| ᠬᠦᠷᠡᠩ ᠠᠭᠤᠯᠠᠰ ᠤᠨ ᠣᠷᠣᠢ ᠪᠠᠷ | ᠬᠦᠷᠳᠦᠨ ᠣᠯᠠᠭᠠᠨ ᠨᠠᠷᠠᠨ | ᠬᠦᠨᠳᠡᠢ ᠡᠯᠡᠰᠦ ᠶᠢ ᠲᠣᠭᠤᠯᠣᠭᠠᠳ ᠢᠷᠡᠬᠦ | ᠬᠦᠷᠡᠩ ᠲᠡᠮᠡᠭᠡᠨ ᠤ ᠠᠯᠬᠤᠳᠠᠯ ᠰᠢᠭ | ᠬᠦᠮᠦᠨ ᠣᠷᠴᠢᠯᠠᠩ ᠤᠨ ᠲᠦᠮᠡᠨ ᠪᠣᠳᠠᠰ ᠢ | ᠭᠡᠷᠡᠯᠳᠦ ᠰᠠᠴᠣᠷᠠᠭ ᠲᠠᠭᠠᠨ ᠢᠪᠡᠭᠡᠵᠦ | ᠰᠢᠨᠡ ᠬᠠᠭᠤᠴᠢᠨ ᠤ ᠡᠭᠡᠯᠵᠢᠯᠡᠯ ᠢ ᠪᠡᠯᠭᠡᠲᠡᠵᠦ | ᠴᠢᠨᠡᠭᠡᠯᠢᠭ ᠠᠮᠢᠲᠣᠷᠠᠯ ᠤᠨ ᠬᠤᠷᠣᠢ ᠲᠠᠯᠠᠯᠵᠦ | ᠦᠭᠡᠷ ᠵᠢᠯ ᠤᠨ ᠬᠡᠰᠢᠭ ᠢ ᠮᠢᠯᠢᠶᠠᠵᠣ | ᠪᠠᠷᠰ ᠵᠢᠯ ᠤᠨ ᠣᠮᠤᠭ ᠢ ᠠᠪᠴᠢᠷᠠᠯᠠ | ᠡᠬᠦᠳᠡ ᠪᠠᠨ ᠭᠠᠷᠣᠮᠠᠭᠴᠠ ᠦᠯᠵᠠᠢ ᠬᠡᠶᠢᠮᠦᠷᠢ ᠲᠠᠢ | ᠦᠰᠪᠣᠷᠢ ᠬᠡᠦᠬᠡᠳ ᠤᠳ ᠨᠢ ᠰᠣᠷᠣᠯᠭᠠ ᠰᠠᠶᠢᠳᠠᠢ | ᠦᠷᠡᠵᠢᠯ ᠰᠦᠷᠦᠭ ᠨᠢ ᠵᠢᠰᠦ ᠢᠵᠢᠯ ᠲᠠᠢ | ᠦᠪᠯᠡᠬᠦ ᠠᠮᠢᠳᠣᠷᠠᠯ ᠨᠢ ᠡᠪᠦᠭᠡᠳ ᠤᠨ ᠰᠣᠷᠭᠠᠯ ᠲᠠᠢ | ᠴᠡᠴᠡᠭᠯᠡᠬᠦ ᠬᠠᠪᠣᠷ ᠨᠢ ᠴᠠᠰᠣᠨ ᠪᠦᠵᠢᠭᠯᠡᠬᠡᠨ ᠲᠠᠢ | ᠴᠠᠩᠭᠠᠮᠠ ᠵᠣᠨ ᠨᠢ ᠴᠢᠳᠬᠤᠯᠠᠮᠠ ᠬᠤᠷᠠ ᠲᠠᠢ | ᠴᠡᠩᠭᠡᠷ ᠲᠡᠭᠷᠢ ᠨᠢ ᠣᠯᠠᠷᠢᠯ ᠤᠨ ᠪᠣᠳᠣᠭᠯᠠᠭᠠᠨ ᠲᠠᠢ | ᠴᠡᠯᠡᠭᠡᠷ ᠬᠦᠳᠡᠭᠡ ᠨᠢ ᠠᠮᠢᠵᠢᠷᠠᠯ ᠤᠨ ᠪᠢᠯᠬᠠᠭᠠᠨ ᠲᠠᠢ | ᠲᠠᠩᠰᠤᠭ ᠨᠠᠮᠣᠷ ᠨᠢ ᠲᠠᠯᠠᠢ ᠬᠤᠷᠢᠶᠠᠯᠠᠯ ᠲᠠᠢ | ᠲᠠᠭᠵᠢᠬᠤ ᠡᠪᠦᠯ ᠨᠢ ᠦᠨᠢᠷ ᠵᠢᠷᠭᠠᠯ ᠲᠠᠢ | ᠲᠠᠪᠬᠢᠭᠠᠳ ᠭᠠᠷᠬᠤ ᠬᠦᠯᠦ᠋ᠭ ᠨᠢ ᠰᠢᠨᠳᠠᠰᠣ ᠲᠠᠢ | ᠲᠠᠭᠤᠯᠠᠭᠠᠳ ᠪᠠᠶᠠᠰᠣᠯᠳᠣᠬᠤ ᠲᠠᠭᠤᠣ ᠨᠢ ᠰᠢᠷᠣᠩᠬᠠᠢ ᠲᠠᠢ | ᠠᠭᠤᠯᠠ ᠣᠰᠣᠨ ᠤ ᠨᠠᠭᠠᠨᠠ ᠴᠠᠭᠠᠨᠠ ᠠᠴᠠ | ᠦᠯᠵᠠᠢ ᠬᠡᠶᠢᠮᠦᠷᠢ ᠲᠠᠢ ᠬᠠᠳᠠᠭ ᠢᠶᠠᠨ ᠲᠡᠯᠭᠡᠯᠴᠡᠵᠦ | ᠣᠷᠬᠢᠷᠠᠭᠠᠳ ᠢᠷᠡᠬᠦ ᠬᠠᠷᠠ ᠪᠠᠷᠰ ᠵᠢᠯ ᠳᠡᠭᠡᠨ | ᠦᠬᠡᠳᠡᠯᠡᠵᠦ ᠲᠡᠭᠵᠢᠷᠡᠬᠦ ᠶᠢᠨ ᠪᠡᠯᠭᠡᠳᠡᠯ ᠢᠶᠠᠨ ᠲᠠᠭᠠᠳᠬᠠᠵᠣ | ᠮᠠᠶᠢᠯᠠᠭᠠᠳ ᠢᠷᠡᠬᠦ ᠮᠢᠨᠳᠠᠰᠣᠨ ᠰᠦᠷᠦᠭ ᠨᠢ | ᠮᠢᠩᠭᠠ ᠮᠢᠩᠭᠠᠨ ᠤ ᠲᠠᠪᠠᠭᠠ ᠲᠣᠭᠤᠯᠵᠣ | ᠮᠦᠩᠭᠡ ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠲᠣᠣᠷᠠ | ᠮᠦᠷᠦᠭᠡᠳᠦᠯ ᠲᠠᠯᠠᠯᠣᠭᠰᠠᠨ ᠨᠣᠳᠤᠭ ᠪᠠᠶᠢᠭᠠᠯᠢ ᠲᠠᠢ | ᠮᠠᠨᠳᠣᠵᠣ ᠬᠦᠭᠵᠢᠬᠦ ᠡᠷᠢᠨ ᠤ ᠬᠠᠭᠤᠳᠠᠰᠣᠨ ᠳᠤ | ᠮᠠᠨ ᠤ ᠦᠶᠡ ᠶᠢ ᠵᠢᠳᠭᠦᠯ ᠢᠶᠠᠨ ᠦᠵᠡᠬᠦᠯᠦ᠋ᠶᠡ︕ |