ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠦᠯᠵᠡᠶᠢᠲᠦ ᠲᠦᠰᠢᠶᠠᠲᠦ
ᠲᠤᠷᠠᠳᠬᠠᠯ ᠳᠤ ᠮᠦᠩᠬᠡᠷᠡᠬᠦ ᠲᠠᠷᠬᠠᠨ ᠠᠯᠲᠠᠷ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2024/3/8
   ᠠᠬᠠᠮᠠᠳ ᠵᠤᠬᠢᠶᠠᠯᠴᠢ ᠪᠦᠭᠡᠳ ᠰᠤᠶᠤᠯ ᠤᠷᠠᠯᠢᠭ ᠤᠨ ᠲᠡᠤᠬᠡ ᠰᠤᠲᠤᠯᠤᠭᠠᠴᠢ ᠡᠷᠲᠡᠮᠲᠡᠨ ᠬᠡᠰᠢᠭᠮᠡᠩᠯᠠᠢ ᠨᠠᠰᠤᠲᠠᠨ ᠤ ᠲᠤᠮᠤᠬᠠᠨ ᠪᠦᠲᠤᠭᠡᠯ ᠪᠤᠯᠬᠤ ︽ᠬᠦᠪᠡᠭᠡᠲᠤ ᠰᠢᠷ᠎ᠠ ᠤᠩᠭᠤᠨ ᠬᠤᠨᠢᠴᠢᠨ ᠤ ᠲᠡᠤᠬᠡᠨ ᠲᠤᠪᠴᠢᠶᠠᠠ︾ ᠳᠤ ᠭᠡᠨᠲᠤᠨᠫᠤᠩᠰᠤᠭ ᠡᠮᠴᠢ ᠶᠢᠨ ᠲᠣᠬᠠᠢ ᠲᠠᠨᠢᠯᠴᠠᠭᠤᠯᠬᠤ ᠳᠠᠭᠠᠨ᠄ ︽ᠬᠠᠷᠠᠬᠠᠨ ᠪᠠᠭ᠎ᠠ ᠠᠴᠠ ᠪᠠᠨ ᠤᠩᠭᠤᠨ ᠬᠤᠨᠢᠴᠢᠨ ᠤ ᠭᠤᠷᠪᠠᠲᠤᠭᠠᠷ ᠰᠤᠮᠤᠨ ᠤ ᠰᠢᠲᠤᠭᠡᠨ ᠰᠦᠮ᠎ᠡ ᠪᠣᠯᠬᠣ᠋ ᠤᠩᠭᠤᠨ ᠲᠡᠯᠭᠡᠷ ᠰᠦᠮ᠎ᠡ ᠳᠤ ᠱᠠᠪᠢᠯᠠᠨ ᠰᠠᠭᠤᠵᠤ᠂ ᠲᠤᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠠᠯᠲᠠᠷᠲᠤ ᠡᠮᠴᠢ ᠰᠡᠷᠡᠨᠳᠢᠸ᠎ᠠ᠂ ᠭᠤᠮᠪᠤᠰᠦᠷᠤᠩ ᠨᠡᠷ ᠠᠴᠠ ᠮᠠᠷᠠᠮᠪᠠ ᠶᠢᠨ ᠰᠤᠷᠭᠠᠯ ᠬᠦᠷᠲᠡᠵᠤ᠂ ᠮᠤᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠡᠷᠲᠡᠮ ᠮᠡᠷᠭᠡᠵᠢᠯ ᠢ ᠶᠡᠬᠡᠲᠡ ᠴᠢᠷᠮᠠᠶᠢᠨ ᠰᠤᠷᠴᠤ᠂ ᠨᠠᠯᠢᠶᠠᠳ ᠪᠦᠷᠢᠨ ᠲᠦᠬᠦᠷ ᠡᠵᠡᠮᠰᠢᠭᠰᠡᠨ ᠢᠶᠠᠷ ᠪᠦᠷ ᠰᠡᠬᠦᠯᠲᠡᠵᠤ ᠢᠷᠡᠭᠡᠳ ᠨᠤᠲᠤᠭ ᠤᠰᠤᠨ ᠳᠠᠭᠠᠨ ᠨᠡᠷ᠎ᠡ ᠠᠯᠲᠠᠷᠰᠢᠭ᠍ᠰᠡᠨ ᠮᠣᠩᠭᠤᠯ ᠡᠮᠴᠢ ᠢᠢᠨ ᠨᠢᠭᠡ ᠪᠣᠯᠵᠤ ᠴᠤᠯᠭᠤᠷᠠᠨ᠂ ᠢᠯᠠᠩᠭᠤᠶ᠎ᠠ ᠡᠯᠢᠭᠡ ᠬᠤᠲᠤᠭᠤᠲᠤᠨ ᠤ ᠡᠪᠡᠳᠴᠢᠨ ᠢ ᠡᠮᠴᠢᠯᠡᠨ ᠵᠠᠰᠠᠬᠤ ᠳᠠᠭᠠᠨ ᠤᠨᠴᠡ ᠮᠡᠷᠭᠡᠵᠢᠯ ᠲᠠᠢ ᠪᠤᠯᠵᠤ᠂ ᠲᠦᠮᠡᠨ ᠤᠯᠠᠨ ᠤ ᠪᠠᠨ ᠢᠲᠡᠭᠡᠯ ᠪᠢᠰᠢᠷᠡᠯ ᠢ ᠶᠠᠭᠠᠬᠢᠬᠤ ᠶᠢᠨ ᠠᠷᠭ᠎ᠠ ᠦᠭᠡᠢ ᠤᠯᠵᠣ ᠪᠠᠶᠢᠭᠰᠠᠨ ᠶᠤᠮ︾ ᠭᠡᠵᠤ ᠲᠡᠮᠲᠡᠭᠯᠡᠭᠰᠡᠨ ᠪᠢᠯᠡ᠃    ᠶᠠᠭᠤ ᠴᠤ ᠭᠡᠰᠡᠨ ᠭᠡᠨᠲᠦᠨᠫᠣᠩᠰᠤᠬ ᠪᠣᠯ ︽ᠡᠮᠴᠢ ᠬᠦᠮᠤᠨ︾ ᠤ ᠲᠡᠷᠬᠠᠨ ᠠᠯᠲᠠᠷ ᠢ ︽ᠲᠠᠶᠠᠩ ᠤᠨ ᠰᠤᠨᠤᠷ ᠲᠤ ᠲᠠᠭᠤᠷᠢᠰᠲᠠᠯ᠎ᠠ ᠲᠦᠮᠡᠨ ᠤ ᠰᠡᠳᠭᠢᠯ ᠳᠤ ᠬᠤᠨᠤᠭᠰᠢᠲᠠᠯ᠎ᠠ︾ ᠲᠥᠪ ᠶᠡᠬᠡᠮᠰᠦᠭ ᠠᠪᠴᠤ ᠭᠠᠷᠤᠭᠰᠠᠨ ᠦᠤᠬᠡ ᠲᠡᠤᠬᠡ ᠲᠠᠢ ᠬᠦᠮᠤᠨ ᠤ ᠨᠢᠭᠡ ᠪᠢᠯᠡ᠃ ᠡᠨᠡ ᠬᠦ ᠠᠬᠠᠮᠠᠳ ᠪᠤᠭᠤᠷᠤᠯ ᠢ ᠠᠮᠢᠳᠤ ᠰᠡᠷᠡᠬᠦᠨ ᠪᠠᠶᠢᠬᠤ ᠳᠤᠨᠢ ᠰᠣᠷᠪᠣᠯᠵᠢᠯᠠᠨ ᠲᠡᠮᠲᠡᠭᠯᠡᠵᠦ ᠴᠢᠲᠠᠭᠰᠠᠨ ᠦᠭᠡᠢ ᠳᠡᠭᠡᠨ ᠤᠲᠤ ᠴᠤ ᠭᠡᠳ ᠪᠢ ᠬᠠᠷᠠᠮᠰᠠᠵᠦ ᠦᠪᠡᠷ ᠢ ᠪᠠᠨ ᠵᠢᠮᠡᠯᠡᠲᠡᠭ ᠃    ᠭᠡᠨᠲᠦᠨᠫᠣᠩᠰᠤᠬ ᠡᠮᠴᠢ ᠶᠢ ᠨᠤᠲᠤᠭ ᠤᠨ ᠬᠢᠨᠢ ᠪᠦᠷ ︽ᠭᠡ᠊ ᠮᠠᠮᠠ︾ ᠭᠡᠵᠤ ᠲᠠᠭᠤᠲᠠᠲᠠᠭ᠃ ᠡᠪᠡᠳᠴᠢᠲᠡᠨ ᠤᠯᠠᠨ ᠢ ᠠᠶᠤᠯ ᠠᠴᠠ ᠠᠪᠤᠷᠠᠵᠤ ᠨᠤᠲᠤᠭ ᠤᠨ ᠲᠦᠮᠡᠨ ᠳᠡᠭᠡᠨ ᠪᠤᠶᠠᠨ ᠤ ᠶᠡᠭᠡ ᠤᠢᠢᠯᠡ ᠮᠦᠷ ᠲᠠᠢ ᠶᠠᠪᠤᠵᠤ ᠢᠷᠡᠭᠰᠡᠨ ᠭᠡ᠊ ᠮᠠᠮᠠ ᠶᠢᠨ ᠲᠤᠬᠠᠢ ᠶᠠᠷᠢᠬᠤ ᠳᠤ ᠮᠢᠨᠤ ᠬᠤᠪᠢ ᠳᠤ ᠴᠤ ᠭᠡᠰᠡᠨ ᠬᠡᠤᠬᠡᠳ ᠪᠠᠶᠢᠬᠤ ᠳᠠᠭᠠᠨ ᠬᠤᠶᠠᠷ ᠤᠲᠠᠭ᠎ᠠ ᠬᠦᠨᠲᠤ ᠡᠪᠡᠳᠴᠢᠯᠡᠵᠤ᠂ ᠪᠦᠷ ᠯᠠ ᠮᠠᠮ᠎ᠡ ᠶᠢᠨ ᠰᠠᠶᠢᠨ ᠢᠢᠡᠷ ᠡᠮᠨᠡᠬᠦᠯᠵᠤ ᠵᠠᠰᠠᠭᠤᠯᠣᠭᠠᠳ ᠡᠪᠡᠳᠴᠢᠨ ᠡᠮᠬᠡᠭ ᠤᠨ ᠤᠢᠢᠯᠡ ᠲᠠᠮᠤ ᠠᠴᠠ ᠰᠠᠯᠣᠬᠰᠠᠨ ‍ᠤᠴᠢᠷ ᠠᠴᠠ ᠦᠨᠦ ᠲᠣᠷᠠᠰᠣᠨ ᠰᠠᠨᠠᠬᠤ ᠳᠤ ᠴᠤ ᠬᠡᠰᠡᠨ ᠰᠡᠳᠬᠢᠯ ᠳᠤ ᠬᠠᠯᠠᠭᠤᠨ ᠲᠣᠲᠣᠨᠣ ᠰᠠᠨᠠᠭᠲᠠᠬᠤ ᠶᠣᠮ᠃    ᠲᠡᠷᠡ ᠵᠢᠯ ᠤᠨ ᠬᠤᠤᠷᠲᠠᠯᠭ᠎ᠠ ᠠᠴᠠ ᠪᠤᠯᠤᠭᠰᠠᠨ ᠡᠪᠡᠳᠴᠢᠨ ᠳᠤ ᠪᠦᠬᠦᠯᠢ ᠨᠢᠭᠡ ᠵᠢᠯ ᠲᠠᠷᠴᠢᠯᠠᠭᠠᠭᠲᠠᠨ ᠵᠤᠪᠠᠵᠤ ᠰᠢᠨᠠᠯᠤᠭᠰᠠᠨ ᠢᠶᠠᠨ ᠪᠤᠲᠤᠬᠤ ᠳᠤ ᠦᠨᠡᠬᠡᠷ ︽ᠬᠤᠶᠢᠬ᠎ᠠ ᠶᠢᠨ ᠦᠰᠤ ᠪᠤᠰᠤᠮᠠᠷ︾᠃ ᠪᠦᠲᠤᠨ ᠨᠢᠭᠡ ᠵᠢᠯ ᠭᠡᠵᠦ ᠬᠡᠯᠡᠬᠦ ᠳᠤ ᠠᠮᠠᠷᠬᠠᠨ ᠴᠤ ᠡᠪᠡᠳᠴᠤ ᠵᠤᠪᠠᠭᠰᠠᠨ ᠬᠦᠮᠤᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ︽ᠠᠮᠢ ᠨᠠᠭᠠᠨ᠎ᠠ ᠲᠠᠮᠤ ᠴᠠᠭᠠᠨ᠎ᠠ︾ ᠪᠣᠯᠵᠦ᠂ ︽ᠬᠠᠯᠠᠭᠤᠨ ᠲᠤᠭᠤᠭᠠᠨ ᠳᠤ ᠤᠷᠤᠭᠰᠠᠨ ᠰᠢᠷᠭᠤᠯᠵᠢ︾ ᠦᠬᠡᠷ᠎ᠡ ᠦᠭᠡᠢ ᠪᠣᠯᠣᠬᠰᠠᠨ ᠪᠢᠯᠡ᠃ ᠲᠡᠷᠡ ᠦᠶ᠎ᠡ ᠶᠢᠨ ᠡᠮᠨᠡᠯᠭᠡ ᠶᠢᠨ ᠨᠦᠬᠦᠴᠡᠯ ᠢ ᠤᠲᠤ ᠶᠢᠨ ᠬᠢ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ ᠲᠡᠭᠷᠢ ᠭᠠᠵᠠᠷ ᠤᠨ ᠵᠦᠷᠢᠶ᠎ᠡ ᠲᠠᠢ᠃ ᠤᠯᠠᠮᠵᠢᠯᠠᠯᠲᠤ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠭᠠᠶᠢᠬᠠᠮᠰᠢᠭᠲᠤ ᠷᠢᠲᠢ ᠰᠢᠳᠢ ᠭᠡᠭᠴᠢ ᠬᠦᠮᠤᠨ ᠤ ᠮᠠᠬᠠᠪᠤᠳ ᠪᠡᠶ᠎ᠡ ᠶᠢᠨ ᠡᠰᠢ ᠡᠷᠬᠡᠲᠡᠨ ᠤ ᠰᠤᠲᠤᠯᠭ᠎ᠠ ᠰᠢᠨᠵᠢᠯᠡᠭᠡᠨ ᠤ ᠤᠨᠤᠯ ᠶᠤᠰᠤ ᠢᠢ ᠠᠭᠤᠲᠠᠯᠣᠭᠰᠠᠨ ︽ᠲᠣᠯᠢ︾ ᠮᠡᠲᠦ ᠦᠪᠡᠷ ᠢ ᠴᠢᠨᠢ ᠲᠣᠯᠢᠲᠠᠨ ᠦᠵᠡᠬᠦᠯᠵᠦ ᠴᠢᠲᠠᠲᠠᠭ ᠨᠢ ︽ᠬᠥᠬᠡ ᠮᠦᠩᠬᠦᠨ ᠲᠡᠭᠷᠢ ᠠᠪᠤ᠂ ᠬᠦᠷᠤᠰᠤᠲᠤ ᠠᠯᠲᠠᠨ ᠲᠡᠯᠡᠬᠡᠢ ᠡᠵᠢ︾ ᠰᠢᠭ ᠪᠠᠶᠢᠭᠠᠯᠢ ᠵᠢᠷᠳᠢᠨᠴᠤ ᠲᠠᠢ ᠬᠠᠷᠢᠴᠠᠭ᠎ᠠ ᠬᠤᠯᠪᠤᠭ᠎ᠠ ᠲᠠᠢ ᠪᠠᠶᠢᠲᠠᠭ ᠮᠦᠩᠬᠡ ᠲᠡᠭᠷᠢ ᠶᠢᠨ ᠵᠠᠶ᠋ᠢᠭ ᠶᠤᠰᠤᠨ ᠤ ᠤᠯᠪᠠᠭ᠎ᠠ ᠪᠦᠬᠦᠢ ᠢᠮ ᠲᠠᠮᠠᠭ᠎ᠠ ᠲᠠᠢ ᠴᠤ ᠪᠠᠶᠢᠭ᠎ᠠ ᠬᠡᠮᠡᠷ ᠰᠠᠨᠠᠭᠲᠠᠨ᠎ᠠ᠃    ᠭᠡᠨᠲᠤᠨᠫᠤᠩᠰᠤᠭ ᠡᠮᠴᠢ ᠪᠠᠷ ᠡᠮᠴᠢᠯᠡᠬᠦᠯᠵᠤ ᠪᠡᠶ᠎ᠡ ᠰᠡᠳᠭᠢᠯ ᠤᠨ ᠲᠠᠷᠴᠢᠯᠠᠭᠠᠨ ᠠᠴᠠ ᠠᠶᠠᠷᠯᠠᠬᠰᠠᠨ ᠡᠪᠡᠳᠴᠢᠲᠠᠨ ᠤ ᠲᠤᠬᠠᠢ ᠨᠠᠷᠢᠨ ᠶᠠᠷᠢᠬᠤ ᠳᠤ ᠲᠡᠬᠦᠨ ᠤ ᠭᠠᠷ ᠱᠠᠪᠢ ᠶᠢᠨ ᠨᠢᠭᠡ ᠪᠣᠯᠬᠣ᠋ ᠰᠡᠴᠡᠨᠪᠠᠭᠠᠲᠤᠷ ᠡᠮᠴᠢ ᠶᠢᠨ ᠶᠠᠷᠢᠭᠰᠠᠨ ᠦᠭᠡ ᠰᠡᠳᠬᠢᠯ ᠳᠤ ᠬᠦᠨ ᠰᠠᠭᠤᠬᠰᠠᠨ ᠶᠣᠮ᠃ ᠰᠡᠴᠡᠨᠪᠠᠭᠠᠲᠣᠷ ᠬᠡᠯᠡᠬᠦ ᠳᠡᠭᠡᠨ᠄ ︽ᠮᠢᠨᠤ ᠡᠪᠤᠭᠡᠨ ᠪᠠᠭᠰᠢ ᠴᠢᠨᠢ ᠴᠠᠬᠠᠷ ᠲᠡᠳᠦᠢ ᠦᠭᠡᠢ ᠰᠦᠨᠢᠳ ᠠᠪᠠᠭ᠎ᠠ ᠶᠢᠨ ᠨᠤᠲᠤᠭ ᠤᠰᠤ ᠪᠠᠷ ᠴᠤ ᠭᠡᠰᠡᠨ ᠨᠡᠷ᠎ᠡ ᠠᠯᠲᠠᠷ ᠢᠢᠡᠨ ᠮᠠᠨᠲᠤᠭᠤᠯᠵᠤ ᠶᠠᠪᠤᠭᠰᠠᠨ ᠨᠡᠷᠡᠲᠤ ᠡᠮᠴᠢ᠃ ᠠᠯᠢ ᠡᠷᠲᠡ ᠲᠡᠭᠡᠷ᠎ᠡ ᠵᠠᠭᠤᠨ ᠤ ᠵᠢᠷᠠᠭᠠᠳ ᠤᠨ ᠳᠤ ᠭᠤᠷᠪᠠᠭ᠋ᠠᠨ ᠲᠤᠩ ᠡᠮ ᠢᠢᠡᠷ ᠴᠢᠰᠤ ᠶᠡᠭᠡ ᠪᠠᠭᠤᠭᠰᠠᠨ ᠰᠦᠨᠢᠳ ᠤᠨ ᠨᠢᠭᠡᠨ ᠡᠮᠡᠭᠲᠡᠢ ᠶᠢᠨ ᠠᠮᠢ ᠶᠢ ᠠᠪᠤᠷᠠᠭᠠᠳ ︿ᠴᠠᠬᠠᠷ ᠤᠨ ᠬᠦᠨᠲᠡᠯᠡᠨ ᠲᠤᠯᠤᠭᠠᠶᠢᠲᠤ ᠴᠢᠨᠢ ᠵᠠᠭᠤᠢ ᠰᠠᠶᠢᠨ ᠡᠮᠴᠢ ᠰᠢᠤ﹀ ᠭᠡᠰᠡᠨ ᠠᠯᠲᠠᠷ ᠴᠤᠯᠠ ᠲᠠᠢ ᠪᠤᠯᠤᠯ᠎ᠠ ᠭᠡᠲᠡᠭ᠃ ᠪᠠᠭᠰᠢ ᠮᠢᠨᠢ ᠪᠦᠲᠤᠬᠦᠨ ᠬᠠᠲᠠᠭᠤᠨ ᠪᠡᠶ᠎ᠡ ᠲᠠᠢ᠂ ᠮᠦᠷᠤ ᠦᠷᠭᠡᠨ᠂ ᠬᠦᠮᠤᠰᠭᠡ ᠦᠳᠭᠡᠨ᠃ ᠲᠡᠷᠡ ᠮᠦᠷᠲᠡᠭᠡᠨ ᠲᠤᠯᠤᠭᠠᠢ ᠨᠢ ᠨᠠᠯᠢᠶᠠᠳ ᠭᠡᠲᠡᠤ ᠶᠡᠬᠡᠲᠠᠢ ᠪᠤᠯᠬᠤᠷ ᠲᠦᠷᠦᠭᠰᠡᠨ ᠪᠡᠶ᠎ᠡ ᠶᠢᠨ ᠬᠢᠨᠢ ᠲᠦᠯᠤᠪ ᠰᠢᠨᠵᠢ ᠶᠢ ᠪᠠᠷᠢᠵᠤ᠂ ᠬᠤᠩᠰᠢᠶᠠᠷ ᠠᠮᠠᠨ ᠳᠠᠭᠠᠨ ᠬᠤᠷᠴᠠ ︿ᠮᠡᠷᠭᠡᠨ ᠲᠤᠯᠤᠭᠠᠢ﹀ ᠨᠢ ᠲᠢᠭ ᠦᠭᠡᠶᠢᠷᠡᠵᠤ ᠠᠯᠢᠶᠠᠷᠬᠠᠬᠤ ᠳᠠᠭᠠᠨ ᠪᠠᠭᠰᠢ ᠳᠤ ᠮᠢᠨᠢ ᠡᠶᠢᠮᠦ ᠬᠤᠴᠢ ᠨᠡᠷ᠎ᠡ ᠬᠠᠶᠢᠷᠠᠯᠠᠭᠰᠠᠨ ᠶᠣᠮ︾ ᠭᠡᠵᠤ ᠶᠠᠷᠢᠵᠦ ᠪᠠᠶᠢᠯ᠎ᠠ᠃   ︽ᠴᠠᠬᠠᠷ ᠤᠨ ᠬᠦᠨᠲᠡᠯᠡᠨ ᠲᠣᠯᠤᠭᠠᠶᠢᠲᠤ︾ ᠬᠡᠬᠦ ᠠᠴᠠ ᠨᠢᠭᠡ ᠤᠲᠠᠭ᠎ᠠ ᠭᠡ᠊ ᠮᠠᠮᠠ ᠰᠦᠨᠢᠳ ᠨᠤᠲᠤᠭ ᠢᠢᠡᠷ ᠵᠠᠯᠠᠭᠲᠠᠨ ᠡᠪᠡᠳᠴᠢᠨ ᠦᠵᠡᠵᠤ ᠪᠠᠶᠢᠬᠤ ᠲᠠᠢ ᠨᠢ ᠬᠠᠯᠵᠠ ᠲᠠᠭᠠᠷᠠᠯᠲᠤᠭᠰᠠᠨ ᠨᠢᠭᠡ ᠬᠦᠮᠤᠨ ᠭᠡᠨᠡᠳᠲᠡ᠄ ︽ᠴᠠᠬᠠᠷ ᠲᠤ ᠨᠢᠭᠡ ᠬᠦᠨᠲᠡᠯᠡᠨ ᠲᠤᠯᠤᠭᠠᠶᠢᠲᠤ ᠭᠡᠲᠡᠭ ᠨᠡᠯᠢᠶᠠᠳ ᠨᠡᠷ᠎ᠡ ᠲᠠᠢ ᠰᠠᠶᠢᠨ ᠡᠮᠴᠢ ᠪᠠᠶᠢᠲᠠᠭ ᠭᠡᠨ᠎ᠡ ᠯᠠᠢ︾ ᠬᠡᠮᠡᠨ ᠠᠮᠠᠨ ᠤ ᠠᠶ᠎ᠠ ᠪᠠᠷ ᠦᠭᠡ ᠢᠢᠨ ᠲᠠᠭᠠᠤ ᠠᠵᠢᠭ ᠴᠤ ᠦᠭᠡᠢ ᠲᠠᠯᠪᠢᠭᠠᠳ ᠭᠠᠷᠭᠠᠬᠤ ᠳᠤ ᠭᠡ᠊ ᠮᠠᠮᠠ ᠬᠠᠷᠢᠨ ᠵᠤᠷᠢᠭᠤᠲᠠ ᠮᠠᠯᠠᠭᠠᠢ ᠪᠠᠨ ᠠᠪᠴᠤ ᠲᠡᠯᠪᠢᠨ ᠭᠡᠰᠡᠭ ᠲᠤᠭᠤᠢ ᠰᠠᠭᠤᠭᠰᠠᠨ ᠢᠢᠡᠨ᠄ ︽ᠲᠡᠷᠡ ᠴᠢᠨᠢ ᠮᠢᠬᠠᠨ ᠪᠡᠶ᠎ᠡ ᠪᠠᠷ ᠢᠢᠡᠨ ᠡᠮᠤᠨ᠎ᠡ ᠴᠢᠨᠢ ᠪᠠᠶᠢᠭ᠎ᠠ ᠪᠢᠰᠢᠤ︖︾ ᠬᠡᠮᠡᠨ ᠨᠠᠭᠠᠲᠤᠮ ᠦᠨᠡᠨ ᠤ ᠬᠤᠭᠤᠷᠤᠨᠲᠤ ᠱᠤᠭ ᠪᠤᠯᠭᠠᠨ ᠶᠠᠷᠢᠯ᠎ᠠ ᠭᠡᠲᠡᠭ᠃   ︽ᠮᠢᠨᠤ ᠪᠠᠭᠰᠢ ᠶᠡᠷᠤ ᠨᠢ ᠦᠵᠡᠬᠦ ᠳᠤ ᠲᠦᠪᠯᠡᠬᠦᠨ ᠴᠢᠩᠭ᠎ᠠ ᠬᠦᠮᠤᠨ ᠪᠤᠯᠪᠠᠴᠤ ᠬᠠᠶᠠ ᠵᠠᠷᠢᠮ ᠳᠠᠭᠠᠨ ᠦᠭᠡ ᠶᠢ ᠮᠠᠰᠢ ᠶᠦᠮᠤᠷᠯᠢᠭ ᠰᠠᠶᠢᠬᠠᠨ ᠶᠠᠷᠢᠵᠤ ᠬᠡᠯᠡᠲᠡᠭ ᠱᠤᠭ ᠶᠡᠬᠡᠲᠠᠢ ᠬᠦᠮᠤᠨ ᠪᠢᠯᠡ᠃ ᠶᠤᠰᠤᠲᠠᠢ ︿ᠤᠯᠲᠠᠰᠢ ᠦᠭᠡᠢ ᠦᠭᠡ ᠶᠢ ᠤᠷᠤᠨ ᠪᠠᠶᠢᠷᠢ ᠳᠤᠨᠢ﹀ ᠭᠡᠲᠡᠭ ᠢᠶᠠᠷ ᠦᠭᠡ ᠶᠢ ᠲᠡᠷᠡ ᠯᠠ ᠤᠷᠴᠢᠨ ᠳᠤᠨᠢ ᠪᠡᠨ᠎ᠡ ᠲᠠᠢ ᠰᠠᠶᠢᠬᠠᠨ ᠶᠠᠷᠢᠲᠠᠭ ᠠᠮᠠᠷ ᠦᠭᠡᠢ ᠬᠦᠮᠤᠨ ᠰᠢᠤ︾ ᠭᠡᠵᠦ ᠰᠡᠴᠡᠨᠪᠠᠭᠠᠲᠣᠷ ᠭᠤᠸᠠᠢ ᠪᠠᠭᠰᠢ ᠶᠢᠨ ᠢᠢᠡᠨ ᠲᠣᠬᠠᠢ ᠬᠠᠭᠤᠴᠢᠯᠠᠨ᠎ᠠ ᠃   