| ᠴᠠᠭᠠᠨ ᠰᠠᠷᠠ ᠶᠢᠨ ᠵᠣᠯᠭᠠᠯᠲᠠ ᠶᠢᠨ ᠶᠣᠰᠤᠨ ᠪᠣᠯ ᠴᠠᠭᠠᠨ ᠰᠠᠷᠠ ᠳᠤ ᠠᠭᠤᠯᠵᠠᠨ ᠮᠡᠨᠳᠦᠴᠢᠯᠡᠬᠦ ᠶᠣᠰᠤᠨ ᠢ | ᠵᠢᠭᠠᠨᠠ᠃ ᠡᠭᠦᠨ ᠳᠤ ᠬᠠᠳᠠᠭ ᠢᠶᠠᠷ ᠵᠣᠯᠭᠠᠬᠤ᠂ ᠬᠦᠬᠦᠷ ᠢᠶᠠᠷ ᠵᠣᠯᠭᠠᠬᠤ᠂ ᠳᠠᠯᠤ ᠮᠦᠷᠥ ᠪᠠᠷ ᠵᠣᠯᠭᠠᠬᠤ᠂ | ᠪᠡᠯᠡᠭ ᠢᠶᠠᠷ ᠵᠣᠯᠭᠠᠬᠤ᠂ ᠰᠦᠭᠦᠷᠡᠵᠦ ᠵᠣᠯᠭᠠᠬᠤ ᠵᠡᠷᠭᠡ ᠪᠣᠢ᠃ ᠬᠠᠳᠠᠭ ᠢᠶᠠᠷ ᠵᠣᠯᠭᠠᠬᠤ — ᠬᠠᠳᠠᠭ ᠪᠠᠷᠢᠨ | ᠮᠦᠷᠭᠦᠵᠦ ᠵᠣᠯᠭᠠᠳᠠᠭ ᠵᠠᠩᠰᠢᠯ᠃ ᠬᠡᠦᠬᠡᠳ ᠠᠴᠢ ᠨᠠᠷ ᠨᠢ ᠡᠪᠦᠭᠡ ᠡᠮᠡᠭᠡ᠂ ᠡᠴᠢᠭᠡ ᠡᠬᠡ ᠵᠡᠷᠭᠡ ᠠᠬᠠᠮᠠᠳ | ᠨᠠᠰᠤᠲᠠᠳ ᠢᠶᠠᠨ ᠬᠦᠨᠳᠦᠳᠭᠡᠨ ᠰᠠᠭᠤᠯᠭᠠᠭᠰᠠᠨ ᠤ ᠳᠠᠷᠠᠭᠠ᠂ ᠬᠠᠳᠠᠭ ᠭᠠᠷᠭᠠᠨ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠳᠡᠯᠭᠡᠨ | ᠪᠠᠷᠢᠭᠠᠳ ᠰᠦᠭᠦᠷᠡᠵᠦ ᠮᠦᠷᠭᠦᠨᠡ᠃ ᠠᠬᠠᠮᠠᠳ ᠨᠠᠰᠤᠲᠠᠳ ᠨᠢ ᠴᠤ ᠬᠤᠭᠤᠰᠤᠨ ᠭᠠᠷ ᠢᠶᠠᠷ ᠪᠣᠰᠤᠳ ᠤᠨ | ᠬᠠᠳᠠᠭ ᠢ ᠲᠣᠰᠤᠨ ᠠᠪᠳᠠᠭ ᠦᠭᠡᠢ ᠲᠤᠯᠠ ᠮᠦᠨ ᠬᠠᠳᠠᠭ ᠭᠠᠷᠭᠠᠨ ᠬᠤᠶᠠᠷ ᠭᠠᠷ ᠳᠡᠭᠡᠷᠡ ᠪᠠᠨ ᠳᠡᠯᠭᠡᠨ ᠪᠠᠷᠢᠭᠰᠠᠨ | ᠬᠡᠪ ᠢᠶᠠᠷ ᠪᠣᠰᠤᠳ ᠤᠨ ᠬᠠᠳᠠᠭ ᠢ ᠲᠣᠰᠤᠨ ᠠᠪᠳᠠᠭ᠃ ᠥᠶᠡ ᠬᠤᠷᠠᠭ ᠤᠨ ᠬᠦᠮᠦᠰ ᠪᠣᠯ ᠬᠠᠷᠢᠯᠴᠠᠨ ᠬᠠᠳᠠᠭ ᠤᠨ | ᠠᠮᠠ ᠪᠠᠨ ᠠᠭᠤᠯᠵᠠᠭᠤᠯᠤᠨ ᠵᠣᠭᠰᠤᠭᠠ ᠪᠠᠷ ᠢᠶᠠᠨ ᠵᠣᠯᠭᠠᠨᠠ᠃ ᠡᠷᠡ ᠡᠮᠡ ᠬᠤᠶᠠᠭᠤᠯᠠ ᠬᠠᠷᠢᠯᠴᠠᠨ ᠵᠣᠯᠭᠠᠯᠲᠠ | ᠬᠢᠳᠡᠭ ᠦᠭᠡᠢ᠃ | ᠬᠦᠬᠦᠷ ᠢᠶᠠᠷ ᠵᠤᠯᠭᠠᠯᠬᠤ — ᠬᠠᠷᠢᠯᠴᠠᠨ ᠬᠦᠬᠦᠷ ᠪᠠᠷᠢᠵᠤ ᠵᠣᠯᠭᠠᠳᠠᠭ ᠵᠠᠩᠰᠢᠯ᠃ ᠵᠠᠯᠠᠭᠤ ᠪᠠᠭᠠᠴᠤᠳ᠂ | ᠳᠡᠭᠦᠦ ᠨᠠᠷ ᠬᠦᠮᠦᠨ ᠠᠬᠠᠮᠠᠳ ᠨᠠᠰᠤᠲᠠᠨ ᠳᠠᠭᠠᠨ ᠰᠢᠨᠡ ᠵᠢᠯ ᠤᠨ ᠠᠮᠤᠷ ᠠᠶᠢᠯᠠᠳᠬᠠᠭᠰᠠᠨ ᠤ ᠳᠠᠷᠠᠭᠠ | ᠬᠦᠬᠦᠷ ᠢᠶᠠᠨ ᠭᠠᠷᠭᠠᠨ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠡᠷᠭᠦᠨ ᠪᠠᠷᠢᠨᠠ᠃ ᠠᠬᠠᠮᠠᠳ ᠬᠦᠮᠦᠨ ᠴᠤ ᠥᠪᠡᠷ ᠤᠨ | ᠬᠦᠬᠦᠷ ᠢᠶᠠᠨ ᠵᠦᠷᠢᠭᠦᠯᠦᠨ ᠬᠠᠷᠢᠭᠤ ᠪᠠᠷᠢᠨᠠ᠃ ᠠᠬᠠᠮᠠᠳ ᠬᠦᠮᠦᠨ ᠤ ᠬᠦᠬᠦᠷ ᠢ ᠬᠢᠴᠢᠶᠡᠩᠭᠦ᠋ᠢᠯᠡᠨ ᠲᠤᠰᠴᠤ | ᠠᠪᠤᠭᠠᠳ ᠮᠠᠩᠨᠠᠢ ᠳᠡᠭᠡᠷᠡ ᠪᠠᠨ ᠠᠳᠢᠰᠯᠠᠭᠠᠳ ᠡᠭᠡᠭᠦᠯᠦᠨ ᠪᠠᠷᠢᠳᠠᠭ᠃ ᠥᠶᠡ ᠬᠤᠷᠠᠭ ᠤᠨ ᠬᠦᠮᠦᠰ ᠪᠣᠯ | ᠵᠤᠭᠰᠤᠭᠰᠠᠨ ᠶᠤᠰᠤᠭᠠᠷ ᠢᠶᠠᠨ ᠬᠦᠬᠦᠷ ᠢᠶᠠᠨ ᠲᠤᠯᠭᠠᠨ ᠰᠤᠯᠢᠯᠴᠠᠵᠤ ︽ᠰᠠᠶᠢᠨ ᠰᠢᠨᠡᠯᠡᠪᠡᠦ ᠤᠤ︖︾ ᠭᠡᠵᠦ | ᠬᠠᠷᠢᠯᠴᠠᠨ ᠠᠰᠠᠭᠤᠯᠴᠠᠨ ᠵᠣᠯᠭᠠᠨᠠ᠃ ᠨᠡᠷᠡ ᠬᠦᠨᠳᠦᠲᠦ ᠬᠦᠮᠦᠰ ᠪᠣᠶᠤ ᠦᠨᠳᠦᠷ ᠨᠠᠰᠤᠲᠠᠨ ᠲᠠᠢ ᠬᠦᠬᠦᠷ | ᠰᠣᠯᠢᠯᠴᠠᠭᠰᠠᠨ ᠤ ᠪᠠᠨ ᠳᠠᠷᠠᠭᠠ ᠬᠦᠨᠳᠦᠳᠭᠡᠯ ᠳᠠᠭᠤᠳᠠᠯᠭᠠ ᠪᠠᠷ ᠨᠢ ᠳᠠᠭᠤᠳᠠᠨ ᠮᠦᠷᠭᠦᠨ ᠶᠣᠰᠤᠯᠠᠵᠤ | ᠢᠷᠦᠭᠡᠯ ᠢ ᠨᠢ ᠬᠦᠷᠲᠡᠳᠡᠭ᠃ ᠳᠠᠯᠤ ᠮᠦᠷᠥ ᠪᠠᠷ ᠵᠣᠯᠭᠠᠬᠤ — ᠥᠶᠡ ᠬᠤᠷᠠᠭ ᠤᠨ ᠬᠦᠮᠦᠰ ᠠᠭᠤᠯᠵᠠᠬᠤ ᠳᠠᠭᠠᠨ | ᠬᠠᠷᠢᠯᠴᠠᠨ ᠲᠡᠪᠡᠷᠢᠯᠴᠡᠨ ᠬᠤᠶᠠᠷ ᠭᠠᠷ ᠢᠶᠠᠷ ᠨᠦᠬᠦᠭᠡ ᠬᠦᠮᠦᠨ ᠤ ᠪᠠᠨ ᠳᠠᠯᠤ ᠶᠢ ᠱᠦᠷᠭᠦᠭᠡᠵᠦ ᠵᠣᠯᠭᠠᠳᠠᠭ ᠵᠠᠩᠰᠢᠯ ᠢ | ᠬᠡᠯᠡᠨᠡ᠃ | ᠪᠡᠯᠡᠭ ᠢᠶᠠᠷ ᠵᠣᠯᠭᠠᠬᠤ — ᠴᠠᠭᠠᠨ ᠰᠠᠷᠠ ᠳᠤ ᠨᠢᠭᠤᠷ ᠠᠭᠤᠯᠵᠠᠨ ᠵᠣᠯᠭᠠᠵᠤ ᠴᠢᠳᠠᠬᠤ ᠦᠭᠡᠢ ᠬᠦᠮᠦᠰ | ᠪᠣᠰᠤᠳ ᠢᠶᠠᠷ ᠶᠠᠮᠠᠷ ᠨᠢᠭᠡᠨ ᠵᠦᠢᠯ ᠤᠨ ᠥᠴᠦᠬᠡᠨ ᠪᠡᠯᠡᠭ ᠳᠠᠮᠵᠢᠭᠤᠯᠤᠨ ᠬᠦᠷᠭᠡᠵᠦ ᠰᠢᠨᠡ ᠵᠢᠯ ᠤᠨ ᠵᠣᠯᠭᠠᠯᠲᠠ | ᠪᠣᠯᠭᠠᠳᠠᠭ ᠵᠠᠩᠰᠢᠯ᠃ ᠰᠦᠭᠦᠷᠡᠵᠦ ᠵᠣᠯᠭᠠᠬᠤ — ᠠᠬᠠᠮᠠᠳ ᠭᠦᠮᠦᠨ ᠲᠠᠢ ᠠᠭᠤᠯᠵᠠᠬᠤ ᠳᠠᠭᠠᠨ ᠬᠤᠶᠠᠷ | ᠭᠠᠷ ᠢᠶᠠᠨ ᠪᠠᠷᠠᠭᠤᠨ ᠡᠪᠦᠳᠦᠭ ᠳᠡᠭᠡᠷᠡ ᠪᠠᠨ ᠲᠠᠯᠪᠢᠨ ᠪᠠᠷᠠᠭᠤᠨ ᠡᠪᠦᠳᠦᠭ ᠢᠶᠠᠨ ᠪᠣᠰᠬᠠᠨ ᠵᠡᠭᠦᠨ ᠡᠪᠦᠳᠦᠭ ᠢᠶᠠᠨ | ᠭᠠᠵᠠᠷ ᠲᠤᠯᠭᠠᠨ ᠲᠣᠯᠤᠭᠠᠢ ᠪᠠᠨ ᠪᠦᠬᠦ᠋ᠢᠰᠭᠢᠵᠦ᠄ ︽ᠪᠡᠶᠡ ᠠᠮᠤᠷᠬᠠᠨ ᠤᠤ︖︾᠂ ︽ᠠᠮᠤᠷ ᠰᠠᠶᠢᠨ ᠰᠢᠨᠡᠯᠡᠪᠡᠦ | ᠤᠤ︖︾ ᠭᠡᠵᠦ ᠠᠮᠤᠷ ᠠᠰᠠᠭᠤᠳᠠᠭ ᠵᠠᠩᠰᠢᠯ ᠢ ᠬᠡᠯᠡᠨᠡ᠃ |