡᠢ ᠭᠠᠷ ᠨᠤᠬᠤᠯᠠᠨ | ᠭᠠᠴᠢᠭᠳᠡᠵᠦ᠂ ᠡᠳᠦᠷ ᠰᠦᠨᠢ ᠦᠬᠡᠢ ᠰᠠᠶᠢᠬᠠᠨ ᠨᠢᠳᠦᠨ ᠠᠴᠠ ᠪᠠᠨ ᠨᠢᠯᠪᠤᠰᠦ ᠪᠦᠮᠪᠤᠷᠢᠭᠦᠯᠦᠨ ᠰᠠᠭᠤᠳᠠᠭ ᠪᠤᠯᠵᠠᠢ᠃ | ᠨᠢᠬᠡᠨ ᠰᠦᠨᠢ ᠬᠡᠨᠡᠳᠳᠠ ᠨᠢᠳᠦᠨ ᠠᠴᠠ ᠨᠢ ᠪᠦᠮᠪᠦᠷᠢᠭᠰᠡᠨ ᠲᠤᠩᠭᠠᠯᠠᠭ ᠨᠢᠯᠪᠤᠰᠤᠨ ᠳᠤᠨᠢ ᠨᠢᠬᠡ ᠴᠠᠭᠠᠨ ᠰᠠᠬᠠᠯ | ᠲᠠᠢ ᠡᠪᠤᠬᠡᠨ ᠢᠯᠡᠷᠡᠵᠦ᠄ ︽ᠬᠡᠤᠬᠡᠨ ᠮᠢᠨᠢ︕ ᠪᠢᠳᠡᠬᠡᠢ ᠤᠬᠢᠯᠠ᠂ ᠠᠳᠠ ᠠᠴᠠ ᠨᠠᠷᠠᠨ ᠭᠠᠷᠬᠤ ᠵᠦᠭ ᠲᠤ | ᠶᠠᠪᠤᠭᠠᠷᠠᠢ︕ ᠲᠡᠬᠡᠪᠡᠯ ᠨᠢᠬᠡ ᠤᠷᠬᠢᠯᠤᠮᠠᠯ ᠪᠤᠯᠠᠭ ᠲᠠᠭᠠᠷᠠᠬᠤ ᠶᠤᠮ᠃ ᠪᠤᠯᠠᠭ ᠤᠨ ᠭᠦᠪᠡᠬᠡᠨ ᠳᠤ ᠤᠯᠠᠭᠠᠨ | ᠦᠩᠬᠡ ᠲᠠᠢ ᠬᠤᠪᠴᠠᠰᠦ ᠪᠠᠶᠢᠨᠠ᠃ ᠴᠢ ᠪᠤᠯᠠᠭ ᠤᠨ ᠤᠰᠦ ᠪᠠᠷ ᠪᠡᠶᠡ ᠪᠠᠨ ᠰᠠᠶᠢᠨ ᠤᠬᠢᠶᠠᠭᠠᠳ ᠲᠡᠷᠡ ᠤᠯᠠᠭᠠᠨ | ᠬᠤᠪᠴᠠᠰᠦ ᠶᠢ ᠡᠮᠦᠰᠴᠦ᠂ ᠲᠡᠬᠢᠨ ᠵᠡᠭᠦᠨ ᠡᠮᠦᠨᠡᠰᠢ ᠶᠠᠪᠤᠭᠠᠷᠠᠢ᠃ ᠲᠡᠬᠡᠪᠡᠯ ᠨᠢᠬᠡ ᠵᠢᠷᠤᠭᠴᠢᠨ ᠡᠪᠤᠬᠡᠨ ᠤ ᠡᠭᠦᠳᠡᠨ | ᠳᠤ ᠭᠦᠷᠴᠢᠬᠡᠭᠦ ᠶᠤᠮ︾ ᠬᠡᠵᠦ ᠬᠡᠯᠡᠬᠡᠳ ᠠᠯᠠᠭᠠ ᠪᠤᠯᠪᠠ᠃ ᠬᠡᠤᠬᠡᠨ ᠬᠠᠷᠠᠩᠭᠤᠢ ᠪᠠᠷ ᠬᠡᠷ ᠠᠴᠠ ᠭᠠᠷᠴᠦ ᠨᠠᠷᠠᠨ | ᠤᠷᠭᠤᠬᠤ ᠵᠦᠭ ᠲᠤ ᠶᠠᠪᠤᠵᠦ ᠪᠠᠶᠢᠳᠠᠯᠠ᠂ ᠦᠨᠡᠬᠡᠷ ᠤᠯᠠᠭᠠᠨ ᠬᠡᠷᠡᠯ ᠰᠠᠴᠤᠷᠠᠵᠦ ᠨᠢᠬᠡ ᠵᠠᠬᠠ ᠤᠯᠠᠭᠠᠨ | ᠬᠤᠪᠴᠠᠰᠦ ᠪᠠᠶᠢᠵᠠᠢ᠃ ᠡᠪᠤᠬᠡᠨ ᠤ ᠬᠡᠯᠡᠭᠰᠡᠨ ᠶᠤᠰᠤᠭᠠᠷ ᠲᠡᠷᠬᠡᠳᠡᠬᠢ ᠤᠷᠬᠢᠯᠤᠮᠠᠯ ᠪᠤᠯᠠᠭ ᠤᠨ ᠤᠰᠦ ᠪᠠᠷ ᠨᠢ | ᠪᠡᠶᠡ ᠪᠠᠨ ᠤᠬᠢᠶᠠᠵᠦ᠂ ᠤᠯᠠᠭᠠᠨ ᠬᠤᠪᠴᠠᠰᠦ ᠶᠢ ᠡᠮᠦᠰᠦᠬᠡᠳ ᠦᠷᠭᠦᠯᠵᠢᠯᠡᠨ ᠶᠠᠪᠤᠯᠠ᠃ ᠨᠠᠷᠠᠨ ᠮᠠᠨᠳᠤᠬᠤ ᠶᠢᠨ | ᠦᠶᠡ ᠪᠠᠷ ᠨᠢᠬᠡ ᠬᠡᠷ ᠤᠨ ᠡᠭᠦᠳᠡᠨ ᠳᠤ ᠭᠦᠷᠦᠭᠰᠡᠨ ᠨᠢ ᠵᠢᠷᠤᠭᠴᠢᠨ ᠤ ᠬᠡᠷ ᠪᠠᠶᠢᠵᠠᠢ᠃ ᠵᠢᠷᠤᠭᠴᠢᠨ ᠰᠠᠶ᠋ᠢ | ᠪᠤᠰᠤᠭᠠᠳ ᠡᠭᠦᠳᠡ ᠪᠠᠨ ᠲᠠᠳᠠᠵᠦ ᠭᠠᠷᠬᠤ ᠳᠤ᠂ ᠡᠭᠦᠳᠡᠨ ᠭᠠᠳᠠᠨᠠ ᠨᠢ ᠭᠦᠷᠦᠭ ᠵᠢᠷᠤᠭ ᠰᠢᠭ᠋ ᠭᠤᠶᠤ ᠬᠡᠤᠬᠡᠨ | ᠤᠯᠠᠭᠠᠨ ᠬᠤᠪᠴᠠᠰᠦ ᠡᠮᠦᠰᠦᠬᠡᠳ ᠵᠤᠭᠰᠤᠵᠦ ᠪᠠᠶᠢᠬᠤ ᠶᠢ ᠦᠵᠡᠬᠡᠳ᠂ ᠨᠢᠳᠦ ᠪᠠᠨ ᠢᠳᠡᠬᠡᠵᠦ ᠶᠠᠳᠠᠨ ᠲᠡᠬᠢᠨ | ᠬᠠᠷᠠᠳᠠᠯᠠ ᠲᠡᠷᠡ ᠬᠡᠤᠬᠡᠨ ᠬᠠᠵᠠᠭᠤ ᠪᠠᠷ ᠨᠢ ᠰᠦᠷ ᠬᠢᠮᠡᠭᠴᠡ ᠬᠠᠷᠠᠭᠳᠠᠬᠤ ᠪᠠᠨ ᠪᠤᠯᠢᠪᠠ᠃ ᠵᠢᠷᠤᠭᠴᠢᠨ ᠮᠠᠰᠢ | ᠭᠠᠶᠢᠬᠠᠵᠦ ᠬᠡᠷ ᠲᠡᠭᠡᠨ ᠡᠷᠬᠢᠵᠦ ᠤᠷᠤᠵᠦ ᠢᠷᠡᠭᠦ ᠳᠤ᠂ ᠵᠢᠷᠤᠭ ᠵᠢᠷᠤᠬᠤ ᠪᠠᠷ ᠪᠡᠯᠡᠳᠬᠡᠵᠦ ᠲᠠᠯᠪᠢᠭᠰᠠᠨ ᠴᠠᠭᠠᠨ | ᠴᠠᠭᠠᠰᠤᠨ ᠲᠡᠬᠡᠷᠡ ᠨᠢ ᠰᠠᠶ᠋ᠢᠬᠢ ᠬᠡᠤᠬᠡᠨ ᠤ ᠭᠦᠷᠦᠭ ᠵᠢᠷᠤᠭ ᠲᠡᠷᠡ ᠬᠡᠪ ᠢᠶᠠᠷ ᠢᠶᠠᠨ ᠬᠠᠷᠠᠭᠳᠠᠭᠰᠠᠨ ᠪᠠᠶᠢᠯᠠ᠃ | ᠡᠪᠤᠬᠡᠨ ᠵᠢᠷᠤᠭᠴᠢᠨ ᠮᠠᠰᠢ ᠭᠠᠶᠢᠬᠠᠵᠦ᠂ ᠡᠨᠡ ᠵᠢᠷᠤᠭ ᠢ ᠦᠨᠳᠦᠷ ᠦᠨᠡ ᠪᠠᠷ ᠬᠤᠳᠠᠯᠳᠤᠬᠤ ᠪᠠᠷ ᠪᠤᠯᠤᠯᠠ᠃ ᠡᠨᠡ | ᠤᠷᠴᠢᠮ ᠳᠤ᠂ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠡᠬᠡ ᠡᠴᠢᠬᠡ ᠠᠴᠠ ᠪᠠᠨ ᠰᠠᠯᠵᠦ᠂ ᠡᠳᠦᠷ ᠪᠦᠷᠢ ᠠᠭᠤᠯᠠᠨ ᠠᠴᠠ | ᠲᠦᠯᠡᠭᠡ ᠬᠠᠳᠤᠵᠦ᠂ ᠠᠮᠢ ᠵᠠᠭᠤᠳᠠᠭ ᠨᠢᠬᠡ ᠶᠠᠳᠠᠭᠤ ᠭᠦᠦ ᠪᠠᠶᠢᠭᠰᠠᠨ ᠬᠡᠨᠡ᠃ ᠲᠡᠷᠡ ᠭᠦᠦ ᠡᠨᠡ ᠤᠯᠠᠭᠠᠨ | ᠬᠤᠪᠴᠠᠰᠦ ᠲᠠᠢ ᠭᠤᠶᠦ ᠬᠡᠤᠬᠡᠨ ᠤ ᠵᠢᠷᠤᠭ ᠢ ᠨᠢᠬᠡ ᠵᠢᠯ ᠤᠨ ᠲᠦᠯᠡᠭᠡ ᠬᠤᠳᠠᠯᠳᠤᠭᠰᠠᠨ ᠮᠦᠩᠭᠦ ᠪᠠᠷ ᠢᠶᠠᠨ | ᠬᠤᠳᠠᠯᠳᠤᠨ ᠠᠪᠤᠭᠠᠳ ᠬᠡᠷ ᠲᠡᠭᠡᠨ ᠠᠪᠠᠴᠢᠵᠦ᠂ ᠬᠡᠷ ᠤᠨ ᠢᠶᠠᠨ ᠬᠡᠷᠡᠮ ᠲᠡᠬᠡᠷᠡ ᠨᠢ ᠨᠠᠭᠠᠵᠠᠢ᠃ ᠮᠠᠷᠭᠠᠰᠢ ᠠᠴᠠ | ᠨᠢ ᠲᠦᠯᠡᠭᠡ ᠪᠠᠨ ᠬᠠᠳᠤᠭᠠᠳ ᠪᠤᠴᠠᠵᠦ ᠢᠷᠡᠭᠦ ᠪᠦᠷᠢ ᠬᠡᠷ ᠨᠢ ᠬᠠᠯᠠᠭᠤᠨ ᠲᠤᠯᠠᠭᠠᠨ ᠪᠦᠬᠡᠳ ᠠᠮᠳᠠᠳᠦ ᠬᠤᠭᠤᠯᠠ | ᠪᠡᠯᠡᠬᠡᠨ ᠪᠤᠯᠤᠭᠠᠳ ᠪᠠᠶᠢᠳᠠᠭ ᠪᠤᠯᠪᠠ᠃ ᠲᠦᠯᠡᠬᠡᠴᠢᠨ ᠭᠦᠦ ᠮᠠᠰᠢ ᠭᠠᠶᠢᠬᠠᠵᠦ᠂ ᠴᠤᠬᠤᠮ ᠬᠡᠨ ᠬᠤᠭᠤᠯᠠ | ᠪᠡᠯᠡᠳᠬᠡᠵᠦ ᠦᠭᠴᠦ ᠪᠠᠶᠢᠬᠤ ᠶᠢ ᠮᠡᠳᠡᠭᠦ ᠪᠠᠷ ᠨᠢᠬᠡᠨ ᠡᠳᠦᠷ ᠡᠷᠳᠡ ᠪᠤᠴᠠᠵᠦ ᠢᠷᠡᠪᠡ᠃ ᠬᠡᠷ ᠢᠶᠠᠨ ᠤᠶᠢᠷᠠᠳᠤᠵᠦ | ᠢᠷᠡᠬᠡᠳ ᠦᠵᠡᠭᠦ ᠳᠤ ᠬᠤᠯᠠᠩ ᠠᠴᠠ ᠨᠢ ᠤᠳᠤᠭᠠ ᠰᠤᠭᠤᠨᠠᠭᠯᠠᠵᠦ ᠪᠠᠶᠢᠯᠠ᠃ ᠬᠤᠷᠳᠤᠬᠠᠨ ᠢᠷᠡᠵᠦ ᠴᠤᠩᠬᠤ | ᠪᠠᠨ ᠭᠠᠳᠠᠨᠠ ᠠᠴᠠ ᠨᠢ ᠨᠡᠬᠡᠬᠡᠵᠦ ᠬᠤᠯᠠᠭᠤᠨ ᠠᠵᠢᠭᠯᠠᠭᠰᠠᠨ ᠴᠢᠨᠢ ᠬᠡᠷᠡᠮ ᠲᠡᠬᠡᠷᠡᠬᠢ ᠵᠢᠷᠤᠭ ᠤᠨ ᠬᠡᠤᠬᠡᠨ ᠪᠠᠶᠢᠬᠤ | ᠦᠬᠡᠢ ᠪᠤᠯᠴᠢᠬᠠᠭᠠᠳ ᠬᠤᠭᠤᠰᠤᠨ ᠴᠠᠭᠠᠨ ᠴᠠᠭᠠᠰᠦ ᠦᠯᠡᠳᠡᠬᠡᠳ ᠪᠠᠶᠢᠯᠠ᠃ ᠲᠦᠯᠡᠬᠡᠴᠢᠨ ᠭᠦᠦ ᠭᠠᠶᠢᠬᠠᠬᠤ᠂ | ᠰᠤᠴᠢᠬᠤ᠂ ᠠᠶᠤᠬᠤ ᠲᠠᠪᠬᠤᠴᠠᠨ ᠬᠡᠷ ᠲᠡᠭᠡᠨ ᠤᠷᠤᠳᠠᠯᠠ ᠲᠡᠷᠡ ᠬᠡᠤᠬᠡᠨ ᠬᠡᠳᠦ᠋ᠢᠨ ᠤᠯᠠᠭᠠᠨ ᠬᠤᠪᠴᠠᠰᠦ ᠪᠠᠨ | ᠠᠪᠴᠦ ᠡᠮᠦᠰᠦᠬᠡᠳ ᠴᠠᠭᠠᠰᠤᠨ ᠳᠤ ᠵᠢᠷᠤᠭ ᠪᠤᠯᠵᠦ ᠰᠢᠩᠬᠡᠭᠦ ᠬᠠᠷᠠᠭᠳᠠᠪᠠ᠃ ᠲᠦᠯᠡᠬᠡᠴᠢᠨ ᠭᠦᠦ ᠪᠤᠳᠠᠭᠠ | ᠵᠠᠭᠤᠰᠢ ᠪᠠᠨ ᠢᠳᠡᠵᠦ ᠪᠠᠷᠠᠭᠠᠳ ᠡᠭᠦᠨ ᠤ ᠲᠤᠬᠠᠢ ᠮᠠᠰᠢ ᠪᠤᠳᠤᠯᠭᠠ ᠪᠤᠯᠤᠯᠠ᠃ ᠮᠠᠷᠭᠠᠰᠢ ᠨᠢ ᠮᠦᠨ ᠡᠷᠳᠠ | ᠬᠠᠷᠢᠵᠦ ᠢᠷᠡᠭᠦ ᠳᠤ᠂ ᠮᠦᠨ ᠦᠨᠦᠳᠦᠷ ᠤᠨ ᠠᠳᠠᠯᠢ ᠲᠤᠬᠢᠶᠠᠯᠳᠤᠯ ᠲᠠᠢ ᠪᠠᠶᠢᠯᠠ᠃ ᠰᠠᠴᠡᠨ ᠰᠡᠷᠭᠦᠯᠡᠩ | ᠲᠦᠯᠡᠬᠡᠴᠢᠨ ᠭᠦᠦ ᠨᠢᠬᠡ ᠶᠠᠭᠤᠮᠠ ᠶᠢ ᠠᠵᠢᠵᠦ ᠮᠠᠳᠠᠯᠠ᠃ ᠶᠠᠭᠤ ᠬᠡᠪᠡᠯ᠂ ᠡᠨᠡ ᠬᠡᠤᠬᠡᠨ ᠲᠠᠷᠡ ᠤᠯᠠᠭᠠᠨ | ᠬᠤᠪᠴᠠᠰᠦ ᠪᠠᠨ ᠡᠮᠦᠰᠦᠭᠰᠡᠬᠡᠷ ᠦᠪᠡᠷ ᠤᠨ ᠡᠷᠬᠡ ᠮᠡᠳᠡᠯ ᠦᠬᠡᠢ ᠴᠠᠭᠠᠰᠤᠨ ᠵᠢᠷᠤᠭ ᠪᠤᠯᠵᠦ ᠬᠤᠪᠢᠯᠬᠤ ᠯᠡ | ᠬᠡᠷᠡᠭᠳᠡᠢ ᠪᠠᠶᠢᠯᠠ᠃ ᠲᠦᠯᠡᠬᠡᠴᠢᠨ ᠭᠦᠦ ᠲᠠᠷᠠᠭᠠ ᠡᠳᠦᠷ ᠨᠢ ᠬᠠᠷᠢᠵᠦ ᠢᠷᠡᠮᠡᠭᠴᠡ ᠤᠯᠠᠭᠠᠨ ᠬᠤᠪᠴᠠᠰᠦ ᠶᠢ ᠨᠢ | ᠵᠠᠪᠳᠤᠨ ᠨᠢᠭᠤᠵᠦ ᠲᠠᠯᠪᠢᠪᠠ᠃ ᠬᠤᠭᠤᠯᠠ ᠪᠠᠨ ᠬᠢᠵᠦ ᠪᠠᠷᠠᠭᠰᠠᠨ ᠬᠡᠤᠬᠡᠨ ᠬᠤᠪᠴᠠᠰᠦ ᠨᠢ ᠲᠠᠯᠪᠢᠭᠰᠠᠨ | ᠭᠠᠵᠠᠷ ᠢᠶᠠᠨ ᠪᠠᠶᠢᠬᠤ ᠦᠬᠡᠢ ᠳᠤ᠂ ᠡᠩ ᠤᠨ ᠭᠦᠮᠦᠨ ᠤ ᠪᠠᠨ ᠶᠤᠰᠤᠭᠠᠷ ᠪᠤᠯᠵᠦ ᠲᠦᠯᠡᠬᠡᠴᠢᠨ ᠭᠦᠦ ᠲᠠᠢ ᠵᠤᠭᠤᠭ | ᠲᠠᠭᠠᠷᠠᠨ᠂ ᠬᠠᠷᠢᠯᠴᠠᠨ ᠮᠠᠰᠢ ᠢᠨᠠᠭ ᠠᠮᠠᠷᠠᠭ ᠪᠠᠶᠢᠬᠤ ᠪᠠᠨ ᠰᠡᠷᠡᠵᠦ ᠮᠡᠳᠡᠬᠡᠳ ᠲᠡᠭᠷᠢ ᠠᠴᠠ ᠵᠠᠶᠠᠭᠠᠭᠰᠠᠨ ᠨᠢᠬᠡ | ᠬᠤᠤᠰ ᠬᠡᠮᠡᠨ ᠬᠡᠷ ᠪᠦᠯᠢ ᠪᠤᠯᠤᠯᠴᠠᠪᠠ᠃ ᠵᠢᠷᠭᠠᠯᠳᠠᠢ ᠰᠠᠶᠢᠬᠠᠨ ᠠᠮᠢᠳᠤᠷᠠᠭᠰᠠᠨ ᠬᠡᠤᠬᠡᠨ ᠡᠴᠢᠬᠡ ᠡᠬᠡ ᠪᠠᠨ | ᠮᠠᠷᠳᠠᠭᠰᠠᠨ ᠦᠬᠡᠢ᠃ ᠲᠦᠯᠡᠬᠡᠴᠢᠨ ᠭᠦᠦ ᠳᠤ ᠦᠪᠡᠷ ᠤᠨ ᠪᠦᠭᠦ ᠦᠩᠬᠡᠷᠡᠯᠳᠠ ᠪᠠᠨ ᠲᠤᠭᠠᠴᠢᠵᠦ᠂ ᠡᠬᠡ | ᠡᠴᠢᠬᠡ ᠪᠠᠨ ᠰᠠᠨᠠᠭᠠᠯᠵᠠᠨ ᠨᠢᠯᠪᠤᠰᠦ ᠤᠨᠠᠭᠠᠵᠠᠢ᠃ ᠲᠦᠯᠡᠬᠡᠴᠢᠨ ᠭᠦᠦ ᠬᠡᠳᠦᠨ ᠡᠳᠦᠷ ᠰᠤᠷᠠᠭᠯᠠᠭᠰᠠᠭᠠᠷ ᠪᠠᠶᠢᠵᠦ᠂ | ᠬᠡᠤᠬᠡᠨ ᠢ ᠨᠢ ᠪᠠᠭᠤᠯᠭᠠᠵᠦ ᠠᠪᠠᠴᠢᠬᠤ ᠪᠠᠷ ᠢᠷᠡᠭᠰᠡᠨ ᠬᠠᠷᠬᠢᠰ ᠪᠠᠶᠠᠨ ᠠᠪᠤ ᠡᠵᠢ ᠶᠢ ᠨᠢ ᠭᠦᠯᠢᠵᠦ ᠠᠪᠠᠴᠢᠭᠠᠳ᠄ ︽ | ᠬᠡᠤᠬᠡᠨ ᠢᠶᠠᠨ ᠬᠠᠮᠢᠭᠠ ᠪᠠᠶᠢᠭᠠ ᠶᠢ ᠲᠦᠷᠬᠡᠨ ᠬᠡᠯᠡ︾ ᠬᠡᠵᠦ ᠡᠳᠦᠷ ᠪᠦᠷᠢ ᠬᠠᠯᠠᠳᠠᠨ ᠴᠤᠬᠢᠵᠦ ᠪᠠᠶᠢᠨᠠ ᠬᠡᠭᠦ | ᠴᠢᠮᠡᠭᠡ ᠶᠢ ᠤᠯᠵᠦ ᠢᠷᠡᠬᠡᠳ᠂ ᠡᠬᠡᠨᠡᠷ ᠲᠡᠭᠡᠨ ᠤᠬᠢᠯᠠᠨ ᠬᠠᠶᠢᠯᠠᠨ ᠶᠠᠷᠢᠪᠠ᠃ ᠡᠬᠡᠨᠡᠷ ᠨᠢ᠄ ︽ᠴᠢ ᠬᠡᠳᠦᠢ ᠰᠠᠶᠢᠨ | ᠰᠠᠨᠠᠭᠠ ᠲᠠᠢ ᠭᠦᠮᠦᠨ ᠪᠤᠢ︖ ᠪᠢ ᠪᠤᠷᠤᠭᠤ ᠭᠦᠮᠦᠨ ᠳᠤ ᠮᠤᠷᠳᠠᠭᠰᠠᠨ ᠦᠬᠡᠢ ᠶᠤᠮ ᠪᠠᠶᠢᠨᠠ᠃ ᠴᠢ ᠪᠢᠳᠡᠬᠡᠢ | ᠤᠬᠢᠯᠠ᠂ ᠪᠢᠳᠠ ᠠᠪᠤᠷᠠᠵᠦ ᠲᠠᠶᠢᠯᠦᠨᠡ︾ ᠬᠡᠪᠡ᠃ ᠰᠦᠨᠢ ᠪᠤᠯᠤᠮᠠᠭᠴᠠ ᠬᠤᠶᠠᠭᠤᠯᠠ ᠤᠯᠠᠭᠠᠨ ᠬᠤᠪᠴᠠᠰᠦ ᠪᠠᠨ | ᠠᠪᠴᠦ᠂ ᠬᠠᠷᠬᠢᠰ ᠪᠠᠶᠠᠨ ᠤ ᠰᠠᠭᠤᠴᠠ ᠤᠷᠳᠤᠨ ᠢ ᠴᠢᠭᠯᠡᠵᠦ ᠤᠴᠢᠭᠠᠳ᠄ ︽ᠠᠪᠤ ᠡᠵᠢ ᠡ︕ ᠪᠢ ᠬᠡᠤᠬᠡᠨ | ᠴᠢᠨᠢ ᠪᠠᠶᠢᠨᠠ᠃ ᠲᠠ ᠬᠤᠶᠠᠷ ᠢ ᠠᠪᠤᠷᠠᠬᠤ ᠪᠠᠷ ᠢᠷᠡᠵᠡᠢ᠃ ᠬᠡᠭᠦ ᠳᠡᠭᠡᠨ ᠨᠢᠬᠡ ᠨᠢᠬᠡ ᠪᠠᠷ ᠠᠪᠤᠷᠠᠨᠠ︾ ᠬᠡᠵᠦ | ᠰᠡᠮᠡᠬᠡᠷ ᠬᠡᠯᠡᠬᠡᠳ᠄ ︽ᠡᠨᠡ ᠬᠤᠪᠴᠠᠰᠦ ᠶᠢ ᠡᠵᠢ ᠤᠷᠢᠳ ᠢᠶᠠᠷ ᠡᠮᠦᠰᠦᠬᠡᠷᠡᠢ︾ ᠬᠡᠵᠦ ᠤᠯᠠᠭᠠᠨ ᠬᠤᠪᠴᠠᠰᠦ ᠪᠠᠨ | ᠦᠭᠴᠦ ᠡᠮᠦᠰᠬᠡᠬᠡᠳ᠂ ᠬᠤᠷᠢᠭᠤᠯ ᠤᠨ ᠬᠡᠷ ᠤᠨ ᠴᠤᠩᠬᠤᠨ ᠲᠡᠬᠡᠷᠡ ᠵᠢᠷᠤᠭ ᠤᠨ ᠴᠠᠭᠠᠰᠦ ᠪᠠ ᠪᠢᠷ ᠲᠡᠯᠬᠡᠮᠡᠭᠴᠡ | ᠡᠵᠢ ᠨᠢ ᠵᠢᠷᠤᠭ ᠤᠨ ᠭᠦᠮᠦᠨ ᠪᠤᠯᠵᠦ ᠢᠯᠡᠷᠡᠪᠡ᠃ ᠬᠤᠶᠠᠭᠤᠯᠠ ᠵᠢᠷᠤᠭ ᠢᠶᠠᠨ ᠠᠪᠴᠦ ᠬᠡᠷ ᠲᠡᠭᠡᠨ ᠬᠠᠷᠢᠭᠠᠳ | ᠡᠵᠢ ᠪᠠᠨ ᠵᠢᠷᠤᠭ ᠠᠴᠠ ᠨᠢ ᠪᠠᠭᠤᠯᠭᠠᠵᠦ ᠠᠪᠤᠮᠠᠭᠴᠠ ᠤᠯᠠᠭᠠᠨ ᠬᠤᠪᠴᠠᠰᠦ ᠶᠢ ᠲᠦᠯᠡᠬᠡᠴᠢᠨ ᠭᠦᠦ ᠠᠪᠴᠦ | ᠤᠨᠢᠰᠤᠯᠠᠪᠠ᠃ ᠮᠠᠷᠭᠠᠰᠢ ᠨᠢ ᠬᠠᠷᠬᠢᠰ ᠪᠠᠶᠠᠨ᠄ ︽ᠡᠬᠡᠨᠡᠷ ᠴᠢᠨᠢ ᠬᠠᠮᠢᠭᠠ ᠪᠠᠶᠢᠨᠠ ᠪᠤᠢ︾ ᠬᠡᠵᠦ ᠠᠪᠤ ᠶᠢ ᠨᠢ | ᠤᠯᠠᠮ ᠬᠠᠷᠬᠢᠰ ᠬᠤᠤᠷᠳᠠᠢ ᠲᠠᠮᠤᠯᠠᠪᠠ᠃ ᠰᠦᠨᠢ ᠪᠤᠯᠤᠮᠠᠭᠴᠠ ᠬᠤᠶᠠᠭᠤᠯᠠ ᠤᠴᠢᠵᠦ ᠠᠳᠠᠯᠢ ᠠᠷᠭᠠ ᠪᠠᠷ ᠠᠪᠤ ᠪᠠᠨ | ᠠᠪᠤᠷᠠᠵᠦ᠂ ᠰᠢᠷᠬᠠ ᠰᠤᠷᠪᠢ ᠶᠢ ᠨᠢ ᠡᠳᠡᠬᠡᠬᠡᠬᠡᠳ᠂ ᠲᠦᠷᠪᠡᠭᠦᠯᠡ ᠪᠠᠨ ᠪᠠᠶᠠ ᠭᠦᠷ ᠲᠠᠢ ᠠᠮᠢᠳᠤᠷᠠᠭᠰᠠᠨ ᠬᠡᠨᠡ᠃ |