ᠬᠡᠨᠲᠦᠨᠫᠣᠩᠰᠤᠬ ᠡᠮᠴᠢ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠤᠯᠠᠮᠵᠢᠯᠠᠯᠲᠤ ᠶᠤᠰᠤ ᠨᠣᠮ ᠦᠨ ᠲᠤᠬᠠᠢ ᠪᠡᠶ᠎ᠡ ᠲᠠᠭᠠᠭᠠᠭᠰᠠᠨ ᠲᠤᠰᠠᠭᠠᠷ ᠮᠡᠷᠭᠡᠵᠢᠯ ᠲᠠᠢ ᠪᠠᠶᠢᠵᠦ᠂ ᠵᠠᠷᠢᠮ ᠤᠨᠴᠠᠭᠠᠢ ᠡᠪᠡᠳᠴᠢᠲᠡᠨ ᠢ ᠪᠣᠯ ᠪᠦᠷ ᠦᠪᠡᠰᠦᠪᠡᠨ ᠡᠮ ᠲᠠᠩ ᠨᠠᠶᠢᠷᠠᠵᠤ ᠲᠤᠰᠬᠠᠢ ᠡᠮᠴᠢᠯᠡᠭᠡ ᠬᠢᠲᠡᠭ ᠪᠦᠭᠡᠳ ᠴᠡᠭᠡ ᠶᠢᠨ ᠵᠠᠰᠠᠯ ᠬᠢᠬᠦ ᠶᠢᠨ ᠲᠠᠭᠠᠤ ᠨᠢᠭᠡᠨ ᠦᠶ᠎ᠡ ᠪᠠᠰᠠ ᠹᠦ ᠶᠢᠨ ᠬᠠᠯᠠᠭᠤᠨ ᠢᠢᠡᠷ ︽ᠤᠩᠭᠤᠨ ᠷᠠᠰᠢᠶᠠᠨ︾ ᠤ ᠵᠠᠰᠠᠯᠭ᠎ᠠ ᠶᠢ ᠴᠤ ᠲᠠᠭᠠᠯᠲᠤᠭᠤᠯᠤᠨ ᠬᠢᠲᠡᠭ ᠪᠠᠶᠢᠬᠰᠠᠨ ᠠᠵᠢ᠃   ᠪᠠᠭᠰᠢ ᠶᠢᠨ ᠢᠢᠡᠨ ᠲᠣᠬᠠᠢ ᠲᠣᠷᠠᠳᠬᠠᠬᠤ ᠪᠠᠷ ᠰᠡᠴᠡᠨᠪᠠᠭᠠᠲᠣᠷ ᠤᠨ ᠦᠭᠡ ᠶᠠᠷᠢᠶ᠎ᠠ ᠣᠯᠠᠲᠠᠨ᠎ᠠ᠃ ︽ᠪᠠᠭᠰᠢ ᠮᠢᠨᠢ ︿ᠰᠠᠶᠢᠨ ᠡᠮᠴᠢ ᠪᠣᠯᠬᠣ᠋ ᠳᠤ ᠶᠠᠭᠤᠨ ᠤ ᠤᠷᠢᠳ ᠰᠤᠳᠠᠯ ᠪᠠᠷᠢᠵᠤ ᠰᠢᠨᠵᠢᠬᠦ᠂ ᠡᠮ ᠤᠨ ᠲᠦᠬᠦᠬᠡᠢ ᠮᠠᠲᠤᠷᠢᠶᠠᠯ ᠢ ᠰᠠᠶᠢᠨ ᠢᠯᠭᠠᠵᠤ ᠲᠠᠨᠢᠬᠤ ᠠᠴᠠ ᠠᠪᠤᠭᠠᠳ ᠶᠠᠮᠠᠷ ᠡᠪᠡᠳᠴᠢᠲᠡᠨ ᠳᠤ ᠶᠠᠮᠠᠷ ᠡᠮ ᠨᠠᠶᠢᠷᠠᠵᠤ ᠵᠠᠷᠤᠬᠤ ᠮᠡᠲᠤᠴᠢᠯᠡᠨ ᠡᠮ ᠨᠠᠶᠢᠷᠠᠭᠤᠯᠬᠤ ᠮᠡᠷᠭᠡᠵᠢᠯ ᠴᠢᠲᠠᠪᠤᠷᠢ ᠶᠢ ᠴᠦ ᠨᠢᠮᠪᠠᠢ ᠡᠵᠡᠮᠰᠢᠬᠦ ᠬᠡᠷᠡᠭᠲᠡᠢ﹀ ᠬᠡᠮᠡᠨ ᠪᠠᠶᠢᠩᠭᠤ ᠵᠠᠬᠢᠵᠤ ᠰᠠᠨᠠᠭᠤᠯᠤᠨ ᠬᠡᠯᠡᠲᠡᠭ ᠮᠦᠷᠲᠡᠭᠡᠨ ᠪᠤᠮᠪᠠᠲᠠᠵᠤ ᠰᠠᠮᠨᠠᠬᠤ᠂ ᠬᠠᠨᠠᠵᠤ ᠬᠠᠳᠬᠤᠬᠤ᠂ ᠲᠦᠭᠡᠨᠡᠵᠤ ᠬᠦᠬᠦᠬᠦᠯᠬᠦ᠂ ᠰᠡᠪᠡᠰᠤᠯᠡᠵᠤ ᠪᠢᠲᠡᠬᠦᠤ ᠠᠷᠠᠰᠤᠯᠠᠬᠤ ᠴᠤᠯᠣ ᠰᠠᠪᠠ ᠶᠢᠨ ᠵᠠᠰᠠᠯᠭ᠎ᠠ ᠵᠡᠷᠭᠡ ᠶᠢ ᠪᠦᠷ ᠬᠢᠲᠡᠭ᠃ ᠬᠦᠯᠭᠡ ᠪᠦᠷᠢᠳᠦᠭᠰᠡᠨ ᠴᠢᠨᠠᠷ ᠴᠢᠲᠠᠯ ᠨᠢ ᠴᠢᠩᠭ᠎ᠠ ᠵᠢᠩᠬᠢᠨᠢ ᠨᠠᠶᠢᠷᠠᠯᠭ᠎ᠠ ᠲᠠᠢ ᠡᠮ ᠵᠠᠷᠤᠬᠤ ᠢᠢ ᠮᠠᠰᠢ ᠠᠩᠬᠠᠷᠴᠤ᠂ ᠬᠠᠪᠤᠷ ᠵᠤᠨ ᠨᠠᠮᠤᠷ ᠪᠠᠶᠢᠲᠤᠭᠠᠢ ᠡᠪᠤᠯ ᠤᠨ ᠴᠠᠭ ᠲᠤ ᠴᠤ ᠭᠡᠰᠡᠨ ᠠᠭᠤᠯᠠ ᠬᠠᠲᠠ ᠭᠠᠩᠭ᠎ᠠ ᠭᠤᠤ ᠪᠠᠷ ᠬᠦᠷᠴᠤ ᠡᠮ ᠤᠨ ᠮᠠᠲᠤᠷᠢᠶᠠᠯ ᠤᠨ ᠦᠷ᠎ᠡ ᠦᠨᠲᠤᠰᠤ ᠬᠠᠶᠢᠵᠤ᠂ ᠮᠦᠩᠬᠦᠨ ᠤᠰᠤ᠂ ᠬᠦᠬᠦᠷ ᠢ ᠨᠤᠮᠤᠬᠠᠳᠬᠠᠵᠤ ᠡᠮ ᠨᠠᠶᠢᠷᠠᠲᠠᠭ ᠪᠦᠭᠡᠳ ᠭᠤᠷᠪᠠ ᠲᠦᠷᠪᠡᠨ ᠵᠢᠯ ᠪᠤᠯᠤᠭᠰᠠᠨ ᠬᠠᠲᠠᠭᠠᠭᠰᠠᠨ ᠦᠬᠡᠷ ᠤᠨ ᠱᠠᠷᠢᠭ ᠮᠢᠬ᠎ᠠ ᠶᠢ ᠬᠦᠷᠲᠡᠯ᠎ᠡ ᠵᠠᠷᠢᠮ ᠡᠮ ᠤᠨ ᠨᠠᠶᠢᠷᠠᠯᠭ᠎ᠠ ᠳᠤ ᠤᠷᠤᠭᠤᠯᠵᠤ ᠡᠪᠡᠳᠴᠢᠨ ᠵᠠᠰᠠᠬᠤ ᠳᠤ ᠬᠡᠷᠡᠭᠯᠡᠲᠡᠭ ᠪᠠᠶᠢᠭᠰᠠᠨ᠃ ᠮᠠᠨ ᠤ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠠᠬᠠᠮᠠᠳ ᠡᠮᠴᠢ ᠣᠤᠨᠢ ︵ᠴᠤᠬᠤᠮ ᠨᠡᠷ᠎ᠡ ᠨᠢ ᠠᠮᠤᠷᠯᠢᠩᠭᠤᠢ ᠭᠡᠲᠡᠭ︶ ᠪᠢᠳᠡ ᠬᠤᠶᠠᠷ ᠪᠦᠷ ᠡᠪᠤᠭᠡᠨ ᠪᠠᠭᠰᠢ ᠠᠴᠠ ᠪᠠᠨ ᠵᠢᠩᠬᠢᠨᠢ ᠬᠦᠯᠭᠡ ᠪᠦᠷᠢᠲᠦᠭᠰᠡᠨ ᠤᠨᠴᠠᠭᠠᠢ ᠡᠮ ᠨᠠᠶᠢᠷᠠᠬᠤ ᠮᠡᠳᠡᠯᠭᠡ ᠮᠡᠷᠭᠡᠵᠢᠯ ᠢ ᠠᠲᠠᠯᠢ ᠪᠤᠰᠤ ᠬᠡᠮᠵᠢᠶ᠎ᠡ ᠪᠠᠷ ᠰᠤᠷᠣᠬᠰᠠᠨ ᠶᠤᠮ᠃ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠴᠤᠯᠣ ᠰᠠᠪᠠ ᠢᠢᠨ ᠵᠠᠰᠠᠯ ᠭᠡᠵᠦ ᠲᠡᠷᠡ ᠴᠡᠭ ᠢᠶᠠᠷ ᠢᠶᠠᠨ ᠨᠢᠭᠡ ᠵᠦᠢᠯ ᠤᠨ ᠤᠨᠴᠠᠭᠠᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠪᠣᠯᠬᠤ ᠤᠴᠢᠷᠲᠠᠢ᠃ ᠪᠢᠲᠡᠨ ᠤ ᠬᠡᠯᠡᠲᠡᠭ ᠡᠮ ᠲᠣᠮ ᠭᠡᠲᠡᠭ ᠦᠭᠡ ᠶᠠᠮᠠᠷ ᠴᠤ ᠦᠨᠲᠤᠰᠤ ᠪᠠᠷᠢᠮᠲᠠ ᠦᠭᠡᠢ ᠪᠢᠰᠢ ᠰᠢᠤ ᠳᠠ᠃ ᠵᠦᠪᠬᠡᠨ ︿ᠲᠤᠮᠨᠤᠬᠤ ᠲᠣᠮ ᠰᠢᠪᠰᠢᠯᠭᠡ﹀ ᠭᠡᠬᠦ ᠦᠭᠡ ᠶᠢᠨ ᠤᠴᠢᠷ ᠤᠳᠭ᠎ᠠ ᠪᠠᠷ ᠠᠪᠴᠤ ᠬᠡᠯᠡᠭᠰᠡᠨ ᠴᠤ ᠲᠠᠶᠢᠯᠪᠤᠷᠢᠯᠠᠬᠤ ᠳᠤ ᠪᠡᠷᠬᠡ ᠴᠠᠭᠠᠨ᠎ᠠ ᠪᠠᠨ ᠮᠠᠰᠢ ᠤᠯᠠᠨ ᠤᠬᠠᠭᠲᠠᠬᠤᠨ ᠲᠠᠢ ᠪᠠᠶᠢᠵᠦ ᠲᠠᠭᠠᠷᠠᠨ᠎ᠠ᠃ ᠴᠤᠯᠤ ᠰᠠᠪᠠ ᠶᠢᠨ ᠵᠠᠰᠠᠯ ᠢ ᠪᠢ ᠲᠡᠷᠡ ᠦᠶ᠎ᠡ ᠳᠤ ᠵᠢᠷᠤᠬᠡᠰᠢᠶᠡᠵᠤ ᠡᠮᠢᠶᠡᠬᠦ ᠶᠢᠨ ᠲᠠᠭᠠᠤ ᠪᠡᠯᠡᠳᠭᠡᠯ ᠠᠵᠢᠯ ᠤᠨ ᠬᠢᠨᠢ ᠶᠠᠷᠰᠢᠭ ᠠᠴᠠ ᠪᠤᠯᠵᠤ᠂ ᠪᠠᠭᠰᠢ ᠶᠢᠨ ᠢᠢᠡᠨ ᠰᠠᠨᠠᠭ᠎ᠠ ᠠᠶ᠎ᠠ ᠪᠠᠷ ᠲᠤᠬᠢᠲᠠᠢ ᠰᠠᠶᠢᠨ ᠰᠤᠷᠴᠤ ᠠᠪᠤᠭᠰᠠᠨ ᠦᠭᠡᠢ ᠳᠡᠭᠡᠨ ᠤᠲᠤ ᠶᠡᠭᠡ ᠭᠡᠮᠰᠢᠬᠦ ᠪᠤᠯᠵᠠᠢ᠃ ᠡᠬᠦᠨ ᠠᠴᠠ ᠦᠬᠡᠷ᠎ᠡ ᠨᠠᠮ᠎ᠠ ᠳᠤ ᠪᠠᠰᠠ ᠨᠢᠭᠡ ᠶᠡᠭᠡ ᠬᠠᠷᠠᠮᠰᠠᠯ ᠪᠠᠶᠢᠲᠠᠭ ᠶᠤᠮ᠃ ᠡᠨᠡ ᠨᠢ ᠲᠡᠷᠤᠢ ᠡᠪᠤᠭᠡᠨ ᠪᠠᠭᠰᠢ ᠶᠢᠨ ᠢᠶᠠᠨ ᠶᠠᠰᠤ ᠶᠢ ᠪᠠᠷᠢᠵᠤ ᠴᠢᠲᠠᠭᠰᠠᠨ ᠦᠭᠡᠢ ᠶᠠᠪᠤᠲᠠᠯ ᠪᠤᠯᠤᠨ᠎ᠠ᠃ ᠪᠠᠭᠰᠢ ᠮᠢᠨᠢ ᠬᠦᠭᠡᠷᠤᠬᠦᠢ ᠳᠠᠯᠠ ᠵᠢᠰᠤ ᠶᠢᠨ ᠨᠠᠰᠤᠨ ᠬᠤᠲᠤᠭ ᠲᠡᠭᠡᠷ᠎ᠡ ᠪᠠᠨ ᠪᠤᠷᠬᠠᠨ ᠪᠤᠯᠵᠤ ᠪᠢᠯᠡ᠃ ᠨᠠᠰᠤ ᠪᠣᠯᠬᠤ ᠠᠴᠠ ᠨᠢ ᠬᠤᠶᠠᠷ ᠭᠤᠷᠪᠠᠨ ᠡᠲᠤᠷ ᠤᠨ ᠡᠮᠤᠨ᠎ᠡ ᠪᠢ ᠭᠡᠷ ᠤᠨ ᠬᠦᠮᠤᠨ ᠲᠠᠢ ᠪᠠᠨ ᠬᠠᠮᠲᠤ ᠰᠦᠨᠢᠳ ᠨᠤᠲᠤᠭ ᠲᠤ ᠬᠦᠷᠴᠤ᠂ ᠡᠪᠤᠭᠡᠨ ᠪᠠᠭᠰᠢ ᠪᠠᠨ ᠪᠤᠯᠭᠤᠭᠠᠵᠤ ᠦᠵᠡᠭᠰᠡᠨ ᠢᠢᠡᠨ ᠦᠴᠤᠬᠡᠨ ᠴᠤ ᠪᠣᠯᠤᠭ ᠰᠠᠨᠠᠭ᠎ᠠ ᠪᠠᠨ ᠵᠢᠭᠠᠬᠠᠨ ᠬᠦᠢᠴᠡᠳᠭᠡᠭᠰᠡᠨ ᠰᠢᠭ ᠪᠤᠲᠤᠲᠠᠭ᠃ ᠪᠢ ᠪᠠᠭᠰᠢ ᠶᠢᠨ ᠢᠢᠡᠨ ᠵᠢᠭᠠᠬᠰᠠᠨ ᠡᠷᠲᠡᠮ ᠢᠢᠡᠷ ᠣᠯᠠᠨ ᠡᠪᠡᠳᠴᠢᠲᠡᠨ ᠢ ᠵᠠᠰᠠᠵᠤ ᠡᠲᠡᠭᠡᠷᠡᠬᠦᠯᠵᠦ᠂ ᠢᠯᠠᠩᠭᠤᠶ᠎ᠠ ᠡᠯᠢᠭᠡᠨ ᠡᠪᠡᠳᠴᠢᠲᠡᠨ ᠢ ᠡᠮᠴᠢᠯᠡᠵᠤ ᠵᠠᠰᠠᠬᠤ ᠲᠠᠯ᠎ᠠ ᠪᠠᠷ ᠵᠢᠭᠠᠬᠠᠨ ᠭᠠᠷᠰᠢᠵᠤ᠂ 2018 ᠤᠨ ᠳᠤ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠬᠤᠶᠠᠲᠣᠭᠠᠷ ᠤᠲᠠᠭᠠᠨ ᠤ ︿ᠨᠡᠷᠡᠲᠤ ᠡᠮᠴᠢ﹀ ᠪᠠᠷ ᠰᠢᠯᠭᠠᠷᠠᠭᠰᠠᠨ ᠮᠠᠨᠢ ᠪᠦᠷ ᠯᠠ ᠪᠠᠭᠰᠢ ᠶᠢᠨ ᠮᠢᠨᠢ ᠮᠡᠳᠡᠯᠭᠡ ᠮᠡᠷᠭᠡᠵᠢᠯ ᠢᠶᠠᠨ ᠬᠠᠷᠠᠮ ᠦᠭᠡᠢ ᠤᠯᠠᠮᠵᠢᠯᠠᠨ ᠰᠤᠷᠭᠠᠵᠤ ᠬᠦᠮᠦᠵᠢᠬᠦᠯᠦᠭᠰᠡᠨ ᠤ ᠠᠴᠢ ᠡᠨᠡᠷᠢᠯ ᠪᠣᠯᠬᠤ ᠶᠤᠮ᠃ ᠪᠠᠭᠰᠢ ᠮᠢᠨᠢ ᠶᠠᠭᠠᠷᠠᠵᠤ ᠰᠠᠨᠲᠤᠷᠬᠤ ᠶᠢ ᠶᠡᠷᠤ ᠮᠡᠲᠡᠲᠡᠭ ᠦᠭᠡᠢ᠂ ᠮᠠᠰᠢ ᠯᠠᠪᠲᠠᠭᠤᠨ ᠲᠦᠪᠯᠡᠬᠦᠨ ᠵᠠᠩ ᠲᠠᠢ᠂ ᠶᠤᠰᠤᠲᠠᠢ ᠬᠦᠮᠤᠨ ᠮᠦᠰᠤ ᠶᠢᠨ ᠠᠭᠤᠤ ᠴᠢᠨᠠᠷ ᠢ ᠬᠦᠮᠤᠨ ᠪᠦ᠋ᠬᠦᠨ ᠳᠤ ᠲᠡᠭᠰᠢ ᠪᠦᠷᠢᠨ ᠦᠵᠡᠬᠦᠯᠵᠤ ᠴᠢᠲᠠᠭᠰᠠᠨ ᠬᠦᠮᠤᠨ ᠤ ᠨᠢᠭᠡ ᠪᠣᠯᠬᠤ ᠶᠤᠮ ᠳᠧ᠃ ᠪᠠᠭᠰᠢ ᠮᠢᠨᠢ ᠡᠮ ᠳᠠᠩ ᠢᠶᠠᠨ ᠶᠡᠷᠤᠲᠡᠭᠡᠨ ᠲᠠᠪᠤ ᠲᠤᠯᠤᠭᠠᠨ ᠬᠤᠨᠤᠭ ᠠᠴᠠ ᠢᠯᠡᠬᠦᠦ ᠦᠭᠲᠡᠭ ᠦᠭᠡᠢ᠂ ᠬᠤᠯᠠ ᠭᠠᠵᠠᠷ ᠠᠴᠠ ᠵᠷᠡᠭᠰᠡᠨ ᠡᠪᠡᠳᠴᠢᠲᠡᠨ ᠤ ᠶᠠᠪᠤᠵᠤ ᠰᠠᠭᠤᠬᠤ ᠢᠢᠨ ᠲᠦᠬᠦᠮ ᠢ ᠪᠤᠲᠤᠯᠬᠢᠯᠡᠨ᠂ ᠬᠤᠶᠠᠷ ᠲᠤᠯᠤᠭᠠᠨ ᠬᠤᠨᠤᠭ ᠢᠶᠠᠷ ᠥᠭᠴᠦ ᠶᠠᠪᠤᠭᠤᠯᠲᠠᠭ ᠵᠠᠩᠰᠢᠯ ᠲᠠᠢ ᠶᠤᠮ᠃ ᠬᠤᠵᠢᠮ ᠨᠢ ᠪᠠᠭᠰᠢ ᠮᠢᠨᠢ ᠬᠤᠰᠢᠭᠤ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠳᠠᠭᠠᠨ ᠣᠷᠢᠬᠲᠠᠨ ᠠᠵᠢᠯᠯᠠᠵᠤ ᠪᠠᠶᠢᠭᠠᠳ ᠲᠡᠳᠬᠦᠪᠤᠷᠢ ᠳᠤ ᠭᠠᠷᠴᠤ ᠰᠤᠮᠤᠨ ᠳᠠᠭᠠᠨ ᠢᠷᠡᠭᠰᠡᠨ ᠶᠤᠮ︾ ᠭᠡᠵᠤ ᠪᠠᠭᠰᠢ ᠶᠢᠨ ᠢᠶᠠᠨ ᠮᠤᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠤᠢᠢᠯᠡᠰ ᠲᠤ ᠮᠡᠷᠭᠡᠵᠢᠯ ᠦᠨᠲᠤᠷ ᠪᠤᠶᠠᠨ ᠤ ᠮᠦᠷ ᠲᠠᠢ ᠶᠠᠪᠤᠵᠤ ᠢᠷᠡᠭᠰᠡᠨ ᠲᠣᠬᠠᠢ ᠮᠡᠲᠡᠵᠤ ᠣᠶᠢᠯᠠᠭᠠᠬᠤ ᠶᠢᠨ ᠬᠢᠷᠢ ᠪᠠᠷ ᠶᠠᠷᠢᠵᠤ ᠬᠡᠯᠡᠬᠦ ᠲᠠᠭᠠᠤ ‍ᠤᠯᠠᠮᠵᠢᠯᠠᠵᠤ ᠦᠭᠬᠦᠭᠰᠡᠨ ᠡᠮ ᠡᠮᠨᠡᠯᠭᠡ ᠶᠢᠨ ᠡᠷᠲᠡᠮ ᠨᠣᠮ ᠢ ᠰᠤᠷᠴᠤ ᠶᠠᠪᠤᠬᠤ ᠳᠠᠭᠠᠨ ᠦᠪᠡᠷ ᠤᠨ ᠠᠯᠲᠠᠵᠤ ᠤᠯᠤᠭᠰᠠᠨ ᠲᠡᠷᠡ ᠪᠦᠬᠦᠨ ᠲᠠᠢ ᠪᠠᠨ ᠤᠶᠠᠯᠲᠤᠭᠤᠯᠤᠨ᠂ ᠪᠠᠭᠰᠢ ᠶᠢᠨ ᠢᠢᠡᠨ ᠠᠴᠢ ᠡᠨᠡᠷᠢᠯ ᠳᠤ ᠬᠦᠨᠲᠤᠳᠭᠡᠯ ᠲᠡᠪᠰᠢᠬᠦᠯᠤᠨ ᠡᠷᠬᠢᠴᠡᠬᠦᠯᠤᠯ ᠲᠤᠷᠠᠳᠬᠠᠯ ᠲᠠᠢ ᠶᠠᠷᠢᠨ᠎ᠡ᠃    ᠦᠨᠤᠲᠤᠷ ᠬᠡᠨᠲᠤᠨᠫᠤᠩᠰᠤᠭ ᠡᠮᠴᠢ ᠮᠠᠨᠢ ᠨᠠᠰᠤ ᠵᠢᠯ ᠤᠨ ᠡᠷᠬᠡ ᠪᠠᠷ ᠨᠠᠭᠠᠲᠤ ᠤᠷᠴᠢᠯᠠᠩ ᠠᠴᠠ ᠠᠶᠠᠷᠯᠠᠨ᠂ ᠨᠠᠮᠬᠠᠨ ᠪᠤᠭᠤᠷᠤᠯ ᠠᠭᠤᠯᠠᠰ ᠤᠨ ᠢᠶᠠᠨ ᠤᠷᠤᠢ ᠲᠡᠭᠡᠬᠦᠷ ᠡᠬᠦᠯᠡ ᠬᠦᠯᠦᠭᠯᠡᠨ ᠦᠨᠲᠤᠷ ᠬᠥᠬᠡ ᠲᠡᠭᠷᠢ ᠶᠢᠨ ᠬᠦᠨ ᠴᠡᠭᠡᠯ ᠳᠠᠬᠢ ᠭᠡᠷᠡᠯᠲᠦ ᠤᠲᠤᠨ ᠪᠣᠯᠵᠦ ᠬᠠᠯᠢᠵᠤ ᠤᠲᠤᠭᠰᠠᠨ ᠴᠤ ᠬᠢᠵᠦ ᠪᠦᠲᠤᠭᠡᠭᠰᠡᠨ ᠦᠢᠯᠡᠰ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠪᠤᠶᠠᠨ ᠢᠢᠡᠷ ᠢᠢᠡᠨ ᠲᠦᠮᠡᠨ ᠤᠯᠠᠨ ᠤ ᠪᠠᠨ ᠵᠢᠷᠤᠬᠡ ᠰᠡᠳᠭᠢᠯ ᠳᠤ ᠵᠤᠯᠠ ᠶᠢᠨ ᠭᠡᠷᠡᠯ ᠰᠢᠭ ᠮᠦᠩᠬᠡᠲᠡ ᠪᠠᠳᠮᠠᠯᠠᠨ᠎ᠠ᠃
  
ᠢᠷᠡᠯᠲᠡ᠄ ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠴᠢᠩᠭᠢᠰ ᠤᠨ ᠰᠣᠷᠭᠠᠯ ᠦᠭᠡ
ᠴᠡᠴᠡᠭᠡᠨ ᠡᠷᠢᠬᠡ
ᠡᠯᠡᠰᠦᠨ ᠤ ᠨᠡᠭᠦᠳᠡᠯ
ᠪᠤᠷᠬᠠᠠᠪᠤᠭᠳᠡ ᠠᠪᠤ ᠬᠤᠶᠠᠷ
ᠠᠪᠤ ᠢᠮᠠᠭᠠᠬᠠᠢ ᠬᠤᠶᠠᠷ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号