| ᠴᠠᠩ ᠭᠦᠦᠷᠭᠡ ᠰᠠᠪᠰᠠᠭᠤᠯᠤᠭᠰᠠᠨ ᠤᠮᠠᠷᠠᠳᠤ ᠶᠢᠨ ᠠᠭᠤᠳᠠᠮ ᠦᠨᠳᠦᠷᠯᠢᠭ ᠳᠡᠭᠡᠷᠡ | ᠴᠠᠭᠠᠨ ᠬᠤᠷᠠᠭᠠᠨ ᠮᠠᠯᠠᠭᠠᠢ ᠪᠠᠨ ᠡᠮᠦᠰᠦᠭᠰᠡᠨ ᠰᠢᠨᠠ ᠵᠢᠯ ᠮᠢᠨᠢ ᠢᠷᠡᠯᠡ | ᠪᠤᠭᠤᠷᠤᠯ ᠡᠪᠦᠭᠡᠳ ᠬᠦᠬᠦᠦᠷ ᠰᠤᠯᠢᠯᠴᠠᠨ ᠵᠤᠯᠭᠠᠬᠤ ᠳᠤ | ᠪᠤᠯᠠᠭᠠᠨ ᠳᠡᠪᠡᠯ ᠲᠠᠢ ᠰᠢᠨᠠ ᠶᠢᠨ ᠵᠢᠪᠠᠷ ᠵᠦᠪ ᠵᠦᠭᠡᠯᠡᠭᠡᠨ ᠰᠡᠪᠢᠯᠵᠠᠨᠠ | ᠠᠷᠭᠠᠯ ᠤᠨ ᠤᠳᠤᠭᠠ ᠰᠢᠨᠠ ᠶᠢᠨ ᠲᠡᠭᠷᠢ ᠳᠤ ᠦᠯᠵᠠᠢ ᠵᠠᠩᠭᠢᠶᠠ ᠤᠷᠠᠯᠠᠬᠤ ᠳᠤ | ᠠᠶᠢᠯ ᠤᠨ ᠪᠡᠷᠢ ᠡᠷᠦᠭᠡ ᠪᠠᠨ ᠰᠡᠭᠦᠵᠤ ᠰᠢᠨᠠ ᠶᠢᠨ ᠴᠠᠢ ᠪᠠᠨ ᠡᠷᠭᠦᠨᠡ | ᠬᠠᠭᠤᠴᠢᠨ ᠵᠢᠯ ᠰᠠᠬᠠᠯ ᠢᠮᠡᠷᠦᠭᠰᠡᠭᠡᠷ ᠬᠦᠲᠦᠯ ᠤᠨ ᠴᠠᠭᠠᠨᠠ ᠵᠢᠷᠭᠠᠬᠤ ᠳᠤ | ᠬᠤᠭᠤᠷ ᠴᠤᠭᠤᠷ ᠤᠨ ᠪᠠᠶᠠᠨ ᠰᠤᠨᠤᠰᠬᠤᠯᠠᠩ ᠴᠡᠩᠭᠡᠷ ᠠᠭᠠᠷ ᠲᠠᠢ ᠰᠦᠯᠡᠯᠳᠤᠨᠠ | ᠬᠠᠳᠠᠭ ᠨᠠᠮᠢᠷᠠᠭᠤᠯᠤᠨ ᠢᠷᠦᠭᠡᠯ ᠡᠭᠡᠰᠢᠭᠯᠡᠬᠦᠯᠵᠤ ᠬᠡᠰᠢᠭ ᠪᠤᠶᠠᠨ ᠵᠦᠩᠨᠡᠬᠦ ᠳᠤ | ᠬᠠᠪᠤᠷ ᠤᠨ ᠰᠤᠷᠠᠭ ᠦᠶᠡ ᠦᠶᠡ ᠲᠦᠯ ᠤᠨ ᠳᠠᠭᠤ ᠲᠠᠢ ᠨᠠᠭᠠᠰᠢᠯᠠᠨᠠ | ᠬᠠᠯᠠᠰᠠᠭᠤ ᠨᠠᠶᠢᠭᠤᠬᠤ ᠠᠶᠢᠯ ᠤᠨ ᠠᠪᠠᠭᠠ ᠶᠢᠨ ᠬᠦᠷᠡᠩ ᠴᠢᠷᠠᠢ ᠰᠢᠭ ᠨᠠᠷᠠᠨ | ᠬᠠᠷᠠᠭᠠ ᠠᠯᠳᠠᠮᠠ ᠲᠠᠯᠠ ᠶᠢᠨ ᠵᠠᠬᠠ ᠠᠴᠠ ᠮᠢᠨᠴᠢᠭᠰᠡᠭᠡᠷ ᠮᠠᠨᠳᠤᠨᠠ | ᠴᠠᠰᠤᠨ ᠤ ᠳᠤᠤᠷᠠᠬᠢ ᠴᠡᠩᠭᠡᠷ ᠢᠷᠭᠤᠢ ᠬᠠᠪᠤᠷ ᠤᠨ ᠴᠢᠮᠡᠭᠡ ᠪᠠᠷ ᠰᠡᠷᠭᠦᠭᠦ ᠳᠤ | ᠴᠢᠨᠠᠳᠤ ᠬᠤᠳᠠ ᠠᠴᠠ ᠤᠷᠳᠤ ᠶᠢᠨ ᠳᠠᠭᠤᠤ ᠰᠤᠨᠤᠷ ᠪᠠᠶᠠᠰᠬᠠᠨ ᠨᠠᠮᠢᠷᠠᠨᠠ | ᠵᠢᠤ ᠶᠢᠨ ᠵᠢᠮᠦᠬᠦᠨ ᠳᠤ ᠰᠤᠷ ᠨᠢ ᠭᠢᠯᠠᠯᠵᠠᠭᠰᠠᠨ ᠠᠳᠤᠭᠤᠨ ᠰᠦᠷᠦᠭ ᠤᠨ ᠵᠠᠬᠠ ᠳᠤ | ᠢᠯᠴᠢ ᠲᠦᠦᠭᠡᠭᠰᠡᠨ ᠳᠡᠪᠡᠯ ᠤᠨ ᠳᠤᠲᠤᠷᠠ ᠢᠳᠡᠭᠡᠯ ᠬᠦᠰᠡᠯ ᠤᠪᠤᠯᠵᠠᠨᠠ | ᠠᠷᠠᠵᠠ ᠬᠤᠷᠠᠵᠠ ᠠᠮᠳᠠᠳᠤ ᠰᠢᠭᠦᠰᠦᠨ ᠳᠤ ᠦᠯᠴᠢᠷ ᠰᠠᠯᠬᠢ ᠱᠠᠩᠳᠠᠭᠤᠷᠠᠵᠤ | ᠠᠶᠠ ᠳᠠᠭᠤᠤ ᠬᠠᠩᠭᠢᠨᠠᠭᠤᠯᠴᠢᠬᠠᠭᠰᠠᠨ ᠤᠷᠢᠳᠤᠭᠤᠷ ᠬᠤᠶᠢᠭᠤᠷ ᠪᠦᠵᠢᠭᠯᠡᠨᠡ | ᠠᠶᠢᠯ ᠤᠨ ᠵᠠᠬᠠ ᠪᠠᠷ ᠲᠤᠰᠤᠨ ᠵᠠᠮ ᠰᠤᠮᠤᠨ ᠤ ᠲᠦᠪ ᠦᠭᠡᠳᠡ ᠰᠤᠨᠤᠯᠵᠠᠬᠤ ᠳᠤ | ᠠᠬᠠᠰᠢᠷᠠᠭᠠ ᠡᠮᠡᠭᠡ ᠲᠠᠶᠠᠭ ᠢᠶᠠᠨ ᠲᠤᠯᠤᠭᠰᠠᠭᠠᠷ ᠰᠤᠷᠭᠠᠭᠤᠯᠢ ᠶᠢᠨ ᠬᠡᠦᠬᠡᠳ ᠢᠶᠠᠨ ᠰᠠᠷᠠᠪᠴᠢᠯᠠᠨᠠ | ᠬᠤᠭᠤᠴᠠᠭᠠ ᠴᠠᠭ ᠤᠨ ᠨᠢᠷᠤᠭᠤᠨ ᠳᠡᠭᠡᠷᠡ ᠰᠢᠨᠠ ᠬᠠᠭᠤᠴᠢᠨ ᠡᠭᠡᠯᠵᠢᠯᠡᠨᠡ | ᠬᠤᠯᠪᠤᠭᠠ ᠴᠠᠭᠠᠨ ᠡᠳᠦᠷ ᠤᠳ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ ᠪᠠᠨ ᠦᠷᠬᠦᠯᠵᠢᠯᠠᠨᠠ | ᠳᠣᠮᠤᠭ ᠲᠤᠤᠯᠢ ᠶᠢᠨ ᠭᠠᠵᠠᠷ ᠤᠰᠤᠨ ᠤ ᠬᠡᠶᠢᠮᠦᠷᠢ ᠯᠤᠨᠳᠠᠭᠠ ᠰᠡᠷᠭᠦᠨᠠ | ᠳᠤᠷᠤᠨᠠᠳᠤ ᠶᠢᠨ ᠠᠭᠤᠳᠠᠮ ᠭᠡᠭᠡᠷᠡ ᠠᠴᠠ ᠰᠢᠨᠠ ᠦᠯᠢᠭᠡᠷ ᠡᠬᠢᠯᠡᠨᠡ ᠁ |