| ᠡᠵᠢ ᠶᠢ ᠪᠠᠨ ᠭᠠᠳᠠᠨᠠ ᠠᠴᠠ ᠤᠷᠤᠵᠤ ᠢᠷᠡᠪᠡ ᠦᠦ ᠦᠭᠡᠢ ᠦᠦ ᠬᠦᠦ ᠪᠠᠶᠠᠷᠯᠠᠨ᠄ ︽ᠡᠵᠢ ᠡ᠂ ᠦᠨᠦᠳᠤᠷ | ᠮᠠᠨ ᠤ ᠴᠡᠴᠡᠷᠯᠢᠭ ᠲᠡᠭᠡᠷᠡ ᠶᠠᠭᠤ ᠪᠤᠯᠤᠭᠰᠠᠨ ᠭᠡᠵᠤ ᠪᠤᠳᠤᠵᠤ ᠪᠠᠶᠢᠨᠠ︖︾᠂ ︽ᠤᠳᠠᠰᠤ ᠪᠠᠷ ᠶᠠᠷᠢᠵᠤ | ᠪᠠᠶᠢᠭᠠ ᠶᠢ ᠮᠢᠨᠢ ᠬᠠᠷᠠᠬᠤ ᠦᠭᠡᠢ ᠪᠠᠶᠢᠨᠠ ᠦᠦ︖︾ ᠭᠡᠳ ᠯᠡ ᠡᠬᠢᠯᠡᠭᠦᠯᠪᠡ᠃ | ᠭᠦᠮᠦᠨ ᠪᠦᠷᠢ ᠶᠢᠨ ᠭᠢᠬᠦ ᠲᠤᠷᠠᠳᠠᠢ ᠵᠦᠢᠯ ᠦᠭᠡᠷᠡ ᠦᠭᠡᠷᠡ ᠪᠠᠶᠢᠳᠠᠭ᠃ ᠵᠢᠱᠢᠶᠡ ᠨᠢ ᠡᠵᠢ ᠤᠳᠠᠰᠤ ᠪᠠᠷ | ᠶᠠᠷᠢᠬᠤ ᠲᠤᠷᠠᠳᠠᠢ᠂ ᠠᠪᠤ ᠨᠢ ᠮᠠᠰᠢᠨ ᠳᠤ ᠲᠤᠷᠠᠳᠠᠢ᠃ ᠤᠳᠠᠰᠤ᠂ ᠮᠠᠰᠢᠨ ᠤ ᠲᠤᠬᠠᠢ ᠶᠠᠷᠢᠶᠠ ᠭᠠᠷᠬᠤ ᠳᠤ᠂ | ᠡᠭᠢᠯᠡᠳᠡᠭ ᠪᠦᠬᠦ ᠠᠵᠢᠯ ᠢ ᠬᠤᠶᠢᠰᠢᠯᠠᠭᠤᠯᠳᠠᠭ ᠪᠠᠶᠢᠯᠠ᠃ ᠪᠠᠰᠠ ᠭᠡᠷ ᠲᠤ ᠵᠤᠴᠢᠨ ᠢᠷᠡᠬᠦ ᠪᠤᠯᠬᠤ ᠳᠤ ᠬᠦᠦ ᠶᠢ ᠭᠡᠨ | ᠴᠦ ᠲᠤᠭᠤᠳᠠᠭ ᠦᠭᠡᠢ᠃ ᠶᠠᠭᠠᠭᠢᠯᠳᠠᠢ ᠴᠦ ᠪᠢᠯᠡ︕ ᠡᠵᠢ ᠨᠢ ᠤᠳᠠᠰᠤ ᠪᠠᠨ ᠬᠠᠭᠠᠯᠠ᠃ ᠬᠠᠷᠢᠨ ᠲᠠᠷᠠᠭᠠ ᠨᠢ | ᠭᠠᠯ ᠵᠤᠤᠬᠠᠨ ᠠᠴᠠ ᠰᠠᠪᠠ ᠰᠠᠭᠤᠯᠠᠭᠠ᠂ ᠬᠠᠯᠪᠠᠭᠠ ᠰᠡᠷᠡᠭᠡᠨ ᠤ ᠴᠢᠮᠡᠭᠡ ᠬᠠᠩᠭᠢᠨᠠᠵᠤ ᠡᠭᠢᠯᠡᠪᠡ᠃ ᠭᠦᠦ | ᠡᠵᠢ ᠶᠢᠨ ᠢᠶᠠᠨ ᠲᠡᠷᠭᠡᠳᠡ ᠭᠦᠶᠦᠵᠤ ᠤᠴᠢᠭᠠᠳ ᠬᠠᠶᠢᠷᠠ ᠭᠦᠷᠭᠡᠮᠡ ᠴᠢᠷᠠᠢ ᠭᠠᠷᠭᠠᠨ᠄ ︽ᠡᠵᠢ ᠲᠠᠨ ᠳᠤ | ᠲᠤᠰᠠᠯᠠᠬᠤ ᠦᠦ︖︾ ᠭᠡᠭᠦ ᠳᠤ ᠡᠵᠢ ᠨᠢ ᠶᠡᠭᠡ ᠯᠡ ᠨᠤᠬᠤᠴᠠᠳᠠᠢ ᠬᠠᠷᠠᠭᠰᠠᠨ ᠢᠶᠠᠨ᠄ ︽ᠵᠠ ᠬᠦ᠂ ᠴᠢ ᠴᠢᠨᠢ ᠶᠠᠮᠠᠷ | ᠭᠡᠷᠡᠭ ᠮᠠᠨᠳᠤᠭᠤᠯᠴᠢᠬᠠᠭᠠᠳ ᠡᠶᠢᠮᠤ ᠰᠠᠶᠢᠬᠠᠨ ᠴᠢᠷᠠᠢ ᠭᠠᠷᠭᠠᠭᠠᠳ ᠪᠠᠶᠢᠨᠠ︖ ᠤᠳᠤ ᠴᠢᠮᠠ ᠲᠠᠢ ᠵᠢᠭᠤᠷᠠᠯᠳᠤᠵᠤ | ᠪᠠᠶᠢᠬᠤ ᠴᠠᠭ ᠠᠯᠠᠭᠠ᠂ ᠶᠠᠳᠠᠷᠠᠵᠤ ᠤᠨᠠᠯᠠ︾ ᠭᠡᠯᠡ᠃ | ᠶᠠᠳᠠᠷᠠᠬᠤ ᠭᠡᠵᠤ ᠶᠠᠭᠤ ᠪᠤᠢ︖ ᠵᠠᠷᠢᠮ ᠳᠠᠭᠠᠨ ᠲᠤᠭᠯᠠᠵᠤ ᠪᠠᠶᠢᠭᠠᠳ ᠤᠨᠳᠠᠴᠢᠬᠠᠬᠤ ᠳᠤᠨᠢ ᠡᠮᠡᠭᠡ ᠨᠢ | ᠭᠠᠷ ᠠᠴᠠ ᠨᠢ ᠲᠤᠭᠯᠠᠭᠠᠮ ᠢ ᠨᠢ ᠡᠪᠳᠡᠶᠢᠭᠡᠨ ᠠᠪᠤᠭᠠᠳ ᠲᠡᠪᠡᠷᠢᠨ ᠤᠷᠤᠨ ᠳᠤᠨᠢ ᠤᠷᠤᠭᠤᠯᠬᠤ ᠳᠠᠭᠠᠨ᠄ ︽ᠮᠢᠨᠤ | ᠬᠤᠩᠭᠤᠷ ᠦᠷᠡ ᠶᠡᠮᠡᠷ ᠶᠡᠭᠡ ᠶᠠᠳᠠᠷᠠᠭᠠ ᠪᠤᠢ︕ ᠠᠮᠳᠠᠳᠤ ᠰᠠᠶᠢᠬᠠᠨ ᠵᠡᠭᠦᠳᠤ ᠵᠡᠭᠦᠳᠦᠯᠡᠭᠡᠷᠡᠢ ᠬᠤᠩᠭᠤᠷ ᠦᠷᠡ | ᠮᠢᠨᠢ︕︾ ᠭᠡᠵᠤ ᠭᠡᠯᠡᠨ ᠦᠨᠦᠰᠳᠡᠭ᠃ ᠭᠡᠷᠪᠡ ᠶᠠᠳᠠᠷᠠᠬᠤ ᠨᠢ ᠠᠮᠳᠠᠳᠤ ᠰᠠᠶᠢᠬᠠᠨ ᠵᠡᠭᠦᠳᠦ ᠵᠡᠭᠦᠳᠦᠯᠡᠭᠦ ᠶᠢ | ᠭᠡᠯᠡᠵᠤ ᠪᠠᠶᠢᠭᠠ ᠪᠤᠯ ᠶᠠᠭᠠᠭᠢᠭᠠᠳ ᠡᠵᠢ ᠶᠠᠳᠠᠷᠠᠭᠰᠠᠠ ᠢᠶᠠᠨ ᠭᠡᠯᠡᠬᠦ ᠳᠡᠭᠡᠨ ᠡᠶᠢᠮᠤ ᠠᠭᠤᠷ ᠤᠴᠠᠭᠠᠷ ᠲᠠᠢ ᠭᠡᠯᠡᠵᠤ | ᠪᠠᠶᠢᠭᠠ ᠶᠤᠮ ᠪᠤᠯ︖ | ︽ᠡᠵᠢ ᠡ᠂ ᠭᠦᠮᠦᠨ ᠶᠠᠳᠠᠷᠠᠬᠤ ᠪᠠᠷ ᠢᠶᠠᠨ ᠠᠮᠳᠠᠳᠤ ᠰᠠᠶᠢᠬᠠᠨ ᠵᠡᠭᠦᠳᠦ ᠵᠡᠭᠦᠳᠦᠯᠡᠳᠡᠭ ᠭᠡᠰᠡᠨ᠂ ᠡᠮᠡᠭᠡ ᠲᠡᠭᠡᠵᠤ | ᠭᠡᠯᠡᠭᠰᠡᠨ︾᠃ | ︽ᠨᠠᠮ ᠤᠨᠳᠠᠵᠤ ᠯᠠ ᠪᠠᠶᠢᠪᠠᠯ ᠲᠡᠷᠡ ᠠᠮᠳᠠᠳᠤ ᠰᠠᠶᠢᠬᠠᠨ ᠵᠡᠭᠦᠳᠦ ᠴᠦ ᠶᠠᠭᠠᠭᠢᠮᠠᠢ ᠪᠠᠶᠢᠨᠠ ᠠ︕ ᠶᠠᠳᠠᠷᠠᠵᠤ | ᠦᠭᠦᠯᠡ︕︾ ᠭᠦᠦ ᠡᠶᠢᠮᠤ ᠦᠭᠡᠨ ᠳᠤ ᠮᠠᠰᠢ ᠲᠤᠷᠠ ᠦᠭᠡᠢ ᠪᠠᠶᠢᠯᠠ᠃ ᠶᠠᠳᠠᠷᠠᠭᠰᠠᠨ᠂ ᠡᠶᠢᠮᠤ ᠶᠠᠭᠤᠮᠠᠨ ᠠᠴᠠ | ᠪᠤᠯᠵᠤ᠂ ᠲᠡᠶᠢᠮᠤ ᠶᠠᠭᠤᠮᠠ ᠠᠴᠠ ᠪᠤᠯᠵᠤ ᠶᠠᠳᠠᠷᠠᠭᠰᠠᠨ ᠁ | ︽ᠡᠵᠢ ᠡ᠂ ᠲᠠᠨ ᠢ ᠶᠠᠳᠠᠷᠠᠭᠠᠬᠤ ᠦᠭᠡᠢ᠂ ᠪᠢ ᠲᠠᠨ ᠳᠤ ᠲᠤᠰᠠ ᠁︾ | ︽ᠵᠠ ᠵᠠ᠂ ᠲᠠᠷᠠᠭᠠ ᠬᠤᠭᠤᠯᠠᠨ ᠲᠡᠭᠡᠷᠡ ᠶᠠᠷᠢᠶᠠ︕ ᠦᠨᠦᠳᠤᠷ ᠦᠢᠯᠡᠴᠢᠯᠡᠭᠦᠯᠦᠭᠴᠢ ᠶᠡᠭᠡᠳᠡᠢ ᠪᠠᠶᠢᠭᠰᠠᠨ | ᠤᠴᠢᠷ ᠠᠴᠠ ᠠᠵᠢᠯ ᠢᠶᠠᠨ ᠲᠠᠭᠤᠰᠬᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ ᠠᠪᠤ ᠶᠢ ᠴᠢᠨᠢ ᠢᠷᠡᠬᠦ ᠠᠴᠠ ᠡᠮᠦᠨᠡ | ᠬᠤᠭᠤᠯᠠ ᠪᠠᠨ ᠭᠢᠭᠦ ᠭᠡᠷᠡᠭᠳᠡᠢ ᠪᠠᠶᠢᠨᠠ᠂ ᠵᠠ᠂ ᠮᠢᠨᠤ ᠭᠦᠦ ᠶᠠᠪᠤᠵᠤ ᠲᠤᠭᠯᠠ︕︾ | ︽ᠡᠵᠢ ᠡ᠂ ᠲᠠ ᠶᠠᠳᠠᠷᠠᠭᠰᠠᠨ ᠭᠡ ᠪᠢᠵᠠ ᠳ᠋ᠠ ᠁︾ | ︽ᠲᠡᠭᠡᠭᠡᠳ︖︾ | ︽ᠪᠢ ᠴᠦ ᠭᠡᠰᠡᠨ ᠲᠤᠭᠯᠠᠭᠰᠠᠭᠠᠷ ᠪᠠᠶᠢᠭᠠᠳ ᠶᠠᠳᠠᠷᠠᠴᠢᠬᠠᠯᠠ᠃︾ | ︽ᠲᠡᠭᠡᠭᠡᠳ ᠪᠢ ᠶᠠᠭᠠᠭᠢᠬᠤ ᠪᠤᠢ︖︾ | ︽ᠮᠡᠳᠡᠭᠦ ᠦᠭᠡᠢ ᠁︾ | ᠭᠦᠦ ᠭᠢᠵᠤ ᠪᠤᠯᠬᠤ ᠦᠭᠡᠢ ᠵᠦᠢᠯ ᠤᠳ ᠢ ᠰᠠᠶᠢᠨ ᠮᠡᠳᠡᠳᠡᠭ ᠪᠠᠶᠢᠯᠠ᠃ ᠬᠠᠷᠢᠨ ᠲᠤᠮᠤᠴᠤᠤᠯ ᠭᠢᠵᠤ ᠪᠤᠯᠬᠤ | ᠵᠦᠢᠯ ᠤᠳ ᠢ ᠤᠭᠳᠤ ᠮᠡᠳᠡᠳᠡᠭ ᠦᠭᠡᠢ ᠨᠢ ᠶᠠᠮᠠᠷ ᠬᠠᠴᠢᠷᠬᠠᠯ ᠲᠠᠢ ᠭᠡᠭᠴᠢ᠃ ᠭᠡᠳᠡᠯᠡ ᠭᠡᠨᠡᠳᠳᠡ ᠴᠠᠭᠢᠯᠭᠠᠨ | ᠲᠠᠰᠤᠷᠠᠴᠢᠬᠠᠪᠠ᠃ ᠡᠵᠢ ︽ᠤᠳᠤ ᠯᠠ ᠬᠠᠮᠢᠭᠠ ᠠᠴᠠ ᠤᠯᠤᠨᠠ︕︾ ᠭᠡᠵᠤ ᠠᠭᠤᠷᠳᠠᠢ ᠦᠭᠦᠯᠡᠭᠰᠡᠭᠡᠷ ᠱᠦᠭᠦᠢ | ᠰᠠᠪᠠ ᠤᠩᠭᠤᠴᠢᠵᠤ ᠡᠭᠢᠯᠡᠪᠡ᠃ ᠵᠢᠭᠠᠯ ᠬᠦᠦ ᠪᠤᠶᠢᠳᠠᠩ ᠲᠡᠭᠡᠷᠡ ᠭᠡᠪᠳᠡᠨ ᠡᠮᠡᠭᠡ ᠶᠢᠨ ᠢᠶᠠᠨ ᠲᠤᠰᠬᠤᠨ ᠢ ᠪᠤᠳᠤᠵᠤ | ᠡᠭᠢᠯᠡᠪᠡ᠃ | ᠭᠡᠷ ᠤᠨ ᠳ᠋ᠧᠩᠯᠤ ᠶᠢᠨ ᠭᠡᠷᠡᠯ ᠳᠤ ᠭᠠᠯᠵᠠᠭᠤ ᠲᠠᠤᠯᠠᠢ ᠶᠢᠨ ᠦᠯᠢᠭᠡᠷ ᠢ ᠶᠠᠷᠢᠭᠤᠯᠵᠤ ᠪᠠᠶᠢᠭᠰᠠᠨ ᠢ ᠪᠠᠨ ᠰᠠᠨᠠᠨ | ᠰᠠᠨᠠᠨ ᠲᠡᠭᠡᠷᠡ ᠲᠤᠰᠬᠤ ᠮᠠᠰᠢᠨ ᠤ ᠭᠡᠷᠡᠯ ᠳᠤ ᠡᠮᠡᠭᠡ ᠪᠠᠨ ᠲᠠᠭᠤᠷᠢᠶᠠᠨ ᠭᠡᠷ ᠢᠶᠠᠷ ᠢᠶᠠᠨ ᠲᠠᠤᠯᠠᠢ ᠶᠢᠨ ᠲᠦᠷᠰᠦ | ᠭᠠᠷᠭᠠᠬᠤ ᠶᠢ ᠭᠢᠴᠢᠶᠡᠵᠤ ᠪᠠᠶᠢᠪᠠ᠃ ᠲᠠᠤᠯᠠᠢ ᠪᠠᠨ ᠡᠶᠢᠰᠢ ᠲᠡᠶᠢᠰᠢ ᠵᠤᠭᠠᠯᠠᠭᠤᠯᠤᠨ ᠭᠦᠶᠦᠯᠭᠡᠵᠤ ᠬᠠᠨᠠᠨ ᠠᠴᠠ | ᠬᠠᠨᠠᠨ ᠳᠤ ᠬᠠᠷᠠᠶᠢᠯᠭᠠᠵᠤ ᠪᠠᠶᠢᠯᠠ᠃ ᠭᠡᠪᠡᠴᠦ ᠪᠢᠴᠢᠬᠠᠨ ᠭᠦᠦ ᠶᠠᠳᠠᠷᠠᠵᠠᠢ᠃ ᠪᠤᠯᠴᠤᠭᠤᠷ ᠵᠦᠭᠡᠯᠡᠨ ᠭᠠᠷ ᠢᠶᠠᠨ ᠴᠦ | ᠲᠠᠳᠠᠵᠤ ᠴᠢᠳᠠᠯ ᠦᠭᠡᠢ ᠪᠤᠯᠳᠠᠯᠠ ᠪᠠᠨ ᠨᠦᠢᠷ ᠲᠠᠭᠠᠨ ᠲᠠᠷᠤᠭᠳᠠᠵᠠᠢ᠃ ᠭᠦᠦ ᠶᠢᠨ ᠭᠠᠷ ᠪᠤᠶᠢᠳᠠᠩ ᠲᠠᠭᠠᠨ ᠤᠨᠠᠯᠠ | ᠃ | ᠴᠠᠭᠢᠯᠭᠠᠨ ᠢᠷᠠᠯᠠ᠃ ᠡᠵᠢ ᠨᠢ ᠭᠦᠦ ᠪᠠᠨ ᠴᠢᠮᠡᠭᠡ ᠦᠭᠡᠢ ᠪᠤᠯᠤᠭᠰᠠᠨ ᠢ ᠠᠩᠵᠠᠭᠠᠷᠠᠨ ᠲᠤᠮᠤ ᠦᠷᠦᠭᠡᠨ ᠳᠡᠭᠡᠨ | ᠤᠷᠤᠳᠠᠯᠠ ᠵᠢᠭᠠᠯ ᠬᠦᠦ ᠪᠢᠴᠢᠬᠠᠨ ᠭᠦᠭᠡᠷᠦᠭᠦᠨ ᠡᠪᠦᠳᠦᠭ ᠢᠶᠠᠨ ᠡᠯᠢᠭᠡᠨ ᠳᠡᠭᠡᠨ ᠲᠡᠪᠡᠷᠢᠭᠡᠳ ᠨᠠᠮ ᠤᠨᠳᠠᠭᠰᠠᠨ | ᠪᠠᠶᠢᠯᠠ᠃ | ᠡᠭᠡ ᠶᠢᠨ ᠰᠡᠳᠭᠢᠯ ᠭᠡᠨᠡᠳᠳᠡ ᠲᠡᠪᠠ ᠦᠭᠡᠶᠢᠳᠡᠨ ᠰᠢᠷᠡᠭᠡᠨ ᠲᠡᠭᠡᠷᠡᠭᠢ ᠪᠡᠯᠡᠨ ᠲᠠᠩᠰᠠ ᠲᠤᠭᠠᠴᠠᠭᠠ ᠪᠠᠨ ᠲᠤᠷᠠ | ᠦᠭᠡᠶᠢᠴᠡᠭᠰᠡᠨ ᠨᠢᠳᠤ ᠪᠠᠷ ᠬᠠᠷᠠᠪᠠ᠃ ᠨᠢᠳᠤᠨ ᠳᠤᠨᠢ ᠬᠠᠷᠠᠭᠤᠰᠤᠯ᠂ ᠬᠠᠶᠢᠷᠠ ᠦᠷᠦᠪᠳᠦᠯ ᠢᠯᠡᠷᠡᠵᠤ ᠪᠠᠶᠢᠪᠠ᠃ | ᠭᠦᠦ ᠪᠠᠨ ᠰᠡᠷᠢᠭᠡᠭᠦ ᠠᠴᠠ ᠡᠮᠢᠶᠡᠨ ᠲᠤᠬᠤᠨ ᠲᠡᠭᠡᠷᠡ ᠨᠢ ᠦᠨᠦᠰᠦᠯᠡ᠃ ᠬᠦᠦ ᠡᠭᠡ ᠶᠢᠨ ᠢᠶᠠᠨ ᠬᠠᠶᠢᠷᠠ | ᠲᠦᠭᠦᠷᠡᠩ ᠦᠨᠦᠰᠦᠯᠳᠡ ᠶᠢ ᠭᠦᠯᠢᠶᠡᠵᠤ ᠪᠠᠶᠢᠭᠰᠠᠨ ᠶᠤᠮ ᠰᠢᠭ ︽ᠡᠵᠢ ᠡ᠂ ᠠᠵᠢᠯ ᠢᠶᠠᠨ ᠲᠠᠭᠤᠰᠬᠠᠭᠠᠳ | ᠨᠠᠮᠠ ᠶᠢ ᠬᠠᠶᠢᠷᠠᠯᠠᠭᠠᠴᠢ᠂ ᠵᠠ︖︾ ᠭᠡᠪᠡ᠃ | ᠦᠪᠡᠷ ᠢ ᠪᠠᠨ ᠬᠠᠶᠢᠷᠠᠯᠠᠭᠤᠯᠬᠤ ᠶᠢᠨ ᠲᠤᠯᠠᠳᠠ ︽ᠴᠠᠭ ᠠᠪᠴᠦ︾ ᠪᠠᠶᠢᠭᠠ ᠬᠦᠦ ᠪᠠᠨ ᠬᠠᠷᠠᠭᠠᠳ ᠡᠵᠢ ᠦᠷᠯᠦᠭᠡ | ᠪᠤᠯᠳᠠᠯᠠ ᠮᠡᠭᠰᠢᠨ ᠤᠭᠢᠯᠠᠪᠠ᠃ | ︵︽ᠰᠤᠷᠭᠠᠮᠵᠢᠳᠤ ᠦᠭᠦᠯᠡᠯᠭᠡ ᠨᠦᠭᠦᠳ︾ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ︶ | | | |