| ᠠᠯᠲᠠᠨᠴᠡᠴᠡᠭ ᠨᠠᠰᠤᠲᠠᠨ ᠪᠣᠯ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠬᠠᠭᠠᠯᠭᠠ ᠰᠤᠮᠤᠨ ᠤ | ᠪᠠᠶᠠᠨᠨᠠᠭᠤᠷ ᠭᠠᠴᠠᠭᠠᠨ ᠤ ᠤᠤᠭᠠᠯ᠃ 70 ᠨᠠᠰᠤ ᠶᠢ ᠳᠥᠬᠦᠵᠦ ᠶᠠᠪᠤᠭᠠ ᠡᠨᠡ ᠨᠠᠰᠤᠲᠠᠨ ᠪᠠᠭᠠ ᠠᠴᠠ ᠪᠠᠨ | ᠬᠢᠯᠭᠠᠰᠤ ᠲᠠᠮᠤᠵᠤ ᠰᠤᠷᠤᠨ ᠣᠶᠣᠳᠠᠯ ᠬᠢᠳᠡᠯ ᠳᠤ ᠣᠷᠣᠭᠰᠠᠨ ᠢᠶᠠᠨ ᠣᠳᠣ ᠪᠤᠯᠲᠠᠯᠠ ᠮᠥᠨ ᠯᠠ ᠬᠢᠯᠭᠠᠰᠤ | ᠨᠣᠣᠯᠣᠭᠤᠷ ᠢᠶᠠᠷ ᠣᠯᠣᠩ ᠣᠭᠤᠰᠣᠷ ᠲᠠᠮᠤᠵᠤ᠂ ᠨᠢᠭᠡᠨᠲᠡ 19000 ᠣᠯᠣᠩ ᠣᠶᠣᠵᠤ ᠪᠣᠷᠣᠯᠠᠭᠤᠯᠤᠭᠰᠠᠨ | ᠭᠡᠳᠡᠭ ᠢ ᠰᠣᠷᠪᠤᠯᠵᠢᠯᠠᠭᠠ ᠶᠢᠨ ᠳᠤᠮᠳᠠ ᠪᠠᠨ ᠣᠶᠢᠯᠠᠭᠠᠭᠰᠠᠨ ᠶᠤᠮ᠃ | ᠠᠯᠲᠠᠨᠴᠡᠴᠡᠭ ᠨᠠᠰᠤᠲᠠᠨ ᠠᠳᠤᠭᠤᠨ ᠤ ᠳᠡᠯ ᠰᠡᠭᠦᠯ᠂ ᠲᠡᠮᠡᠭᠡᠨ ᠤ ᠤᠩᠭᠠᠰᠤ ᠵᠡᠷᠭᠡ ᠢᠢ ᠬᠥᠳᠡᠭᠡ ᠠᠴᠠ | ᠬᠤᠳᠠᠯᠳᠤᠨ ᠠᠪᠴᠤ ᠪᠡᠯᠡᠳᠬᠡᠵᠦ᠂ ᠲᠡᠮᠡᠭᠡᠨ ᠤᠩᠭᠠᠰᠤ ᠪᠠᠷ ᠢᠶᠠᠨ ᠤᠲᠠᠰᠤ ᠡᠭᠡᠷᠡᠬᠦ᠂ ᠬᠢᠯᠭᠠᠰᠤ ᠪᠠᠨ ᠤᠷᠠᠵᠤ | ᠲᠦᠳᠡᠭᠯᠡᠵᠦ ᠬᠢᠯᠭᠠᠰᠤᠨ ᠳᠡᠭᠡᠰᠦ ᠲᠠᠮᠤᠬᠤ ᠵᠡᠷᠭᠡ ᠠᠵᠢᠯ ᠤᠳ ᠢ ᠠᠯᠬᠤᠮ ᠳᠠᠷᠠᠭᠠ ᠲᠠᠢ ᠬᠢᠬᠦ ᠠᠴᠠ ᠭᠠᠳᠠᠨᠠ | ᠪᠠᠰᠠ ᠲᠡᠷᠯᠢᠭ ᠳᠡᠪᠡᠯ ᠣᠶᠣᠬᠤ᠂ ᠠᠷᠠᠰᠤ ᠰᠢᠷᠢ ᠢᠳᠡᠭᠡᠯᠡᠵᠦ ᠱᠡᠤᠯᠡᠬᠦ᠂ ᠡᠯᠳᠡᠵᠦ ᠤᠲᠤᠬᠤ ᠭᠡᠬᠦ ᠮᠡᠲᠦ ᠶᠢᠨ | ᠠᠵᠢᠯ ᠢ ᠪᠦᠬᠦᠨ ᠢ ᠥᠪᠡᠷ ᠲᠡᠭᠡᠨ ᠬᠢᠳᠡᠭ᠃ ᠡᠭᠦᠨ ᠳᠤ ᠳᠡᠪᠡᠯ ᠲᠡᠷᠯᠢᠭ ᠡᠰᠬᠡᠵᠦ ᠣᠶᠣᠬᠤ᠂ ᠡᠮᠵᠢᠬᠦ᠂ ᠬᠠᠪᠤᠬᠤ᠂ | ᠬᠦᠪᠦᠷᠢᠳᠬᠦ᠂ ᠱᠠᠭᠯᠠᠬᠤ ᠵᠡᠷᠭᠡ ᠢᠢ ᠵᠠᠯᠠᠭᠤ ᠬᠥᠮᠥᠰ ᠠᠴᠠ ᠳᠤᠲᠠᠭᠤ ᠦᠭᠡᠢ ᠬᠢᠳᠡᠭ ᠪᠢᠯᠡ᠃ ᠲᠡᠷᠡ ᠢᠰᠡᠭᠡᠢ | ᠤᠷᠠᠯᠠᠯ ᠤᠨ ᠵᠦᠢᠯ ᠢ ᠴᠤ ᠰᠠᠶᠢᠬᠠᠨ ᠬᠢᠳᠡᠭ ᠪᠠᠶᠢᠵᠤ᠂ ᠰᠢᠷᠢᠳᠡᠭ ᠰᠢᠷᠢᠭᠦ᠂ ᠠᠶᠠᠭᠠᠨ ᠲᠠᠭᠠᠷᠴᠤᠭ᠂ ᠰᠠᠭᠤᠳᠠᠯ ᠤᠨ | ᠳᠡᠪᠢᠰᠬᠡᠷ ᠵᠡᠷᠭᠡ ᠢᠰᠡᠭᠡᠢ ᠰᠢᠷᠢᠮᠡᠯ ᠤᠨ ᠲᠦᠷᠦᠯ ᠢ ᠬᠢᠵᠦ ᠤᠷᠠᠯᠠᠳᠠᠭ᠃ ︽ᠥᠪᠡᠷ ᠤᠨ ᠳᠤᠷᠠ ᠪᠠᠭ᠋ᠠᠲᠠᠢ | ᠠᠵᠢᠯ ᠢᠶᠠᠨ ᠦᠷᠭᠦᠯᠵᠢ ᠬᠢᠵᠦ ᠪᠠᠶᠢᠪᠠᠯ ᠪᠡᠶᠡ ᠲᠡᠩᠬᠡᠭᠡ ᠤᠯᠠᠮ ᠰᠠᠶᠢᠵᠢᠷᠠᠵᠤ᠂ ᠤᠷᠮᠠ ᠵᠣᠷᠢᠭ ᠬᠥᠭᠵᠢᠵᠦ᠂ ᠴᠤᠭ | ᠵᠣᠯᠢ ᠨᠡᠮᠡᠭᠳᠡᠬᠦ ᠶᠤᠮ︾ ᠬᠡᠮᠡᠨ ᠠᠯᠲᠠᠨᠴᠡᠴᠡᠭ ᠨᠠᠰᠤᠲᠠᠨ ᠪᠠᠶᠠᠷ ᠲᠠᠢ ᠶᠠᠷᠢᠵᠤ ᠪᠠᠶᠢᠯᠠ᠃ | ︽ᠣᠯᠣᠩ ᠡᠵᠢ︾ ᠪᠣᠯ ᠭᠠᠷ ᠤᠷᠠᠨ ᠮᠥᠷᠲᠡᠭᠡᠨ ᠰᠢᠨᠡ ᠶᠢ ᠡᠭᠦᠳᠬᠦ ᠰᠡᠳᠬᠢᠴᠡ ᠲᠠᠢ ᠨᠠᠰᠤᠳᠠᠨ ᠶᠤᠮ᠃ | ᠲᠡᠭᠦᠨ ᠤ ᠭᠠᠷ ᠤᠷᠠᠯᠠᠯ ᠨᠢ ᠬᠢᠯᠭᠠᠰᠤᠨ ᠤᠷᠠᠯᠠᠯ ᠢᠶᠠᠷ ᠣᠨᠴᠠᠯᠢᠭᠳᠠᠵᠤ᠂ ᠣᠶᠣᠭᠰᠠᠨ ᠣᠯᠣᠩ ᠨᠢ ᠡᠷᠴᠢ ᠴᠢᠩᠭᠠ᠂ | ᠥᠩᠭᠡ ᠨᠢ ᠢᠯᠭᠤᠮ᠂ ᠨᠠᠷᠢᠨ ᠪᠦᠳᠦᠭᠦᠨ ᠨᠢ ᠵᠢᠭᠳᠡ ᠲᠡᠩᠴᠡᠭᠦᠬᠡᠨ᠂ ᠪᠥᠬᠡᠯᠢᠭ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠬᠤᠯᠠ | ᠣᠶᠢᠷᠠ ᠶᠢᠨ ᠬᠡᠷᠡᠭᠯᠡᠭᠴᠢᠳ ᠲᠤ ᠲᠠᠭᠠᠰᠢᠶᠠᠭᠳᠠᠵᠤ᠂ ᠭᠠᠳᠠᠨᠠ ᠠᠶᠢᠮᠠᠭ ᠬᠤᠲᠠ ᠶᠢᠨ ᠬᠥᠮᠥᠰ ᠴᠤ ᠲᠤᠰᠬᠠᠢ | ᠬᠠᠷᠢᠯᠴᠠᠵᠤ ᠪᠥᠭᠡᠮ ᠢᠶᠠᠷ ᠵᠠᠬᠢᠶᠠᠯᠠᠭᠠ ᠠᠪᠳᠠᠭ᠃ ᠣᠳᠣ ᠪᠤᠯᠲᠠᠯᠠ ᠠᠯᠲᠠᠨᠴᠡᠴᠡᠭ ᠡᠵᠢ ᠡᠮᠡᠭᠡᠯ ᠤᠨ ᠣᠯᠣᠩ | 19000 ᠭᠠᠷᠤᠢ ᠢᠢ ᠣᠶᠣᠵᠤ ᠪᠣᠷᠣᠯᠠᠭᠤᠯᠤᠨ᠂ ᠡᠨᠡ ᠵᠢᠯ ᠪᠦᠬᠦᠯᠢ 20000 ᠳᠤ ᠬᠦᠷᠭᠡᠨᠡ ᠭᠡᠵᠦ | ᠤᠷᠮᠠ ᠲᠠᠢ ᠶᠠᠷᠢᠵᠤ ᠪᠠᠶᠢᠯᠠ᠃ | ᠡᠳᠡᠭᠡᠷ ᠵᠢᠯ ᠤᠳ ᠲᠤ ᠠᠯᠲᠠᠨᠴᠡᠴᠡᠭ ᠡᠵᠢ ᠤᠯᠠᠨ ᠵᠦᠢᠯ ᠤᠨ ᠣᠶᠣᠳᠠᠯ ᠤᠷᠠᠯᠠᠯ ᠬᠢᠬᠦ ᠶᠢᠨ ᠳᠠᠭᠠᠤ ᠬᠤᠰᠢᠭᠤ | ᠠᠶᠢᠮᠠᠭ ᠤᠨ ᠤᠯᠠᠨ ᠤᠷᠤᠯᠳᠤᠭᠠᠨ ᠲᠡᠮᠡᠴᠡᠭᠡᠨ ᠳᠤ ᠤᠷᠤᠯᠴᠠᠵᠤ᠂ ᠤᠯᠠᠨ ᠰᠠᠶᠢᠬᠠᠨ ᠱᠠᠩᠨᠠᠯ ᠬᠥᠬᠢᠭᠦᠯᠦᠯ ᠣᠯᠵᠤ | ᠶᠠᠪᠤᠭᠠ ᠪᠢᠯᠡ᠃ ᠲᠡᠷᠡ ᠤᠳᠤ ᠥᠪᠡᠷ ᠤᠨ ᠤᠯᠠᠮᠵᠢᠯᠠᠯᠲᠤ ᠭᠠᠷ ᠤᠷᠠᠯᠠᠯ ᠤᠨ ᠰᠣᠶᠣᠯ ᠢᠶᠠᠨ ᠬᠡᠦᠬᠡᠳ | ᠳᠡᠭᠦᠦᠨᠡᠷ ᠲᠤ ᠪᠠᠨ ᠤᠯᠠᠮᠵᠢᠯᠠᠬᠤ ᠠᠵᠢᠯ ᠢ ᠴᠢᠬᠤᠯᠠᠴᠢᠯᠠᠵᠤ᠂ ᠵᠡᠭᠦᠨ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠤ ᠰᠤᠷᠭᠠᠭᠤᠯᠢ ᠪᠠᠷ | ᠤᠷᠢᠭᠳᠠᠵᠤ ᠬᠢᠯᠭᠠᠰᠤᠨ ᠤᠷᠠᠯᠠᠯ᠂ ᠢᠰᠡᠭᠡᠢ ᠰᠢᠷᠢᠮᠡᠯ ᠪᠣᠯᠣᠨ ᠰᠢᠯᠪᠢ ᠬᠠᠳᠠᠬᠤ᠂ ᠳᠡᠭᠡᠰᠦ ᠲᠠᠮᠤᠬᠤ ᠵᠡᠷᠭᠡ ᠵᠠᠩ | ᠦᠢᠯᠡ ᠶᠢᠨ ᠬᠢᠴᠢᠶᠡᠯ ᠬᠥᠮᠦᠵᠢᠯ ᠢ ᠬᠢᠵᠦ᠂ ᠮᠡᠯᠵᠢᠯ ᠰᠣᠶᠣᠯ ᠤᠨ ᠢᠶᠠᠨ ᠤᠯᠠᠮᠵᠢᠯᠠᠭᠴᠢ ᠪᠣᠯᠵᠤ ᠶᠠᠪᠤᠨᠠ᠃ |