ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠦᠯᠵᠡᠶᠢᠲᠦ ᠲᠦᠰᠢᠶᠠᠲᠦ
ᠬᠠᠮᠲᠣ ᠠᠷᠢᠬᠢ ᠣᠣᠭᠤᠭᠰᠠᠨ ᠤ ᠲᠠᠷᠠᠭ᠎ᠠ ᠬᠤᠬᠢᠷᠠᠯ ᠭᠠᠷᠣᠭᠰᠠᠨ ᠪᠠᠶᠢᠪᠠᠯ ᠬᠠᠷᠢᠭᠤᠴᠠᠯᠭ᠎ᠠ ᠶᠢ ᠭᠡᠷᠬᠢᠨ ᠲᠣᠭᠲᠠᠭᠠᠬᠤ ᠪᠤᠢ︖
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2024/12/9
    ᠵᠢᠱᠢᠶ᠎ᠡ ᠬᠡᠷᠡᠭ᠄ ᠬᠦᠭᠡ᠂ ᠬᠦᠭᠡᠭᠴᠢᠨ᠂ ᠣᠯᠠᠭᠠᠨ᠂ ᠣᠯᠠᠭᠴᠢᠨ ᠨᠠᠷ ᠬᠠᠭᠤᠴᠢᠨ ᠠᠬ᠎ᠠ ᠲᠡᠬᠦᠦ ᠪᠠᠶᠢᠵᠦ ᠵᠢᠯ ᠴᠠᠭᠠᠨ ᠰᠠᠷ᠎ᠠ ᠪᠠᠶᠠᠷ ᠲᠣᠷᠰᠬᠠᠯ ᠤᠨ ᠡᠲᠣᠷ ᠪᠣᠯᠪᠠᠯ ᠬᠠᠷᠢᠯᠴᠠᠨ ᠡᠭᠡᠯᠵᠢᠯᠡᠨ ᠵᠠᠯᠠᠵᠣ ᠬᠤᠭᠤᠯᠠᠨ ᠭᠡᠷ ᠲᠤ ᠴᠣᠭᠯᠠᠷᠠᠨ ᠬᠦᠬᠡᠷᠴᠦ ᠨᠠᠷᠬᠢᠳᠠᠭ ᠪᠠᠶᠢᠪᠠ᠃ ᠨᠢᠭᠡ ᠣᠷᠣᠢ ᠬᠦᠭᠡ ᠵᠣᠬᠢᠶᠠᠨ ᠪᠠᠶᠢᠭᠤᠯᠣᠨ ᠬᠠᠮᠲᠣ ᠪᠠᠷ ᠠᠷᠢᠬᠢ ᠣᠣᠭᠤᠵᠠᠢ᠃ ᠠᠷᠢᠬᠢ ᠣᠣᠭᠤᠬᠤ ᠶᠠᠪᠤᠴᠠ ᠳᠤ ᠬᠦᠭᠡᠭᠴᠢᠨ ᠣᠷᠢᠳᠠᠪᠠᠷ ᠮᠡᠳᠡᠭᠲᠡᠮ᠎ᠡ ᠰᠣᠭᠲᠣᠵᠦ ᠠᠯᠬᠤᠵᠦ ᠬᠢᠰᠬᠢᠬᠦ ᠨᠢ ᠬᠦᠷᠲᠡᠯ᠎ᠡ ᠬᠡᠯᠲᠦᠷᠬᠢᠯᠡᠬᠦ ᠪᠣᠯᠪᠠ᠃ ᠨᠠᠶᠢᠷ ᠤᠨ ᠰᠢᠷᠡᠭᠡ ᠦᠨᠲᠦᠷᠯᠡᠭᠰᠡᠨ ᠤ ᠲᠠᠷᠠᠭ᠎ᠠ᠂ ᠬᠦᠭᠡ᠂ ᠣᠯᠠᠭᠠᠨ᠂ ᠣᠯᠠᠭᠴᠢᠨ ᠭᠤᠷᠪᠠᠭᠤᠯᠨ ᠲᠡᠷᠭᠡ ᠲᠠᠭᠤᠲᠠᠨ ᠬᠦᠭᠡᠭᠴᠢᠨ ᠤᠨ ᠠᠰᠠᠷ ᠤᠨ ᠲᠣᠣᠷ᠎ᠠ ᠬᠦᠷᠴᠦ᠂ ᠬᠦᠭᠡᠭᠴᠢᠨ ᠢ ᠭᠡᠷ ᠲᠤ ᠨᠢ ᠣᠷᠣᠭᠤᠯᠵᠣ ᠦᠭᠭᠦᠭᠰᠡᠨ ᠪᠠᠶᠢᠨ᠎ᠠ᠃  ᠲᠣᠬᠠᠢ ᠶᠢᠨ ᠦᠶ᠎ᠡ ᠳᠤ ᠬᠦᠭᠡᠭᠴᠢᠨ ᠤ ᠡᠭᠡᠨᠡᠷ ᠴᠠᠭᠠᠭᠴᠢᠨ ᠭᠡᠷ ᠲᠤ ᠪᠠᠨ ᠪᠠᠶᠢᠬᠰᠠᠨ ᠦᠭᠡᠢ᠃ ᠲᠡᠷᠨ ᠣᠷᠣᠢ ᠬᠦᠭᠡᠭᠴᠢᠨ ᠭᠡᠷ ᠲᠤ ᠪᠠᠨ ᠪᠦᠲᠦᠷᠢᠵᠦ ᠣᠨᠠᠭᠠᠳ ᠲᠣᠯᠣᠭᠠᠢ ᠨᠢ ᠬᠡᠮᠳᠦᠵᠦ ᠨᠠᠰᠣ ᠪᠠᠷᠠᠵᠠᠢ᠃ ᠭᠡᠷᠡᠭ ᠤᠨ ᠭᠠᠷᠣᠭᠰᠠᠨ ᠤ ᠲᠠᠷᠠᠭ᠎ᠠ᠂ ᠬᠦᠭᠡ᠂ ᠣᠯᠠᠭᠠᠨ᠂ ᠣᠯᠠᠬᠴᠢᠨ ᠭᠤᠷᠪᠠᠭᠤᠯᠨ ᠴᠠᠭᠠᠭᠴᠢᠨ ᠢ ᠡᠷᠢᠵᠦ ᠬᠡᠮᠰᠢᠬᠦ ᠶᠢᠨ ᠬᠠᠮᠲᠣ ᠬᠡᠷᠬᠢᠨ ᠰᠢᠢᠳᠪᠦᠷᠢᠯᠡᠬᠦ ᠲᠣᠬᠠᠢ ᠵᠦᠪᠲᠡᠭᠰᠡᠨ ᠳᠤ ᠴᠠᠭᠠᠭᠴᠢᠨ᠂ ᠠᠬ᠎ᠠ ᠲᠡᠬᠦᠦ ᠨᠠᠷ ᠤᠨ ᠬᠤᠭᠤᠷᠣᠨᠲᠣ ᠭᠠᠷᠣᠭᠰᠠᠨ ᠰᠠᠨᠠᠭᠠᠨ ᠳᠤ ᠦᠭᠡᠢ ᠣᠴᠢᠷ ᠭᠡᠳ ᠭᠡᠷᠡᠭ ᠬᠡᠯᠡᠯᠴᠡᠬᠦ ᠦᠭᠡᠢ ᠭᠡᠬᠦ ᠰᠠᠨᠠᠯ ᠢᠶᠠᠨ ᠢᠯᠡᠷᠬᠡᠶᠢᠯᠡᠵᠡᠢ᠃ ᠭᠡᠪᠡᠴᠦ ᠭᠦᠭᠡᠭᠴᠢᠨ ᠪᠣᠯᠣᠨ ᠴᠠᠭᠠᠭᠴᠢᠨ ᠤ ᠲᠦᠷᠣᠯ ᠰᠠᠲᠣᠨ ᠨᠡᠷ ᠵᠦᠪᠰᠢᠶᠡᠷᠡᠭᠰᠡᠨ ᠦᠭᠡᠢ᠂ ᠡᠷᠭᠡᠪᠰᠢ ᠬᠠᠣᠯᠢ ᠪᠠᠷ ᠰᠢᠢᠳᠪᠦᠷᠢᠯᠡᠪᠡᠯ ᠰᠠᠶ᠋ᠢ ᠲᠠᠯᠠᠢᠭᠴᠢ ᠳᠤ ᠣᠰᠣᠯᠳᠠᠬᠤ ᠦᠭᠡᠢ ᠪᠣᠯᠣᠨ᠎ᠡ ᠭᠡᠵᠦ ᠲᠣᠷᠠᠳᠴᠢ᠃ ᠭᠡᠷ ᠪᠦᠯᠢ ᠨᠡᠶᠢᠭᠡᠮ ᠤᠨ ᠶᠠᠷᠢᠶ᠎ᠠ ᠬᠡᠯᠡᠯᠴᠡᠭᠡᠨ ᠤ ᠲᠠᠷᠣᠯᠳᠠ ᠲᠣᠣᠷ᠎ᠠ ᠴᠠᠭᠠᠭᠴᠢᠨ ᠠᠷᠭ᠎ᠠ ᠪᠣᠰᠣ ᠬᠦᠭᠡ᠂ ᠣᠯᠠᠭᠠᠨ᠂ ᠣᠯᠠᠭᠴᠢᠨ ᠭᠤᠷᠪᠠᠭᠤᠯᠨ ᠶᠢ ᠰᠢᠬᠦᠬᠦ ᠬᠤᠷᠢᠶᠠᠨ ᠳᠤ ᠵᠠᠭᠠᠯᠳᠣᠵᠦ ᠲᠦᠯᠦᠪᠦᠷᠢ ᠦᠭᠬᠦ ᠬᠠᠷᠢᠭᠤᠴᠠᠯᠭ᠎ᠠ ᠪᠠᠨ ᠬᠦᠢᠴᠡᠳᠬᠡᠬᠦ ᠬᠡᠷᠡᠭᠲᠡᠢ ᠭᠡᠵᠦ ᠱᠠᠭᠠᠷᠲᠠᠪᠠ᠃ ᠨᠢᠭᠡ ᠲᠣᠲᠣᠷᠬᠠᠶᠢᠯᠠᠭᠤᠰᠢᠲᠠᠢ ᠨᠢ ᠠᠷᠢᠬᠢ ᠣᠣᠭᠤᠬᠤ ᠶᠠᠪᠤᠴᠠ ᠳᠤ ᠬᠠᠷᠢᠯᠴᠠᠨ ᠱᠠᠯᠠᠵᠣ ᠮᠦᠷᠦ᠋ᠢᠴᠡᠭᠰᠡᠨ ᠣᠴᠢᠷ ᠪᠠᠶᠢᠬᠤ ᠦᠭᠡᠢ᠃   ᠡᠬᠦᠨ ᠳᠤ ᠲᠣᠰ ᠵᠠᠷᠭᠤ ᠶᠢ ᠭᠡᠷᠬᠢᠨ ᠰᠢᠢᠳᠪᠦᠷᠢᠯᠡᠪᠡᠯ ᠵᠣᠬᠢᠬᠤ ᠪᠣᠢ︖ ᠵᠠᠲᠠᠯᠣᠯᠲᠠ᠄ ᠨᠡᠶᠢᠵᠨ ᠨᠦᠬᠦᠳ ᠲᠦᠷᠣᠯ ᠰᠠᠲᠣᠨ ᠴᠣᠭᠯᠠᠷᠠᠨ ᠬᠠᠮᠲᠣᠪᠡᠷ ᠠᠷᠢᠬᠢ ᠣᠣᠭᠤᠬᠤ ᠪᠣᠯ ᠨᠡᠶᠢᠭᠡᠮ  ᠤᠨ ᠠᠮᠢᠲᠣᠷᠠᠯ ᠲᠣᠮᠳᠠᠬᠢ ᠲᠣᠲᠣᠨᠣ ᠠᠵᠢᠯᠯᠠᠭᠠᠨ ᠳᠤ ᠲᠣᠭᠠᠴᠠᠭᠲᠠᠵᠦ ᠬᠠᠣᠯᠢ ᠴᠠᠭᠠᠵᠠ ᠪᠣᠯᠭᠤᠮᠵᠢᠲᠠᠢ ᠬᠠᠨᠳᠣᠨ ᠡᠩ ᠤᠨ ᠪᠠᠶᠢᠲᠠᠯ ᠲᠣᠣᠷ᠎ᠠ ᠬᠠᠷᠢᠭᠤᠴᠠᠯᠭ᠎ᠠ ᠡᠬᠦᠷᠭᠡᠯᠡᠬᠦ ᠶᠠᠪᠤᠳᠠᠯ ᠭᠠᠷᠬᠤ ᠦᠭᠡᠢ᠃ ᠣᠴᠢᠷ ᠨᠢ ᠴᠣᠭᠯᠠᠷᠠᠵᠦ ᠠᠷᠢᠬᠢ ᠣᠣᠭᠤᠨ ᠬᠠᠮᠲᠣ ᠨᠠᠶᠢᠷᠯᠠᠭᠰᠡᠳ ᠪᠣᠯ ᠶᠡᠷᠦᠲᠡᠭᠡᠨ ᠨᠠᠰᠣᠨ ᠳᠤ ᠬᠦᠷᠦᠭᠰᠡᠳ ᠪᠠᠶᠢᠵᠦ᠂ ᠢᠷᠭᠡᠨ ᠤ ᠬᠡᠷᠡᠭ  ᠤᠨ ᠦᠢᠯᠨ ᠠᠵᠢᠯᠯᠠᠭ᠎ᠠ ᠶᠢᠨ ᠪᠦᠷᠢᠮᠦᠰᠣᠨ ᠴᠢᠲᠠᠪᠣᠷᠢ ᠲᠠᠢ ᠬᠦᠮᠦᠰ ᠲᠤ ᠲᠣᠭᠠᠴᠠᠭᠲᠠᠨ᠂ ᠦᠪᠡᠷ ᠤᠨ ᠪᠡᠶ᠎ᠡ ᠳᠤ  ᠨᠢ ᠠᠷᠢᠬᠢ ᠲᠣᠬᠢᠷᠠᠬᠤ ᠡᠰᠡᠬᠦ᠂ ᠠᠷᠢᠬᠢ ᠬᠡᠲᠦᠢ ᠣᠣᠭᠤᠪᠠᠯ ᠪᠣᠯᠬᠤ ᠵᠢᠴᠢ ᠬᠡᠲᠣᠷᠡᠲᠡᠯ᠎ᠡ ᠣᠣᠭᠤᠪᠠᠯ ᠶᠠᠮᠠᠷ ᠬᠤᠣᠷ ᠬᠦᠨᠦᠭᠡᠯ ᠲᠠᠢ ᠪᠠᠶᠢᠬᠤ ᠶᠢ ᠴᠦᠮ ᠲᠣᠲᠣᠷᠬᠠᠢ ᠮᠡᠳᠡᠵᠡᠭᠡᠲᠡᠭ᠃ ᠡᠶᠢᠮᠣ ᠠᠴᠠ ᠠᠮᠢᠲᠣᠷᠠᠯ ᠲᠣᠮᠲᠠ ᠠᠷᠢᠬᠢᠨ ᠠᠴᠠ ᠪᠣᠯᠣᠬᠰᠠᠨ ᠵᠠᠭᠤᠷᠭᠠᠨ ᠲᠣᠩ ᠴᠦᠭᠡᠨ ᠲᠣᠬᠢᠶᠠᠯᠳᠣᠲᠠᠭ᠃ ᠭᠡᠪᠡᠴᠦ ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯ᠂ ᠠᠮᠢᠲᠣᠷᠠᠯ ᠤᠨ ᠰᠠᠶᠢᠵᠢᠷᠠᠯ᠂ ᠬᠠᠷᠢᠯᠴᠠᠭᠠᠨ ᠤ ᠦᠷᠭᠡᠵᠢᠯ᠂ ᠵᠤᠭ᠎ᠠ ᠴᠡᠩᠭᠡᠯ ᠤᠨ ᠬᠦᠭᠡᠭᠡᠴᠡᠯᠲᠣᠯ ᠤᠨ ᠨᠡᠮᠡᠭᠲᠡᠯ ᠢ ᠲᠠᠭᠠᠯᠳᠣᠨ ᠬᠦᠮᠦᠰ ᠤᠨ ᠣᠬᠠᠮᠰᠠᠷ ᠣᠯᠠᠮ ᠢᠶᠠᠷ ᠲᠡᠭᠡᠭᠰᠢᠯᠡᠵᠦ᠂ ᠠᠮᠢᠲᠣᠷᠠᠯ ᠤᠨ ᠣᠷᠣᠨ ᠵᠠᠢ ᠦᠨᠴᠦᠭ ᠪᠣᠯᠣᠩ ᠪᠣᠯᠭᠠᠨ ᠳᠤ ᠠᠮᠢ ᠨᠠᠰᠣ ᠡᠷᠡᠬᠦᠯ ᠮᠠᠨᠳᠣ ᠶᠢᠨ ᠠᠮᠣᠷ ᠲᠦᠪᠰᠢᠨ ᠢ ᠲᠡᠭᠡᠵᠢᠯᠡᠬᠦ ᠪᠣᠯᠵᠣ᠂ ᠵᠠᠷᠢᠮ ᠲᠠᠯ᠎ᠠ ᠪᠠᠷ ᠬᠠᠣᠯᠢ ᠴᠠᠭᠠᠵᠠ  ᠠᠴᠠ ᠲᠣᠬᠢᠷᠠᠭᠤᠯᠣᠯᠲᠠ ᠬᠢᠬᠦ ᠴᠢᠬᠤᠯᠠᠲᠠᠢ ᠪᠣᠯᠣᠬᠰᠠᠨ ᠪᠠᠶᠢᠨ᠎ᠠ᠃ ᠢᠩᠬᠢᠭᠡᠳ ᠠᠷᠢᠬᠢ ᠣᠣᠭᠤᠨ ᠬᠠᠮᠲᠣ ᠨᠠᠶᠢᠷᠯᠠᠬᠰᠠᠳ ᠲᠤ ᠲᠣᠣᠷᠠᠬᠢ ᠲᠦᠷᠪᠡᠨ ᠵᠦᠢᠯ ᠤᠨ ᠪᠠᠶᠢᠲᠠᠯ ᠲᠣᠣᠷ᠎ᠠ ᠬᠤᠬᠢᠷᠠᠯ ᠭᠠᠷᠪᠠᠯ ᠬᠠᠷᠢᠯᠴᠠᠨ ᠬᠠᠷᠢᠭᠤᠴᠠᠯᠭ᠎ᠠ ᠡᠬᠦᠷᠭᠡᠯᠡᠬᠦ ᠪᠣᠯᠣᠨ᠎ᠡ᠄ ᠨᠢᠭᠡ ᠳᠤ ᠠᠯᠪᠠᠲᠠᠯᠭ᠎ᠠ ᠶᠢᠨ ᠴᠢᠨᠠᠷᠲᠠᠢ ᠱᠠᠯᠠᠬᠤ ᠪᠣᠶᠣ ᠬᠤᠷᠣᠰᠬᠠᠬᠤ ᠬᠦᠭᠵᠢᠭᠡᠬᠦ ᠣᠷᠮᠠᠰᠢᠯᠭᠤᠯᠬᠤ ᠮᠠᠶ᠋ᠢᠭ ᠪᠠᠷ ᠠᠷᠢᠬᠢ ᠣᠣᠭᠤᠯᠭᠠᠭᠰᠠᠨ︔ ᠬᠤᠶᠠᠷ ᠲᠤ ᠠᠷᠢᠬᠢ ᠣᠣᠭᠤᠵᠣ ᠴᠢᠲᠠᠬᠤ ᠦᠭᠡᠢ ᠡᠰᠡᠪᠡᠯ ᠠᠷᠢᠬᠢ ᠣᠣᠭᠤᠵᠣ ᠪᠣᠯᠬᠤ ᠦᠭᠡᠢ ᠶᠢ ᠨᠢ ᠲᠣᠲᠣᠷᠬᠠᠢ ᠮᠡᠲᠡᠵᠦ ᠪᠠᠶᠢᠭᠠᠳ ᠮᠦᠨ ᠠᠷᠢᠬᠢ ᠪᠠᠷ ᠱᠠᠯᠠᠭᠰᠠᠨ᠂ ᠡᠬᠦᠨ ᠳᠤ ᠠᠷᠢᠬᠢᠨ ᠠᠴᠠ ᠪᠣᠯᠣᠬᠰᠠᠨ ᠲᠦᠷᠭᠡᠨ ᠴᠢᠨᠠᠷᠲᠠᠢ ᠡᠪᠡᠳᠴᠢᠨ ᠵᠡᠷᠭᠡ ᠪᠠᠭᠲᠠᠨ᠎ᠠ︔ ᠭᠤᠷᠪᠠ  ᠳᠤ ᠠᠷᠢᠬᠢᠨ ᠳᠤ ᠰᠣᠭᠲᠣᠭᠰᠠᠨ ᠤ ᠲᠠᠷᠠᠭ᠎ᠠ ᠨᠢ ᠠᠮᠦᠷ ᠲᠦᠪᠰᠢᠨ ᠬᠦᠷᠭᠡᠭᠰᠡᠨ ᠦᠭᠡᠢ᠂ ᠡᠬᠦᠨ ᠳᠤ ᠣᠢ ᠮᠠᠲᠠᠷᠠᠯ  ᠨᠢ ᠪᠠᠯᠠᠷᠠᠵᠦ ᠦᠪᠡᠷ ᠤᠨ ᠪᠡᠶ᠎ᠡ ᠪᠠᠨ ᠡᠵᠡᠮᠲᠡᠵᠦ ᠲᠡᠶᠢᠯᠬᠦ ᠦᠭᠡᠢ ᠪᠣᠶᠣ ᠣᠳᠠᠯ ᠦᠭᠡᠢ ᠪᠠᠯᠠᠷᠠᠵᠦ ᠮᠡᠲᠡᠬᠦ ᠪᠠᠶᠢᠲᠠᠯ ᠲᠣᠣᠷ᠎ᠠ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶ᠎ᠠ ᠡᠰᠡᠪᠡᠯ ᠭᠡᠷ ᠲᠤ ᠨᠢ ᠠᠮᠣᠷ ᠲᠦᠪᠰᠢᠨ ᠬᠦᠷᠭᠡᠭᠰᠡᠨ ᠦᠭᠡᠢ ᠪᠠᠶᠢᠲᠠᠯ ᠪᠠᠭᠲᠠᠨ᠎ᠠ︔ ᠲᠦᠷᠪᠡ ᠳᠤ ᠠᠷᠢᠬᠢᠨ ᠤ ᠲᠠᠷᠠᠭ᠎ᠠ ᠲᠡᠷᠭᠡ ᠵᠢᠯᠣᠭᠤᠳᠬᠤ ᠳᠤ ᠬᠤᠷᠢᠭᠯᠠᠭᠰᠠᠨ ᠦᠭᠡᠢ ᠠᠴᠠ ᠪᠣᠯᠵᠣ ᠵᠠᠮ ᠬᠠᠷᠢᠯᠴᠠᠭᠠᠨ ᠤ ᠭᠡᠨᠡᠲᠡᠯ ᠤᠨ ᠬᠤᠬᠢᠷᠠᠯ ᠭᠠᠷᠭᠠᠭᠰᠠᠨ ᠵᠡᠷᠭᠡ ᠪᠣᠯᠣᠨ᠎ᠡ᠃ ᠢᠩᠬᠢᠪᠡᠯ ᠲᠡᠭᠡᠷᠡᠬᠢ ᠵᠠᠷᠭᠤ ᠳᠤ ᠬᠦᠭᠡᠭᠴᠢᠨ ᠢᠷᠭᠡᠨ ᠤ ᠬᠡᠷᠡᠭ ᠤᠨ ᠦᠢᠯᠨ ᠠᠵᠢᠯᠯᠠᠭᠠᠨ ᠤ ᠪᠦᠷᠢᠨ ᠴᠢᠳᠠᠪᠦᠷᠢ ᠲᠠᠢ ᠨᠠᠰᠣᠨ ᠳᠤ ᠬᠦᠷᠦᠭᠰᠡᠨ ᠬᠦᠮᠦᠨ ᠤ ᠬᠤᠪᠢ ᠳᠤ ᠦᠪᠡᠷ ᠤᠨ ᠪᠡᠶ᠎ᠡ ᠳᠤ ᠨᠢ ᠠᠷᠢᠬᠢ ᠲᠣᠬᠢᠷᠠᠬᠤ ᠡᠰᠡᠬᠦ᠂ ᠠᠷᠢᠬᠢ ᠬᠡᠲᠦᠢ ᠲᠠᠭᠠᠭᠠᠵᠣ ᠲᠡᠶᠢᠯᠬᠦ ᠵᠢᠴᠢ ᠬᠡᠲᠦᠷᠭᠡᠢ ᠣᠣᠭᠤᠪᠠᠯ ᠶᠠᠮᠠᠷ ᠬᠤᠣᠷ ᠬᠦᠨᠦᠭᠡᠯ ᠲᠠᠢ ᠪᠠᠶᠢᠬᠤ ᠶᠢ ᠲᠣᠲᠣᠷᠬᠠᠢ ᠮᠡᠲᠡᠵᠦ ᠪᠣᠯᠬᠤ ᠪᠠᠶᠢᠲᠠᠯ᠎ᠠ ᠪᠡᠶ᠎ᠡ ᠪᠠᠨ ᠡᠵᠡᠮᠲᠡᠵᠦ ᠲᠡᠶᠢᠯᠦᠭᠰᠡᠨ ᠦᠭᠡᠢ ᠰᠣᠭᠲᠣᠨ ᠪᠠᠯᠠᠷᠠᠵᠦ ᠦᠪᠡᠷ ᠤᠨ ᠢᠶᠠᠨ ᠠᠮᠦᠷ ᠲᠦᠪᠰᠢᠨ  ᠳᠤ ᠴᠠᠯᠠᠭᠠᠶᠢᠷᠠᠵᠠᠢ᠃ ᠲᠠᠬᠢᠪᠠᠯ ᠬᠦᠭᠡ᠂ ᠣᠯᠭᠠᠨ᠂ ᠣᠯᠠᠭᠴᠢᠨ ᠠᠴᠠ ᠬᠦᠭᠡᠭᠴᠢᠨ ᠢ ᠱᠠᠯᠠᠵᠣ ᠬᠦᠭᠵᠢᠭᠡᠵᠦ ᠣᠷᠮᠠᠰᠢᠭᠤᠯᠣᠬᠰᠠᠨ ᠣᠴᠢᠷ ᠪᠠᠶᠢᠬᠤ ᠦᠭᠡᠢ᠃ ᠡᠶᠢᠮᠣ ᠠᠴᠠ ᠬᠤᠬᠢᠷᠠᠯ ᠭᠠᠷᠣᠭᠰᠠᠨ ᠳᠤ ᠬᠦᠭᠡᠭᠴᠢᠨ ᠦᠪᠡᠷ ᠢᠶᠠᠨ ᠭᠤᠣᠯ ᠬᠠᠷᠢᠭᠤᠴᠠᠯᠭ᠎ᠠ ᠲᠠᠢ᠃ ᠬᠦᠭᠡ᠂ ᠣᠯᠠᠭᠠᠨ᠂ ᠣᠯᠠᠭᠴᠢᠨ ᠨᠢ ᠬᠦᠭᠡᠭᠴᠢᠨ ᠤ ᠬᠡᠲᠣᠷᠡᠲᠡᠯ᠎ᠡ ᠰᠣᠭᠲᠣᠭᠰᠠᠨ  ᠢ ᠮᠠᠲᠠᠵᠦ ᠭᠡᠷ ᠲᠤ ᠨᠢ ᠬᠦᠷᠭᠡᠭᠰᠡᠨ ᠪᠣᠯᠪᠠᠴᠦ᠂ ᠬᠦᠭᠡᠭᠴᠢᠨ ᠭᠡᠷ ᠲᠤ ᠪᠠᠨ ᠭᠠᠭᠴᠠᠭᠠᠷ ᠢᠶᠠᠨ ᠦᠯᠡᠲᠡᠭᠰᠡᠨ ᠢ ᠮᠡᠲᠡᠵᠦ ᠪᠠᠶᠢᠭᠠᠳ ᠭᠡᠷ ᠪᠦᠯᠢ ᠳᠤ ᠨᠢ ᠮᠡᠲᠡᠭᠳᠡᠭᠰᠡᠨ ᠦᠭᠡᠢ ᠰᠢᠭᠤᠳ ᠪᠣᠴᠠᠵᠠᠭᠠᠭᠰᠠᠨ ᠨᠢ ᠠᠩᠬᠠᠷᠴᠣ ᠪᠣᠯᠭᠤᠮᠵᠢᠯᠠᠬᠤ ᠡᠬᠦᠷᠭᠡ ᠬᠠᠷᠢᠭᠤᠴᠠᠯᠭ᠎ᠠ ᠳᠤ ᠪᠠᠨ ᠣᠰᠣᠯᠲᠠᠵᠦ᠂ ᠡᠮᠭᠡᠨᠢᠯᠲᠣ ᠣᠴᠢᠷ ᠡᠬᠦᠰᠬᠦ ᠳᠤ ᠨᠢᠭᠡ ᠬᠡᠮᠵᠢᠶᠡᠨ ᠤ ᠰᠢᠯᠲᠠᠭᠠᠨ ᠪᠣᠯᠵᠠᠢ᠃ ᠡᠶᠢᠮᠣ ᠠᠴᠠ ᠲᠠᠲᠠ ᠵᠣᠬᠢᠬᠤ ᠬᠠᠷᠢᠭᠤᠴᠠᠯᠭ᠎ᠠ ᠡᠬᠦᠷᠭᠡᠯᠡᠪᠡᠯ ᠵᠣᠬᠢᠨ᠎ᠡ᠃
  
ᠢᠷᠡᠯᠲᠡ᠄ ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠬᠤᠭᠤᠯᠠᠨ ᠠᠴᠠ ᠡᠮᠦᠨ᠎ᠡ ᠡᠭᠦᠨ ᠢ ᠢᠳᠡᠪᠡᠯ ᠴᠢᠰᠤᠨ ᠰᠢᠬᠢᠷ ᠢ ᠴᠢᠨᠢ ᠬᠢᠵᠠᠭᠠᠷᠯᠠᠵᠤ ᠲᠠᠶᠢᠯᠤᠨ᠎ᠠ︕
ᠭᠠᠷ ᠤᠲᠠᠰᠤᠨ ᠤ ᠬᠠᠳᠠᠭᠠᠯᠠᠭᠤᠷ ᠢ ᠠᠪᠤᠷᠠᠵᠦ ᠲᠡᠶᠢᠯᠬᠦ ᠪᠣᠯᠪᠠ︕ ᠰᠢᠨ᠎ᠡ ᠴᠢᠳᠠᠮᠵᠢ ᠶᠢᠨ ᠲᠤᠳᠤᠭᠠᠳᠤ ᠁
ᠪᠢᠲᠡᠭᠡᠢ ᠬᠦᠨᠳᠦᠳᠬᠡᠬᠦ ᠦᠭᠡᠢ ᠶᠠᠪᠤᠭᠠᠴᠢ︕ ᠡᠨᠡ 7 ᠵᠦᠢᠯ ᠤᠨ ᠡᠪᠡᠳᠴᠢᠨ ᠨᠢ ᠡᠪᠡᠳᠴᠢᠨ ᠤ ᠢᠯᠡᠷᠡᠯ ᠰᠢᠨᠵᠢ ᠁
ᠲᠤᠯᠤᠭᠠᠨ ᠰᠠᠯᠠᠭ᠎ᠠ ᠮᠥᠴᠢᠷ ᠡᠮᠴᠢᠯᠡᠭᠡᠨ ᠤ ᠪᠠᠶᠢᠭᠤᠯᠤᠮᠵᠢ ᠶᠢᠨ ᠪᠠᠶᠢᠴᠠᠭᠠᠨ ᠰᠢᠯᠭᠠᠭᠰᠠᠨ ᠦᠷ᠎ᠡ ᠳ᠋ᠦᠩ ᠢ ᠁
ᠵᠢᠭᠡᠯᠡᠭᠰᠡᠨ ᠲᠡᠷᠭᠡ ᠵᠠᠮ ᠬᠠᠷᠢᠯᠴᠠᠭᠠᠨ ᠤ ᠭᠡᠨᠡᠲᠡᠯ ᠭᠠᠷᠭᠠᠭᠰᠠᠨ ᠪᠠᠶᠢᠪᠠᠯ ᠬᠡᠷᠬᠢᠨ ᠰᠢᠢᠳᠪᠦᠷᠢᠯᠡᠬᠦ ᠪᠣᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号