| ᠡᠭᠡᠪᠤᠷ ᠲᠠᠭᠠᠭᠰᠠᠨ ᠴᠠᠰᠤ ᠵᠠᠬᠠ ᠬᠦᠪᠡᠭᠡ ᠠᠴᠠ ᠪᠠᠨ ᠰᠡᠮᠡᠷᠡᠨ ᠬᠠᠶᠢᠯᠵᠤ᠂ ᠨᠤᠳᠤᠭ ᠤᠨ ᠪᠤᠷᠤᠬᠠᠨ ᠰᠢᠪᠠᠭᠤᠳ | ᠨᠠᠷᠠ ᠲᠠᠢ ᠤᠷᠤᠯᠳᠤᠵᠤ ᠱᠤᠯᠤᠭᠠᠨᠠᠯᠳᠤᠨ᠂ ᠨᠢᠳᠦ ᠨᠢ ᠰᠡᠷᠬᠦᠭᠰᠡᠨ ᠰᠢᠳᠤᠯᠠᠩ ᠤᠳ ᠰᠡᠬᠦᠯ ᠰᠤᠭᠰᠦ᠋ᠢᠯᠭᠠᠨ | ᠰᠤᠷᠳᠤᠭᠤᠯᠠᠵᠤ᠂ ᠬᠦᠳᠡᠭᠡ ᠶᠢᠨ ᠪᠡᠯᠴᠢᠭᠡᠷ ᠲᠤ ᠲᠤᠶᠢᠭ ᠤᠨ ᠲᠠᠭᠤᠨ ᠠᠶᠢᠵᠠᠮᠯᠠᠨ ᠤᠶᠠᠩᠭᠠᠷᠠᠭᠠᠳ ᠁ ᠮᠢᠨᠦ | ᠨᠤᠳᠤᠭ ᠤᠨ ᠬᠠᠪᠤᠷ ᠲᠠᠭᠤᠳᠠᠢ ᠱᠤᠤᠳᠠᠢ ᠰᠠᠭᠠᠳᠠᠳᠠᠭ ᠰᠠᠨ᠃ | ᠤᠶᠠᠩᠭᠠ ᠡᠬᠡᠰᠢᠭ ᠬᠠᠩᠬᠢᠨᠠᠨ᠂ ᠤᠯᠠᠨ ᠠᠵᠢᠯ ᠬᠦᠪᠦᠷᠡᠭᠰᠡᠨ ᠬᠦᠳᠡᠯᠮᠦᠷᠢ ᠶᠢᠨ ᠤᠷᠢᠶᠠ ᠲᠠᠢ ᠬᠠᠪᠤᠷ ᠤᠨ | ᠤᠯᠠᠷᠢᠯ ᠰᠠᠶᠢᠬᠠᠨ ᠠᠴᠠ ᠰᠠᠶᠢᠬᠠᠨ ᠡ᠃ ᠬᠤᠷᠠᠭᠠ ᠢᠰᠢᠬᠡ ᠠᠮᠠᠳᠠᠭᠤᠯᠬᠤ᠂ ᠬᠤᠷᠤᠭᠠ ᠬᠤᠳᠠ ᠬᠠᠭᠤᠷᠠᠶᠢᠯᠠᠬᠤ ︵ | ᠨᠤᠷᠠᠯᠠᠬᠤ︶᠂ ᠬᠠᠭᠠᠷᠬᠠᠢ ᠴᠤᠭᠤᠷᠬᠠᠢ ᠦᠮᠦᠷᠡᠬᠦᠯᠬᠦ ︵ᠤᠶᠤᠬᠤ︶ ᠁ ᠭᠡᠳ ᠡᠵᠢ ᠶᠢᠨ ᠠᠵᠢᠯ ᠮᠤᠩᠳᠠᠬᠤ | ᠦᠭᠡᠢ᠃ ᠲᠦᠯ ᠲᠠᠯᠪᠢᠬᠤ᠂ ᠬᠤᠨᠢ ᠲᠦᠢᠭ᠌ᠯᠠᠬᠤ᠂ ᠲᠦᠯ ᠤᠨ ᠵᠤᠩᠭᠠᠭ ᠴᠡᠪᠡᠷᠯᠡᠬᠦ ᠁ ᠭᠡᠳ ᠮᠢᠨᠦ ᠠᠵᠢᠯ | ᠴᠦ ᠬᠢᠷᠢ ᠳᠡᠭᠡᠨ ᠶᠠᠭᠠᠷᠠᠤ᠃ ᠵᠠ᠂ ᠡᠶᠢᠮᠦ ᠬᠤᠶᠠᠷ ᠠᠵᠢᠯᠰᠠᠭ ᠬᠦᠮᠦᠨ ᠡᠨᠡ ᠠᠶᠢᠯ ᠤᠨ ᠬᠡᠷ ᠤᠷᠤᠨ᠂ ᠬᠤᠳᠠ | ᠬᠤᠷᠤᠭᠠᠨ ᠤ ᠲᠤᠮᠳᠠ ᠬᠤᠯᠬᠢᠵᠤ ᠦᠨᠵᠢᠳᠡᠭ ᠪᠤᠯ ᠲᠦᠯᠡᠭᠡ ᠤᠰᠤ ᠲᠡᠩᠨᠡᠬᠦ᠂ ᠡᠮᠨᠢᠭ ᠲᠤᠭᠰᠢᠨ ᠰᠤᠷᠭᠠᠬᠤ᠂ | ᠰᠢᠭᠡᠭ ᠬᠦᠷᠵᠡᠩ ᠬᠢᠰᠭᠢᠬᠦ ᠁ ᠭᠡᠳ ᠠᠪᠤ ᠲᠡᠷᠢᠬᠦᠳᠡᠢ ᠮᠠᠨ ᠤ ᠡᠷᠡᠴᠦᠦᠯ ᠤᠨ ᠠᠵᠢᠯ ᠴᠦ ᠵᠠᠬᠠ ᠠᠴᠠ ᠠᠪᠤᠨ᠂ | ᠵᠠᠮ ᠠᠴᠠ ᠦᠷᠬᠦᠯᠵᠢᠯᠡᠨᠡ᠃ | ᠮᠠᠯ ᠪᠡᠭᠡᠷᠡᠭ ᠪᠤᠯᠤᠨᠠ ᠭᠡᠳ ᠮᠠᠨ ᠤ ᠬᠢ ᠬᠤᠨᠢ ᠮᠠᠯ ᠢᠶᠠᠨ ᠬᠤᠷᠢᠵᠤ ᠬᠠᠰᠢᠶᠠᠯᠠᠬᠤ ᠶᠢ ᠲᠠᠭᠠᠯᠠᠬᠤ ᠦᠭᠡᠢ᠃ ᠫᠧᠩ | ᠰᠠᠷᠠᠪᠴᠢ᠂ ᠬᠤᠷᠤᠭᠠ ᠬᠠᠰᠢᠶᠠ ᠮᠡᠳᠦ ᠶᠢᠨ ᠪᠠᠷᠢᠯᠭᠠ ᠲᠦᠬᠦᠭᠡᠷᠦᠮᠵᠢ ᠶᠢᠨ ᠲᠠᠯᠠ ᠪᠠᠷ ᠭᠠᠪᠢᠬᠤ ᠦᠭᠡᠢ ᠴᠦ ᠭᠡᠯᠡ | ᠬᠤᠨᠢ ᠪᠠᠨ ᠪᠡᠭᠡᠷᠡᠬᠦᠯᠦᠨ᠂ ᠢᠮᠠᠭᠠ ᠪᠠᠨ ᠲᠠᠷᠤᠴᠠᠭᠤᠯᠵᠤ᠂ ᠬᠦᠭ ᠢᠶᠠᠨ ᠲᠠᠷᠢᠨ ᠬᠦᠳᠦᠰᠦ ᠪᠠᠨ ᠴᠢᠷᠴᠦ ᠪᠠᠶᠢᠭᠠ | ᠦᠭᠡᠢ᠃ | ᠶᠢᠰᠦ ᠤᠷᠤᠬᠤ ᠳᠤ ᠮᠠᠯ ᠢᠶᠠᠨ ᠬᠦᠷᠵᠡᠩ ᠢᠶᠠᠷ ᠪᠠᠷᠢᠭᠰᠠᠨ ᠵᠠᠳᠠᠭᠠᠢ ᠬᠤᠷᠤᠭᠠᠨ ᠳᠤ ᠬᠤᠷᠢᠵᠤ᠂ ᠲᠠᠪᠤ ᠵᠢᠰᠦ | ᠲᠤᠭᠠᠯᠠᠩᠭᠤᠳᠠ ︽ᠮᠠᠯ ᠤᠨ ᠭᠡᠭᠡᠯ ᠰᠢᠬᠠᠴᠢᠬᠠᠨᠠ︕︾ ᠭᠡᠳ ᠵᠠᠳᠠᠭᠠᠢ ᠬᠤᠨᠤᠭᠤᠯᠤᠨ᠂ ᠠᠪᠤ ᠡᠵᠢ ᠬᠤᠶᠠᠷ | ᠡᠭᠡᠯᠵᠢᠯᠡᠨ ᠬᠤᠳᠠ ᠡᠷᠬᠢᠵᠦ ᠨᠢᠯᠬᠠ ᠲᠦᠯ ᠢᠶᠠᠨ ᠡᠰᠡᠨ ᠮᠡᠨᠳᠦ ᠲᠤᠰᠤᠨᠠ᠃ ᠲᠠᠩ ᠪᠦᠷᠢᠶᠡᠰᠦ ᠲᠠᠢ ᠬᠡᠷ ᠢᠶᠠᠨ | ᠲᠦᠬᠡ ᠵᠤᠵᠠᠭᠠᠨ ᠨᠤᠷᠠᠯᠠᠭᠠᠳ ᠪᠠᠷᠠᠭᠤᠨ ᠬᠤᠶᠢᠳᠤ ᠬᠠᠶᠠᠭᠠ ᠪᠠᠷ ᠨᠢ ᠬᠦᠷᠵᠡᠩ ᠢᠶᠠᠷ ᠲᠠᠰᠤᠯᠪᠤᠷᠢ ᠪᠠᠷᠢᠵᠦ ᠨᠢᠯᠬᠠ | ᠲᠦᠯ ᠢᠶᠠᠨ ᠬᠤᠷᠢᠵᠤ᠂ ᠬᠦᠷᠦᠪᠡ ᠶᠢ ᠨᠢ ᠲᠦᠯ ᠤᠨ ᠭᠡᠷ ᠭᠡᠵᠦ ᠪᠡᠯᠡᠳᠭᠡᠭᠰᠡᠨ ᠮᠤᠩᠭᠤᠯ ᠭᠡᠷ ᠲᠡᠭᠡᠨ ᠵᠠᠳᠠᠭᠠᠢ | ᠬᠤᠨᠤᠭᠤᠯᠤᠨᠠ᠃ ᠲᠦᠯ ᠬᠡᠴᠢᠨᠡᠨ ᠤᠯᠠᠨ ᠴᠦ ᠮᠠᠯ ᠲᠦᠯᠯᠡᠵᠦ ᠲᠠᠭᠤᠰᠬᠤ ᠠᠴᠠ ᠡᠮᠦᠨᠡ ᠮᠠᠯ ᠬᠠᠰᠢᠶᠠᠯᠠᠵᠤ ᠲᠦᠯ | ᠢᠯᠠᠭᠠᠠᠤ ᠶᠢ ᠮᠡᠳᠡᠬᠦ ᠦᠭᠡᠢ᠃ ᠵᠠᠭᠤ ᠭᠠᠷᠤᠢ ᠬᠤᠶᠠᠷ ᠵᠠᠭᠤ ᠰᠢᠬᠠᠮ ᠬᠤᠷᠠᠭᠠ ᠶᠢ ᠨᠢᠬᠡ ᠨᠢᠬᠡ ᠪᠠᠷ ᠨᠢ ᠪᠠᠷᠢᠵᠤ | ᠵᠦᠬᠡᠬᠡᠳᠡᠭ᠃ ᠬᠦᠷᠦᠪᠡᠵᠢᠭᠰᠡᠨ ᠬᠤᠷᠠᠭᠠ ᠪᠠᠷᠢᠬᠤ ᠳᠤ ᠬᠡᠴᠡᠬᠦᠦ᠃ ᠠᠷᠠᠢ ᠭᠡᠵᠦ ᠪᠠᠷᠢᠭᠠᠳ ᠰᠤᠭᠤᠪᠴᠢᠯᠠᠬᠤ ᠪᠠᠷ | ᠴᠠᠳᠬᠤᠯᠠᠩ ᠬᠡᠳᠡᠰᠦ ᠨᠢ ᠲᠤᠭᠤᠭᠰᠢ ᠪᠠᠨ ᠤᠨᠵᠢᠨ ᠬᠤᠶᠢᠳᠦ ᠬᠦᠯ ᠨᠢ ᠭᠠᠵᠠᠷ ᠲᠠᠢ ᠦᠷᠬᠦᠯᠵᠢᠯᠡᠨᠡ᠃ | ᠰᠤᠭᠤᠪᠴᠢᠯᠠᠭᠰᠠᠨ ᠡᠵᠡᠨ ᠨᠢ ᠠᠷᠭᠠ ᠦᠭᠡᠢ ᠵᠢᠵᠢᠭᠬᠡᠨ ᠪᠤᠯᠤᠭᠠᠳ ᠲᠡᠷᠡ ᠪᠢᠵᠠ᠃ ᠲᠦᠯ ᠢᠶᠠᠨ ᠡᠷᠬᠦᠵᠦ ︵ᠲᠦᠯ | ᠪᠡᠷᠢᠵᠦ ᠬᠤᠷᠢᠶᠠᠯᠠᠬᠤ ᠶᠢ ᠲᠦᠯ ᠡᠷᠬᠦᠨᠡ ᠭᠡᠳᠡᠭ︶ ᠲᠠᠭᠤᠰᠤᠮᠠᠭᠴᠠ ᠰᠤᠯᠢ᠂ ᠴᠠᠬᠢᠯᠳᠠᠭ᠂ ᠲᠡᠷᠡᠰᠦᠨ ᠤ | ᠦᠯᠦᠩ ᠢ ᠨᠠᠷᠢᠨ ᠰᠢᠳᠠᠮ ᠢᠶᠠᠷ ᠴᠢᠩᠭᠠ ᠪᠤᠭᠤᠵᠤ᠂ ᠤᠨᠢᠨ ᠠᠴᠠ ᠠᠳᠡ ᠲᠡᠨᠳᠡ ᠦᠭᠡᠢ ᠵᠢᠷᠶᠢᠳᠡᠯᠡ ᠤᠶᠠᠨ᠂ | ᠲᠦᠯ ᠬᠤᠵᠢᠷᠰᠢᠨᠡ ᠬᠡᠮᠡᠨ ᠬᠠᠨᠠ ᠶᠢᠨ ᠨᠢᠳᠦᠨ ᠳᠤ ᠪᠤᠳᠠᠷᠭᠠᠨᠠ ᠬᠠᠪᠴᠢᠭᠤᠯᠤᠨᠠ᠃ ᠵᠢᠪᠡᠷ ᠲᠤ ᠭᠠᠷᠴᠤ᠂ | ᠰᠡᠷᠢᠬᠦᠨ ᠳᠤ ᠬᠦᠷᠦᠪᠡᠵᠢᠭᠰᠡᠨ ᠲᠦᠯ ᠨᠤᠤᠬᠠᠳᠤᠵᠤ ᠠᠮᠠᠷᠤᠳᠠᠬᠤ ᠶᠢᠨ ᠵᠤᠪᠠᠯᠠᠩ ᠦᠭᠡᠢ ᠪᠦᠬᠡ ᠦᠯᠴᠢᠷ | ᠪᠠᠶᠢᠳᠠᠭ ᠨᠢ ᠮᠠᠯ ᠢᠶᠠᠨ ᠰᠡᠷᠢᠬᠦᠨ ᠤᠷᠴᠢᠨ ᠳᠤ ᠮᠠᠯᠵᠢᠭᠰᠠᠨ ᠤ ᠠᠴᠢ ᠪᠤᠶᠤ᠃ | ᠰᠠᠭᠠᠭᠰᠠᠨ ᠮᠠᠯ ᠰᠦ ᠲᠠᠢ ᠲᠦᠯᠯᠡᠳᠡᠭ ᠭᠡᠳ ᠮᠠᠨ ᠤ ᠬᠢ ᠮᠠᠯ ᠢᠶᠠᠨ ᠰᠠᠭᠠᠵᠤ ᠰᠢᠪᠳᠤᠷᠬᠤ ᠶᠢ ᠮᠠᠰᠢ ᠡᠷᠬᠢᠮᠯᠡᠨᠡ | ᠃ ᠵᠤᠨ ᠳᠠᠭᠠᠨ ᠬᠤᠨᠢ ᠪᠠᠨ ᠬᠤᠯᠪᠤᠵᠤ ᠰᠠᠭᠠᠳᠠᠭ ᠪᠤᠯ ᠬᠠᠪᠤᠷ ᠲᠠᠭᠠᠨ ᠬᠤᠷᠠᠭᠠᠯᠠᠭᠰᠠᠨ ᠬᠤᠨᠢᠳ ᠢᠶᠠᠨ ᠨᠢᠬᠡ | ᠨᠢᠬᠡ ᠪᠠᠷ ᠨᠢ ᠪᠠᠷᠢᠵᠤ ᠤᠴᠢᠭᠯᠠᠳᠠᠭ᠃ ᠮᠠᠨ ᠤ ᠬᠤᠨᠢᠳ ᠰᠦ ᠲᠠᠢ ᠲᠦᠯᠯᠡᠨᠡ᠃ ︽ᠰᠦ ᠪᠠᠨ ᠪᠠᠷᠠᠬᠤ ᠦᠭᠡᠢ | ᠴᠠᠳᠬᠤᠯᠳᠠᠭᠠᠳ ᠤᠭᠤᠷᠠᠭ ᠨᠢ ᠵᠠᠩᠬᠢᠷᠠᠵᠤ ᠪᠠᠭᠠᠰᠤ ᠰᠢᠬᠡᠰᠦ ᠠᠯᠳᠠᠬᠤ ᠪᠤᠢ᠃ ᠲᠡᠯᠡᠩ ᠨᠢ ᠴᠢᠨᠦᠵᠦ ᠰᠦ ᠨᠢ | ᠲᠠᠳᠠᠷᠠᠬᠤ ᠪᠤᠢ ᠁︾ ᠭᠡᠳ ᠬᠤᠨᠢ ᠬᠤᠷᠠᠭᠠᠯᠠᠵᠤ ᠡᠬᠢᠯᠡᠩᠬᠦᠳᠡ ᠬᠤᠨᠢ ᠤᠴᠢᠭᠯᠠᠬᠤ ᠠᠵᠢᠯ ᠢᠳᠡ ᠬᠦᠭ ᠲᠠᠢ | ᠦᠷᠨᠢᠨᠡ᠃ ᠠᠪᠤ ᠡᠵᠢ ᠪᠢᠳᠠ ᠭᠤᠷᠪᠠᠭᠤᠯᠠ ᠬᠤᠨᠢ ᠤᠴᠢᠭᠯᠠᠵᠤ ︵ᠰᠠᠭᠠᠵᠤ︶᠂ ᠬᠦᠦᠴᠦᠦᠯ ᠬᠤᠨᠢᠳ ᠢ | ᠰᠢᠬᠢᠷᠡᠳᠡᠨ ᠪᠠᠷᠢᠵᠤ᠂ ᠬᠦᠵᠦᠬᠦᠦ ᠪᠠᠷ ᠨᠢ ᠰᠤᠭᠤᠪᠴᠢᠯᠠᠨ ᠬᠦᠳᠡᠯᠬᠡᠬᠦ ᠦᠭᠡᠢ ᠵᠤᠭᠰᠤᠭᠠᠵᠤ ᠤᠴᠢᠭᠯᠠᠭᠤᠯᠤᠨᠠ᠃ | ᠬᠦᠬᠦ ᠲᠡᠯᠡᠩ ᠳᠡᠭᠡᠨ ᠭᠠᠷ ᠬᠦᠷᠭᠡᠬᠦᠯᠵᠦ ᠦᠵᠡᠭᠡ ᠦᠭᠡᠢ ᠨᠡᠮᠡᠷᠢ ᠶᠢᠨ ᠵᠤᠰᠠᠭ ᠤᠳ ᠲᠡᠪᠬᠡᠷᠦᠨ ᠰᠠᠭᠤᠯᠠᠭᠠ ᠲᠠᠢ | ᠰᠦ ᠴᠠᠯᠬᠢᠭᠤᠯᠤᠨᠠ᠃ ︽ᠰᠠᠭᠤᠯᠠᠭᠠ ᠪᠠᠨ ᠬᠤᠶᠠᠷ ᠡᠪᠦᠳᠦᠭ ᠢᠶᠠᠷ ᠢᠶᠠᠨ ᠰᠠᠶᠢᠨ ᠬᠠᠪᠴᠢᠪᠠᠯ ᠶᠠᠭᠠᠬᠢᠳᠠᠭ ᠶᠤᠮ︖ | ᠰᠠᠭᠠᠯᠢ ᠰᠦ ᠠᠰᠬᠠᠪᠠᠯ ᠮᠠᠯ ᠤᠨ ᠪᠤᠶᠠᠨ ᠬᠠᠷᠢᠴᠢᠬᠠᠨᠠ︕︾ ᠭᠡᠵᠤ ᠠᠪᠤ ᠡᠵᠢ ᠵᠢᠮᠡᠯᠡᠨᠡ᠃ ᠬᠦᠦᠴᠦᠦᠯ | ᠲᠤᠭᠰᠢᠨ ᠬᠤᠨᠢᠳ ᠢ ᠨᠤᠮᠤᠬᠠᠨ ᠵᠤᠭᠰᠤᠭᠠᠬᠤ ᠭᠡᠵᠤ ᠬᠦᠯ ᠭᠠᠷ ᠢᠶᠠᠨ ᠬᠢᠰᠭᠢᠬᠦᠯᠦᠨ ᠨᠢᠰᠦ ᠬᠦᠯᠦᠰᠦ ᠪᠠᠨ | ᠭᠤᠭᠤᠵᠢᠭᠤᠯᠵᠤ᠂ ᠪᠤᠳᠤᠯᠢᠬᠤ ᠶᠢᠨ ᠶᠡᠭᠡ ᠪᠠᠷ ᠪᠤᠳᠤᠯᠢᠭᠰᠠᠨ ᠴᠦ ᠮᠠᠯ ᠬᠤᠢ ᠲᠠᠢ ᠨᠤᠴᠤᠯᠳᠤᠵᠤ ᠪᠢᠷᠠ ᠲᠡᠩᠬᠡᠬᠡ | ᠤᠷᠤᠨ ᠪᠡᠶᠡ ᠬᠠᠷᠠ ᠨᠢ ᠦᠰᠦᠨᠡ᠃ ᠮᠠᠨ ᠤ ᠲᠤᠮᠤᠴᠤᠤᠯ ︽ᠬᠡᠳᠡᠰᠦ ᠴᠠᠳᠬᠤᠯᠠᠩ ᠪᠤᠯ ᠬᠡᠦᠬᠡᠳ ᠶᠠᠮᠠᠷ | ᠶᠠᠳᠠᠷᠠᠨᠠ ᠭᠡᠵᠤ ᠪᠠᠶᠢᠬᠤ ᠪᠢᠰᠢ᠃ ᠶᠤᠰᠤᠳᠠᠢ ᠨᠡᠷᠡ ᠦᠭᠡᠢ ᠬᠦᠳᠡᠯᠮᠦᠷᠢᠴᠢᠳ︕︾ ᠭᠡᠵᠤ ᠱᠤᠪᠤᠭᠤᠷᠳᠠᠬᠤ | ᠲᠤᠷᠠᠳᠠᠢ᠃ ᠰᠦ ᠲᠠᠢ ᠴᠠᠢ ᠤᠤᠭᠤᠵᠤ᠂ ᠴᠢᠨᠠᠭᠰᠠᠨ ᠤᠭᠤᠷᠠᠭ ᠢᠳᠡᠨ᠂ ᠱᠤᠪᠤᠭᠤᠷ ᠮᠠᠯᠠᠭᠠᠢ ᠪᠠᠷ ᠭᠤᠶᠤᠯᠠᠭᠰᠠᠨ | ᠮᠠᠨ ᠤ ᠠᠬᠠ ᠲᠡᠬᠦᠦ ᠬᠡᠳᠦ ᠶᠢᠨ ᠬᠦᠯ ᠡᠨᠡᠬᠡᠨ ᠦᠬᠡᠨ ᠳᠤ ᠯᠡ ᠬᠦᠩᠬᠡᠷᠡᠭᠡᠳ ᠢᠷᠡᠨᠡ ᠳ᠋ᠠ᠃ | ᠬᠦᠳᠡᠭᠡ ᠬᠤᠨᠢ ᠬᠤᠷᠠᠭᠠᠯᠠᠵᠤ ᠬᠤᠷᠠᠭᠠ ᠡᠬᠦᠷᠬᠦ ᠬᠡᠴᠡᠬᠦᠦ ᠠᠵᠢᠯ ᠪᠠᠰᠠ ᠪᠤᠢ᠃ ᠮᠠᠨ ᠤ ᠪᠠᠷᠢᠭᠠᠳᠠ ᠬᠤᠴᠠ | ᠤᠬᠤᠨᠠ ᠶᠢᠨ ᠲᠤᠰᠬᠠᠢ ᠰᠦᠷᠦᠭ ᠲᠠᠢ᠃ ᠬᠠᠭᠤᠴᠢᠨ ᠤ ᠨᠠᠢᠮᠠᠨ ᠰᠠᠷᠠ ᠭᠠᠷᠤᠩᠭᠤᠳᠠ ᠠᠶᠢᠯ ᠤᠳ ᠬᠤᠴᠠ ᠪᠠᠨ | ᠬᠤᠳᠠᠨ ᠳᠠᠭᠠᠨ ᠠᠪᠴᠢᠷᠠᠵᠤ ᠰᠦᠷᠦᠭ ᠲᠡᠭᠡᠨ ᠲᠠᠯᠪᠢᠨᠠ᠃ ᠮᠠᠨ ᠤ ᠬᠢ ᠤᠯᠠᠨ ᠬᠤᠨᠢ ᠲᠠᠢ᠃ ᠲᠦᠷᠪᠡ᠂ ᠲᠠᠪᠤᠨ | ᠬᠤᠴᠠ ᠶᠢ ᠵᠡᠷᠭᠡ ᠳᠤᠨᠢ ᠲᠠᠯᠪᠢᠵᠤ᠂ ᠪᠦᠬᠡᠮ ᠢᠶᠠᠷ ᠲᠦᠯᠯᠡᠬᠦᠯᠳᠡᠭ᠃ ᠬᠦᠳᠡᠭᠡ ᠬᠤᠨᠢ ᠤᠯᠠᠨ ᠬᠤᠷᠠᠭᠠᠯᠠᠨᠠ᠃ | ᠪᠡᠯᠴᠢᠬᠡᠷ ᠲᠤ ᠭᠠᠷᠬᠤ ᠵᠠᠮ ᠳᠤ ᠬᠤᠷᠠᠭᠠᠯᠠᠭᠰᠠᠨ ᠢ ᠨᠢ ᠨᠦᠮᠦᠷᠢ ᠭᠠᠵᠠᠷ ᠬᠤᠷᠠᠭᠠ ᠲᠠᠢ ᠨᠢ ᠤᠷᠬᠢᠨ᠂ | ᠪᠤᠴᠠᠯᠭᠠᠨ ᠳᠠᠭᠠᠨ ᠲᠠᠭᠠᠷᠢᠵᠤ᠂ ᠬᠤᠷᠠᠭᠠ ᠶᠢ ᠨᠢ ᠲᠠᠭᠠᠭᠤᠯᠤᠨ ᠭᠠᠳᠠᠨᠠ ᠪᠠᠨ ᠲᠠᠭᠤᠵᠦ ᠠᠪᠴᠢᠷᠠᠳᠠᠭ᠃ ᠲᠡᠷᠡ | ᠦᠶᠡ ᠶᠢᠨ ᠮᠠᠯ ᠤᠷᠤᠭᠠ ᠲᠤᠭᠰᠢᠨ᠂ ᠴᠤᠪᠤᠭᠤ ᠭᠡᠳᠡᠭ ᠨᠢ ᠭᠡᠷᠡᠭ᠃ ᠬᠤᠷᠠᠭᠠ ᠨᠢ ᠬᠡᠵᠢᠶᠡᠨᠡᠢ ᠦᠭᠡᠢ | ᠠᠮᠠᠳᠠᠴᠢᠬᠠᠭᠰᠠᠨ ᠲᠡᠷᠡ ᠬᠤᠯᠠ ᠠᠴᠠ ᠡᠬᠡ ᠪᠠᠨ ᠲᠠᠭᠠᠭᠠᠳ ᠠᠵᠢᠭ ᠴᠦ ᠦᠭᠡᠢ ᠭᠠᠳᠠᠨᠠ ᠢᠷᠡᠴᠢᠬᠡᠳᠡᠭ᠃ | ᠮᠠᠯ ᠪᠡᠯᠴᠢᠬᠡᠷ ᠠᠴᠠ ᠡᠷᠬᠢᠴᠢᠭᠡᠭᠰᠡᠨ ᠦᠶᠡ ᠳᠤ ᠬᠤᠨᠢ ᠬᠤᠷᠠᠭᠠᠯᠠᠪᠠᠯ ᠬᠤᠷᠠᠭᠠ ᠡᠬᠦᠷᠬᠦ ᠭᠡᠴᠡᠬᠦᠦ ᠠᠵᠢᠯ | ᠤᠨᠤᠭᠳᠠᠨᠠ᠃ ᠬᠤᠷᠠᠭᠠ ᠶᠡᠭᠡ ᠬᠦᠨᠳᠦ᠃ ᠭᠤᠷᠪᠠ ᠠᠴᠠ ᠬᠡᠳᠦᠷᠡᠪᠡᠯ ᠡᠬᠦᠷᠴᠦ ᠲᠠᠭᠠᠭᠠᠭᠳᠠᠬᠤ ᠪᠠᠨ ᠪᠤᠯᠢᠨᠠ᠃ | ᠲᠤᠯᠠᠭᠠᠨ ᠡᠳᠦᠷ ᠲᠠᠭᠠᠷᠠᠪᠠᠯ ᠶᠠᠭᠠᠬᠢᠬᠤ ᠪᠤᠢ᠃ ᠬᠤᠷᠠᠭᠠ ᠨᠢ ᠲᠦᠩᠬᠡᠵᠦ ᠬᠦᠯ ᠲᠡᠭᠡᠷᠡ ᠪᠠᠨ ᠪᠤᠰᠤᠩᠭᠤᠳᠠ | ᠠᠮᠠᠳᠠᠭᠤᠯᠤᠨᠠ᠃ ᠡᠬᠡ ᠶᠢᠨ ᠢᠶᠠᠨ ᠬᠠᠯᠠᠭᠤᠨ ᠰᠦ ᠪᠠᠷ ᠠᠮᠠᠳᠠᠭᠰᠠᠨ ᠬᠤᠷᠠᠭᠠ ᠪᠠᠷᠤᠭᠳᠠᠢ ᠳᠤ ᠪᠡᠭᠡᠷᠡᠬᠦ ᠦᠭᠡᠢ᠃ | ᠦᠰᠦ ᠨᠢ ᠪᠤᠷᠴᠠᠭᠯᠠᠭᠰᠠᠨ ᠴᠦ ᠡᠬᠡ ᠶᠢᠨ ᠢᠶᠠᠨ ᠬᠤᠷᠠᠭᠠᠰᠢᠬᠤ ᠲᠠᠭᠤᠨ ᠢᠶᠠᠷ ᠬᠦᠴᠦ ᠠᠪᠴᠤ᠂ ᠪᠤᠳᠠ ᠪᠤᠳᠠᠷᠭᠠᠨᠠ | ᠲᠡᠭᠡᠬᠦᠷ ᠲᠤᠬᠤᠨ ᠤᠨᠠᠵᠤ ᠲᠤᠰᠴᠤ ᠪᠠᠶᠢᠭᠰᠠᠨ ᠴᠦ ᠰᠠᠯᠳᠤᠷᠬᠢᠯᠠᠨ ᠪᠤᠰᠤᠭᠠᠳ ᠡᠵᠢ ᠶᠢᠨ ᠢᠶᠠᠨ ᠪᠤᠷᠪᠢᠨ ᠳᠤ | ᠵᠡᠬᠦᠭᠳᠡᠨ ᠠᠵᠢᠭ ᠦᠭᠡᠢ ᠬᠤᠳᠠᠨ ᠳᠠᠭᠠᠨ ᠢᠷᠡᠴᠢᠬᠡᠳᠡᠭ᠃ ᠬᠠᠷᠢᠨ ᠬᠦᠢᠳᠡᠨ ᠡᠳᠦᠷ ᠲᠠᠭᠠᠷᠠᠪᠠᠯ ᠬᠤᠷᠠᠭᠠ ᠡᠬᠦᠷᠬᠦ | ᠬᠡᠴᠡᠬᠦᠦ ᠠᠵᠢᠯ ᠬᠠᠶᠢᠷᠠ ᠨᠠᠶᠢᠷ ᠦᠭᠡᠢ ᠪᠠᠭᠤᠨᠠ ᠳ᠋ᠠ᠃ ᠠᠮᠢᠳᠤ ᠠᠮᠢᠳᠠᠨ ᠠᠷᠪᠠᠨ ᠠᠷᠭᠠ ᠲᠠᠢ ᠭᠡᠭᠴᠢ ᠪᠠᠷ ᠨᠠᠳᠠ | ᠪᠠᠰᠠ ᠠᠷᠭᠠ ᠪᠤᠢ᠃ ᠬᠤᠶᠠᠷ ᠭᠤᠷᠪᠠ ᠪᠠᠷ ᠨᠢ ᠨᠢᠬᠡ ᠲᠤᠭᠤᠶᠢᠯᠠᠩ ᠪᠤᠯᠭᠠᠨ ᠬᠤᠶᠠᠷ ᠬᠤᠪᠢᠶᠠᠵᠤ ᠤᠭᠤᠳᠠᠯᠠᠭᠠᠳ | ᠬᠤᠷᠠᠭᠠ ᠪᠡᠭᠡᠷᠡᠴᠢᠬᠡᠬᠦ ᠪᠠᠷ ᠦᠭᠡᠢ ᠤᠶᠢᠷᠠᠬᠠᠨ ᠵᠠᠢ ᠳᠤ ᠨᠢᠬᠡ ᠲᠤᠭᠤᠶᠢᠯᠠᠩ ᠢ ᠨᠦᠬᠦᠭᠡ ᠲᠤᠭᠤᠶᠢᠯᠠᠩ ᠢᠶᠠᠷ ᠨᠢ | ᠲᠠᠪᠠᠭᠤᠯᠤᠨ ᠴᠤᠪᠤᠷᠠᠭᠤᠯᠵᠤ ᠵᠦᠬᠡᠬᠡᠨᠡ᠃ ᠲᠠᠰᠢᠷᠠᠮ ᠳᠤᠨᠢ ᠬᠠᠷᠢᠭᠤᠯᠤᠭᠰᠠᠨ ᠮᠠᠯ ᠢᠶᠠᠨ ᠴᠤᠭᠯᠠᠭᠤᠯᠬᠤ᠂ | ᠬᠤᠷᠠᠭᠠᠨ ᠳᠠᠭᠠᠨ ᠰᠦᠵᠢᠷᠡᠭᠰᠡᠨ ᠬᠤᠨᠢᠳ ᠤᠨ ᠲᠦᠷᠦᠬᠦᠦ ᠶᠢ ᠲᠠᠷᠤᠵᠤ ᠲᠤᠭᠳᠠᠭᠠᠬᠤ ᠠᠵᠢᠯ ᠢ ᠪᠠᠰᠠ | ᠠᠮᠵᠢᠭᠤᠯᠬᠤ ᠬᠡᠷᠡᠭᠳᠡᠢ᠃ ᠡᠨᠡ ᠬᠤᠭᠤᠷᠤᠨᠳᠤ ᠤᠭᠤᠳᠠ ᠲᠠᠢ ᠬᠤᠷᠠᠭᠠ ᠨᠤᠭᠤᠳ ᠴᠦ ᠲᠤᠯᠠᠭᠠᠴᠠᠵᠤ ᠵᠠᠪᠳᠤᠳᠠᠭ᠃ | ᠤᠭᠤᠳᠠ ᠲᠠᠢ ᠬᠤᠷᠠᠭᠠ᠂ ᠬᠠᠷᠢᠭᠤᠯᠤᠭᠰᠠᠨ ᠮᠠᠯ ᠤᠨ ᠲᠤᠮᠳᠠ ᠬᠦᠶᠦᠨ ᠱᠤᠭᠰᠢᠶᠠ ᠪᠠᠷ ᠲᠠᠪᠠᠷᠠᠭᠠᠭᠰᠠᠨ ᠮᠢᠨᠦ | ᠬᠦᠯᠦᠰᠦ ᠡᠬᠡᠪᠦᠷ ᠭᠠᠵᠠᠷ ᠤᠨ ᠬᠠᠶᠢᠯ ᠤᠨ ᠤᠰᠤ ᠰᠢᠭ ᠤᠷᠤᠰᠳᠠᠭ ᠪᠠᠶᠢᠯᠠ ᠭᠡᠵᠤ ᠲᠡᠬᠡᠬᠦᠯᠬᠦ ︵ᠬᠡᠳᠦᠷᠡᠬᠦᠯᠬᠦ︶ | ᠳᠤ ᠪᠤᠯᠬᠤ ᠪᠢᠵᠡ⁈ | ᠡᠵᠢ ᠬᠦᠯᠦᠰᠦ ᠲᠠᠭᠠᠭᠠᠪᠦᠷᠢᠯᠠᠨ ᠠᠭᠤᠷ ᠪᠠᠭᠠᠬᠢᠭᠰᠠᠨ ᠲᠤᠬᠤ ᠶᠢ ᠮᠢᠨᠢ ᠦᠨᠦᠰᠦᠭᠡᠳ᠄ ︽ᠮᠢᠨᠦ ᠬᠡᠦᠬᠡᠨ | ᠬᠦᠳᠡᠯᠮᠦᠷᠢᠴᠢ ᠪᠦᠭᠡᠳ ᠮᠠᠯᠴᠢ᠂ ᠪᠡᠶᠡ ᠪᠠᠨ ᠲᠡᠵᠢᠬᠡᠬᠦ ᠠᠷᠭᠠᠴᠠᠯ ᠲᠠᠢ ᠬᠦᠮᠦᠨ ᠪᠤᠯᠬᠤ ᠨᠢ᠃ ᠮᠠᠯ ᠳᠤ ᠬᠠᠶᠢᠷᠠᠳᠠᠢ᠂ | ᠬᠦᠳᠡᠯᠮᠦᠷᠢ ᠳᠤ ᠲᠤᠷᠠᠳᠠᠢ ᠬᠦᠮᠦᠨ ᠪᠠᠶᠠᠨ ᠴᠠᠳᠬᠤᠯᠠᠩ ᠠᠮᠢᠳᠤᠷᠠᠬᠤ ᠦᠭᠡᠢ ᠶᠠᠭᠠᠬᠢᠬᠤ ᠪᠤᠢ︕︾ ᠭᠡᠵᠤ | ᠤᠷᠮᠠ ᠶᠢᠨ ᠦᠬᠡ ᠪᠠᠷ ᠱᠠᠩᠨᠠᠨ᠂ ᠬᠦᠳᠡᠯᠮᠦᠷᠢ ᠶᠢᠨ ᠤᠷᠢᠶᠠ ᠪᠠᠷ ᠲᠠᠶᠢᠴᠢᠯᠠᠨᠠ᠃ | ᠬᠦᠳᠡᠯᠮᠦᠷᠢ ᠶᠢᠨ ᠤᠷᠢᠶᠠ ᠲᠠᠢ᠂ ᠲᠦᠯ ᠤᠨ ᠱᠠᠬᠢᠶᠠᠨ ᠲᠠᠢ ᠬᠠᠪᠤᠷ ᠡ ᠭᠡᠵᠤ ᠠᠮᠢᠳᠤᠷᠠᠯ ᠤᠨ ᠴᠢᠪᠬᠠᠳᠠᠰᠤ ᠲᠠᠢ | ᠮᠦᠩᠬᠡ ᠶᠢᠨ ᠲᠤᠷᠠᠰᠤᠮᠵᠢ ᠪᠤᠶᠤ︕ | |