| ᠡᠭᠡ ᠣᠷᠣᠨ ᠢᠶᠠᠨ ᠪᠢ ᠲᠠᠯᠠ ᠬᠡᠪᠡᠯ᠂ ᠡᠯᠢᠭᠡᠨ ᠳᠤᠨᠢ ᠡᠷᠭᠡᠯᠡᠳᠡᠭ ᠡᠪᠡᠰᠦ ᠪᠢ ᠪᠠᠶᠢᠭᠰᠠᠨ᠃ ᠰᠢᠬᠦᠳᠡᠷᠢ ᠶᠢᠨ | ᠪᠣᠯᠣᠷᠬᠠᠨ ᠮᠦᠬᠦᠯᠢᠭ ᠤᠳ ᠠᠯᠠᠭᠠᠨ ᠲᠡᠭᠡᠷᠡ ᠮᠢᠨᠢ ᠪᠦᠩᠵᠢᠬᠢᠨᠡᠬᠦ ᠳᠤ᠂ ᠲᠣᠩᠭᠠᠯᠠᠭ ᠲᠤᠨᠢ ᠵᠢᠰᠦ ᠪᠠ ᠲᠡᠭᠷᠢ ᠪᠠᠨ | ᠲᠣᠯᠢᠳᠠᠨ ᠠᠯᠢᠶᠠᠯᠠᠵᠦ᠂ ᠲᠦᠰᠦᠭᠡᠯᠡᠬᠦᠢ ᠳᠡᠭᠡᠨ ᠭᠠᠯᠪᠢᠩᠭᠠ ᠲᠡᠪᠢᠬᠦᠯᠵᠦ᠂ ᠲᠣᠭᠤᠷᠣᠣ ᠴᠠᠮᠨᠠᠭᠤᠯᠣᠨ ᠪᠠᠶᠠᠰᠳᠠᠭ᠃ | ᠠᠵᠠ ᠵᠢᠷᠭᠠᠯ ᠤᠨ ᠨᠠᠷᠠᠨ ᠤ ᠪᠦᠯᠢᠶᠡᠨ ᠣᠷᠣᠭᠤᠯ ᠪᠣᠯᠪᠠᠷᠠᠢ ᠵᠦᠭᠡᠯᠡᠨ ᠵᠣᠯᠠᠢ ᠶᠢ ᠮᠢᠨᠢ ᠡᠩᠬᠦᠷᠡᠶᠢᠯᠡᠨ ᠦᠨᠦᠰᠭᠦ ᠳᠤ᠂ | ᠬᠦᠷᠦᠰᠦᠨ ᠤ ᠬᠡᠯᠡ ᠪᠠᠷ ᠬᠦᠰᠡᠯ ᠢᠶᠠᠨ ᠰᠢᠪᠡᠨᠡᠵᠦ᠂ ᠴᠢᠮᠬᠢ ᠴᠢᠮᠬᠢ ᠪᠠᠷ ᠰᠣᠭᠤᠷᠠᠳᠠᠭ᠃ ᠡᠷᠬᠢᠮᠰᠦᠭ ᠬᠡᠭᠡᠯᠬᠡᠨ | ᠰᠠᠷᠠᠨ ᠤ ᠴᠢᠨᠳᠠᠭᠠᠨ ᠬᠤᠷᠣᠭᠤ ᠡᠮᠵᠡᠭ ᠲᠣᠷᠭᠠᠨ ᠮᠡᠯᠮᠡᠢ ᠶᠢ ᠮᠢᠨᠢ ᠦᠬᠦᠭᠡᠷᠳᠡᠨ ᠢᠯᠪᠢᠬᠦ ᠳᠤ᠂ ᠠᠷᠣᠣᠠᠬᠨ ᠴᠡᠪᠡᠷ | ᠬᠠᠶᠢᠷᠠ ᠳᠤᠨᠢ ᠰᠣᠭᠳᠣᠭᠤᠷᠠᠨ᠂ ᠡᠷᠭᠡᠰ ᠭᠠᠷᠠᠭ ᠤᠨ ᠦᠵᠡᠰᠭᠦᠯᠡᠩ ᠭᠠᠶᠢᠬᠠᠮᠰᠢᠭ ᠢ ᠮᠡᠳᠡᠷᠡᠳᠡᠭ᠃ ᠲᠡᠭᠵᠢᠨ | ᠣᠯᠢᠶᠠᠷᠬᠠᠭ ᠣᠳᠣᠳ ᠤᠨ ᠰᠦᠮᠡᠨ ᠴᠡᠩᠭᠡᠷ ᠭᠡᠭᠡ ᠬᠡᠣᠭᠡᠨ ᠬᠠᠷᠠᠭᠠ ᠶᠢ ᠮᠢᠨᠢ ᠡᠨᠡᠷᠢᠨ ᠰᠦᠯᠡᠬᠦ ᠳᠤ᠂ ᠦᠯᠦ | ᠦᠵᠡᠭᠳᠡᠬᠦ ᠶᠢᠨ ᠣᠷᠣᠨ ᠵᠠᠢ ᠳᠤ ᠦᠷᠪᠦᠭᠡᠷ ᠵᠢᠭᠠᠯᠬᠠᠨ ᠪᠣᠯᠵᠣᠮᠣᠷ ᠲᠠᠢ ᠵᠡᠭᠡᠷᠡ ᠶᠢᠨ ᠱᠠᠭᠠ ᠲᠠᠰᠢᠨ ᠵᠣᠭᠠᠯᠠᠳᠠᠭ᠃ | ᠣᠩᠭᠤᠨ ᠲᠠᠷᠬᠠᠨ ᠪᠠᠶᠢᠭᠠᠯᠢ ᠪᠠᠨ ᠴᠢᠮᠡᠨ ᠲᠡᠪᠳᠡᠷᠢᠳᠡᠭ ᠰᠣᠯᠣᠩᠭᠠᠨ ᠵᠢᠬᠦᠷ ᠲᠠᠢ ᠡᠷᠪᠡᠬᠡᠢ ᠨᠢ ᠲᠣᠷᠢᠬᠠᠨ ᠮᠦᠷᠦ ᠶᠢ | ᠮᠢᠨᠢ ᠱᠦᠷᠬᠦᠭᠡᠨ ᠪᠦᠵᠢᠬᠦ ᠳᠤ᠂ ᠡᠷᠭᠡ ᠲᠠᠩᠬᠢᠯ ᠨᠠᠬᠢᠯᠦᠭᠠᠨ ᠳᠤᠨᠢ ᠨᠣᠮᠢᠨ ᠨᠣᠭᠤᠭᠠᠨ ᠵᠡᠬᠦᠳᠦ ᠪᠠᠨ ᠵᠢᠷᠣᠭᠠᠳ᠂ | ᠢᠨᠵᠠᠭᠠᠨ ᠴᠠᠭᠠᠨ ᠰᠠᠯᠬᠢᠨ ᠤ ᠬᠡ ᠪᠠᠷ ᠣᠷᠣᠰᠬᠠᠨ᠂ ᠵᠢᠩᠳᠡᠬᠦᠦ ᠭᠤᠨᠳᠠᠭᠤ ᠡᠳᠦᠷ ᠬᠤᠨᠤᠭ ᠢ ᠵᠦᠭᠡᠯᠡᠯᠡᠳᠡᠭ᠃ | ᠢᠷᠡᠵᠦ ᠶᠠᠪᠣᠭᠠ ᠬᠡᠨ ᠨᠢᠭᠡᠨ ᠤ ᠠᠰᠬᠠᠭᠰᠠᠨ ᠭᠤᠨᠢᠭ ᠲᠤ ᠡᠯᠢᠭᠡ ᠪᠠᠨ ᠡᠮᠳᠡᠯᠡᠬᠦᠯᠦᠭᠰᠡᠨ ᠴᠦ᠂ ᠭᠠᠵᠠᠷ ᠤᠨ | ᠲᠠᠮᠢᠷ ᠢᠶᠠᠷ ᠰᠢᠨᠳᠠᠰᠣᠯᠠᠨ᠂ ᠡᠷᠬᠢᠭᠡᠳ ᠲᠦᠯᠵᠢᠬᠦ ᠶᠢᠨ ᠣᠬᠠᠭᠠᠨ ᠢᠶᠠᠷ ᠮᠠᠷᠭᠠᠰᠢ ᠪᠠᠨ ᠣᠭᠳᠣᠨ ᠰᠡᠷᠪᠡᠯᠵᠡᠳᠡᠭ᠃ | ᠡᠭᠡ ᠣᠷᠣᠨ ᠢᠶᠠᠨ ᠪᠢ ᠠᠭᠤᠯᠠ ᠬᠡᠪᠡᠯ᠂ ᠵᠢᠷᠦᠭᠡᠨ ᠲᠣᠰᠢᠶᠠ ᠨᠢ ᠵᠡᠬᠦᠷᠮᠡᠭᠯᠡᠳᠡᠭ ᠴᠢᠯᠠᠭᠤ ᠨᠢ ᠪᠢ ᠪᠠᠶᠢᠭᠰᠠᠨ᠃ | ᠣᠷᠢᠨ ᠢ ᠵᠠᠭᠤᠭᠠᠳ ᠢᠷᠡᠳᠡᠭ ᠰᠢᠪᠠᠭᠤᠳ ᠨᠢ ᠡᠩᠭᠡᠷ ᠢ ᠮᠢᠨᠢ ᠨᠠᠯᠠᠭᠠᠳ ᠵᠢᠷᠬᠢᠬᠦ ᠳᠤ᠂ ᠢᠷᠠᠭᠤ ᠴᠡᠭᠡᠯᠬᠡᠨ ᠡᠭᠡᠰᠢᠭ | ᠠᠶᠠᠯᠭᠤᠨ ᠢᠶᠠᠷ ᠨᠢ ᠬᠠᠭᠳᠠᠷᠠᠭᠠᠳ ᠣᠳᠠᠭᠰᠠᠨ ᠰᠡᠳᠭᠢᠯ ᠤᠨ ᠮᠢᠨᠢ ᠲᠦᠮᠡ ᠲᠦᠮᠡᠨ ᠴᠡᠴᠡᠭ ᠠᠮᠢᠯᠠᠵᠦ᠂ | ᠲᠣᠮᠤᠭ ᠤᠨ ᠨᠢᠭᠤᠴᠠᠯᠢᠭ ᠦᠩᠭᠡ ᠪᠠᠷ ᠮᠢᠩᠭᠠ ᠮᠢᠩᠭᠠᠨ ᠲᠡᠯᠪᠢ ᠪᠠᠨ ᠵᠠᠳᠠᠯᠳᠠᠭ᠃ ᠮᠦᠴᠢᠷ ᠠᠴᠠ ᠪᠠᠨ ᠡᠷᠳᠡ | ᠲᠠᠰᠣᠷᠠᠭᠰᠠᠨ ᠦᠨᠦᠴᠢᠨ ᠨᠢᠭᠡᠨ ᠨᠠᠪᠴᠢ ᠦᠯᠮᠡᠢ ᠳᠤ ᠮᠢᠨᠢ ᠬᠡᠪᠳᠡᠭᠡᠳ ᠣᠬᠢᠯᠠᠬᠤ ᠳᠤ᠂ ᠪᠦᠭᠡᠴᠡᠶᠢᠯᠡᠨ ᠬᠤᠮᠢᠵᠦ | ᠲᠡᠪᠡᠷᠢᠨ᠂ ᠠᠯᠢᠪᠠ ᠮᠦᠬᠦᠯ ᠨᠢ ᠪᠦᠷ ᠠᠮᠢᠯᠠᠯ ᠤᠨ ᠨᠦᠬᠦᠭᠡ ᠨᠢᠭᠡ ᠬᠡᠯᠪᠡᠷᠢ ᠭᠡᠳᠡᠭ ᠢ ᠦᠢᠯᠠᠭᠠᠭᠤᠯᠣᠨ᠂ ᠦᠨᠳᠦᠰᠦ | ᠣᠷᠣᠭᠤ ᠨᠢ ᠢᠯᠡᠭᠡᠳᠡᠭ᠃ ᠨᠡᠶᠢᠯᠡᠮᠡᠯ ᠲᠣᠮᠣ ᠨᠢᠳᠦᠨ ᠳᠡᠭᠡᠨ ᠲᠡᠯᠡᠭᠡᠢ ᠪᠠᠨ ᠪᠠᠭᠳᠠᠭᠠᠵᠦ ᠨᠢᠰᠦᠭᠰᠡᠨ ᠨᠦᠮᠵᠦᠭ | ᠵᠢᠭᠠᠬᠠᠨ ᠦᠷᠦᠮᠡᠨ ᠬᠤᠯᠠᠭᠠᠶᠢᠴᠢ ᠮᠦᠷᠦᠨ ᠲᠡᠭᠡᠷᠡ ᠮᠢᠨᠢ ᠰᠠᠭᠤᠭᠠᠳ ᠠᠮᠣᠰᠭᠢᠬᠤ ᠳᠤ᠂ ᠨᠢᠮᠬᠡᠨ ᠬᠡᠪᠡᠷᠡᠭᠭᠡᠨ | ᠲᠠᠯᠠᠪᠴᠢ ᠶᠢᠨ ᠬᠢᠨᠢ ᠪᠣᠷᠣᠬᠠᠨ ᠲᠣᠭᠤᠰᠦ ᠶᠢ ᠬᠦᠩᠬᠡᠬᠡᠨ ᠦᠯᠢᠶᠡᠨ ᠰᠠᠷᠨᠢᠭᠤᠯᠵᠦ᠂ ᠲᠡᠪᠳᠡᠷᠢᠨ ᠬᠠᠯᠢᠬᠤ | ᠲᠣᠭᠠᠯᠠᠩ ᠢᠶᠠᠷ ᠨᠢ ᠦᠨᠡᠨ ᠭᠤᠣᠯ ᠠᠴᠠ ᠪᠠᠨ ᠦᠷᠦ ᠡᠪᠡᠳᠦᠨ ᠬᠦᠭᠡᠷᠦᠭᠦ᠋ᠯᠡᠵᠦ᠂ ᠨᠣᠷᠠᠵᠦ ᠲᠣᠳᠣᠭᠰᠢ ᠪᠠᠨ | ᠲᠡᠰᠭᠡᠯ ᠦᠭᠡᠢ ᠱᠠᠷᠭᠢᠷᠠᠳᠠᠭ᠃ ᠰᠡᠬᠦᠳᠡᠷ ᠲᠠᠯᠠ ᠶᠢ ᠮᠢᠨᠢ ᠲᠠᠭᠠᠵᠦ ᠣᠷᠭᠤᠭᠰᠠᠨ ᠠᠬᠢ ᠶᠢᠨ ᠠᠭᠠᠭ ᠬᠠᠩᠬᠤ | ᠲᠠᠳᠠᠨ ᠠᠩᠬᠢᠯᠬᠤ ᠳᠤ᠂ ᠡᠭᠡᠯ ᠠᠮᠢᠳᠣᠷᠠᠯ ᠢᠶᠠᠨ ᠲᠠᠮᠨᠠᠭᠠᠳ ᠵᠦᠷᠢᠯᠳᠦᠳᠡᠭ ᠰᠢᠷᠭᠤᠯᠵᠢ ᠨᠢ ᠲᠡᠮᠳᠡᠷᠢᠬᠦᠯ ᠢᠶᠠᠨ | ᠮᠦᠷᠬᠦᠯᠳᠦᠬᠦᠯᠦᠨ ᠮᠡᠨᠳᠦ ᠣᠰᠣ ᠪᠠᠨ ᠮᠡᠳᠡᠯᠴᠡᠵᠦ᠂ ᠬᠠᠳᠠᠭᠤᠬᠠᠨ ᠳᠠᠭᠠᠨ ᠲᠡᠩᠳᠡᠬᠦᠦ ᠬᠠᠳᠠᠭᠤᠬᠠᠨ ᠬᠤᠷᠸᠠ ᠳᠤ | ᠡᠩᠭᠡ ᠡᠰᠡᠨ ᠣᠷᠣᠰᠢᠵᠦ ᠲᠣᠭᠳᠠᠨᠢᠬᠤ ᠶᠢᠨ ᠠᠷᠭᠠ ᠲᠡᠮ ᠢᠶᠠᠨ ᠰᠣᠯᠢᠯᠴᠠᠳᠠᠭ᠃ ᠠᠳᠣᠭᠤᠨ ᠤ ᠦᠨᠦᠷ ᠲᠠᠢ | ᠵᠡᠷᠭᠡᠯᠭᠡ ᠨᠢ ᠬᠤᠷᠮᠣᠢ ᠶᠢ ᠦᠨᠦᠰᠦᠨ ᠵᠢᠷᠪᠢᠬᠢᠨᠡᠬᠦ ᠳᠤ᠂ ᠭᠠᠩᠭᠠᠷ ᠱᠠᠭᠠᠵᠠᠩ ᠰᠢᠭ ᠬᠦᠯᠢᠭᠡᠷ ᠮᠡᠳᠡᠷᠡᠮᠵᠢ | ᠰᠣᠳᠠᠰᠦ ᠪᠠᠷ ᠮᠢᠨᠢ ᠵᠢᠷᠢᠯᠵᠡᠵᠦ᠂ ᠣᠢ ᠰᠠᠨᠠᠮᠵᠢᠨ ᠤ ᠡᠴᠢᠨᠡ ᠲᠠᠯᠳᠠ ᠠᠴᠠ ᠪᠢᠯᠢᠭ ᠤᠨ ᠡᠬᠦᠯᠡᠰ ᠨᠠᠭᠠᠰᠢᠯᠠᠵᠦ᠂ | ᠰᠢᠯᠦᠭ ᠤᠨ ᠪᠣᠷᠤᠭᠠ ᠱᠠᠬᠢᠳᠠᠭ᠃ ᠣᠢ ᠶᠢᠨ ᠮᠦᠴᠢᠷ ᠲᠠᠮᠵᠢᠨ ᠲᠡᠬᠦᠯᠢᠳᠡᠭ ᠬᠡᠷᠡᠮᠦ ᠨᠢ ᠠᠮᠢᠰᠬᠤᠭᠠ ᠶᠢ ᠮᠢᠨᠢ | ᠴᠢᠩᠨᠠᠭᠠᠳ ᠲᠣᠭᠵᠢᠷᠠᠬᠤ ᠳᠤ᠂ ᠪᠡᠶᠡᠨ ᠤ ᠬᠢᠨᠢ ᠢᠯᠴᠢ ᠪᠠᠷ ᠪᠠᠶᠢᠭᠠᠯᠢᠯᠢᠭ ᠠᠷᠢᠭᠤᠨ ᠴᠢᠨᠠᠷ ᠲᠣᠳᠣᠭᠰᠢᠯᠠᠵᠦ᠂ | ᠬᠦᠨᠳᠡᠢ ᠴᠡᠬᠡᠵᠢᠨ ᠳᠤ ᠮᠢᠨᠢ ᠨᠢᠭᠤᠭᠳᠠᠭᠰᠠᠨ ᠡᠷᠳᠡᠨ ᠤ ᠨᠢᠭᠡᠨ ᠰᠣᠳᠣᠷ ᠤᠨ ᠲᠠᠰᠣᠷᠬᠠᠢ ᠰᠢᠵᠢᠷᠳᠡᠨ ᠲᠣᠶᠠᠭᠠᠷᠠᠵᠦ᠂ | ᠡᠰ ᠮᠡᠳᠡᠷᠡᠯ ᠪᠦᠬᠦᠨ ᠮᠠᠨᠢ ᠨᠣᠮ ᠤᠨ ᠰᠢᠮᠡ ᠪᠠᠷ ᠠᠷᠢᠭᠤᠰᠳᠠᠭ᠃ | ᠡᠭᠡ ᠣᠷᠣᠨ ᠢᠶᠠᠨ ᠪᠢ ᠲᠠᠯᠠᠢ ᠭᠡᠪᠡᠯ᠂ ᠡᠩ ᠦᠭᠡᠢ ᠠᠭᠤᠳᠠᠮ ᠳᠤᠨᠢ ᠪᠦᠪᠠᠶᠢᠯᠡᠭᠳᠡᠳᠡᠭ ᠲᠣᠰᠣᠯ ᠣᠰᠣ ᠨᠢ ᠪᠢ | ᠪᠠᠶᠢᠭᠰᠠᠨ᠃ ᠬᠦᠭᠡᠷᠦᠬᠦᠨ ᠬᠦᠭᠡᠷᠦᠬᠦᠨ ᠵᠢᠭᠠᠰᠣ ᠨᠤᠭᠤᠳ ᠬᠠᠵᠠᠭᠤᠬᠠᠨ ᠢᠶᠠᠷ ᠰᠦᠷᠬᠢᠭᠡᠳ ᠦᠩᠭᠡᠷᠡᠬᠦ ᠳᠤ᠂ | ᠠᠮᠦᠷ ᠠᠮᠣᠭᠤᠯᠠᠩ ᠢ ᠨᠢ ᠵᠦᠩᠨᠡᠭᠡᠳ᠂ ᠠᠰᠢᠳᠠ ᠶᠢᠨ ᠰᠠᠶᠢᠬᠠᠨ ᠢᠷᠦᠭᠡᠯ ᠳᠡᠭᠡᠨ ᠦᠭᠭᠢᠶᠡᠮᠦᠷ ᠬᠤᠷᠠ | ᠵᠡᠬᠦᠳᠦᠯᠡᠳᠡᠭ᠃ ᠰᠡᠷᠬᠦᠯᠡᠩ ᠠᠪᠬᠠᠯᠵᠢᠳᠦ ᠵᠠᠮᠠᠭ ᠨᠢ ᠣᠭ᠍ᠶᠦ ᠨᠣᠭᠤᠭᠠᠨ ᠮᠣᠳᠣᠷ ᠢᠶᠠᠨ ᠰᠠᠵᠢᠯᠠᠭᠤᠯᠣᠨ ᠪᠦᠵᠢᠬᠦ ᠳᠤ | ᠂ ᠨᠦᠮᠦᠷᠢ ᠳᠤᠨᠢ ᠬᠤᠷᠭᠤᠳᠠᠨ ᠬᠢᠵᠠᠭᠠᠷ ᠦᠭᠡᠢ ᠪᠠᠶᠠᠷ ᠢ ᠨᠢ ᠬᠤᠪᠢᠶᠠᠯᠴᠠᠨ ᠪᠠᠶᠠᠰᠴᠦ᠂ ᠣᠯᠳᠠᠭᠰᠠᠨ | ᠵᠠᠶᠠᠭᠠᠨ ᠤ ᠪᠠᠨ ᠭᠡᠰᠢᠭ ᠲᠤ ᠵᠠᠯᠪᠠᠷᠢᠨ᠂ ᠦᠯᠡᠮᠵᠢ ᠶᠢᠨ ᠲᠠᠶᠢᠪᠣᠩ ᠢ ᠬᠦᠰᠡᠳᠡᠭ᠃ ᠲᠡᠷᠭᠡᠯ ᠣᠯᠠᠭᠠᠨ ᠰᠠᠷᠠ | ᠤᠷᠤᠰᠬᠠᠯ ᠤᠨ ᠬᠢᠨᠢ ᠬᠦᠨ ᠳᠤ ᠬᠦᠯᠯᠡᠬᠦ ᠳᠤ᠂ ᠽᠠᠨᠳᠠᠨ ᠮᠣᠳᠣᠨ ᠲᠣᠣᠷᠠ ᠬᠡᠪᠳᠡᠳᠡᠭ ᠭᠠᠨᠳᠢᠭ ᠴᠠᠭᠠᠨ | ᠲᠠᠣᠯᠠᠢ ᠶᠢᠨ ᠬᠢᠨᠢ ᠴᠢᠬᠢ ᠨᠢ ᠪᠣᠯᠵᠦ ᠰᠡᠷᠳᠡᠯᠵᠡᠨ᠂ ᠭᠠᠳᠠᠭᠠᠳᠦ ᠣᠷᠴᠢᠨ ᠤ ᠰᠣᠨᠢᠨ ᠰᠣᠳᠣᠨ ᠰᠣᠨᠣᠰᠬᠠᠯ ᠢᠶᠠᠷ | ᠰᠣᠨᠣᠷ ᠢᠶᠠᠨ ᠮᠢᠯᠢᠶᠠᠳᠠᠭ᠃ ᠬᠦᠮᠦᠨ ᠤ ᠴᠣᠪᠣᠭᠤ ᠴᠣᠯᠬᠢᠨ ᠦᠷᠡᠰ ᠠᠪᠣᠷᠠᠬᠤ ᠬᠦᠪᠦᠪᠦᠷ ᠢᠶᠠᠷ ᠲᠡᠭᠳᠡᠨ᠂ ᠣᠰᠣ | ᠴᠠᠯᠬᠢᠭᠤᠯᠣᠨ ᠣᠮᠪᠠᠨ ᠨᠠᠭᠠᠳᠴᠦ᠂ ᠨᠢᠷᠠᠢ ᠬᠤᠩᠭᠤᠷ ᠲᠠᠭᠤᠨ ᠢᠶᠠᠷ ᠴᠢᠩᠬᠢᠨᠡᠨ ᠵᠢᠩᠬᠢᠨᠡᠨ ᠢᠨᠢᠶᠡᠯᠳᠦᠬᠦ ᠳᠤ᠂ | ᠬᠤᠷᠴᠠ ᠠᠯᠠᠭ ᠨᠢᠳᠦᠨ ᠤ ᠬᠢᠨᠢ ᠰᠣᠷᠮᠣᠣᠰᠣᠨ ᠳᠤ ᠬᠢᠯᠳᠠᠭᠠᠨᠠᠵᠦ᠂ ᠲᠣᠩ ᠰᠢᠭ ᠬᠡᠨᠡᠨ ᠵᠢᠷᠳᠢᠨᠴᠦ ᠶᠢᠨ ᠬᠢᠨᠢ | ᠲᠣᠳᠣᠭᠠᠳᠦ ᠴᠢᠨᠠᠳᠦ ᠣᠷᠣᠭᠤ ᠦᠩᠬᠡᠶᠢᠳᠡᠭ᠃ ᠣᠨᠠᠵᠦ ᠪᠣᠰᠬᠤ ᠶᠢᠨ ᠲᠠᠪᠠᠭᠠᠨ ᠲᠡᠭᠡᠷᠡ ᠬᠠᠳᠠ ᠰᠠᠭᠤᠵᠦ | ᠬᠠᠰᠢᠷᠵᠢᠭᠰᠠᠨ ᠲᠣᠮᠣᠴᠣᠣᠯ ᠲᠠᠩ ᠤᠨ ᠰᠢᠷᠦ᠋ᠨ ᠲᠡᠭᠡᠷᠡ ᠨᠠᠷᠠᠯᠠᠨ ᠡᠭᠡᠭᠡᠬᠦ ᠳᠤ᠂ ᠡᠶᠡᠯᠳᠡᠩᠬᠡᠨ ᠮᠦᠰᠢᠶᠡᠯ ᠤᠨ ᠬᠢᠨᠢ | ᠲᠣᠯᠬᠢᠰ ᠪᠣᠯᠵᠦ᠂ ᠠᠮᠢᠨ ᠠᠴᠠ ᠨᠢ ᠣᠨᠠᠭᠰᠠᠨ ᠠᠮᠢᠨ ᠤ ᠬᠢᠨᠢ ᠴᠢᠰᠣᠨ ᠳᠤ ᠨᠢ ᠨᠡᠪᠴᠢᠵᠦ ᠣᠷᠣᠰᠳᠠᠭ᠃ | ᠡᠭᠡ ᠣᠷᠣᠨ ᠢᠶᠠᠨ ᠪᠢ ᠣᠷᠠᠯᠢᠭ ᠬᠡᠪᠡᠯ᠂ ᠣᠩᠭᠤᠳ ᠲᠠᠯᠠᠯᠳᠠᠭ ᠬᠠᠷᠠᠩᠭᠤᠢ ᠶᠢᠨ ᠭᠡᠭᠡ ᠨᠢ ᠪᠢ ᠪᠠᠶᠢᠭᠰᠠᠨ᠃ | ᠨᠠᠮᠣᠷ ᠢᠶᠠᠷ ᠪᠣᠴᠠᠭᠠᠳ᠂ ᠬᠠᠪᠣᠷ ᠢᠶᠠᠷ ᠡᠷᠬᠢᠳᠡᠭ ᠭᠠᠯᠠᠭᠤᠳ ᠤᠨ ᠴᠣᠪᠣᠭᠠᠨ ᠳᠤ ᠰᠢᠨᠠᠯᠣᠭᠰᠠᠨ ᠰᠢᠯᠦᠭᠴᠢ ᠶᠢᠨ | ᠡᠮᠵᠡᠭᠭᠡᠨ ᠰᠡᠷᠡᠯ ᠢ ᠦᠭᠡ ᠶᠢᠨ ᠰᠦ ᠪᠠᠷ ᠣᠮᠳᠠᠯᠠᠵᠦ᠂ ᠭᠠᠭᠴᠠᠭᠠᠷᠳᠠᠯ ᠰᠦᠮᠡᠯᠵᠡᠭᠰᠡᠨ ᠪᠢᠷ ᠤᠨ ᠬᠢᠨᠢ | ᠦᠵᠦᠬᠦᠷ ᠲᠤ ᠣᠳᠣᠳ ᠤᠨ ᠭᠡᠭᠡ ᠪᠣᠯᠵᠦ ᠲᠣᠨᠣᠷᠠᠳᠠᠭ᠃ ᠵᠡᠭᠡᠰᠦᠨ ᠲᠦᠷᠦᠬᠦᠦ ᠰᠢᠷᠭᠠᠯᠳᠣᠨ᠂ ᠨᠠᠭᠤᠷ ᠤᠨ | ᠮᠡᠯᠮᠡᠢ ᠦᠨᠦᠴᠢᠷᠡᠬᠦ ᠳᠤ᠂ ᠵᠢᠷᠣᠭᠡ ᠨᠢ ᠬᠦᠨᠳᠡᠬᠦᠷᠢᠯᠡᠭᠰᠡᠨ ᠵᠢᠷᠣᠭᠠᠴᠢ ᠶᠢᠨ ᠪᠣᠳᠤᠭ ᠤᠨ ᠬᠠᠪᠳᠠᠰᠦᠨ ᠳᠤ | ᠵᠦᠷᠵᠢ ᠶᠢᠨ ᠣᠯᠠᠪᠣᠷ ᠦᠩᠭᠡ ᠪᠣᠯᠣᠨ ᠵᠢᠭᠤᠷᠠᠭᠳᠠᠳᠠᠭ᠃ ᠨᠠᠮᠣᠷ ᠬᠦᠨᠰᠢᠵᠦ᠂ ᠪᠣᠭᠤ ᠣᠷᠣᠮᠳᠠᠬᠤ ᠳᠤ | ᠨᠣᠳᠤᠭ ᠢᠶᠠᠨ ᠲᠣᠷᠠᠰᠣᠨ ᠬᠡᠶᠦᠷᠡᠭᠰᠡᠨ ᠲᠠᠭᠤᠴᠢᠨ ᠤ ᠬᠤᠭᠤᠯᠠᠢ ᠶᠢᠨ ᠵᠠᠩᠬᠢᠷᠠᠯ ᠢ ᠠᠮᠠᠷᠠᠭ ᠵᠦᠭᠡᠯᠡᠨ ᠢᠯᠪᠢᠭᠡ ᠪᠠᠷ | ᠲᠣᠬᠤᠨᠢᠭᠤᠯᠵᠦ᠂ ᠬᠠᠳᠠ ᠠᠴᠠ ᠬᠠᠳᠠ ᠲᠠᠮᠵᠢᠨ ᠴᠣᠣᠷᠢᠶᠠᠯᠠᠭᠰᠠᠨ ᠣᠶᠠᠩᠭᠠᠨ ᠡᠭᠡᠰᠢᠭ ᠤᠨ ᠬᠢᠨᠢ ᠲᠣᠷᠭᠠᠨ ᠨᠣᠲ | ᠪᠣᠯᠵᠦ ᠲᠠᠭᠤᠷᠢᠰᠳᠠᠭ᠃ ᠪᠣᠳᠣᠭᠤ ᠪᠦᠢᠯᠠᠭᠠᠳ᠂ ᠢᠩᠭᠡ ᠲᠡᠰᠢᠬᠦ ᠳᠤ᠂ ᠣᠶᠠᠷᠠᠯ ᠢᠶᠠᠨ ᠲᠡᠪᠴᠢᠵᠦ ᠶᠠᠳᠠᠨ᠂ | ᠮᠣᠷᠢᠨ ᠬᠤᠭᠤᠷ ᠢᠶᠠᠨ ᠰᠢᠬᠦᠷᠦᠭᠰᠡᠨ ᠬᠦᠭᠵᠢᠮᠴᠢᠨ ᠤ ᠬᠤᠷᠣᠭᠤᠨ ᠦᠵᠦᠬᠦᠷ ᠤᠨ ᠰᠢᠳᠢ ᠪᠣᠯᠵᠦ᠂ ᠬᠤᠷᠸᠠ ᠶᠢ | ᠬᠤᠶᠠᠷᠬᠠᠨ ᠣᠳᠠᠰᠣᠨᠠ ᠬᠦᠭᠯᠡᠳᠡᠭ᠃ ᠱᠠᠨᠵᠠᠨ ᠡᠭᠡᠰᠢᠭ ᠣᠶᠠᠩᠭᠠᠷᠠᠵᠦ᠂ ᠲᠣᠯᠣᠭᠠᠨ ᠣᠳᠠᠰᠣᠳᠦ ᠬᠦᠭᠵᠢᠮ | ᠵᠢᠩᠬᠢᠷᠰᠡᠬᠦ ᠳᠤ᠂ ᠣᠷᠮᠠ ᠪᠠᠳᠠᠷᠠᠭᠰᠠᠨ ᠣᠷᠠᠨ ᠪᠢᠴᠢᠯᠭᠡᠳᠡᠨ ᠤ ᠣᠷᠮᠠᠰ ᠰᠡᠳᠭᠢᠯᠭᠡ ᠶᠢ ᠬᠦᠪᠴᠢᠯᠡᠵᠦ᠂ ᠢᠳᠡᠷᠡᠬᠦᠨ | ᠠᠮᠢᠳᠣᠯᠢᠭ ᠪᠦᠳᠦᠭᠡᠯ ᠤᠨ ᠬᠢᠨᠢ ᠢᠳᠡᠯᠢᠭ ᠴᠢᠯᠦᠭᠡᠳᠡᠢ ᠵᠢᠷᠣᠯᠭᠠ ᠪᠣᠯᠳᠠᠭ᠃ | ᠡᠭᠡ ᠣᠷᠣᠨ ᠢᠶᠠᠨ ᠪᠢ ᠬᠠᠪᠣᠷ ᠭᠡᠪᠡᠯ᠂ ᠬᠠᠮᠤᠭ ᠤᠨ ᠲᠦᠷᠦᠬᠦᠨ ᠳᠤ ᠲᠡᠯᠭᠡᠳᠡᠭ ᠢᠷᠭᠤᠢ ᠨᠢ ᠪᠢ ᠪᠠᠶᠢᠭᠰᠠᠨ᠃ | ᠬᠦᠢᠳᠡᠨ ᠤ ᠡᠷᠴᠢ ᠬᠠᠷᠢᠭᠤᠯᠣᠨ᠂ ᠨᠡᠬᠦᠳᠡᠯ ᠤᠨ ᠰᠢᠪᠠᠭᠤᠨ ᠤ ᠠᠮᠣᠷ ᠢ ᠠᠰᠠᠭᠤᠵᠦ ᠭᠡᠰᠡᠷ ᠢᠶᠠᠨ ᠲᠡᠪᠢᠰᠭᠦ ᠳᠤ᠂ | ᠢᠴᠢᠬᠡᠨ ᠤ ᠲᠠᠷᠪᠠᠭᠠ ᠨᠦᠭᠡᠨ ᠠᠴᠠ ᠪᠠᠨ ᠪᠣᠯᠳᠠᠶᠢᠵᠦ᠂ ᠲᠣᠷᠠᠯᠠᠯ ᠲᠠᠭᠤᠯᠠᠩᠬᠠᠨ ᠲᠣᠷᠮᠦ᠋ᠢᠳᠠᠭ᠃ ᠨᠢᠯ ᠴᠡᠩᠭᠡᠷ | ᠲᠡᠯᠪᠢᠨ ᠤ ᠮᠢᠨᠢ ᠣᠶᠠᠬᠠᠨ ᠳᠤ ᠬᠠᠶᠢᠯᠠᠭᠰᠠᠨ ᠲᠡᠯᠡᠮᠡᠨ ᠵᠢᠷᠤᠭᠠ ᠰᠠᠯᠬᠢᠨ ᠬᠦᠶᠦᠳᠡᠯ ᠵᠣᠭᠰᠣᠭᠠᠨ᠂ ᠬᠤᠯᠠᠨ ᠰᠢᠷᠭᠠᠯ | ᠲᠡᠷᠡᠰᠦᠨ ᠤ ᠨᠠᠮᠠᠭᠠᠨ ᠳᠤ ᠬᠠᠪᠣᠷᠵᠢᠵᠦ᠂ ᠡᠷᠳᠡ ᠰᠡᠷᠡᠭᠰᠡᠨ ᠡᠷᠪᠡᠬᠡᠢ ᠶᠢᠨ ᠵᠢᠬᠦᠷ ᠲᠡᠭᠡᠷᠡ ᠲᠦᠯ ᠤᠨ ᠮᠠᠶᠢᠯᠠᠭᠠᠨ ᠢ | ᠵᠢᠷᠣᠳᠠᠭ᠃ ᠠᠩᠬᠢᠷ ᠤᠨ ᠬᠠᠯᠢᠭᠤᠨ ᠵᠣᠯᠵᠠᠭᠠ ᠭᠠᠩᠭᠠᠨᠠᠭᠠᠳ ᠲᠡᠷᠭᠡᠳᠡ ᠠᠴᠠ ᠲᠡᠬᠦᠯᠢᠬᠦ ᠳᠤ᠂ ᠰᠠᠯᠬᠢᠨ | ᠪᠣᠷᠣᠭᠠᠨ ᠳᠤ ᠵᠢᠬᠦᠷ ᠨᠢ ᠦᠯᠦ ᠴᠣᠴᠠᠬᠤ ᠶᠢᠨ ᠵᠦᠩᠨᠡᠯ ᠪᠡᠯᠭᠡᠳᠡᠯ ᠢᠶᠠᠨ ᠲᠡᠪᠰᠢᠬᠦᠯᠦᠨ ᠰᠠᠷᠠᠪᠴᠢᠯᠠᠨ ᠰᠠᠷᠠᠪᠴᠢᠯᠠᠨ | ᠪᠠᠷᠠᠯᠠᠳᠠᠭ᠃ ᠲᠣᠯᠣᠩ ᠤᠨ ᠶᠠᠭᠠᠨ ᠲᠣᠶᠠᠭᠠᠨᠠ ᠵᠢᠷᠦᠭᠡᠨ ᠴᠣᠬᠢᠯᠭᠠ ᠪᠠᠨ ᠠᠨᠢᠷᠯᠠᠭᠰᠠᠨ ᠲᠣᠷᠠᠯᠠᠯᠳᠦ ᠬᠤᠣᠰ ᠤᠨ | ᠢᠨᠠᠭᠬᠠᠨ ᠠᠯᠬᠤᠭᠠ ᠰᠣᠳᠣᠨ ᠭᠤᠴᠦ ᠦᠨᠦᠷ ᠢᠶᠠᠷ ᠮᠢᠨᠢ ᠦᠢᠷᠠᠳᠣᠬᠤ ᠳᠤ᠂ ᠬᠠᠳᠠᠨ ᠪᠠᠳᠦ ᠲᠠᠩᠭᠠᠷᠢᠭ ᠢ ᠨᠢ | ᠴᠢᠩᠨᠠᠵᠦ᠂ ᠠᠯᠣᠰ ᠤᠨ ᠠᠶᠠᠨ ᠢ ᠨᠢ ᠲᠡᠮᠪᠡᠷᠢᠯᠳᠦ ᠦᠭᠡᠰ ᠢᠶᠠᠷ ᠮᠢᠯᠢᠶᠠᠳᠠᠭ᠃ ᠮᠦᠩᠬᠦᠨ ᠰᠣᠷ ᠲᠠᠢ ᠬᠠᠯᠢᠮᠠᠭ ᠢᠶᠠᠨ | ᠢᠯᠢᠭᠰᠡᠨ ᠡᠪᠦᠭᠡᠳ ᠣᠷᠢᠨ ᠢᠷᠡᠵᠦ ᠳ᠋ᠠ ᠬᠡᠮᠡᠨ ᠦᠭᠡᠳᠡ ᠠᠴᠠ ᠮᠢᠨᠢ ᠰᠢᠷᠳᠡᠭᠡᠳ ᠵᠣᠭᠰᠣᠬᠤ ᠳᠤ᠂ ᠠᠳᠣᠭᠤᠨ ᠤ | ᠡᠷᠢᠯ ᠢᠶᠠᠷ ᠮᠣᠷᠳᠠᠭᠰᠠᠨ ᠢᠳᠡ ᠨᠠᠰᠣᠨ ᠤ ᠣᠮᠤᠭ ᠵᠣᠷᠢᠭ ᠢ ᠨᠢ ᠡᠷᠢᠭᠳᠡᠬᠦᠯᠦᠨ᠂ ᠨᠠᠰᠣᠨ ᠤ ᠡᠷᠭᠡ ᠪᠠᠷ ᠡᠶᠡᠷᠡᠵᠦ | ᠵᠦᠭᠡᠯᠡᠷᠡᠭᠰᠡᠨ ᠬᠠᠷᠠᠴᠠᠨ ᠤ ᠬᠢᠨᠢ ᠭᠠᠯ ᠪᠣᠯᠣᠨ ᠠᠰᠠᠳᠠᠭ᠃ ᠦᠷᠦᠰᠢᠶᠡᠩᠬᠦᠢ ᠨᠢᠬᠦᠯᠡᠰᠦᠩᠭᠦᠢ ᠰᠠᠮᠠᠭᠠᠨ ᠪᠣᠭᠤᠷᠣᠯ | ᠡᠮᠡᠭᠡᠳ ᠰᠠᠶᠢᠬᠠᠨ ᠢ ᠮᠢᠨᠢ ᠱᠠᠭᠰᠢᠷᠠᠭᠠᠳ ᠰᠦᠬᠦᠷᠡᠬᠦ ᠳᠤ᠂ ᠦᠷ ᠤᠨ ᠭᠡᠭᠡ ᠣᠭᠳᠣᠨ ᠰᠠᠭᠠᠯᠢ ᠶᠢᠨ ᠵᠡᠯᠡ ᠪᠠᠨ | ᠴᠢᠭᠯᠡᠨ ᠭᠠᠩᠬᠤᠭᠰᠠᠨ ᠣᠷᠢ ᠽᠠᠨᠳᠠᠨ ᠨᠠᠰᠣᠨ ᠤ ᠬᠢᠨᠢ ᠣᠶᠠᠬᠠᠨ ᠲᠣᠷᠠᠰᠣᠮᠵᠢ ᠳᠤᠨᠢ ᠦᠢᠷᠠᠳᠣᠭᠤᠯᠣᠨ᠂ ᠬᠡᠬᠡᠮᠰᠦᠭ | ᠶᠠᠪᠣᠭᠰᠠᠨ ᠤ ᠬᠢᠨᠢ ᠬᠡᠷᠡᠴᠢ ᠪᠣᠯᠵᠦ ᠴᠡᠩᠭᠡᠷᠯᠡᠳᠡᠭ᠃ | |