| ᠬᠤᠪᠠᠭᠠᠢ ᠨᠠᠪᠴᠢ ᠬᠡᠶᠢᠰᠤᠷᠤᠨ ᠴᠢᠨᠦ ᠤᠶᠠᠷᠠᠬᠤ ᠴᠠᠭ︾ ᠨᠠᠮᠤᠷ ᠢᠷᠡᠵᠦ ᠨᠠᠮᠠᠢᠢ ᠤᠶᠠᠷᠠᠭᠤᠯᠪᠠ᠃ | ᠨᠠᠮᠤᠷ ᠤᠨ ᠲᠤᠬᠠᠢ ᠨᠠᠷᠠᠳᠤ ᠰᠢᠯᠦᠭ ᠢᠷᠠᠭᠤ ᠪᠠᠳᠠᠭ ᠢ ᠦᠩᠭᠡᠷᠡᠭᠰᠡᠨ ᠤ ᠬᠦᠮᠦᠰ ᠬᠡᠴᠢᠨᠡᠨ ᠦᠯᠡᠳᠡᠭᠡᠪᠡ︖ | ᠨᠢᠯᠪᠤᠰᠤᠳᠤ ᠠᠶᠠᠯᠭᠤ ᠶᠢ ᠰᠡᠳᠭᠢᠯ ᠤᠨ ᠲᠡᠭᠷᠢ ᠦᠭᠡᠳᠡ ᠴᠢᠪᠠᠭᠳᠠᠬᠤᠶᠠ ᠤᠶᠠᠷᠠᠭᠤᠨ ᠡᠭᠡᠰᠢᠭ ᠭᠡᠭᠴᠢ ᠰᠠᠨᠠᠭᠠ ᠶᠢ | ᠤᠶᠢᠯᠠᠭᠠᠬᠴᠢ ᠳᠤ ᠤᠬᠠᠮᠵᠢᠳᠠᠢ᠃ | ᠲᠦᠮᠡᠳ ᠤᠨ ᠲᠠᠯᠠ ᠳᠤ ᠦᠷᠦᠭᠡᠰᠦᠨ ᠬᠤᠨ ᠭᠠᠭᠴᠠᠭᠠᠷ ᠲᠡᠪᠳᠡᠷᠢᠨᠡ ᠁ ᠪᠢ ᠭᠠᠭᠴᠠᠭᠠᠷ᠃ | ᠬᠡᠶᠦᠷᠡᠯ ᠤᠨ ᠲᠤᠮᠳᠠᠬᠢ ᠭᠠᠭᠴᠠᠭᠠᠷᠳᠠᠯ ᠨᠠᠮ ᠵᠢᠮ ᠤᠷᠤᠰᠤᠨᠠ᠃ | ᠨᠠᠮᠤᠷ ᠴᠠᠭ ᠤᠨ ᠭᠠᠭᠴᠠᠭᠠᠷᠳᠠᠯ ᠨᠠᠳᠠ ᠳᠠᠭᠠᠨ ᠶᠡᠷᠦ ᠨᠢ ᠦᠨᠢᠷ ᠪᠠᠶᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠭᠤᠨᠢᠭ ᠠᠪᠴᠢᠷᠠᠳᠠᠭ | ᠶᠤᠮ ᠡ᠃ | ᠠᠷᠭᠠᠴᠠᠭᠠᠳ ᠪᠢ ᠦᠪᠡᠷ ᠢ ᠪᠠᠨ ᠪᠤᠴᠠᠬᠤ ᠭᠠᠯᠠᠭᠤᠳ ᠲᠠᠢ ᠪᠢᠳᠡᠭᠡᠢ ᠠᠳᠠᠭᠠᠷᠬᠠ ᠭᠡᠵᠦ ᠪᠤᠮᠠᠨ | ᠮᠦᠷᠦᠭᠡᠳᠦᠯ ᠢᠶᠠᠨ ᠲᠠᠰᠤᠳᠠᠵᠤ᠂ ᠪᠤᠷᠤ ᠲᠡᠭᠳᠡᠷ ᠠᠴᠠ ᠵᠤᠤ ᠵᠢᠶᠦ᠋ᠨ ᠤ ᠬᠠᠭᠤᠴᠢᠨ ᠮᠦᠷ ᠢ ᠮᠦᠷᠳᠡᠵᠦ᠂ ᠡᠪ | ᠵᠤᠬᠢᠴᠡᠯ ᠤᠨ ᠢᠷᠠᠭᠤ ᠠᠶᠠᠯᠭᠤ ᠶᠢ ᠢᠯᠠᠭᠤᠭᠰᠠᠨ ᠬᠤᠭᠤᠯᠠᠢ ᠪᠠᠷ ᠤᠩᠰᠢᠵᠤ ᠲᠠᠭᠤᠯᠠᠳᠠᠭ ᠪᠢᠯᠠ᠃ | ᠨᠢᠭᠡᠨ ᠲᠡᠷᠭᠡᠯ ᠨᠠᠮᠤᠷ ᠤᠨ ᠴᠤᠩᠬᠢᠶᠠᠯ ᠴᠡᠩᠬᠡᠷ ᠦᠩᠭᠡ ᠪᠠᠷ ᠮᠡᠯᠮᠡᠷᠡᠨ᠂ ᠲᠡᠷᠳᠡᠭᠡ ᠵᠠᠭᠤᠨ ᠢ ᠲᠠᠮᠠᠭᠠᠯᠠᠵᠤ | ᠦᠯᠡᠳᠡᠭᠡᠭᠰᠡᠨ ᠲᠡᠷᠡ ᠬᠤᠯᠠ ᠶᠢᠨ ᠱᠠᠰᠳᠢᠷ᠂ ᠲᠦᠮᠡᠳ ᠤᠨ ᠲᠠᠯᠠ ᠪᠠᠷ ᠴᠤᠭᠤᠷᠬᠠᠢ ᠲᠡᠭᠷᠢ ᠶᠢᠨ ᠲᠠᠭᠤᠳᠤ | ᠪᠤᠷᠤᠭᠠᠨ ᠰᠢᠭ ᠦᠩᠭᠡᠷᠡᠨ ᠤᠳᠴᠤ᠂ ᠲᠡᠷᠭᠡᠳᠡ ᠬᠤᠴᠤᠷᠤᠭᠰᠠᠨ ᠨᠠᠮᠤᠷ ᠤᠨ ᠨᠠᠪᠴᠢᠰ ᠲᠤ ᠮᠢᠨᠦ ᠦᠢᠯᠡᠰ ᠢ | ᠵᠠᠯᠭᠠᠵᠤ ᠲᠡᠮᠳᠡᠭᠯᠡᠪᠡ᠃ | ᠡᠨᠡ ᠦᠢᠯᠡᠰ ᠤᠨ ᠵᠠᠮ ᠢᠶᠠᠷ ᠲᠦᠮᠡᠳ ᠤᠨ ᠬᠡᠤᠬᠡᠳ ᠲᠤ ᠦᠰᠦᠭ ᠪᠢᠴᠢᠭ ᠲᠠᠨᠢᠭᠤᠯᠤᠶᠠ ᠭᠡᠵᠦ ᠯᠠ ᠦᠷᠦ | ᠵᠢᠷᠦᠬᠡᠨ ᠠᠴᠠ ᠪᠠᠨ ᠴᠢᠰᠤ ᠲᠠᠭᠠᠪᠤᠷᠢᠯᠠᠭᠤᠯᠵᠤ᠂ ᠪᠦᠳᠦᠷᠢᠵᠦ ᠪᠤᠰᠴᠣ ᠦᠰᠦ ᠰᠦᠰᠦ ᠠᠴᠠ ᠪᠠᠨ ᠰᠦᠭ ᠰᠦᠯᠳᠡ | ᠪᠠᠳᠠᠷᠠᠭᠤᠯᠤᠨ᠂ ᠤᠮᠤᠭᠯᠠᠩ ᠦᠨᠳᠡᠶᠢᠵᠦ ᠢᠳᠡᠭᠡᠯ ᠤᠷᠭᠤᠭᠤᠯᠵᠤ᠂ ᠵᠦᠳᠡᠭᠦᠷᠢ ᠪᠠᠷ ᠵᠢᠷᠭᠠᠯ ᠪᠤᠯᠭᠠᠵᠤ ᠶᠠᠪᠤᠭᠰᠠᠨ | ᠶᠤᠮ ᠁ | ᠡᠨᠡ ᠦᠢᠯᠡᠰ ᠤᠨ ᠵᠠᠮ ᠢᠶᠠᠷ ᠨᠠᠮᠤᠷ ᠤᠨ ᠮᠦᠷᠦᠭᠡᠳᠦᠯ ᠢ ᠨᠢᠯᠪᠤᠰᠤ ᠪᠠᠷ ᠮᠤᠬᠤᠭᠠᠨ᠂ ᠢᠷᠡᠭᠡᠳᠦᠢ ᠬᠠᠮᠢᠭᠠ | ᠪᠠᠶᠢᠬᠤ ᠶᠢ ᠡᠯᠡᠷ ᠪᠠᠯᠠᠷ ᠲᠡᠮᠳᠡᠷᠬᠢᠯᠡᠨ ᠮᠦᠷᠦᠭᠡᠳᠴᠤ᠂ ᠲᠤᠷᠠᠯᠠᠯ ᠳᠤ ᠶᠠᠭᠤ ᠤᠯᠳᠠᠬᠤ ᠶᠢ ᠠᠯᠳᠠᠭ ᠤᠨᠤᠭ ᠡᠷᠢᠨ᠂ | ᠠᠮᠵᠢᠯᠳᠠ ᠪᠠᠶᠢᠬᠤ ᠡᠰᠡᠭᠦ ᠶᠢ ᠠᠯᠵᠢᠶᠠᠳᠠᠯᠠ ᠮᠦᠷᠦᠭᠡᠳᠴᠤ᠂ ᠴᠦᠬᠦᠷᠡᠯ ᠦᠭᠡᠢ ᠵᠢᠳᠭᠦᠵᠦ ᠶᠠᠪᠤᠭᠰᠠᠨ ᠶᠤᠮ ᠁ | | ᠡᠨᠡ ᠤᠶᠢᠯᠡᠰ ᠤᠨ ᠵᠠᠮ ᠢᠶᠠᠷ ᠨᠠᠮᠤᠷ ᠤᠨ ᠮᠦᠷᠦᠭᠡᠳᠦᠯ ᠳᠤ ᠨᠤᠳᠤᠭ ᠤᠰᠤ᠂ ᠡᠴᠢᠭᠡ ᠡᠬᠡ ᠪᠠᠨ ᠡᠩᠰᠡᠷᠡᠳᠡᠯᠡ | ᠰᠠᠨᠠᠵᠤ᠂ ᠡᠭᠡᠴᠢ ᠲᠡᠭᠦᠦ᠂ ᠪᠠᠭᠰᠢ ᠨᠦᠬᠦᠳ ᠢᠶᠠᠨ ᠦᠭᠡᠶᠢᠯᠡᠨ ᠲᠤᠷᠠᠰᠴᠤ᠂᠂ ᠰᠢᠯᠦᠭ ᠵᠤᠬᠢᠶᠠᠯ ᠡᠷᠢᠶᠡᠴᠢᠵᠦ᠂ | ᠬᠢᠵᠠᠭᠠᠷ ᠦᠭᠡᠢ ᠰᠠᠨᠠᠯ ᠳᠤ ᠡᠮᠵᠡᠭᠬᠡᠨ ᠶᠠᠪᠤᠭᠰᠠᠨ ᠶᠤᠮ ᠁ | ᠡᠨᠡ ᠤᠶᠢᠯᠠᠰ ᠤᠨ ᠵᠠᠮ ᠢᠶᠠᠷ ᠨᠠᠮᠤᠷ ᠤᠨ ᠭᠡᠶᠦᠷᠡᠯ ᠳᠤ ᠪᠠᠶᠠ ᠰᠡᠳᠭᠢᠯ ᠢᠶᠠᠨ ᠴᠢᠯᠡᠬᠡᠵᠦ᠂ ᠵᠠᠶᠠᠭᠠ ᠲᠠᠪᠢᠯᠠᠩ ᠳᠠᠭᠠᠨ | ᠤᠶᠢᠳᠤᠨ᠂ ᠨᠤᠭᠤᠷᠠᠯ ᠪᠦᠳᠦᠷᠢᠯ᠂ ᠵᠤᠪᠠᠯ ᠵᠢᠷᠭᠠᠯ ᠢ ᠠᠯᠠᠭ ᠦᠭᠡᠢ ᠠᠮᠰᠠᠵᠦ᠂ ᠦᠭᠡ ᠦᠭᠡᠢ ᠬᠤᠭᠤᠰᠤᠨ | ᠦᠭᠦᠯᠡᠪᠤᠷᠢ᠂ ᠠᠶᠠ ᠤᠯᠳᠠᠬᠤ ᠦᠭᠡᠢ ᠤᠯᠠᠨ ᠨᠤᠲ ᠢ ᠵᠡᠭᠦᠳᠦᠨ ᠳᠡᠭᠡᠨ ᠬᠦᠭᠵᠢᠮ ᠪᠤᠯᠭᠠᠨ ᠰᠡᠭᠦᠳᠡᠷ ᠦᠭᠡᠳᠡ | ᠴᠢᠪᠠᠭᠳᠠᠵᠤ ᠶᠠᠪᠤᠭᠰᠠᠨ ᠶᠤᠮ ᠁ | ︽ᠤᠶᠢᠳᠪᠠᠰᠤ ᠰᠢᠯᠦᠭ ᠲᠤᠷ ᠤᠷᠮᠠ ᠲᠠᠢ ᠪᠤᠯᠤᠮᠤᠢ︾ ᠭᠡᠳᠡᠭ ᠨᠡᠬᠡᠷᠡᠨ ᠤᠤ ᠳ᠋ᠠ︖ ᠴᠡᠴᠡᠭ ᠤᠨ | ᠭᠡᠷᠡᠰᠭᠡ ᠶᠢ ᠲᠦᠰᠢᠨ ᠵᠤᠯᠭᠠᠷᠠᠬᠤ ᠨᠠᠪᠴᠢᠰ ᠢ ᠬᠠᠷᠠᠨ ᠱᠤᠭᠰᠢᠳᠠᠯᠠ ᠤᠬᠢᠯᠠᠵᠤ᠂ ᠡᠷᠳᠡᠨ ᠤ ᠬᠦᠮᠦᠰ ᠢ ᠲᠠᠭᠤᠷᠢᠶᠠᠨ | ᠂ ᠴᠢᠩ ᠦᠨᠡᠨᠴᠢ ᠬᠠᠶᠢᠷᠠ ᠪᠠᠨ ᠠᠭᠤᠳᠠᠯᠤᠨ ᠪᠠᠷᠢᠬᠤ ᠳᠤ ᠤᠷᠪᠠᠭᠤᠯᠵᠤ ᠦᠵᠡᠬᠦ ᠬᠦᠮᠦᠨ ᠦᠭᠡᠢ ᠶᠢᠨ ᠤᠴᠢᠷ | ᠤᠷᠳᠤ ᠶᠢᠨ ᠤᠷᠳᠤ ᠰᠠᠭᠦᠷᠡᠰᠤᠯᠡᠯ ᠮᠢᠨᠢ ᠠᠯᠠᠭ ᠬᠤᠷᠸᠠ ᠶᠢ ᠮᠡᠭᠰᠢᠷᠡᠳᠡᠯᠡ ᠤᠶᠠᠷᠠᠭᠤᠯᠵᠤ᠂ ᠡᠷᠭᠡᠯᠡᠵᠦ | ᠲᠤᠨᠢᠶᠠᠷᠬᠠᠬᠰᠠᠨ ᠬᠡᠤᠬᠡᠨ ᠠᠭᠠᠯᠢ ᠪᠠᠨ ᠵᠦᠪᠬᠡᠨ ᠨᠠᠮᠤᠷ ᠵᠦᠭ ᠠᠰᠬᠠᠷᠠᠭᠤᠯᠣᠭᠰᠠᠨ ᠪᠢᠯᠠ ᠁ | ᠤᠬᠠᠭᠠ ᠰᠦᠯᠡᠭᠰᠡᠨ ᠠᠮᠢᠳᠤᠷᠠᠯ ᠤᠨ ᠨᠠᠮᠤᠷ ᠤᠴᠠᠷᠠᠯ ᠪᠦᠬᠦᠨ ᠦᠪᠡᠷ ᠤᠨ ᠲᠤᠷᠠᠰᠤᠮᠵᠢ ᠲᠠᠢ ᠠᠵᠢ᠃ | ᠨᠠᠮᠤᠷ ᠤᠨ ᠲᠡᠭᠷᠢ ᠦᠨᠳᠦᠷᠬᠡᠨ᠂ ᠨᠠᠮᠤᠷ ᠤᠨ ᠨᠠᠷᠠᠨ ᠬᠤᠷᠴᠠᠬᠠᠨ᠂ ᠨᠠᠮᠤᠷ ᠤᠨ ᠲᠡᠯᠡᠬᠡᠢ ᠠᠭᠤᠳᠠᠮᠬᠠᠨ᠂ | ᠠᠭᠤᠳᠠᠮᠬᠠᠨ ᠵᠠᠢ ᠪᠠᠷ ᠨᠢ ᠪᠤᠯᠪᠠᠰᠤᠷᠠᠭᠰᠨᠨ ᠨᠠᠮᠤᠷ ᠪᠠᠭᠠᠳᠤᠯᠳᠤ ᠬᠤᠷᠢᠶᠠᠯᠳᠠ ᠪᠠᠷ ᠢᠶᠠᠨ ᠪᠠᠶᠠᠨ ᠰᠠᠩ ᠢ ᠲᠦᠭᠦᠷᠬᠡᠨ | ᠂ ᠪᠤᠶᠠᠨᠳᠤ ᠬᠦᠮᠦᠷᠭᠡ ᠶᠢ ᠪᠢᠯᠬᠠᠭᠤᠯᠤᠨᠠ᠃ | ᠶᠠᠭ ᠡᠨᠡ ᠦᠶᠡ ᠪᠠᠷ ᠰᠤᠷᠤᠭᠰᠠᠨ ᠮᠡᠳᠡᠯᠭᠡ ᠶᠢᠨ ᠰᠤᠳᠤᠨ ᠪᠦᠬᠦᠨ ᠢ ᠱᠦᠭᠦᠵᠦ ᠪᠢᠳᠡᠭᠦᠮᠵᠢᠯᠡᠭᠰᠡᠨ | ᠲᠤᠭᠳᠦ᠋ᠢᠳᠤ ᠵᠡᠬᠢᠶᠡ ᠶᠢ ᠠᠯᠠᠭᠠᠨ ᠳᠠᠭᠠᠨ ᠲᠤᠰᠴᠣ᠂ ᠲᠤᠬᠤ ᠦᠭᠡᠢ ᠲᠡᠷᠪᠡᠵᠦ ᠲᠡᠪᠬᠡᠷᠦᠭᠰᠡᠨ ᠲᠡᠷᠡ ᠮᠦᠴᠡ ᠳᠤ | ᠵᠠᠯᠠᠭᠤ ᠨᠠᠰᠤ ᠮᠢᠨᠢ ᠦᠳᠦ ᠪᠠᠨ ᠰᠤᠯᠢᠬᠰᠠᠨ ᠪᠦᠷᠬᠦᠳ ᠮᠡᠳᠦ ᠬᠦᠰᠡᠯ ᠤᠨ ᠵᠢᠭᠦᠷ ᠢᠶᠠᠨ ᠬᠦᠴᠦᠳᠠᠢ ᠲᠡᠯᠭᠡᠵᠦ᠂ | ᠬᠦᠵᠦᠭᠦᠦ ᠤᠷᠳᠦ ᠵᠠᠮ ᠢ ᠵᠤᠷᠢᠭᠳᠠᠢ ᠲᠤᠭᠤᠯᠬᠤ ᠳᠤ ᠮᠦᠩᠭᠡ ᠲᠡᠭᠷᠢ ᠨᠠᠮᠠᠢᠢ ᠢᠪᠡᠭᠡᠨ ᠲᠡᠳᠬᠦᠵᠦ ᠪᠠᠶᠢᠭᠰᠠᠨ ᠁ | | ᠶᠠᠭ ᠡᠨᠡ ᠦᠶᠡ ᠪᠠᠷ ᠵᠢᠰᠦᠨ ᠰᠠᠷᠠ ᠶᠢᠨ ᠠᠷᠪᠠᠨ ᠤ ᠪᠠᠭᠰᠢ ᠶᠢᠨ ᠪᠠᠶᠠᠷ ᠲᠤᠬᠢᠶᠠᠯᠳᠤᠵᠤ᠂ ᠰᠦᠨᠢ ᠡᠳᠦᠷ ᠤᠨ | ᠴᠢᠯᠡᠭᠡ ᠮᠢᠨᠢ ᠰᠢᠯᠢᠳᠡᠭ ᠪᠠᠭᠰᠢ ᠪᠠᠷ ᠰᠤᠯᠢᠭᠳᠡᠵᠦ᠂ ᠱᠠᠩᠨᠠᠯ ᠬᠦᠬᠢᠬᠦᠯᠦᠯ ᠤᠨ ᠲᠠᠶᠢᠰᠠᠨ ᠳᠤ ᠤᠯᠠᠭᠠᠨ ᠴᠡᠴᠡᠭ | ᠦᠷᠦ ᠵᠢᠷᠦᠭᠡ ᠶᠢ ᠭᠡᠶᠢᠭᠦᠯᠵᠦ᠂ ᠤᠷᠭᠢᠯᠦᠮᠡ ᠵᠤᠷᠢᠭ ᠪᠦᠬᠦ ᠪᠠᠶᠠ ᠠᠴᠠ ᠤᠨᠳᠤᠷᠤᠨ᠂ ᠡᠭᠡᠯ ᠨᠢᠭᠡᠨ ᠪᠠᠭᠰᠢ | ᠨᠡᠷᠡ ᠶᠢ ᠬᠠᠳᠠᠭᠤᠵᠢᠯᠳᠠᠢ ᠬᠦᠳᠡᠯᠮᠦᠷᠢ ᠪᠠᠷ ᠢᠶᠠᠨ ᠡᠷᠭᠦᠨ ᠶᠠᠪᠤᠬᠤ ᠳᠤ ︽ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠤᠶᠤᠨ ᠤ | ᠢᠨᠵᠧᠨᠧᠷ︾ ᠭᠡᠬᠦ ᠢᠷᠠᠭᠤ ᠠᠯᠳᠠᠷ ᠠᠴᠠ ᠦᠩᠭᠡ ᠭᠡᠷᠡᠯ ᠰᠠᠴᠤᠷᠠᠵᠤ ᠪᠠᠶᠢᠭᠰᠠᠨ ᠁ | ᠶᠠᠭ ᠡᠨᠡ ᠦᠶᠡ ᠪᠠᠷ ᠬᠦᠮᠦᠨ ᠤ ᠡᠭᠦᠳᠡᠨ ᠳᠤ ᠪᠡᠷᠢ ᠶᠢᠨ ᠶᠤᠰᠤ ᠶᠢ ᠬᠢᠴᠢᠶᠡᠵᠦ ᠠᠩᠬᠠ ᠤᠳᠠᠭᠠ ᠠᠬᠠ | ᠪᠡᠷᠭᠡᠨ ᠲᠠᠢ ᠪᠠᠨ ᠭᠤᠷᠪᠠᠭᠤᠯᠠ ᠬᠠᠳᠠᠮᠴᠢᠯᠠᠵᠤ ᠬᠦᠷᠦᠭᠰᠡᠨ ᠲᠡᠤᠭᠡ ᠲᠠᠢ ᠰᠠᠨ᠃ ᠲᠤᠷᠭᠠᠨ ᠬᠠᠶᠢᠷᠠ ᠶᠢᠨ ᠲᠠᠩᠰᠤᠭ | ᠨᠠᠮᠤᠷ ᠬᠤᠩᠭᠤᠷᠬᠠᠨ ᠪᠠᠶᠢᠭᠰᠠᠨ᠃ ᠨᠡᠷᠡᠨ ᠤ ᠪᠤᠴᠠᠯᠤᠮᠠ ᠢᠯᠴᠢ ᠵᠤᠯ ᠵᠢᠷᠭᠠᠯ ᠢ ᠰᠡᠷᠡᠯ ᠮᠡᠳᠡᠷᠡᠯ ᠪᠦᠬᠦᠨ ᠢᠶᠠᠷ | ᠲᠦᠭᠡᠨᠡᠵᠤ᠂ ᠡᠷᠬᠢ ᠦᠭᠡᠢ ᠢᠨᠠᠭ ᠤᠨ ᠲᠠᠯᠠᠢ ᠳᠤ ᠡᠷᠬᠡ ᠲᠤᠷᠠ ᠪᠠᠷ ᠨᠤᠶᠠᠷᠬᠠᠭᠳᠠᠨ ᠱᠤᠩᠪᠠᠵᠤ ᠪᠠᠶᠢᠭᠰᠠᠨ ᠁ | | ᠶᠠᠭ ᠡᠨᠡ ᠦᠶᠡ ᠪᠠᠷ ᠡᠩᠭᠦᠷᠡᠢ ᠬᠦᠭᠡᠷᠦᠬᠦᠨ ᠬᠦᠦ ᠶᠢᠨ ᠢᠶᠠᠨ ᠬᠤᠶᠠᠷ ᠨᠠᠰᠤᠨ ᠳᠤᠨᠢ ᠪᠤᠯᠪᠠᠷᠠᠢ ᠲᠤᠶᠠᠭᠠᠨ | ᠬᠡᠤᠬᠡᠨ ᠢᠶᠠᠨ ᠬᠦᠩᠭᠡᠵᠢᠭᠡᠳ ᠬᠠᠷᠠ ᠴᠠᠭᠠᠨ ᠦᠷᠡ ᠲᠠᠢ ᠬᠠᠯᠠᠭᠤᠨ ᠪᠦᠯᠢᠶᠡᠨ ᠭᠡᠷ ᠪᠦᠯᠢ ᠲᠠᠢ᠂ ᠬᠠᠩᠬᠤᠯᠵᠤ | ᠬᠠᠩᠬᠢᠨᠠᠭᠰᠠᠨ ᠬᠠᠶᠢᠷᠠ ᠶᠢᠨ ᠪᠦᠪᠠᠢ ᠲᠠᠢ ᠡᠵᠢ ᠬᠦᠮᠦᠨ ᠤ ᠤᠭᠤᠷᠠᠭ ᠴᠠᠭᠠᠨ ᠰᠦ ᠪᠠᠨ ᠴᠡᠯᠬᠢᠯᠠᠭᠤᠯᠵᠤ᠂ ᠡᠷᠡ | ᠬᠤᠩᠭᠤᠷ ᠬᠠᠨᠢ ᠶᠢᠨ ᠬᠤᠶᠢᠮᠤᠷ ᠲᠤ ᠮᠦᠩᠬᠡ ᠭᠠᠯ ᠤᠨ ᠭᠤᠯᠤᠮᠳᠠ ᠵᠠᠯᠭᠠᠵᠤ᠂ ᠬᠦᠮᠦᠨ ᠤᠳᠤᠮ ᠤᠨ ᠴᠤᠭ | ᠠᠰᠠᠭᠠᠵᠤ ᠶᠠᠪᠤᠭᠰᠠᠨ ᠁ | ᠨᠠᠮᠤᠷᠵᠢᠶᠠ ᠠᠴᠠ ᠨᠠᠭᠠᠰᠢᠯᠠᠬᠤ ᠨᠡᠭᠦᠳᠡᠯ ᠤᠨ ᠴᠤᠪᠤᠭᠠ ᠤᠷᠳᠦ ᠶᠢᠨ ᠲᠠᠭᠤᠨ ᠤ ᠴᠤᠤᠷᠢᠶᠠ ᠲᠠᠢ ᠠᠶᠠᠷ ᠠᠶᠠᠷ | ᠰᠠᠵᠢᠯᠠᠨᠠ᠃ | ᠤᠷᠠᠨ ᠲᠦᠷᠬᠦ ᠠᠬᠤᠢ ᠵᠢᠷᠳᠢᠨᠴᠣ ᠶᠢᠨ ᠤᠯᠠᠷᠢᠯ ᠬᠤᠪᠢᠰᠤᠯ ᠪᠦᠬᠦᠨ ᠦᠪᠡᠷ ᠤᠨ ᠦᠩᠭᠡ ᠪᠠᠷ ᠢᠶᠠᠨ ᠭᠠᠩᠬᠤᠬᠤ | ᠪᠦᠭᠡᠳ ᠬᠦᠮᠦᠨ ᠪᠦᠬᠦᠨ ᠳᠤ ᠬᠦᠷᠳᠡᠭᠡᠬᠦ ᠤᠨᠤᠭ ᠠᠯᠳᠠᠭ ᠴᠣ ᠠᠳᠠᠯᠢ ᠦᠭᠡᠢ᠃ | ᠵᠢᠷᠭᠠᠯ ᠢ ᠵᠢᠷᠭᠠᠯᠳᠠᠢ ᠡᠳ᠋ᠯᠡᠵᠦ ᠵᠤᠪᠠᠯ ᠭᠠᠭᠴᠠᠭᠠᠷᠳᠠᠯ ᠢ ᠴᠣ ᠬᠦᠷ ᠬᠦᠭᠵᠢᠯ ᠢᠶᠠᠷ ᠨᠤᠮᠤᠬᠠᠳᠬᠠᠨ ᠨᠠᠮᠤᠷᠵᠢᠬᠤ | ᠬᠦᠮᠦᠨ ᠤᠬᠠᠭᠠᠨ ᠤ ᠰᠡᠳᠭᠢᠯ ᠤᠨ ᠲᠠᠮᠢᠷ ᠲᠡᠷᠡ ᠪᠢᠯᠠ᠂ ᠬᠦᠭᠡ ᠮᠦᠩᠬᠡ ᠲᠡᠭᠷᠢ ᠠᠴᠠ ᠰᠤᠶᠤᠷᠬᠠᠭᠰᠠᠨ ᠢᠪᠡᠭᠡᠯ | ᠴᠤ ᠲᠡᠷᠡ ᠶᠤᠮ ᠳ᠋ᠠ᠃ | ᠨᠠᠮᠤᠷ ᠭᠡᠭᠴᠢ ᠰᠢᠯᠦᠭᠴᠢ ᠬᠦᠮᠦᠨ ᠤ ᠰᠡᠳᠭᠢᠯ ᠤᠨ ᠠᠨᠢᠷ ᠢᠶᠠᠷ ᠱᠤᠤᠭᠢᠳᠠᠭ ᠤᠯᠠᠷᠢᠯ ᠰᠠᠨᠵᠢ᠃ ᠠᠮᠢᠳᠤᠷᠠᠯ | ᠬᠠᠶᠢᠷᠠ ᠶᠢᠨ ᠤᠶᠠᠩᠭᠠ ᠶᠢ ᠰᠠᠨᠠᠯ ᠮᠦᠷᠤᠭᠡᠳᠦᠯ ᠢᠶᠠᠷ ᠬᠡᠮᠨᠡᠵᠦ᠂ ᠨᠠᠮᠤᠷ ᠨᠠᠮᠤᠷ ᠤᠨ ᠲᠤᠷᠠᠰᠤᠮᠵᠢ ᠪᠠᠷ ᠢᠷᠠᠭᠤ | ᠨᠠᠶᠢᠷᠠᠭ ᠢᠳᠡᠭᠡᠰᠢᠭᠦᠯᠦᠨ ᠰᠡᠳᠭᠢᠯ ᠤᠨ ᠤᠶᠠᠩᠭᠠ ᠬᠠᠩᠬᠢᠨᠠᠭᠤᠯᠵᠤ᠂ ᠬᠦᠨ ᠨᠠᠮᠤᠷ ᠲᠤ ᠬᠦᠨᠳᠦ ᠪᠠᠷ ᠰᠤᠭᠳᠤᠬᠤ | ᠭᠡᠭᠴᠢ ᠪᠠᠰᠠ ᠨᠢᠭᠡᠨ ᠵᠢᠷᠭᠠᠯ ᠶᠤᠮᠰᠠᠨ᠃ | |