| ᠤᠷᠴᠢᠮ ᠨᠤᠮ ᠤᠩᠰᠢᠬᠤ ᠲᠤᠬᠠᠢ ᠤᠯᠠᠨ ᠰᠠᠶᠢᠬᠠᠨ ᠶᠠᠷᠢᠯᠴᠠᠭᠠ ᠦᠷᠨᠢᠵᠦ ᠪᠤᠢ᠃ ᠬᠡᠳᠦᠨ ᠵᠤᠬᠢᠶᠠᠯ | ᠤᠩᠰᠢᠵᠦ ᠦᠵᠡᠭᠡᠳ ᠤᠯᠠᠨ ᠬᠤᠨᠤᠭ ᠦᠪᠡᠷ ᠤᠨ ᠢᠶᠠᠨ ᠨᠤᠮ ᠤᠩᠰᠢᠬᠰᠠᠨ ᠪᠠᠶᠢᠳᠠᠯ ᠢᠶᠠᠨ ᠰᠢᠬᠦᠵᠦ᠂ ᠨᠠᠷᠢᠨ | ᠲᠤᠩᠭᠠᠨ ᠪᠤᠳᠤᠯᠬᠢᠯᠠᠵᠦ ᠦᠵᠡᠯᠡ᠃ ᠤᠷᠢᠳ ᠨᠢ ᠦᠨᠳᠦᠷ ᠲᠤᠮᠳᠠᠳᠤ ᠶᠢᠨ ᠬᠢᠴᠢᠶᠡᠯ ᠲᠡᠭᠡᠷᠡ ︽ᠲᠤᠯᠤᠭᠠᠢ︾ | ᠭᠡᠰᠡᠨ ᠰᠠᠶᠢᠬᠠᠨ ᠵᠤᠬᠢᠶᠠᠯ ᠪᠠᠶᠢᠬᠰᠠᠨ᠃ ᠲᠡᠷᠡ ᠬᠦ ᠵᠤᠬᠢᠶᠠᠯ ᠳᠤ ᠬᠡᠵᠢᠶᠡᠲᠡ ᠦᠨᠡᠨ ᠦᠭᠡ ᠬᠡᠯᠡᠵᠦ ᠶᠠᠪᠤᠳᠠᠭ | ᠳ᠋ᠦᠩᠬᠡᠷ ᠠᠪᠤᠭᠠᠢ ᠬᠤᠳᠠᠯᠴᠢ ᠲᠤᠮᠰᠤᠨ ᠳᠤ ᠬᠠᠷᠢᠭᠤᠯᠬᠤ ᠳᠠᠭᠠᠨ᠄ ︽ᠦᠨᠡᠨ ᠢᠶᠠᠷ ᠨᠢ ᠵᠦᠪ ᠰᠠᠶᠢᠬᠠᠨ ᠪᠢᠴᠢᠪᠡᠯ | ᠵᠦᠭᠡᠷ ᠶᠠᠭᠤᠮᠠ ᠪᠤᠯᠬᠤ ᠪᠠᠶᠢᠬᠠ︾ ᠭᠡᠰᠡᠨ ᠶᠣᠮ᠃ ᠦᠨᠦ ᠡᠨᠡ ᠦᠭᠡ ᠶᠢ ᠪᠠᠭᠠᠨ ᠬᠤᠪᠢᠷᠠᠭᠤᠯᠵᠦ ᠬᠡᠯᠡᠮᠡᠷ | ᠪᠠᠶᠢᠨᠠ᠄ ᠦᠨᠡᠨ ᠢᠶᠠᠷ ᠨᠢ ᠵᠦᠪ ᠰᠠᠶᠢᠬᠠᠨ ᠬᠡᠯᠡᠪᠡᠯ ᠨᠤᠮ ᠤᠩᠰᠢᠬᠤ ᠲᠤᠬᠠᠢ ᠪᠠᠭᠠᠨ ᠬᠡᠷᠡᠭᠴᠡᠭᠡ ᠲᠠᠢ ᠤᠴᠢᠷ | ᠬᠡᠯᠡᠵᠦ ᠭᠠᠷᠭᠠᠵᠦ ᠮᠡᠳᠡᠨᠡ᠃ | ᠡᠩ ᠲᠦᠷᠦᠬᠦᠨ ᠳᠤ ᠪᠢ ᠤᠯᠠᠨ ᠨᠤᠮ ᠤᠩᠰᠢᠬᠰᠡᠨ ᠬᠦᠮᠦᠰ ᠤᠨ ᠲᠤᠭᠠᠨ ᠳᠤ ᠠᠷᠠᠢ ᠪᠠᠭᠲᠠᠬᠤ ᠦᠭᠡᠢ | ᠪᠠᠶᠢᠬᠠ ᠭᠡᠰᠡᠨ ᠪᠣᠲᠣᠯ ᠢᠶᠠᠨ ᠬᠡᠯᠡᠶᠡ᠃ ᠪᠠᠭᠰᠢᠯᠠᠵᠦ ᠪᠠᠶᠢᠬᠤ ᠳᠠᠭᠠᠨ ᠦᠷᠬᠦᠯᠵᠢ ᠨᠤᠮ ᠤᠩᠰᠢᠳᠠᠭ ᠬᠡᠲᠦᠨ | ᠬᠦᠮᠦᠨ ᠤ ᠨᠦᠯᠦ᠋ᠭᠡ ᠪᠠᠷ ᠡᠳᠦᠢ ᠲᠡᠳᠦᠢ ᠨᠤᠮ ᠤᠩᠰᠢᠵᠠᠢ᠃ ᠬᠤᠵᠢᠮ ᠨᠢ ᠠᠵᠢᠯ ᠰᠢᠯᠵᠢᠭᠡᠳ ᠡᠯᠳᠡᠪ ᠡᠰᠡᠨ | ᠮᠠᠲ᠋ᠧᠷᠢᠶᠠᠯ ᠡᠷᠢᠶᠡᠴᠢᠵᠦ ᠰᠠᠭᠤᠬᠰᠠᠨ ᠠᠴᠠ ᠬᠤᠶᠢᠰᠢ ᠨᠤᠮ ᠤᠩᠰᠢᠬᠤ ᠴᠠᠭ ᠲᠤᠩ ᠪᠠᠭᠠ ᠪᠤᠯᠵᠠᠢ᠃ ᠨᠡᠩ ᠴᠤ | ᠤᠳᠤ ᠪᠤᠯ ᠪᠠᠭᠠ ᠰᠠᠭᠠ ᠶᠠᠭᠤᠮᠠ ᠤᠷᠴᠢᠭᠤᠯᠵᠦ ᠰᠠᠭᠤᠬᠤ ᠠᠴᠠ ᠤᠨᠳᠤᠤ ᠶᠠᠭᠤ ᠴᠤ ᠤᠩᠰᠢᠵᠦ ᠤᠷᠤᠬᠤ ᠦᠭᠡᠢ | ᠪᠣᠯᠪᠠ᠃ | ᠮᠢᠨᠤ ᠨᠤᠮ ᠤᠩᠰᠢᠬᠰᠠᠨ ᠶᠡᠷᠦᠩᠬᠡᠢ ᠪᠠᠶᠢᠳᠠᠯ ᠢᠶᠠᠨ ᠡᠷᠬᠢᠴᠡᠬᠦᠯᠪᠡᠯ᠄ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠱᠠᠳᠦᠨ ᠳᠤ ᠪᠤᠯ | ᠨᠢᠭᠡ ᠭᠡᠳᠦᠨ ᠬᠡᠤᠭᠡᠳ ᠤᠨ ᠵᠢᠷᠤᠬᠲᠦ ᠨᠤᠮ᠂ ︽ᠴᠤᠮᠤᠷᠯᠢᠭ︾ ︽ᠨᠠᠬᠢᠶᠠ︾ ᠠᠴᠠ ᠦᠭᠡᠷᠡ ᠭᠠᠪᠢᠬᠰᠠᠨ ᠵᠦᠢᠯ | ᠦᠭᠡᠢ᠃ | ᠠᠩᠬᠠ ᠲᠤᠮᠳᠠᠳᠦ ᠶᠢᠨ ᠦᠶᠡ ᠳᠤ ᠲᠤᠭᠠᠨ ᠤ ᠬᠢᠴᠢᠶᠡᠯ᠂ ᠹᠢᠽᠢᠺ ᠤᠨ ᠬᠢᠴᠢᠶᠡᠯ ᠲᠡᠭᠡᠷᠡ ᠨᠢᠭᠤᠵᠦ | ᠵᠡᠪᠰᠡᠭ ᠤᠨ ᠡᠷᠳᠡᠮ ᠤᠨ ᠦᠯᠢᠭᠡᠷ ᠦᠵᠡᠳᠡᠭ ᠪᠠᠶᠢᠯᠠ᠃ ᠲᠡᠭᠡᠭᠡᠳ ᠰᠤᠩᠭᠤᠳᠠᠭ ᠨᠤᠮ ᠶᠠᠭᠤ ᠭᠡᠵᠦ ᠲᠡᠮᠡᠢ | ᠴᠡᠬᠡᠵᠢᠯᠡᠭᠰᠡᠨ ᠦᠭᠡᠢ᠃ ᠬᠠᠷᠢᠨ ︽ᠬᠤᠶᠠᠳᠠᠬᠢ ᠠᠭᠤᠯᠵᠠᠯᠲᠠ︾ ︽ᠮᠤᠷᠢ ᠤᠨᠤᠬᠰᠠᠨ ᠲᠤᠯᠤᠭᠠᠢ ᠦᠭᠡᠢ ᠬᠦᠮᠦᠨ | ︾ ︽ᠠᠩᠬᠢ ᠶᠢᠨ ᠡᠷᠬᠢᠯᠡᠭᠴᠢ︾ ᠵᠡᠷᠭᠡ ᠶᠢ ᠯᠡ ᠴᠡᠭᠡᠵᠢᠯᠡᠵᠦ ᠪᠠᠶᠢᠨᠠ᠃ | ᠦᠨᠳᠦᠷ ᠲᠤᠮᠳᠠᠳᠦ ᠳᠤ ᠤᠷᠤᠭᠠᠳ ᠷᠤᠮᠠᠨᠲ᠋ᠢᠭ ᠬᠠᠶᠢᠷᠠ ᠲᠤᠷᠠᠯᠠᠯ ᠤᠨ ᠬᠠᠮᠢᠶᠠ ᠲᠠᠢ ᠨᠤᠮ ᠨᠡᠯᠢᠶᠡᠳ ᠤᠩᠰᠢᠵᠠᠢ | ᠃ ︽ᠴᠠᠢ ᠶᠢᠨ ᠴᠡᠴᠡᠭᠲᠦ ᠠᠪᠠᠭᠠᠢ︾ ︽ᠤᠯᠠᠭᠠᠨ ᠤ ᠬᠢᠨ ᠪᠠ ᠬᠠᠷᠠ ᠶᠢᠨ ᠬᠢᠨ︾ ᠁ ᠵᠡᠷᠭᠡ᠃ ᠢᠩᠬᠢᠭᠡᠳ | ᠪᠠᠷᠤᠭ ᠯᠡ ᠬᠡᠢ ᠰᠤᠯᠢᠶᠠ ᠤᠷᠤᠬᠰᠠᠨ ᠶᠤᠮ ᠤᠤ ᠡᠰᠡᠬᠦᠯᠡ ᠰᠡᠳᠭᠢᠯᠭᠡ ᠶᠢᠨ ᠡᠮᠵᠡᠭᠯᠡᠯ ᠭᠠᠵᠢᠳᠠᠯ ᠭᠠᠷᠤᠬᠰᠠᠨ ᠴᠤ | ᠶᠤᠮ ᠤᠤ︖ ᠪᠤᠤ ᠮᠡᠳᠡ᠃ ᠶᠠᠭᠤ ᠴᠤ ᠭᠡᠰᠡᠨ ᠬᠤᠵᠢᠮ ᠨᠢ ᠢᠨᠠᠭ ᠬᠤᠩᠭᠤᠷ ᠰᠤᠩᠭᠤᠬᠤ ᠪᠤᠶᠤ ᠠᠮᠢᠳᠤᠷᠠᠯ | ᠤᠷᠤᠭ ᠢ ᠠᠳᠠᠪᠠᠰᠢ ᠮᠠᠭᠤᠬᠠᠢ ᠪᠠᠷ ᠨᠦᠯᠦ᠋ᠭᠡᠯᠡᠵᠠᠢ᠃ ᠲᠡᠭᠡᠬᠦᠯᠡᠷ ᠰᠤᠩᠭᠤᠳᠠᠭ ᠪᠦᠳᠦᠭᠡᠯ ᠪᠦᠬᠦᠨ ᠵᠠᠪᠠᠯ ᠡᠷᠳᠡᠨᠢ | ᠪᠢᠰᠢ᠂ ᠶᠠᠭ ᠰᠠᠶᠢᠨ ᠡᠮ ᠪᠦᠬᠦᠨ ᠢ ᠲᠤᠷᠠ ᠪᠠᠷ ᠢᠳᠡᠵᠦ ᠪᠤᠯᠬᠤ ᠦᠭᠡᠢ ᠲᠠᠢ ᠠᠪ ᠠᠳᠠᠯᠢᠬᠠᠨ ᠶᠤᠰᠤ᠃ | ᠰᠤᠷᠤᠬᠴᠢ ᠨᠠᠰᠤᠨ ᠳᠤ ᠪᠠᠭᠰᠢ ᠶᠢᠨ ᠲᠠᠭᠠᠭᠤᠯᠭᠠ ᠲᠤᠤᠷᠠ᠂ ᠵᠤᠷᠢᠭ ᠡᠷᠴᠢᠯᠡᠬᠦ᠂ ᠰᠡᠳᠭᠢᠯ ᠵᠦᠭᠰᠢᠷᠡᠬᠦᠯᠬᠦ᠂ | ᠰᠠᠨᠠᠭᠠ ᠰᠠᠷᠠᠭᠤᠯᠵᠢᠭᠤᠯᠬᠤ ᠡᠳᠦᠢ ᠲᠡᠳᠦᠢ ᠨᠤᠮ ᠤᠩᠰᠢᠪᠠᠯ ᠪᠤᠯᠴᠢᠬᠠᠨᠠ᠃ ᠵᠢᠵᠢᠭᠬᠡᠨ ᠬᠡᠷᠡᠭ ᠤᠴᠢᠷ ᠠᠴᠠ | ᠠᠮᠢᠳᠤᠷᠠᠯ ᠤᠨ ᠬᠦᠨ ᠤᠬᠠᠭᠠᠯᠢᠭ ᠶᠤᠰᠤ ᠤᠬᠠᠭᠠᠨ ᠢ ᠰᠡᠷᠡᠬᠦ ᠲᠡᠶᠢᠮᠦᠬᠡᠨ ᠮᠠᠶ᠋ᠢ ᠤᠨ ᠵᠤᠬᠢᠶᠠᠯ ᠲᠤᠬᠢᠷᠠᠨᠠ ᠭᠡᠵᠦ | ᠪᠤᠳᠤᠨᠠ᠃ ᠡᠷᠢᠶᠡᠨ ᠪᠠᠷᠠᠭᠠᠨ ᠨᠡᠶᠢᠭᠡᠮ᠂ ᠡᠯᠳᠡᠪ ᠡᠰᠡᠨ ᠦᠵᠡᠯ᠂ ᠡᠰᠢ ᠶᠤᠰᠤᠨ ᠤ ᠬᠦᠯᠢᠶᠡᠰᠦ ᠁ ᠭᠡᠳ | ᠲᠤᠬᠢᠷᠠᠬᠤ ᠦᠭᠡᠢ ᠨᠤᠮ ᠵᠠᠬᠠ ᠠᠴᠠ ᠪᠠᠨ ᠠᠪᠤᠭᠠᠳ ᠤᠯᠠᠨ᠃ ᠵᠠᠷᠢᠮ ᠨᠤᠮ ᠵᠦᠪᠭᠡᠨ ᠲᠤᠰᠬᠠᠢ ᠬᠠᠨᠳᠤᠰᠢ | ᠴᠢᠭᠯᠡᠯ ᠢᠶᠠᠷ ᠤᠩᠰᠢᠳᠠᠭ ᠬᠦᠮᠦᠨ ᠳᠤ ᠰᠠᠶ᠋ᠢ ᠲᠤᠬᠢᠷᠠᠨᠠ᠃ ᠬᠡᠳᠦ ᠡᠷᠳᠡ ᠤᠩᠰᠢᠪᠠᠯ ᠬᠡᠷᠡᠭ ᠲᠦᠪᠡᠭ ᠪᠤᠯᠴᠢᠬᠠᠳᠠᠭ | ᠃ | ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠭᠠᠳ ᠶᠠᠭᠤ ᠰᠤᠳᠤᠯᠤᠨᠠ᠂ ᠶᠠᠮᠠᠷ ᠴᠢᠭᠯᠡᠯ ᠢᠶᠠᠷ ᠠᠵᠢᠯᠯᠠᠨᠠ ᠭᠡᠳᠡᠭ ᠰᠠᠨᠠᠭᠠ | ᠵᠤᠷᠢᠯᠲᠠ ᠪᠠᠶᠢᠬᠰᠠᠨ ᠦᠭᠡᠢ ᠲᠤᠯᠠ ᠴᠤᠬᠤᠮ ᠰᠠᠨᠠᠭᠠᠨ ᠲᠤᠷᠠ ᠪᠠᠷ᠂ ᠬᠠᠨᠳᠤᠯᠭᠠ ᠦᠭᠡᠢ ᠪᠠᠷ ᠤᠩᠰᠢᠵᠦ ᠦᠴᠢᠨᠡᠨ | ᠲᠦᠴᠢᠨᠡᠨ ᠴᠠᠭ ᠢ ᠪᠠᠷᠠᠭᠠᠵᠠᠢ᠃ ᠬᠠᠷᠢᠨ ᠰᠠᠨᠠᠭᠠᠨ ᠳᠤ ᠦᠭᠡᠢ ᠪᠠᠷ ᠤᠩᠰᠢᠬᠰᠠᠨ ᠵᠠᠷᠢᠮ ᠨᠤᠮ ᠪᠠᠰᠠ ᠵᠦᠭᠡᠷ | ᠤᠯᠤᠯᠲᠠ ᠲᠦᠷᠦᠭᠳᠡᠯ ᠦᠭᠭᠦᠭᠰᠡᠨ ᠴᠤ ᠪᠤᠢ᠃ ᠡᠬᠦᠨ ᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠡᠬᠦᠳᠡᠨ ᠲᠡᠭᠡᠷᠡ ᠰᠤᠯᠠ ᠪᠠᠷ | ᠬᠤᠳᠠᠯᠳᠦᠵᠦ ᠪᠠᠶᠢᠬᠰᠠᠨ ᠬᠤᠶᠠᠷ ᠨᠤᠮ ᠨᠠᠳᠠ ᠶᠡᠭᠡ ᠰᠠᠭᠤᠬᠳᠠᠯ ᠲᠠᠢ ᠪᠠᠶᠢᠨᠠ᠃ ᠨᠢᠭᠡ ᠨᠢ ᠪᠠᠷᠤᠭ ᠶᠠ᠊ · | ᠪᠠᠲᠤᠳᠠᠯᠠᠢ ᠶᠢᠨ ︽ᠲᠡᠭᠷᠢ ᠳᠡᠭᠡᠨ ᠦᠬᠦᠳᠡᠭ ᠰᠢᠪᠠᠭᠤ︾᠂ ᠨᠦᠬᠦᠭᠡ ᠨᠢ ᠠᠨ ᠰᠢᠨ ᠤ ᠪᠢᠴᠢᠭᠰᠡᠨ ︽ᠬᠠᠵᠢᠤᠬᠠᠢ︾ | ᠭᠡᠳᠡᠭ ᠬᠢᠳᠠᠳ ᠰᠢᠯᠦ᠋ᠭ ᠤᠨ ᠲᠡᠬᠦᠪᠦᠷᠢ ᠪᠠᠶᠢᠯᠠ᠃ ᠲᠦᠷᠦᠬᠦᠨ ᠤ ᠨᠤᠮ ᠨᠢ ᠰᠢᠯᠦ᠋ᠭ ᠭᠡᠳᠡᠭ ᠴᠢᠨᠢ ᠶᠠᠭᠤ ᠶᠢ ᠴᠤ | ᠪᠦᠷ ᠰᠢᠯᠦ᠋ᠭ ᠪᠤᠯᠭᠠᠵᠦ ᠪᠢᠴᠢᠵᠦ ᠪᠤᠯᠳᠠᠭ ᠶᠤᠮ ᠪᠠᠶᠢᠨᠠ ᠭᠡᠳᠡᠭ ᠢ ᠮᠡᠳᠡᠬᠦᠯᠵᠦ᠂ ᠤᠳᠠᠭᠠᠬᠢ ᠨᠤᠮ ᠨᠢ ᠮᠢᠨᠤᠬᠢ | ᠤᠨᠢᠰᠤᠭᠠ ᠲᠠᠭᠠᠭᠠᠵᠦ ᠪᠦᠲᠡᠬᠢ ᠰᠢᠯᠦ᠋ᠭ ᠰᠤᠳᠤᠯᠬᠤ ᠶᠢᠨ ᠡᠬᠢᠯᠡᠯᠲᠡ ᠪᠤᠯᠤᠬᠰᠠᠨ ᠪᠠᠶᠢᠳᠠᠯ ᠲᠠᠢ᠃ ᠡᠨᠡ ᠬᠤᠶᠠᠷ | ᠨᠤᠮ ᠢ ᠨᠢᠭᠡᠨ ᠴᠠᠭ ᠤᠨ ᠬᠡᠶᠢᠷᠭᠡᠯ ᠠᠴᠠ ᠪᠤᠯᠵᠦ᠂ ᠰᠢᠳᠦᠨ ᠵᠠᠪᠰᠠᠷ ᠢᠶᠠᠷ ᠢᠶᠠᠨ ᠠᠷᠪᠢᠯᠠᠬᠰᠠᠨ ᠲᠤᠭᠠᠲᠠᠢ ᠬᠡᠳᠦᠨ | ᠮᠦᠩᠬᠦ ᠪᠠᠷ ᠢᠶᠠᠨ ᠬᠤᠳᠠᠯᠳᠦᠵᠦ ᠠᠪᠤᠬᠰᠠᠨ ᠪᠤᠯᠬᠤᠷ ᠨᠠᠷᠢᠨ ᠤᠩᠰᠢᠬᠰᠠᠨ ᠨᠢ ᠨᠢᠭᠡ ᠰᠢᠯᠳᠠᠭᠠᠨ ᠪᠠᠶᠢᠵᠦ ᠪᠤᠯᠤᠮᠠᠷ᠂ | ᠨᠦᠬᠦᠭᠡ ᠨᠢᠭᠡ ᠨᠢ ᠪᠠᠶᠢᠷᠢ ᠳᠤ ᠠᠪᠠᠴᠢᠭᠠᠳ ᠲᠡᠷᠡ ᠶᠢᠨ ᠬᠠᠵᠠᠭᠤᠳᠠ ᠲᠠᠯᠪᠢᠬᠰᠠᠨ ᠪᠠᠶᠢᠳᠠᠭ ᠢᠶᠠᠷ ᠦᠯᠦ᠋ᠰᠭᠦᠯᠡᠩ | ᠭᠠᠴᠢᠭ ᠲᠠᠢ ᠡᠳᠦᠷ ᠬᠠᠷᠭᠤᠪᠠᠯ ᠲᠦᠷ ᠴᠠᠭ ᠴᠤ ᠭᠡᠰᠡᠨ ᠮᠠᠷᠳᠠᠬᠤ ᠶᠢ ᠰᠠᠨᠠᠳᠠᠭ ᠢᠶᠠᠷ ᠨᠠᠷᠢᠨ ᠤᠩᠰᠢᠬᠳᠠᠬᠰᠠᠨ | ᠪᠠᠶᠢᠵᠦ ᠮᠠᠭᠠᠳ ᠶᠤᠮ᠃ ᠪᠠᠷᠤᠭ ᠰᠢᠯᠦ᠋ᠭ ᠪᠦᠷᠢ ᠶᠢ ᠬᠡᠳᠦᠨ ᠤᠳᠠᠭᠠ᠂ ᠱᠠᠳ ᠪᠦᠷᠢ ᠶᠢ ᠴᠡᠭᠡᠵᠢᠯᠡᠮᠡᠷ ᠪᠤᠯᠳᠠᠯᠠ | ᠤᠩᠰᠢᠵᠦ ᠪᠠᠶᠢᠵᠠᠢ᠃ ᠶᠠᠭᠤ ᠴᠤ ᠭᠡᠰᠡᠨ ᠰᠢᠯᠦ᠋ᠭ ᠡᠬᠢᠯᠡᠭᠡᠳ ᠤᠩᠰᠢᠬᠰᠠᠨ ᠪᠤᠯᠬᠤᠷ ᠴᠢᠨᠠᠬᠰᠢ ᠨᠢ ᠰᠢᠯᠦ᠋ᠭ | ᠪᠢᠴᠢᠬᠦ ᠶᠢ ᠰᠠᠨᠠᠵᠦ᠂ ᠰᠢᠯᠦ᠋ᠭ ᠪᠢᠴᠢᠬᠦ ᠶᠢ ᠰᠠᠨᠠᠬᠰᠠᠨ ᠠᠴᠠ ᠰᠢᠯᠦ᠋ᠭ ᠪᠢᠴᠢᠳᠡᠭ ᠬᠦᠮᠦᠰ ᠢ ᠪᠠᠭᠰᠢ ᠪᠠᠷᠢᠵᠦ ᠡᠷᠢᠵᠦ | ᠬᠦᠶᠦᠬᠦ ᠪᠤᠯᠵᠠᠢ᠃ | ᠬᠠᠮᠤᠭ ᠲᠦᠷᠦᠬᠦᠨ ᠳᠤ ︽ᠦᠪᠦᠷ ᠮᠤᠩᠭᠤᠯ ᠤᠨ ᠡᠳᠦᠷ ᠤᠨ ᠰᠤᠨᠢᠨ ᠤ ᠬᠤᠷᠢᠶᠠ︾ ᠶᠢᠨ ᠲ᠊ · ᠰᠡᠴᠡᠨ | ᠪᠠᠭᠰᠢ ᠲᠠᠢ ᠲᠠᠨᠢᠯᠴᠠᠵᠦ᠂ ᠰᠢᠯᠦ᠋ᠭ ᠪᠢᠴᠢᠬᠦ ᠶᠢ ᠰᠤᠷᠤᠨᠠ ᠭᠡᠵᠦ ᠱᠠᠪᠢ ᠤᠷᠤᠬᠤ ᠪᠠᠷ ᠭᠤᠶᠤᠬᠰᠠᠨ ᠪᠠᠶᠢᠨᠠ᠃ ᠨᠠ᠊ | · ᠦᠯᠵᠡᠶᠢᠳᠡᠯᠭᠡᠷ ᠪᠠᠭᠰᠢ ᠶᠢᠨ ᠤᠷᠤᠰᠤᠮᠠ ᠤᠶᠠᠩᠭᠠᠯᠢᠭ ᠰᠢᠯᠦ᠋ᠭ ᠢᠶᠠᠨ ᠨᠠᠮᠪᠠᠲᠠᠶᠢᠬᠠᠨ ᠤᠩᠰᠢᠵᠦ | ᠰᠤᠨᠢᠷᠬᠠᠭᠤᠯᠬᠤ ᠳᠤ ᠶᠡᠭᠡ ᠯᠡ ᠰᠠᠶᠢᠬᠠᠨ ᠰᠤᠨᠤᠰᠴᠦ᠂ ᠠᠷᠠᠵᠠ ᠬᠤᠷᠠᠵᠠ ᠠᠮᠰᠠᠬᠰᠠᠨ ᠮᠡᠳᠦ ᠠᠭᠠᠭ ᠲᠠᠢ ᠰᠠᠶᠢᠬᠠᠨ | ᠰᠠᠨᠠᠬᠳᠠᠵᠦ ᠪᠠᠶᠢᠵᠠᠢ᠃ ᠲᠡᠭᠡᠳᠡᠯᠡ ᠲᠤᠷᠤᠨᠠᠲ᠋ᠡᠭᠷᠢ ᠪᠠᠭᠰᠢ ᠶᠢᠨ ︽ᠠᠩᠬᠢᠯᠦ᠋ᠮᠠ ᠦᠨᠦᠷᠲᠦ ᠴᠠᠭ ᠮᠦᠴᠡ︾ | ᠭᠡᠪᠯᠡᠭᠳᠡᠨ ᠭᠠᠷᠴᠦ ᠢᠷᠡᠭᠡᠳ ᠨᠢᠭᠡ ᠨᠤᠮ ᠤᠯᠤᠬᠰᠠᠨ ᠲᠤᠯᠠ ᠪᠠᠰᠠᠯᠠ ᠲᠡᠷᠡ ᠶᠢᠨ ᠬᠠᠵᠠᠭᠤ ᠳᠠᠭᠠᠨ ᠲᠠᠯᠪᠢᠵᠦ | ᠰᠤᠳᠤᠯᠤᠭᠠᠳ ᠡᠬᠢᠯᠡᠵᠠᠢ᠃ ᠡᠳᠡᠭᠡᠷ ᠰᠢᠯᠦ᠋ᠭ ᠢ ᠤᠩᠰᠢᠬᠤ ᠳᠤ ᠠᠷᠠᠵᠠ ᠬᠤᠷᠠᠵᠠ ᠰᠠᠨᠠᠬᠳᠠᠬᠰᠠᠨ ᠦᠭᠡᠢ᠂ ᠬᠠᠷᠢᠨ | ᠬᠠᠩᠬᠤᠯᠤᠮᠠ ᠰᠠᠶᠢᠬᠠᠨ ᠰᠢᠷᠠᠩᠭᠤᠢ ᠨᠤᠭᠤᠭᠠᠨ ᠯᠦ᠋ᠩᠵᠢᠩ ᠴᠠᠢ ᠪᠤᠳᠤᠬᠳᠠᠵᠦ᠂ ᠠᠭᠠᠭ ᠲᠡᠰ ᠦᠭᠡᠢ | ᠪᠠᠶᠢᠳᠠᠯᠠ ᠪᠠᠨ ᠰᠤᠬᠳᠤᠭᠠᠵᠦ ᠪᠠᠶᠢᠮᠠᠷ ᠰᠠᠨᠠᠬᠳᠠᠭᠤᠯᠵᠠᠢ᠃ ᠤᠯᠠᠨ ᠰᠢᠯᠦ᠋ᠭ ᠤᠨ ᠲᠡᠪᠳᠡᠷ ᠰᠤᠨᠢᠷᠬᠠᠨ ᠰᠢᠯᠦ᠋ᠭ | ᠪᠢᠴᠢᠵᠦ ᠤᠷᠤᠯᠳᠤᠵᠦ ᠪᠠᠶᠢᠬᠰᠠᠨ ᠦᠩᠭᠡᠷᠡᠯᠳᠡ ᠨᠢ ᠨᠠᠮᠠᠶ᠋ᠢ ᠬᠤᠵᠢᠮ ᠨᠢ ᠨᠠᠶᠢᠷᠠᠭᠤᠯᠤᠯ ᠡᠬᠢᠯᠡᠵᠦ ᠪᠢᠴᠢᠬᠦ | ᠪᠤᠯᠬᠤ ᠳᠤ ᠦᠭᠡ ᠬᠡᠯᠡᠯᠭᠡ ᠶᠢᠨ ᠰᠢᠷᠭᠠᠭᠠᠯᠳᠠ ᠶᠢᠨ ᠲᠠᠯᠠ ᠪᠠᠷ ᠶᠡᠬᠡᠬᠡᠨ ᠲᠤᠰᠠ ᠲᠡᠮ ᠪᠤᠯᠤᠬᠰᠠᠨ ᠪᠢᠯᠡ᠃ | ᠬᠤᠵᠢᠮ ᠨᠢ ᠰᠢᠯᠦ᠋ᠭ ᠪᠢᠴᠢᠬᠦ ᠲᠤᠳᠤᠮ ᠪᠡᠶᠡ ᠪᠠᠨ ᠭᠤᠯᠤᠳᠠᠭ ᠪᠤᠯᠵᠦ᠂ ᠪᠠᠰᠠ ᠨᠢᠭᠡ ᠬᠠᠮᠳᠤ ᠰᠤᠷᠤᠬᠴᠢ ᠨᠠᠮᠠᠶ᠋ᠢ | ᠰᠦᠯᠵᠢᠶᠡᠨ ᠲᠡᠭᠡᠷᠡ ︽ᠴᠢ ᠰᠢᠯᠦ᠋ᠭ ᠪᠢᠴᠢᠬᠦ ᠬᠦᠮᠦᠨ ᠪᠢᠰᠢ᠂ ᠬᠠᠷᠢᠨ ᠨᠠᠶᠢᠷᠠᠭᠤᠯᠤᠯ ᠢᠶᠠᠨ ᠰᠠᠶᠢᠬᠠᠨ ᠪᠢᠴᠢᠴᠢᠬᠡ︕ | ︾ ᠭᠡᠰᠡᠨ ᠳᠤ ᠪᠢ ᠴᠢᠨᠢ ᠢᠨᠠᠭ ᠬᠤᠩᠭᠤᠷ ᠢᠶᠠᠨ ᠨᠠᠶᠢᠵᠢ ᠳᠠᠭᠠᠨ ᠪᠤᠯᠢᠶᠠᠬᠳᠠᠬᠰᠠᠨ ᠰᠢᠭ ᠵᠤᠪᠠᠵᠦ᠂ ᠠᠷᠭᠠ ᠪᠤᠰᠤ | ᠰᠢᠯᠦ᠋ᠭ ᠪᠢᠴᠢᠬᠦ ᠪᠠᠨ ᠵᠤᠬᠰᠤᠵᠠᠢ᠃ ᠬᠤᠵᠢᠮ ᠨᠢ ᠨᠠ᠊ · ᠰᠤᠩᠳᠤᠢ ᠶᠢᠨ ︽ᠬᠠᠶᠢᠷᠠ ᠶᠢᠨ ᠰᠢᠬᠦᠳᠡᠷᠢ︾ ᠶᠢ | ᠲᠠᠭᠤᠷᠢᠶᠠᠵᠦ᠂ ᠰᠤᠳᠨᠠᠮ ᠪᠠᠭᠰᠢ ᠶᠢᠨ ︽ᠨᠠᠷᠠᠨ ᠤ ᠲᠤᠤᠷᠠ︾ ᠶᠢ ᠪᠠᠭᠠᠷᠬᠠᠵᠦ ᠪᠠᠶᠢᠬᠰᠠᠭᠠᠷ᠂ ᠨᠠᠶᠢᠷᠠᠭᠤᠯᠤᠯ | ᠤᠩᠰᠢᠵᠦ᠂ ᠵᠤᠬᠢᠶᠠᠨ ᠪᠦᠳᠦᠭᠡᠵᠦ ᠡᠬᠢᠯᠡᠵᠠᠢ᠃ | | | |