| ᠠᠯᠢ ᠨᠢᠭᠡᠨ ᠡᠳᠦᠷ ᠥᠪᠡᠷ ᠢᠶᠠᠨ ᠴᠤ ᠨᠢᠭᠡ ᠪᠠᠭᠰᠢ ᠪᠣᠯᠴᠢᠬᠠᠭᠠᠳ ᠣᠯᠠᠨ ᠱᠠᠪᠢ ᠲᠠᠢ ᠪᠣᠯᠤᠨᠠ ᠭᠡᠵᠦ | ᠶᠣᠰᠤᠲᠠᠢ ᠠᠷᠪᠠᠨ ᠵᠡᠭᠦᠳᠦᠨ ᠳᠤ ᠴᠤ ᠪᠠᠶᠢᠭᠠ ᠦᠭᠡᠢ᠃ ᠪᠢ ᠪᠣᠯ ᠨᠢᠭᠡᠨ ᠪᠠᠭᠰᠢ ᠬᠦᠮᠦᠨ᠂ ᠲᠡᠷᠡ ᠮᠦᠷᠲᠡᠭᠡᠨ | ᠮᠤᠨᠳᠠᠭ ᠪᠠᠶᠠᠨ ᠪᠠᠭᠰᠢ᠂ ᠡᠷᠡ ᠶᠢᠨ ᠬᠡᠶᠢᠮᠤᠷᠢ ᠪᠠᠷ ᠣᠭᠰᠢᠭᠰᠠᠨ ᠭᠡᠷ ᠳᠦᠭᠦᠷᠡᠩ ᠬᠦᠦᠴᠦᠦᠯ ᠲᠠᠢ᠂ ᠤᠶᠠᠨ | ᠵᠥᠭᠡᠯᠡᠨ ᠠᠭᠠᠰᠢ ᠲᠠᠢ ᠤᠬᠠᠭᠠᠯᠢᠭ ᠣᠯᠠᠨ ᠬᠡᠤᠬᠡᠨᠴᠦᠳ ᠲᠠᠢ᠃ ᠪᠠᠭᠰᠢ ᠬᠦᠮᠦᠨ ᠬᠠᠶᠢᠷᠠ ᠶᠢᠨ ᠪᠦᠷᠢᠯᠸᠠ ᠪᠠᠶᠢᠬᠤ | ᠶᠣᠰᠤᠲᠠᠢ ᠭᠡᠵᠦ ᠪᠢ ᠦᠷᠭᠦᠯᠵᠢ ᠰᠡᠳᠭᠢᠯ ᠳᠤ ᠪᠠᠨ ᠪᠤᠳᠤᠳᠠᠭ᠃ ᠶᠠᠭ ᠡᠶᠢᠮᠤ ᠠᠴᠠ ᠪᠢ ᠠᠩᠬᠠ | ᠰᠤᠷᠤᠭᠴᠢ ᠲᠠᠢ ᠪᠠᠨ ᠤᠴᠠᠷᠠᠬᠤ ᠳᠤ ᠲᠡᠳᠡ ᠨᠡᠷ ᠢ ᠪᠦᠷ ᠥᠪᠡᠷ ᠤᠨ ᠢᠶᠠᠨ ᠬᠡᠤᠭᠡᠳ ᠰᠢᠭ ᠬᠠᠯᠠᠭᠤᠨ | ᠡᠯᠢᠭᠡᠨ ᠳᠤ ᠪᠠᠨ ᠲᠡᠪᠡᠷᠢᠵᠤ ᠠᠪᠤᠭᠰᠠᠨ ᠶᠤᠮ᠃ ᠠᠵᠢᠯ ᠳᠤ ᠭᠠᠷᠤᠭᠠᠳ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠪᠤᠯᠤᠭᠰᠠᠨ | ᠠᠩᠬᠠᠨ ᠤ ᠭᠠᠷᠠᠭ ᠪᠢᠯᠡ᠃ ᠡᠳᠦᠷ ᠢᠶᠠᠷ ᠬᠡᠤᠭᠡᠳ ᠤᠳ ᠤᠨ ᠳᠤᠮᠳᠠ ᠡᠨᠡ ᠲᠡᠷᠡ ᠭᠡᠳ ᠭᠦᠶᠦᠵᠦ ᠨᠢᠰᠦᠭᠡᠳ | ᠦᠳᠡᠰᠢ ᠪᠣᠯᠬᠤ ᠪᠠᠷ ᠨᠢ ᠪᠦᠷ ᠶᠠᠳᠠᠷᠠᠭᠠᠳ ᠨᠢᠭᠡ ᠶᠠᠭᠤᠮᠠ ᠪᠤᠯᠴᠢᠬᠠᠳᠠᠭ᠃ | ᠲᠡᠷᠡ ᠦᠶᠡ ᠳᠤ ᠡᠵᠢ ᠳᠤ ᠪᠠᠨ ᠤᠲᠠᠰᠤ ᠠᠪᠤᠭᠠᠳ ᠨᠢᠭᠡ ᠡᠳᠦᠷ ᠤᠨ ᠢᠶᠠᠨ ᠶᠠᠭᠠᠷᠠᠤ ᠪᠠᠨ ᠲᠣᠭᠠᠴᠢᠬᠤ ᠳᠤ᠂ | ᠡᠵᠢ ᠮᠢᠨᠢ᠄ ︽ᠲᠠᠶᠢᠪᠤᠩ ᠪᠠᠢ᠂ ᠬᠡᠤᠬᠡᠨ ᠡ᠂ ᠬᠥᠯ ᠭᠠᠷ ᠢᠶᠠᠨ ᠤᠬᠢᠶᠠᠭᠠᠳ ᠰᠠᠶᠢᠬᠠᠨ ᠠᠮᠠᠷᠠᠭᠠᠳ ᠠᠪ᠂ | ᠮᠠᠷᠭᠠᠰᠢ ᠰᠠᠶᠢᠬᠠᠨ ᠪᠤᠯᠴᠢᠬᠠᠨᠠ︾ ᠭᠡᠳ ᠲᠠᠶᠢᠳᠬᠤᠷᠠᠭᠤᠯᠵᠤ ᠬᠡᠯᠡᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠡᠨᠡᠷᠢᠯ ᠤᠨ ᠲᠡᠭᠷᠢ | ᠡᠵᠢ ᠶᠢᠨ ᠢᠶᠠᠨ ᠬᠡᠯᠡᠭᠰᠡᠨ ᠢᠶᠠᠷ ᠰᠠᠶᠢᠬᠠᠨ ᠠᠮᠠᠷᠠᠭᠠᠳ ᠳᠠᠷᠠᠭᠠ ᠡᠳᠦᠷ ᠤᠨ ᠬᠢᠨᠢ ᠦᠷᠯᠦᠭᠡ ᠡᠷᠲᠡ | ᠰᠤᠷᠭᠠᠭᠤᠯᠢ ᠶᠢᠨ ᠡᠭᠦᠳᠡᠨ ᠳᠡᠭᠡᠷᠡ ᠬᠡᠤᠭᠡᠳ ᠢᠶᠠᠨ ᠲᠤᠰᠬᠤ ᠪᠠᠷ ᠣᠴᠢᠬᠤ ᠳᠤ᠂ ᠨᠠᠷᠠᠨ ᠰᠠᠷᠠᠨ ᠰᠢᠭ | ᠭᠡᠷᠡᠯᠲᠦᠭᠰᠡᠨ ᠬᠡᠤᠭᠡᠳ ᠤᠳ ᠮᠢᠨᠢ ︽ᠪᠠᠭᠰᠢ ᠡ᠂ ᠦᠷᠯᠦᠭᠡ ᠰᠠᠶᠢᠨ︕︾ ᠭᠡᠳ ᠮᠢᠨᠤ ᠥᠭᠡᠳᠡ ᠠᠴᠠ | ᠬᠦᠷᠦᠭᠡᠳ ᠢᠷᠡᠬᠦ ᠪᠠᠷ ᠤᠷᠢᠳᠤ ᠡᠳᠦᠷ ᠤᠨ ᠪᠠᠶᠢᠳᠠᠭ ᠶᠠᠳᠠᠷᠠᠭᠠ ᠵᠦᠳᠡᠷᠡᠭᠡ ᠪᠦᠷ ᠣᠷᠣ ᠦᠭᠡᠢ ᠠᠯᠠᠭᠠ | ᠪᠤᠯᠴᠢᠬᠠᠭᠰᠠᠨ᠃ ᠶᠠᠭ ᠯᠠ ᠡᠵᠢ ᠶᠢᠨ ᠮᠢᠨᠢ ᠢᠰᠢᠭᠡ ᠬᠤᠷᠠᠭᠠ ᠶᠢᠨ ᠢᠶᠠᠨ ᠮᠠᠶᠢᠯᠠᠯᠳᠤᠬᠤ ᠳᠠᠭᠤᠨ᠂ | ᠬᠥᠷᠦᠪᠡᠵᠢᠬᠦ ᠶᠢ ᠨᠢ ᠬᠠᠷᠠᠭᠠᠳ ᠪᠠᠶᠠᠰᠳᠠᠭ ᠲᠠᠢ ᠠᠳᠠᠯᠢ ᠪᠢ ᠴᠤ ᠶᠠᠭ ᠡᠨᠡ ᠬᠥᠭᠡᠷᠦᠬᠦᠨ ᠬᠡᠤᠭᠡᠳ ᠤᠳ ᠢᠶᠠᠨ | ᠬᠠᠷᠠᠬᠤ ᠪᠠᠷ ᠴᠤᠭ ᠬᠡᠶᠢᠮᠦᠷᠢ ᠮᠢᠨᠢ ᠪᠠᠳᠠᠷᠠᠵᠤ᠂ ᠤᠯᠠᠮ ᠵᠣᠷᠢᠭᠲᠠᠢ᠂ ᠨᠠᠷᠠᠯᠠᠭ ᠪᠣᠯᠳᠠᠭ᠃ | ᠬᠡᠤᠭᠡᠳ ᠭᠡᠵᠦ ᠡᠷᠴᠢ ᠡᠷᠴᠢᠮ ᠨᠢ ᠮᠤᠨᠳᠠᠭ᠂ ᠦᠨᠡᠬᠡᠷ ᠪᠠᠭ᠋ᠠᠷᠬᠠᠵᠤ ᠬᠠᠶᠢᠷᠠᠯᠠᠬᠤ ᠠᠴᠠ ᠥᠭᠡᠷᠡ ᠠᠷᠭᠠ ᠦᠭᠡᠢ | ᠬᠥᠬᠡᠷᠤᠭᠦᠨ ᠠᠮᠢᠳᠠᠳ᠃ ᠮᠢᠨᠤ ᠬᠡᠤᠭᠡᠳ ᠤᠳ ᠦᠷᠭᠦᠯᠵᠢ ᠨᠠᠳᠠ ᠠᠴᠠ ︽ᠪᠠᠭᠰᠢ ᠡ᠂ ᠲᠠᠨ ᠤ ᠬᠡᠤᠭᠡᠳ ᠬᠦᠦ | ᠶᠤᠮ ᠤᠤ︖ ᠬᠡᠤᠬᠡᠨ ᠶᠤᠮ ᠤᠤ︖︾ ᠭᠡᠵᠦ ᠠᠰᠠᠭᠤᠳᠠᠭ᠃ ᠲᠡᠷᠡ ᠦᠶᠡ ᠳᠤᠨᠢ ᠪᠢ᠄ ︽ᠪᠠᠭᠰᠢ ᠳᠤᠨᠢ | ᠬᠡᠤᠬᠡᠨ ᠴᠤ ᠪᠠᠶᠢᠨᠠ᠂ ᠬᠦᠦ ᠴᠤ ᠪᠠᠶᠢᠨᠠ᠂ ᠪᠠᠶᠢᠬᠤ ᠪᠠᠶᠢᠬᠤ ᠳᠤ ᠪᠠᠨ ᠪᠦᠷ ᠭᠤᠴᠢᠭᠠᠳ ᠬᠦᠦ ᠬᠡᠤᠬᠡᠨ ᠲᠠᠢ | ᠰᠢᠤ︕︾ ᠭᠡᠵᠦ ᠣᠮᠤᠭ ᠪᠠᠷᠳᠠᠮ ᠬᠠᠷᠢᠭᠤᠯᠬᠤ ᠳᠤ᠂ ᠮᠢᠨᠤ ᠬᠡᠤᠭᠡᠳ ᠤᠳ ︽ᠪᠢᠰᠢ ᠡ᠂ ᠪᠠᠭᠰᠢ ᠡ᠂ ᠲᠠᠨ ᠤ | ᠭᠡᠷ ᠲᠤ ᠪᠠᠶᠢᠭᠠ ᠬᠡᠤᠭᠡᠳ ᠢ ᠲᠠᠨᠢ ᠬᠡᠯᠡᠵᠦ ᠪᠠᠶᠢᠨᠠ︾ ᠭᠡᠬᠦ ᠶᠤᠮ ᠪᠢᠯᠡ᠃ ᠤᠰᠤᠨ ᠤ ᠰᠢᠪᠠᠭᠤ ᠰᠢᠭ | ᠱᠤᠯᠤᠭᠠᠨᠠᠳᠠᠭ ᠬᠡᠤᠭᠡᠳ ᠤᠳ ᠳᠠᠩᠳᠠ ᠪᠠᠨ ᠤᠷᠮᠠ ᠵᠣᠷᠢᠭ ᠬᠠᠶᠢᠷᠠᠯᠠᠳᠠᠭ᠃ ᠲᠡᠭᠡᠷᠡ ᠬᠤᠭᠤᠴᠠᠭᠠ ᠮᠠᠨ ᠤ | ᠠᠩᠭᠢ ᠶᠢᠨ ᠮᠠᠯᠢᠺᠠ ᠬᠡᠰᠡᠨ ᠨᠡᠷᠡ ᠲᠠᠢ ᠬᠥᠭᠡᠷᠦᠬᠦᠨ ᠥᠬᠢᠨ ᠠᠪᠤ ᠡᠵᠢ ᠶᠢᠨ ᠬᠢᠨᠢ ᠠᠵᠢᠯ ᠠᠯᠪᠠ ᠶᠢᠨ | ᠤᠴᠢᠷ ᠠᠴᠠ ᠪᠤᠯᠵᠤ ᠠᠷᠭᠠ ᠦᠭᠡᠢ ᠪᠠᠶᠢᠳᠠᠯ ᠤᠨ ᠳᠤᠤᠷᠠ ᠰᠤᠷᠭᠠᠭᠤᠯᠢ ᠰᠢᠯᠵᠢᠬᠦ ᠪᠠᠷ ᠪᠣᠯᠪᠠ᠃ ᠪᠢ ᠡᠨᠡ | ᠴᠢᠮᠡᠭᠡ ᠶᠢ ᠤᠷᠢᠳᠤ ᠡᠳᠦᠷ ᠨᠢ ᠡᠵᠢ ᠶᠢᠨ ᠬᠢᠨᠢ ᠶᠠᠷᠢᠶᠠᠨ ᠠᠴᠠ ᠰᠤᠨᠤᠰᠤᠭᠰᠠᠨ ᠠᠴᠠ ᠬᠤᠶᠢᠰᠢ ᠰᠡᠳᠭᠢᠯ ᠨᠢᠭᠡ ᠯᠠ | ᠣᠨᠳᠤᠤ ᠪᠠᠶᠢᠭᠰᠠᠨ ᠶᠤᠮ ᠪᠢᠯᠡ᠃ ᠶᠠᠭ ᠶᠠᠪᠤᠬᠤ ᠲᠡᠷᠡ ᠦᠷᠯᠦᠭᠡ ᠪᠢ ᠮᠠᠯᠢᠺᠠ ᠬᠡᠤᠬᠡᠨ ᠢᠶᠠᠨ ᠬᠠᠵᠠᠭᠤ ᠳᠤ ᠪᠠᠨ | ᠳᠠᠭᠤᠳᠠᠵᠤ ᠠᠪᠴᠢᠷᠠᠭᠠᠳ ᠬᠤᠶᠠᠷ ᠦᠭᠡ ᠵᠠᠬᠢᠵᠤ ᠰᠤᠯᠢᠶᠠ ᠭᠡᠰᠡᠨ ᠴᠢᠨᠢ ᠨᠢᠳᠦ ᠪᠠᠨ ᠤᠯᠠᠶᠢᠯᠭᠠᠨ ᠬᠠᠵᠠᠭᠤ ᠳᠤ | ᠮᠢᠨᠢ ᠵᠣᠭᠰᠤᠭᠰᠠᠨ ᠬᠥᠭᠡᠷᠦᠬᠦᠨ ᠬᠠᠷᠠᠴᠠ ᠶᠢ ᠨᠢ ᠬᠠᠷᠠᠭᠠᠳ ᠬᠦᠭᠡᠷᠦᠭᠦ᠋ᠢᠯᠡᠬᠦ ᠲᠠᠢ᠂ ᠰᠠᠯᠵᠤ ᠶᠠᠳᠠᠬᠤ ᠲᠠᠢ᠂ ᠲᠡᠷᠡ | ᠳᠤᠤᠷᠠ ᠪᠠᠨ ᠮᠢᠨᠤ ᠬᠤᠭᠤᠯᠠᠢ ᠵᠠᠩᠭᠢᠷᠠᠵᠤ ᠤᠬᠢᠯᠠᠬᠤ ᠰᠢᠬᠠᠮ ᠪᠤᠯᠤᠯᠠ᠃ | ᠬᠡᠵᠢᠶᠡ ᠴᠤ ᠬᠦᠮᠦᠨ ᠤ ᠡᠮᠦᠨᠡ ᠨᠢᠯᠪᠤᠰᠤ ᠤᠨᠠᠭᠠᠬᠤ ᠦᠭᠡᠢ ᠪᠠᠶᠢᠬᠤ ᠶᠢ ᠬᠢᠴᠢᠶᠡᠨ ᠥᠪᠡᠷ ᠢ ᠪᠠᠨ | ᠬᠠᠲᠠᠭᠤᠬᠠᠨ ᠱᠠᠭᠠᠷᠳᠠᠳᠠᠭ ᠪᠢ ᠪᠤᠰᠢᠭᠤᠬᠠᠨ ᠮᠠᠯᠢᠺᠠ ᠠᠴᠠ ᠪᠠᠨ ᠪᠤᠷᠤᠭᠤᠯᠠᠨ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠯᠠ᠃ ᠠᠷᠭᠠ | ᠦᠭᠡᠢ ᠰᠠᠶᠢᠬᠠᠨ ᠳᠠᠰᠤᠭᠰᠠᠨ ᠶᠤᠮ ᠳ᠋ᠠ ᠁ ᠲᠡᠷᠡ ᠭᠱᠠᠨ ᠢ ᠪᠢ ᠡᠭᠦᠷᠢᠳᠡ ᠮᠠᠷᠲᠠᠬᠤ ᠦᠭᠡᠢ︕ ᠶᠠᠭ ᠯᠠ | ᠵᠢᠷᠦᠬᠡ ᠶᠢ ᠮᠢᠨᠢ ᠵᠡᠭᠦᠦ ᠪᠠᠷ ᠰᠢᠪᠡᠵᠦ ᠪᠠᠶᠢᠭᠠ ᠠᠳᠠᠯᠢ ᠡᠪᠡᠳᠴᠦ ᠪᠠᠶᠢᠪᠠ᠃ ᠮᠠᠯᠢᠺᠠ ᠪᠤᠯ ᠮᠢᠨᠤ ᠠᠩᠬᠠᠨ ᠤ | ᠰᠤᠷᠤᠭᠴᠢ᠂ ᠮᠦᠨ ᠴᠦ ᠮᠢᠨᠤ ᠬᠠᠶᠢᠷᠠᠲᠠᠢ ᠬᠡᠤᠬᠡᠨ ᠶᠤᠮ ᠰᠢᠤ︕ ᠲᠡᠷᠡ ᠵᠢᠯ ᠪᠢ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ | ᠪᠤᠯᠬᠤ ᠳᠤ ᠬᠠᠮᠤᠭ ᠤᠨ ᠤᠷᠢᠳ ᠢᠶᠠᠷ ᠬᠠᠵᠠᠭᠤ ᠳᠤ ᠮᠢᠨᠢ ᠬᠦᠷᠴᠦ ᠢᠷᠡᠭᠰᠡᠨ ᠮᠢᠨᠤ ᠠᠩᠬᠠᠨ ᠤ ᠱᠠᠪᠢ ᠶᠤᠮ᠃ | ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠳᠤ ᠮᠠᠯᠢᠺᠠ ᠬᠡᠤᠬᠡᠨ ᠢᠶᠠᠨ ᠳᠠᠭᠠᠭᠤᠯᠤᠭᠠᠳ ᠶᠠᠪᠤᠬᠤ ᠳᠤ ᠪᠤᠰᠤᠳ ᠪᠠᠭᠰᠢ ᠨᠠᠷ ︽ | ᠬᠡᠤᠬᠡᠨ ᠴᠢᠨᠢ ᠶᠤᠮ ᠤᠤ︖ ᠴᠢᠮᠠ ᠲᠠᠢ ᠶᠠᠭᠠᠬᠢᠭᠰᠠᠨ ᠠᠳᠠᠯᠢ ᠪᠤᠢ︕︾ ᠭᠡᠳ ᠪᠦᠷ ᠡ᠊ᠨᠳᠡᠭᠦᠷᠡᠵᠦ ᠪᠠᠶᠢᠭᠰᠠᠨ | ᠶᠤᠮ᠃ | ᠮᠠᠯᠢᠺᠠ ᠮᠢᠨᠢ ᠬᠦᠮᠦᠨ ᠲᠦᠮᠡᠨ ᠤ ᠳᠤᠮᠳᠠ ᠣᠷᠦ᠋ᠢᠯᠠᠵᠤ ᠶᠠᠪᠤᠭᠠᠷᠠᠢ︕ ᠰᠤᠳᠤᠨ ᠰᠤᠷᠤᠭᠠᠷᠠᠢ︕ ᠭᠡᠵᠦ | ᠪᠠᠭᠰᠢ ᠨᠢ ᠬᠠᠮᠤᠭ ᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠢᠷᠦᠭᠡᠯ ᠢᠶᠠᠨ ᠵᠦᠩᠨᠡᠶᠡ︕ | |